Mateo 8:16 - Qullan Arunaca

¹⁶ Niya arumäjjän ucqhajja walja usutanacaruw jupan ucarojj apanipjjäna, ucanacasti ñankha ajayumpi mantatanacänwa. Jesusasti mä sapa arsutapampiquiw uca ñankha ajayunacarojj ankaru alissüna, uqhamaraqui yakha usutanacasa waliptayataraquïnwa.

Aymar Bibliia 1986

¹⁶ Niya arumäjjän ucqhajja walja usutanacaruw jupan ucarojj apanipjjäna, ucanacasti ñankha ajayumpi mantatanacänwa. Jesusasti mä sapa arsutapampiquiw uca ñankha ajayunacarojj ankaru alissüna, uqhamaraqui yakha usutanacasa waliptayataraquïnwa.

Qullan Arunaka DC

¹⁶ Jayp'u tuqirusti ñanqha ajayun mantat jaqinak irpanipxäna; Jesusasti mä sapa arsutapampikiw uka ñanqha ajayunakarux alissüna, ukhamarak yaqha usutanakarus k'umaraptayäna.

Mateo 8:16 Jak'a apnaqawi uñst'ayäwi

Éxodo 15:26

Saraquïnwa: “Jumanacatejj naya Tatitu Diosaman arunacajja suma ist'apjjäta, ucat munañajjarjam lurapjjaraquïta, uqhamarac camachinacajjarusa, leyinacajjarusa phokhapjjaraquïta ucqhajj janiw cawquïr usunactejj egipcionacar apaycta ucanacampejj t'akhesiyapcämati. Nayätwa jumanacar c'umarachir Tatitumajja” sasa.

Mateo 12:22

Ucapachasti, Jesusajj ucarojj mä amut juyqhu jakeruw irpanipjjäna, ucasti ñankha ajayunïnwa. Jesusasti juparojj c'umaraptayänwa, ucatwa uca jakejj uñj-jjaraquïna, parljjaraquïna.

Mateo 14:14

Botet mistusinsti Jesusajj uñjänwa walja jakenacan ucancatapa. Jupasti uca jakenac uñjasinjja qhuyapt'ayasïnwa, ucatwa usutanacarus kollaraquïna.

Mateo 8:15

Amparapampi llamct'cäna ucapachaw uca calenturajj chhaktawayjjäna. C'umaräjjasinjja jupanacar sirviñwa kalltäna.

Mateo 8:33

Uca qhuchi awatirinacasti wali sustjataw marcar jalapjjäna. Marcar purisinsti take acanacwa yatiyapjjaraquina, uca ñankha ajayun mantat jakenacatsa uqhamaraqui.

Mateo 9:2

Marcapancjjän ucqhasti, mä suchu jakeruw iquiñaru callanipjjäna. Jesusasti jupanacan iyawsañap unjasinjja, usutarojj sänwa: —Ch'amañcht'asim, wawa, take juchanacamatsti perdonatäjjtawa —sasa.

Marcos 2:3

Ucapachasti pusi jakenacaw mä suchu jake callt'at purinipjjäna.

Marcos 5:8

Uqham sasaw ajayojj säna, Jesusan: ¡ñankha ajayu, aca jaket mistum!, satap laycu.

Marcos 9:25

Jesusasti walja jakenac muyuntanir uñjasinjja, ajayurojj tokenokänwa: —Ñankha okar amut ajayu, nayaw sisma: Mistum jupata, janirac mayampis mantamti —sasa.

Lucas 13:12

Jesusajj jupar uñjasinjja, jawsänwa ucat saraquïna: —Warmi, usumatjja kollatäjjtawa —sasa.

Lucas 4:40

Inti jalantarusti takeniraquiw cunayman usutanacaru Jesusan ucarojj apanipjjaraquïna. Jupasti sapakat mayniruw amparapampi lokjjatasin, waliptayäna.

Lucas 4:41

Walja usutanacataracwa ñankha ajayunacajj mistjjapjjäna aqham arnakt'asisa: —¡Jumajj Diosan Yokapätawa! —sasa. Ucampis Jesusajj tokenokänwa uca ñankha ajayunacarojja. Uqhamasti janiw jupanacarojj arsuycänti, jupanacajj jupan Cristötapa yatipjjatap laycu.

Hechos 5:15

Callenacaruw usutanac iquiñanacaru apsupjjäna. “Pedrojj pascasin inach ch'iwipaquis yakhepanacarojj puriwayaspa” sasa.