Kasta
48 Biblian jiskʼa tʼaqanakapajja, Demoniompi apnaqatänwa
Supayanakas, janiw jaqenakarus kusisiñapataki yanapt'apkiti, jan ukasti jan wali lurañanakarus irpañamunipanti. Aka ajayunakas sapachapkiti lurañatakis janiw atipkiti, ukatwa jaqen cuerpopampi japxatasiñ munapxi. Ukampirus, janiw munapkäna ukhamakipkiti, jan ukasti iyawsapxipanwa. Jaqen jakäwipanjja, uñjatasin, ist'atasin, jan ukajj l'apxatasinwa mantapxi.
Supayas janiw jaqen kusisiñapatak munkiti, ukatwa ajayunakapas payan apnaqapkäna ukanakarus q'añu jakañapataki irpañamunipxi. Diosan aruparanjja, ajayu japxatata jaqenakat qillqt'atawa, ukatwa ukanakajj cuerpon jan walt'äwinakansa uñjasipjjäna. Judasajj wali sum yatipjjaspawa, kunjamsa engañat ukat jan walinakampi apnaqatäpjjaspa ukarojj. Diosaw Saúl reyirux, jupar contraw sayt'asipjjäna uka qhipatxa, mä ajayu maligompi t'aqisiyäna, ukatwa llakisiñampi ukat Davidar jiwayañ munasampi uñjasïna (1 Samuel 18:10-11).
Kusisiñaniwayapjjaspawa, Jesucristojj janiw kunapachansa apanukupkiti, kunjamsa jakasksta jan ukajj yaqhanakampi apanukutakstan ukhamaraki. Chiqpach librëjjatäñatakixa, Jesusar jak'achasiñasawa, jupax jakäwisan utjkäna ukhakiwa chiqpach librëjjapjjarakstaspa. Ukhamajj, chuymamaru jallupt'apjjam, Jesusaruw ruwt'apjjam chuymamaru apnaqañapataki, ukhamat Supayax janiw ch'omankkiti.
Ucampis nayajj uca ñankha ajayunacarojj alisstwa Diosan Ajayupan ch'amapampi, ucasti sañ muni Diosan reinopaw jumanacar purinjje. “Amuyapjjamaya, ¿jasaquit mä jakejj mantaspa mä ch'aman jaken utaparojja? ¿Jan ucajj waquisicha nayrakata utaniru wali chinuntaña, ucat take cunatejj jupan utjqui uc apasjjañataquejja? Jupasti ucjjarojj sänwa: —¿Janit jumanacajj yatipcta mä cutejj Davidajj mank'at awtjayasisin amigonacapamp lurcatayna ucjja? “Qhititejj jan nayampïqui ucajj naya contrawa. Jan nayampi apthapiristi willirpayaraquiwa.
Uca warmejj Sirofenicia sat yakha marcanquirïnwa. Jupasti phuchapat ñankha ajayu alissuñapataquiw Jesusar achict'asïna.
Inti jalantat sujsthapirusti, Jesusan ucaruw irpanipjjäna take usutanacaru, ñankha ajayun mantat jakenacampiru.
Janiw jakenac toketi nuwasctan, jan ucasti alajjpachanacanquiri ñankha ajayunac tokewa, qhitinacatejj aca ch'amac oraken munañampi apnakapqui ucanac contraw nuwastanjja.
Jumajj iyawstawa mä sapa Diosan utjatapjja, ucsti walic lurasctajja, uqhamjja supayanacas iyawsasipcaraquiwa, ajjsarañatsa qhathatipjjaraquiwa.
Kollan Ajayojj khanacwa sasquejja, khepa urunacajj yakhepanacajj iyawsäwitjja cutekjjapjjaniwa, sallkjeri ajayunacar arcasina, uqhamarac ñankhanacat jutir yatichäwinacaru arcasina.
Ñankha ajayunacasti Jesusar uñjasinjja, nayrakatapar quillt'asisinwa jach'at wararipjjäna: —¡Jumajj Diosan Yokapätawa! —sasa.
