Mateo 8:28 - Qullan Arunaca

²⁸ Cunapachatejj Jesusajj kota qhurcatancjjän ucqhajja, Gadara sat chekancänwa; ucansti pä chachanacaraquiw amay imäwi mankhat mistunisin Jesusarojj jac'achasipjjäna. Ñankha ajayunïtap laycusti wali ajjsaratäpjjänwa, janiraquiw jakenacajj uca chekjja sarapjjerïcänti.

Aymar Bibliia 1986

²⁸ Cunapachatejj Jesusajj kota qhurcatancjjän ucqhajja, Gadara sat chekancänwa; ucansti pä chachanacaraquiw amay imäwi mankhat mistunisin Jesusarojj jac'achasipjjäna. ñankha ajayunïtap laycusti wali ajjsaratäpjjänwa, janiraquiw jakenacajj uca chekjja sarapjjerïcänti.

Qullan Arunaka DC

²⁸ Kunapachatix Jesusax quta khurkatankki uka Gadara chiqar purxän ukkhasti, ñanqha ajayuni pä chachaw amay imäwi manqhat mistunipxäna, ukatsti Jesusaruw jak'achasipxäna. Jupanakax wali axsaratäpxänwa, janirakiw khitis uka thakhi chiqa sarirïkänti;

Mateo 8:28 Jak'a apnaqawi uñst'ayäwi

Génesis 10:16

Canaanatwa jebuseonacajj sarakapjje, amorreonacasa, gergeseonacasa,

Génesis 15:21

amorreonacana, cananeonacana, gergeseonacana, uqhamarac jebuseonacana take orakenacapwa wawanacamar churä —sasa.

Mateo 4:24

Acanacasti yatisïnwa take Siria tokenacana, ucatsti cunayman usutanacaruraquiw Jesusan ucarojj apanipjjäna c'umaraptayañapataqui, uqhamarac ñankha ajayun mantatanaca, t'ucu usuninaca, suchunaca, uqhamarac take jan kollcay usutanacarus apanipjjäna. Jesusasti jupanacarojj c'umaraptayänwa.

Mateo 8:27

Take jupanacaw wali muspharatäpjjäna, sapjjaraquïnwa: —¿Qhitïpachas acajja? ¡Kotasa thayasa juparojj ist'aquiraquisä! —sasa.

Hechos 10:38

Yatipjjaractawa cunjämtejj Diosajj Nazaretanquir Jesusar Kollan Ajaysa, uqhamarac ch'amsa churcäna ucjja. Uqhamaraquiw yatipjjtajja cunjämtï jupajj sarnakcäna, asquinac lurasa, usutanacar c'umarachasa, uqhamarac supayan munañapan t'akhesiyatäcän ucanac c'umarachasaraqui. Tatit Jesusajj Diosampïtap laycuw take ucanacjja luräna.

Deuteronomio 7:1

“Jumanacan Tatitu Diosamaw puriyapjjätam cawquïri oraktï catuntapcäta ucaru, ucatsti jumanacan nayrakatamatjja pakallko wali jach'a ch'amani marcanacaruwa jakonucuni: hititanacaru, gergeseonacaru, amorreonacaru, cananeonacaru, ferezeonacaru, heveonacaru, uqhamarac jebuseonacarusa.

Jueces 5:6

Samgar sata, Anat sat chachan urunacapana, uqhamarac Jael satan urunacapanjja, saririnacajj thaquimatjja armasipjjänwa, jupanacajj jan wali thaquiruw sarapjjäna.