Mateo 8:15 - Qullan Arunaca

¹⁵ Amparapampi llamct'cäna ucapachaw uca calenturajj chhaktawayjjäna. C'umaräjjasinjja jupanacar sirviñwa kalltäna.

Aymar Bibliia 1986

¹⁵ Amparapampi llamct'cäna ucapachaw uca calenturajj chhaktawayjjäna. C'umaräjjasinjja jupanacar sirviñwa kalltäna.

Qullan Arunaka DC

¹⁵ Jesusasti amparapat llamkt'äna, ukspachaw usux apaqtawayxäna, k'umaräxasinsti Jesusaruw manq'a waxt'äna.

Mateo 8:15 Jak'a apnaqawi uñst'ayäwi

2 Reyes 13:21

Mä cutiwa mä kawkha israelita jakenacajj mä jiwat chacharu imt'asipcäna, ucatsti moabitanacata mä tama jakenac jutir uñjasinjja, uca jiwatarojj Eliseon imäwip mankheru liwintawayasinwa sarjjapjjäna. Ucatjja uca jiwatajj Eliseon jiwat janchipar mä juc'a wact'atap laycojja, uca jiwatajj jactjjänwa, ucatsti cayupatwa sayt'asjjäna.

Isaías 6:7

uca nina sanc'ampi lacajjar uchasasti saraquituwa: —Uñtam, aca nina sanc'aw lacamar puri. Ñankha luratanacamajj jichhajj apakatäjjewa, juchanacamasti perdonatäjjaraquiwa —sasa.

Mateo 14:36

achict'asipjjaraquïnwa Jesusan mä isipacsa llamct'añataqui. Uqham llamct'irinacasti takeniw c'umaräjjapjjäna.

Mateo 20:34

Jesusasti jupanac uñjasinjja qhuyapt'ayasïnwa, ucat nayranacap llamct'äna. Juyqhunacasti ucspacharaquiw uñj-jjapjjäna, ucat Jesusaruw arcjjapjjäna.

Mateo 8:14

Jesusajj Pedron utaparuw saräna, ucansti jicjjataraquïnwa Pedron taycch'iparu iquiñancasquiri wali calor usumpi usuntata.

Mateo 8:16

Niya arumäjjän ucqhajja walja usutanacaruw jupan ucarojj apanipjjäna, ucanacasti ñankha ajayumpi mantatanacänwa. Jesusasti mä sapa arsutapampiquiw uca ñankha ajayunacarojj ankaru alissüna, uqhamaraqui yakha usutanacasa waliptayataraquïnwa.

Mateo 8:3

Jesusasti juparojj amparapampiwa lokjjatäna, ucatsti saraquïnwa: —Muntwa, k'omäjjtawa —sasa. Uca aru arscän ucspachaw lepra usupatjja c'umaräjjäna.

Mateo 9:20

Sarquipanjja mä warmiw tunca payan mara usuta utjäna, uca warmisti wila apampi usutänwa. Jupasti Jesusaru jac'achasisinjja isipwa llamct'äna.

Mateo 9:29

Jesusasti nayranacaparu llamct'asinjja jupanacarojj sänwa: —Luraspanaya cunjämtï jumanacajj iyawsapcta uqhamarjama —sasa.

Marcos 1:29

Sinagogat mistusinjja, Jesusajj Jacobomp Juanampiw sarapjjäna Simonampin, Andresampin utaparu.

Marcos 1:41

Jesusasti jupat qhuyapt'ayasisinjja amparapampiw lokjjatt'i, ucatsti saraquiwa: —Muntwa, c'umaräjjaractawa —sasa.

Lucas 8:54

Ucatwa Jesusajj amparat catusin waytäna, ucatsti jach'at arsuraquïna: —Wawa, sartasim —sasa.