Ucapachaw Jesusajj uca ñankha ajayurojj tokenokäna, ucatsti uca waynatjja alissuraquïna. Waynasti ucspachaw c'umaräjjäna.
Walja ñankha ajayun mantat jakenacaraquiw c'umaraptayatäpjjäna. Uca ñankha ajayunacasti wararisisaw jupanacatjja mistjjapjjaraquïna. Walja suchu jakenacampi, cojonacampiraquiw c'umaraptayatäpjjäna.
Kota qhurcatar maqhatasinsti, Gadara sat chekaruw mistupjjäna. Jesusarusti wal achict'asïna ucsa tokenacat jan alisnucuyasiñataqui. Uca chekanjja walja qhuchinacaw kollu jac'an mank'asipcäna. Ñankha ajayunacasti Jesusarojj achict'asipjjänwa: —Qhuchinacaruquisay qhitjjapjjeta, ucanacar mantjjañanacajjataqui —sasa. Jesusajj achict'asitaparojj: —Waliquiw, sänwa. Ñankha ajayunacasti jaket mistusinjja, qhuchinacaruw mantjjapjjäna. Qhuchinacajj niya pä warankjamänwa. Uca qhuchinacasti mä jach'a karkata aynachar chhuct'asinwa kotar jalantasin jiwarapjjäna, umamp ajjscatasa. Qhuchi awatirinacasti wali sustjataw jalasina yatiyapjjäna marcanquirinacaru uqhamaraqui pampanquirinacarusa. Jakenacasti cunatï pascatayna uc uñjiriw jutapjjäna. Jesusan ucaru purinisinsti, ñankha ajayunacan mantatäcäns uca jakerojj suma isthapt'ata suma amuyunirac jicjjatapjjäna, uñcatasasti sustjasipjjänwa. Uñjirinacasti cunatï ñankha ajayun mantat jakempejj lurascäna uca yatiyapjjäna, uqhamarac qhuchinacapampita. Uc yatisinsti, jakenacajj Jesusaruw achict'apjjäna uca orakenacapata sarjjañapataqui. Jesusajj boter mantjjepansti, ñankha ajayun mantat jakëcän ucasti jupamp chic sarjjañataquiw achict'asïna. Ucampis Jesusajj janiw muncänti, jan ucasti sänwa: —Utamar sarjjam, familianacamar yatiyam cuna muspharcañanactï Tatitojj jumatac lurqui ucanaca, uqhamarac cunjämtejj qhuyapayastam ucanacaraqui —sasa. Jesusar botet mistusquir uñjasajja, ñankha ajayun mantat mä jakew panteonat mistunisin Jesusan ucaru jutäna. Uca jakesti iyawsasaw sarjjäna, Decápolis ucsanacan yatiyasa cunja muspharcañanactejj Jesusajj jupamp lurcäna ucanaca. Uc ist'asinsti jakenacajj wal muspharapjjäna.
Pakallk tuncanejj wali cusisitaw cuttanjjapjjäna: —¡Tata, ñankha ajayunacamppachaw sutimanjj jaysapjjetu! —sasa.
Canaananquir mä warmiraquiw ucapachajj Jesusan ucarojj wal arnakt'asis jutäna: —Tata, Davidan wawapa, qhuyapt'ayasiquitay nayarojja. Phuchajjaw supayampi sinti t'akhesiyat uñjasi —sasa.
Jakenac taypitsti maynïriw arsüna: —Yatichiri, wawajj juman ucar irpasinta. Ñankha ajayuw mantasin amutur tucuyi. Cawqhansa uca ajayojj juparojj thalayaquiwa, lacapatjja jopokow juti, laca ch'aqhapsti t'urusiraquiwa, jupasti wali tucusitäjjewa. Discipulonacamaruw c'umaraptayañapatac achict'asta, jupanacasti ñankha ajayuru alissuñataquejj janiw ch'amanïpquiti —sasa.
