2 Reyes 5:14 - Qullan Arunaca

¹⁴ Naamán chachasti Jordán jawiraru sarasinjja pakallk cutiwa uma mankhar chhaktäna, cunjämtï profetajj siscäna uqhamaru, ucatsti janchipajja mä wawan janchipjamawa tucuwayjjäna, k'omachatäjjaraquïnwa.

Aymar Bibliia 1986

¹⁴ Naamán chachasti Jordán jawiraru sarasinjja pakallk cutiwa uma mankhar chhaktäna, cunjämtï profetajj siscäna uqhamaru, ucatsti janchipajja mä wawan janchipjamawa tucuwayjjäna, k'omachatäjjaraquïnwa.

Qullan Arunaka DC

¹⁴ Naamán chachasti Jordán jawirar sarasin paqallq kutiw umar mantäna, profetax siskatayna ukhamarjama, ukatsti janchipax mä wawan janchipjamaw tukuwayxäna, q'umachatäxarakïnwa.

2 Reyes 5:14 Jak'a apnaqawi uñst'ayäwi

1 Reyes 17:16

Janiw tinajänccäna uca jac'ojja tucuscänti, ni chatuncqui uca aceitesa, cuntï Tatitojj siscäna Elías toke uqhamapunïnwa.

2 Reyes 4:35

Ucatjja Eliseojj sarakjjasinjja, maysat mayswa uca utan sarnakäna, ucjjarusti wastataw iquiñ pataru maqhatasina wawan janchipa khomthapïna. Ucatsti acatjamatwa wawajj jach'irasïna pakallk cuti, ucatjja nayranacapajja uñatatjjänwa.

2 Reyes 5:10

Ucampis Eliseojj mä yatiyirwa qhitäna, aqham sañapataqui “Saram Jordán jawiraru, pakallk cuti jarisim, ucatsti janchimajj k'omachatäjjaniwa” sasa.

2 Crónicas 20:20

Khepärmanthisti wali alwatwa sartasipjjäna Tecoa wasara tokeru sarañataqui. Mistuña horasansti Josafat reyejj sayt'asisinwa säna: “Ist'apjjeta Jerusalenanquiri, uqhamarac Judá orakenquir jakenaca: Tatit Diosamaru iyawsapjjam, ucatsti janiw ajjsarapcätati; jaysapjjam profetanacaparu, ucatsti take cunasa jumanacataquejj waliquïscaniwa” sasa.

Job 31:13

“Cunapachatejj uywatanacajjajj cunsa mayipjjetän ucapachajja, jupanacarojj ist'apunïyätwa.

Job 33:25

Ucapachaw cuerpopajja wasitata c'umara uñjasjjani, ucasti wayna tiempo sarnakäwiparuw cuttjjaraquini.

Éxodo 4:7

Ucat Diosajj saraquïnwa: —Wasitampi amparama pechomar lokantam —sasa. Moisesasti iyaw sasaw wasitampi amparap pechopar lokantasïna, ucatsti aysusinjja mayni janchinacapjama c'umaracwa uñjjatasjjäna.

Proverbios 9:9

Yaticham yatiñan jakeru, ucatsti juc'ampi yatiñanïniwa; yaticham asqui jakeru, ucatsti juc'ampiwa yatiñapajj jiljjatani.

Levítico 13:58

Uca isisti uqhamarac uca lip'ichit lurata yänacasa uca manchajj chhaktjjani t'ajjsokatäjjatapatjja, ucasti wasitatwa t'ajjsokasjjaraquini ucatsti k'omachatäjjaraquiniwa.”

Zacarías 13:1

“Qhä urunjja mä uma jalsuw jist'artanejja, ucana Davidat jutir familianacas, Jerusalenan jaquirinacasa juchanacapa, k'añu cancañanacapa jarekasipjjañapataqui.

Zacarías 14:8

Ucasti Jerusalenatjja misturaquiniwa suma k'oma uma, ucasti jalascaquiniwa juyphipachasa junt'upachasa, chicata umasti jalaraquiniwa Mar Muerto kotacama, mä chicatasti jalaraquiniwa Mediterráneo jach'a kotaru.

Lucas 4:27

Israel marcanjja uqhamaraquiw Eliseon urunacapanjja walja lepra usuni jakenacaw utjaraquïna. Ucampis janiraquiw jupanacatjja maynis lepra usunacapatjja kollatäpcänti, jan ucasti Serianquiri Naamán sat chachaquiw kollatänjja.

Lucas 5:13

Ucatwa Jesusajj juparojj amparapampi llamct'äna, aqham sasa: —Muntwa, c'umaräjjam —sasa. Uc arsquipanwa uca lepra usupajj chhaktawayjjäna.

Juan 2:5

Ucampis Mariajj sirvirinacarojja sänwa: —Cuntejj sapcätam jupajj uc lurapjjam —sasa.

Tito 2:14

Jupawa jiwas laycu jiwawayi jan walinacat jiwasar khespiyañataqui, k'omachañataqui, uqhamata jupancañataqui jan karjasisa asqui lurañasataqui.

Josué 6:4

Pakallko sacerdotenacaw Diosan arcap nayräjjap sarapjjani sapa mayni mä pututu apt'ata, pakallko uröjjani ucqhajj, pakallko cutiw marcaru muytapjjäta, ucatsti sacerdotenacajj pututu phust'apjjani.