Walja jakenacaraquiw jac'anquir marcanacatjja Jerusalenaru jutapjjäna. Usutanacaparu, uqhamarac ñankha ajayumpi lokheptayatanacarus apanipjjaraquïnwa. Take ucanacasti c'umaraptayatäjjänwa.
Cunapachatejj Jesusajj kota qhurcatancjjän ucqhajja, Gadara sat chekancänwa; ucansti pä chachanacaraquiw amay imäwi mankhat mistunisin Jesusarojj jac'achasipjjäna. Ñankha ajayunïtap laycusti wali ajjsaratäpjjänwa, janiraquiw jakenacajj uca chekjja sarapjjerïcänti. Ucanacasti wali jach'at art'apjjäna: —Jesús, Diosan Yokapa, ¿cunatsa jumajj nanacan ucaru jutta? ¿Nanacaru t'akhesiyirit juttajja janïra horasas purinquipana? —sasa. Jesusasti juparojj amparapampiwa lokjjatäna, ucatsti saraquïnwa: —Muntwa, k'omäjjtawa —sasa. Uca aru arscän ucspachaw lepra usupatjja c'umaräjjäna. Uca jac'ansti mä tama qhuchiw annokat mank'ascäna. Ñankha ajayunacasti Jesusarojj achict'asipjjänwa: —Niyaquitejj nanacaru jaksuñ munapjjchistajja, uca qhuchinacaru mantapjjam sapjjeta —sasa. Jesusasti ucjjarojj sänwa: —Sarapjjam —sasa. Uca ñankha ajayunacasti mistuwayjjapjjänwa, ucatsti qhuchinacaruraquiw mantjjapjjäna. Ucspacharaquiw uca qhuchinacajj mä jach'a karka patata umarcam chhuqhuranttapjjäna, uqhamatwa umar jiwarapjjäna. Uca qhuchi awatirinacasti wali sustjataw marcar jalapjjäna. Marcar purisinsti take acanacwa yatiyapjjaraquina, uca ñankha ajayun mantat jakenacatsa uqhamaraqui. Ucapachaw take jakenacajj Jesusan ucaru mistunipjjäna. Jicjjatasinsti sarjjañapataquiw achict'apjjäna —sasa.
Jesusajj boter mantjjepansti, ñankha ajayun mantat jakëcän ucasti jupamp chic sarjjañataquiw achict'asïna.
Jupanacasti Gadararuw purjjapjjäna. Ucasti kota mayscatancänwa, Galilea uñcatasina. Jesusajj wañar mistquipanwa marcanquir mä jakejj jupar jac'achasïna. Aca jakesti walja maranacaraquiw ñankha ajayunacan mantata sarnakäna. Janiw isimp uchasirïcänti, ni utansa jaquirïcänti, jan ucasti panteonanwa jacasirïna. Jesusar uñjasinsti jupajj nayrakataparuw quillt'asi, arnakt'asisa: —¡Jesús, alajjpachanquir Diosan Yokapa!, ¿cuna lurañamas nayamp utji? Achict'assmaw janiy t'akhesiyistati —sasa. Acsti sänwa Jesusajj uca ñankha ajayuru jupat mistjjañapatac arsutap laycu. Walja cutiraquiw uca ñankha ajayojj catuntatayna. Jakenacasti cadenanacampiw amparanacapa, uqhamarac cayunacapsa wal ñach'antapjjäna, ucampis jupajj ucjja t'akjaquïnwa. Uca ñankha ajayusti juparojj wasar chekanacaruw jaltayirïna. Uqhamaraqui Cuzan warmip Juana, Cuzasti Herodesan mä apnakeripänwa; Susana, uqhamarac yakha warminacamp cuna, qhitinacatï yänacapampi sirvipcäna ucanaca. Jesusajj juparojj jisct'änwa: —¿Cuna sutinïtasa? —sasa. Jupasti saraquiwa: —Legión satätwa —sasa. Ucsti sänwa walja ñankha ajayunaca jupar mantapjjatap laycu. Uca ñankha ajayunacasti Jesusarojj mayipjjänwa jan mankhapachar qhitañapataqui. Uca kollunsti walja qhuchinacaraquiw mank'asipcäna. Uca ñankha ajayunacasti: “Uca qhuchinacar mantasipcä” sasaw achict'asipjjäna. Jesusasti: “Mantapjjamay uqhamajj” sänwa. Ucapachaw ñankha ajayunacajj jaketjja mistjjapjjäna, ucat qhuchinacaruw mantapjjäna, ucat uca qhuchinacajj mä karka patat chhuct'asin kotar jalantapjjäna, ucanwa jiwarapjje umamp ajjscatasa. Qhuchi awatirinacasti uqham uñjasajja sustjataw jalapjjäna marcanquirinacaru, uqhamaraqui pampanquirinacaru yatiyiri. Jakenacasti mistunipjjänwa cunatï pascatayna uc uñjiri. Jesusan jac'aparu purisinsti, qhitittï ñankha ajayunacajj mistcän uca jakeruw Jesusan cayuparu kont'atäsquiri, isthapita uqhamarac amuyuniraqui jicjjatapjje, ucatsti jupanacajj ajjsarapjjänwa. Uñjirinacasti yatiyapjjaraquïnwa cunjämtï uca ñankha ajayun mantat jakerojj waliptaycatayna uca. Uc yatisinsti Gadara ucsan utjiri take jakew Jesusarojj achict'apjjäna: “Acat sarjjaquim” sasa, jupanacan wal ajjsarapjjatap laycu. Ucatwa Jesusajj boteru mantasin sarawayjjäna. Ñankha ajayun mistut jakesti Jesusarojj jupamp chic sarañataquiw achict'asi. Jesusasti saraquïnwa: —Utamar cuttjjam, ucatsti cuntejj Diosajj jumampejj lurqui uca yatiyaraquim —sasa. Ucat uca jakejj sarjje, ucatsti jupajj take marcpacharuraquiw cuntejj Jesusajj jupampejj lurcatayna ucjj yatiyäna.
Jesusar botet mistusquir uñjasajja, ñankha ajayun mantat mä jakew panteonat mistunisin Jesusan ucaru jutäna.
Inti jalantat sujsthapirusti, Jesusan ucaruw irpanipjjäna take usutanacaru, ñankha ajayun mantat jakenacampiru. Take jakenacasti uta puncuruw phokcattapjjäna. Jesusasti walja cunayman usutanacaruw c'umaraptayäna, jakenacatsti cunayman ñankha ajayunac alissuraquïna. Janiraquiw uca ñankha ajayunacarojj cunsa arsuycänti, jupanacajj qhitïcäntï Jesusajj uc uñt'apjjatap laycu.
“Cunapachatï mä ñankha ajayojj jaket mistu ucapachajja, waña chekanacan samarañ thakasaw sarnake; ucat jan jicjjatjjasasti siwa: ‘Cawqhattï mistuncta uca utajjaruqui cutt'jjä’ sasa.
Sinagogansti mä ñankha ajayun mantat jakew ucancascaraquïna; ñankha ajayusti jach'atwa art'i: —¡Jaytapjjeta! Nazaretanquir Jesús, ¿cuna lurañamas nanacamp utji? ¿Tucjirit jutapjjesta? Nayajj uñt'smawa, yatiractwa jumajj Diosan Yokapätama —sasa. Jesusasti ñankha ajayurojj aqham sasaw tokenokäna: —¡Amuct'am, aca jaketsti mistum! —sasa. Ucapachaw ñankha ajayojj uca jake jupanac nayrakataru jaktasin mistuwayjje, jan cun usuchasa. Takeniraquiw sustjasipjjäna, ucatsti jupanaccamaw parlarasipjjaraquïna: —Acajj ¿cuna arunacasa? ¡Aca jakejj munañapampi ch'amapampejj ñankha ajayunacarojj ‘Mistum’ sañapampejj alissuquiraquisä! —sasa.
Cunapachatejj Jesusajj kota qhurcatancjjän ucqhajja, Gadara sat chekancänwa; ucansti pä chachanacaraquiw amay imäwi mankhat mistunisin Jesusarojj jac'achasipjjäna. Ñankha ajayunïtap laycusti wali ajjsaratäpjjänwa, janiraquiw jakenacajj uca chekjja sarapjjerïcänti.
Sinagoga tantachasïwinsti mä ñankha ajayun mantat jakew ucancascäna. Jupasti Jesusar uñjasinjja jach'at art'äna: —¡Nazaretanquir Jesús! ¿Cuna lurañamas nanacamp utji? ¿Nanacar t'unjirit jutta? Nayajj uñt'smawa, yatiractwa jumajj Diosan Yokapätama —sasa. Jesusasti uca ñankha ajayurojj tokenokänwa: —Amuct'am, misturaquim uca jaketjja —sasa. Ñankha ajayusti uca jaketjja t'ucu usjam jupar thalayasinwa jach'at wararisina mistuwayjjäna.
Tunca quimsakallkoni mara usurnucstata warmiw ucancascaraquïna. Mä ñankha ajayuw juparojj c'umthaptayatayna, jupasti janiw cunjämatsa chekaptañataqui ch'amanïcänti.
Jesusasti walja jakenac muyuntanir uñjasinjja, ajayurojj tokenokänwa: —Ñankha okar amut ajayu, nayaw sisma: Mistum jupata, janirac mayampis mantamti —sasa.
Mä jaker amuct'aycatayn uca ñankha ajaywa Jesusajj alissuscäna. Cunapachatï ñankha ajayojj mistjjän ucqhajj uca amutojj parljjänwa. Jakenacasti ucatjja wal muspharasipjjäna. Ucampis yakhepanacajj sapjjänwa: —Aca jakejj Beelzebú sat jilïri supayan ch'amapampiw ñankha ajayunacjja alissu —sasa.
Khepüru kollut sarakanjjapjjän ucqhasti, walja jakew Jesusar jicjjatiri jutapjjäna. Ucat jakenac taypit mä chachajj jach'at jupar art'i: —Yatichiri, janiy uqhamämti, wawajjaruy uñjjatt'arapita, jupa sapaquiw wawajjajja. Juparusti mä ñankha ajayuw catunti ucaw acatjamat warariyi, uqhamaraquiw wal thalayi, lacapatsti jopokow juti. T'akhesiyiwa ucatjja janiraquiw antutañ munquiti. Cawqui utarus puripjjätajja, ucan kheparapjjam uca chekat sarjjañcama. Discipulonacamarojj achict'asiractwa uca ñankha ajay alissupjjañapataqui, ucampis jupanacajj janiw ch'amanïpquiti —sasa. Jesusajj saraquïnwa: —¡Ay, jan iyawsañan jan wali jakenaca! ¿Cunapachcamas jumanacampiquïscäjja, take acanac apjjäsisajja? Acar uca wawam irptanim —sasa. Uca waynarusti niya Jesusar jac'achasinquipanwa, ñankha ajayojj pampar liwinucu. Ucat Jesusajj uca ñankha ajayurojja tokenoke. Uca waynarusti waliptayjjewa ucat awquipar catuyjjaraqui. Takeniraquiw Diosan jach'a cancañapatjja muspharasipjjäna. Takeni Jesusan luratanacapat muspharatäsipquipansti, jupajj discipulonacaparojj sänwa:
Ucapachasti, Jesusajj ucarojj mä amut juyqhu jakeruw irpanipjjäna, ucasti ñankha ajayunïnwa. Jesusasti juparojj c'umaraptayänwa, ucatwa uca jakejj uñj-jjaraquïna, parljjaraquïna.
Mä urusti oración lurañäquis ucqharuw sarasipcäyäta. Sarcasinsti, mä ñankha ajayuni tawakoruw jicjjatapjjta. Jupasti uca ñankha ajayumpejj cunatejj khepürun pasañapäcän ucanac khanañchirïnwa. Uywirinacapataquisti walja kollkenac jicjjatirïnwa uca yatiyäwinac toke. Uca tawakosti Pablompir nanacampiruw arcnakapjjetu jach'ata arnakasisa: —¡Aca jakenacajj alajjpachanquir Diosaruw sirvipjje. Jumanacarusti khespiyasïwi thacwa yatiyapjjtam! —sasa. Ucatsti walja urunacaw uqham arnakasisa arcnakapjjetäna. Ucampis Pablotaquejj ucajj janiw walïcänti. Ucatwa Pablojj cutiquipstasina, tawakoncquis uca ñankha ajayurojj säna: —Jesucriston sutiparuw sisma: ‘Uca tawakot mistum’ —sasa. Ñankha ajayusti ucspachaw tawakotjja mistuwayjje.
Ucapachaw Jesusajj tunca payani discipulonacaparojj jawsäna, ucatsti ch'am churaraquïna take casta ñankha ajayunacaru alissupjjañapataqui, uqhamarac take casta usutanacaru c'umaraptayapjjañapataqui.
Jakenac taypitsti maynïriw arsüna: —Yatichiri, wawajj juman ucar irpasinta. Ñankha ajayuw mantasin amutur tucuyi. Cawqhansa uca ajayojj juparojj thalayaquiwa, lacapatjja jopokow juti, laca ch'aqhapsti t'urusiraquiwa, jupasti wali tucusitäjjewa. Discipulonacamaruw c'umaraptayañapatac achict'asta, jupanacasti ñankha ajayuru alissuñataquejj janiw ch'amanïpquiti —sasa. Jesusasti jupanacarojj sänwa: —¡Ay, jan iyawsañan jakenaca! ¿Cunapachcamas jumanacampiquïscäjja? ¿Cunapachcamarac jumanacasti ch'am tucuyapjjetäta? Irptanipjjam uca waynaru —sasa. Ucat sojjtüru sarakatarusti, Jesusajj Pedrompiru, Jacobompiru, Juanampiruquiw irpäna mä jach'a kollu pataru. Ucansti Jesusan uñnakapajj muspharcañaw tucuwayäna jupanacan nayrakatapana. Jupanacasti irptanipjjänwa. Ñankha ajayusti Jesusar uñjasinjja, uca waynarojj thalayänwa. Jupasti orakeru liwnoktasinwa sunt'isïna, lacapatsti jopokow jutaraquïna. Jesusasti waynan awquiparuw jisct'äna: —¿Cunapachatarac uqhamäjjesti? —sasa Awquipasti sänwa: —Wawatpachaw uqhama. Walja cutiraquiw ajayojj ninarus umarus jupar jiwayañatac jakonti. ¿Jumach waliptayarapitasma? Uqhamäspa ucqhajja, nanacata qhuyapt'ayasipjjeta, yanapt'apjjaraquitaya —sasa. Jesusasti sänwa: —Jumatejj iyawsasmajja, lurasispawa. Iyawsir jaketaquejj take cunas waquisiquiwa —sasa. Uca waynan awquipasti ucspachaw jach'at arsüna: —¡Iyawstwa, yanapt'itay juc'amp iyawsañajjataqui! —sasa. Jesusasti walja jakenac muyuntanir uñjasinjja, ajayurojj tokenokänwa: —Ñankha okar amut ajayu, nayaw sisma: Mistum jupata, janirac mayampis mantamti —sasa. Ucatsti ajayojj warart'asisaw ch'amamp thalayasinarac mistuwayjjäna. Uca waynarusti jiwatjamwa jakonucuwayi. Waljaniraquiw: “Jiwatawa” sapjjäna. Ucampis Jesusajj amparat waytasinwa sayt'ayäna, waynasti sayt'asïnwa.
Mä warmisti Jesusan ucancatap ist'asinjja, jupan ucaruw jutäna, phuchapajj ñankha ajayun mantatätap laycu. Purinisinsti Jesusan nayrakataparuw quillt'asi. Uca warmejj Sirofenicia sat yakha marcanquirïnwa. Jupasti phuchapat ñankha ajayu alissuñapataquiw Jesusar achict'asïna. Jesusasti juparojj sänwa: —Nayrakata wawanacay mank't'asipjjpan. Janiw waquisquiti wawanacat t'ant'a apakasin jisc'a anunacar churañajja —sasa. Warmisti Jesusarojj saraquïnwa: —Uqhamaw Tata, ucampis jisc'a anunacamppachaw mesa mankhat suyasinjja, mank'apjje, wawanacas jalaktayquis uca mank'a t'unanacjja —sasa. Jesusasti ucjjarojj sänwa: —Walic sasctajja. Sarjjam; ñankha ajayojj phuchamat mistuwayjjewa —sasa. (Fariseonacampi takpach judionacampejj awquinacapan sarnakäwinacaparuw phokhapjje, janïr mank'casina walja cuti amparanacap jarekasisa. Warmisti utapar purisinjja, phuchaparojj iquiñancasquir jicjjati. Ñankha ajayusti jupatjja mistuwayjjataynawa.
Jupanaca ucqhat mistunisipquipanjja mä kawkha jakenacaw Jesusan ucar mä amuturu irpanipjjäna, ucasti ñankha ajayun mantataraquïnwa. Ñankha ajayurojj Jesusajj ankaruw alissüna, uca jakesti ucspacharaquiw parlañ kalltäna. Jakenacasti wal muspharapjjäna, sapjjaraquïnwa: —Janipuniw cunapachas uqham uñjirïctanti aca Israel marcanjja —sasa.
Niya arumäjjän ucqhajja walja usutanacaruw jupan ucarojj apanipjjäna, ucanacasti ñankha ajayumpi mantatanacänwa. Jesusasti mä sapa arsutapampiquiw uca ñankha ajayunacarojj ankaru alissüna, uqhamaraqui yakha usutanacasa waliptayataraquïnwa.
Walja jakenacajj utjcänsa ucar puripcäna ucqhasti, mä jakew Jesusan nayrakatapar quillt'asïna ucat saraquïna: —Tata, qhuyapt'ayasimay yokajjaru. Sapa cutiw t'uqhu churayasi, horasajj ninaruw liwirantti, horasasti umaruraqui; walpun t'akhesisqui. Nayasti apantwa discipulonacaman nayrakataparu, ucampis jupanacajj janiw kollañatac ch'amanïpquiti —sasa. Jesusasti saraquïnwa: —¡Pächasir jakenaca, jan wali amtaninacaraqui! ¿Cunapachcamarac jumanacampïscäjja? ¿Cunapachcamarac jumanacasti ch'am tucuyapjjetäta? Acawjaru uca waynaru irpanipjjam —sasa. Ucapachaw Jesusajj uca ñankha ajayurojj tokenokäna, ucatsti uca waynatjja alissuraquïna. Waynasti ucspachaw c'umaräjjäna.
Mä urusti oración lurañäquis ucqharuw sarasipcäyäta. Sarcasinsti, mä ñankha ajayuni tawakoruw jicjjatapjjta. Jupasti uca ñankha ajayumpejj cunatejj khepürun pasañapäcän ucanac khanañchirïnwa. Uywirinacapataquisti walja kollkenac jicjjatirïnwa uca yatiyäwinac toke.
Uqhamaraquiw yakhep warminacajj, qhitinacarutejj jupajj c'umaraptaycatayna ñankha ajayunacata, usunacata, ucanacas sarapjjaraquïnwa. Jupanac chicasti sararaquïnwa Magdalena sat Mariajja, qhitittejj pakallko ñankha ajayunacajj mistcatayna ucajja.
Uqham sasaw ñankha ajayun mantat chachajj jupanacar thokcatäna, ucatsti wali ch'amampiw jupanacarojj nuwanokäna. Uqham nuwjatasti, sinti usuchjataraquiw jupanacajj k'alalpach uca jaken utapatjja jaltjjapjjäna.
Usutanacarojj c'umaraptayapjjam, lepra usuninacarusti k'omachapjjam, jiwatanacarusti jactayapjjaraquim, ñankha ajayunacarusti alissupjjaraquim. Take acanacsti inaquiw lurapjjäta, ucanac lurañataqui ch'am inaqui catokapjjatam laycu.
Ñankha ajayunacasti Jesusar uñjasinjja, nayrakatapar quillt'asisinwa jach'at wararipjjäna: —¡Jumajj Diosan Yokapätawa! —sasa. Ucampis Jesusajj jupanacarojj tokenokänwa jupjjat jan khanstayapjjañapataqui.
Pakallk tuncanejj wali cusisitaw cuttanjjapjjäna: —¡Tata, ñankha ajayunacamppachaw sutimanjj jaysapjjetu! —sasa. Jesusasti jupanacarojj sänwa: —Jïsa, nayajj uñjaractwa alajjpachata mä llijullijur uñtata Supayar jalaktanirjja. Nayaw jumanacarojj ch'amjj churapjjsma catarinacjjaru, uqhamarac alacrananacjjaru tacjjatapjjañamataqui, uqhamarac uñisirin take ch'amaparu atipt'apjjañamataqui, janiraquiw cunas camachapcätamti. Saraquïnwa: “Khanpachanjja, yapu apthapiñajj waljawa, ucampis apthapirinacajj juc'aquiwa. Uca laycu yapunir mayipjjam yapu apthapir irnakerinac qhitaniñapataqui. Ucampis jan cusisipjjamti ñankha ajayunacan jumanacar jaysapjjatam laycojja, jan ucasti cusisipjjam sutinacamajj alajjpachan kellkatätapata —sasa.
Jesusasti walja jakenac muyuntanir uñjasinjja, ajayurojj tokenokänwa: —Ñankha okar amut ajayu, nayaw sisma: Mistum jupata, janirac mayampis mantamti —sasa. Ucatsti ajayojj warart'asisaw ch'amamp thalayasinarac mistuwayjjäna. Uca waynarusti jiwatjamwa jakonucuwayi. Waljaniraquiw: “Jiwatawa” sapjjäna. Ucampis Jesusajj amparat waytasinwa sayt'ayäna, waynasti sayt'asïnwa.
Jesusan ucaru purinisinsti, ñankha ajayunacan mantatäcäns uca jakerojj suma isthapt'ata suma amuyunirac jicjjatapjjäna, uñcatasasti sustjasipjjänwa.
Wawanaca, jumanacajj Diosanquirïpjjtawa, atipt'apjjaractawa uca c'arinacaru; cawquïritejj jumanacampïqui ucajja, juc'amp ch'amaniwa jupanacampïquis ucat sipansa.
Cristojj libre sarnakasiñwa churistu, jiwasanacan uqham sarnakasiñasataqui. Jumanacajj ch'amampi uca khespiyat jacañan sarantapjjam, jan wasitampi esclavon jacäwiparu cutt'apjjamti.
Samarañ churir Diosajja janc'aquiw supayarojj ch'usaru tucuyani, jumanacampi uca supayaru takjjatayasa. Jesús Tatitusajj jumanacarojj bendispan.
Diosaruy jaysapjjam, Supayataquisti sayt'asipjjaraquim, uca Supayasti jumanacatjja jaltawayjjaraquiniwa.
Diosaw jiwasarojj ch'amacanacan munañapat khespiyanistu, Jesucristo Yokapan apnakatäñataquiw uchasiraquistu.