Gálatas 5:1 - Qullan Arunaca

¹ Cristojj libre sarnakasiñwa churistu, jiwasanacan uqham sarnakasiñasataqui. Jumanacajj ch'amampi uca khespiyat jacañan sarantapjjam, jan wasitampi esclavon jacäwiparu cutt'apjjamti.

Aymar Bibliia 1986

¹ Cristojj libre sarnakasiñwa churistu, jiwasanacan uqham sarnakasiñasataqui. Jumanacajj ch'amampi uca khespiyat jacañan sarantapjjam, jan wasitampi esclavon jacäwiparu cutt'apjjamti.

Qullan Arunaka DC

¹ Cristox qhispiyat jakasiñ churistu, jiwasanakan qhispiyat sarnaqasiñasataki. Ukalayku, jumanakax ch'amampi uka qhispiyat jakañan sarantapxam, jan wasitampi t'aqhisiyat jakañar kutt'apxamti.

Gálatas 5:1 Jak'a apnaqawi uñst'ayäwi

Salmos 51:12

khespiyäw cusisiñam wasitat churjjeta, ch'aman ajayumamp thurt'ayita.

Proverbios 23:23

Alasim cheka cancaña, uqhamarac yatiñ cancañsa, ucatsti yatichäwimpi, amuyt'añampjja jan aljamti.

Isaías 61:1

“Tatitun ajayupajj nayjjanquiwa, Tatituraquiw nayarojj yakhachasitu; pobrenacaru suma yatiyäwinac yatiyiriw qhitanitu, llact'atanacaru chuymachañataqui, preso catuntatanacaru khespiyat sarnakasiñ yatiyiri, carcelanquirinacarusti khespiyat sarnakasiñ chuririraqui,

Mateo 23:4

Jupanacajj jan aptcañ carganacwa jakenacarojj uchapjje, apañaparacwa munapjje; ucampis jupanacajj janiw luc'anapampiquis llamct'añ munapquiti.

Lucas 5:38

Ucatwa chhuyu vinojj machak lip'ichit lurat wayakar imañajj waquisi, paypach suma imatäñapataqui.

Hechos 15:10

Jichhasti, ¿cunatarac pächasipjjtasti cuntï Diosajj lurqui ucjjatsti, mä jan lurcaya luräwinac jupanacjjar uchañ munasinsti? Ucanacjja janejjay jiwasanacas ni nayra awquinacasas phokhapcstantejja.

Romanos 6:14

Juchasti janiw jumanacjjarojj ch'amanïcjjaniti, janiraquiw leyin munañapancjjapjjtati, jan ucasti Diosan qhuyapayasiñapancjjapjjtawa.

Romanos 6:18

Juchat jithektjjasinjja jichhajj mantjjapjjtawa cheka sarnakäwin sirviñataqui.

Romanos 7:3

Uqhamasti jupatejj yakha chachampi sarnakchejja chachapa jacasquipana ucajja, wachok juchwa luri, ucampis chachapatejj jiwatäjjchi ucapachajja, cuntejj leyejj sisqui ucatjja librëjjewa, jupasti yakha chachampi jan juchar purisajj casarasiscaraquispawa.

Romanos 7:6

Ucampis uca leyin munañaparojj jiwatäjjtanwa, jichhasti khespiyatäjjtanwa Ajayun machak jacañan Diosaru sirviñataquejja, janiw uca merk'e leyejj kellkatäcän ucarjamati.

Romanos 8:15

Janiw esclavo tucuyir ajayu catokapctati ajjsaratac sarnakascañataqui, jan ucasti catokapjjtawa Diosan wawapa tucuyquistu uca Ajayu, ucat jupajj arsuyistu: “Nayan Awquejja” sasa.

Romanos 8:2

Ajayun jacañanjja, Cristo Jesús tokew nayarojj juchan munañaparjam sarnakañatjja khespiyitu, uqhamarac jiwañatsa.

1 Corintios 15:58

Uqhamasti munat jilatanaca, jumanacajj Tatitumpejj sum sayt'asipjjam, janirac sarakapjjamti. Irnakasipcaquim juc'ampi juc'ampi Tatitun luräwipanjja; jumanacajj yatipjjaractawa Tatitumpi mayaqui irnakapjjatamajj janiw inamayäquiti.

1 Corintios 16:13

Suyapjjapunim, iyawsañanacamansti ch'aman sayt'apjjam, chachjama sarnakapjjam, ch'amañchasipjjaraquim.

1 Corintios 7:22

Maynitejj esclavöcasin Diosar jicjjatchïna ucqhajja, jichhajj libre jakëjjewa Diosar sirviñataqui. Maynitejj jan esclavöcasina Diosar jicjjataracchïna ucqhasti, jichhajj jupajj Tatitun esclavopäjjaraquiwa.

2 Corintios 11:20

Ucampis jumanacajj janiw arsusipctati uca ch'amampi sirviyasirinacarojja, jumanacan tucjirinacarusa, jumanacar jisc'achirinacarusa, uqhamarac jumanacar nuwirinacarusa.

2 Corintios 3:17

Tatitusti Ajayuwa. Cawqhantï Tatitun Ajayupajj utjqui ucqhanjja khespiyat sarnakasiñaw utji.

Gálatas 2:4

Ucampisa mayni c'ari jilatanacaw nanac taypiru mantanitayna, Jesucristo toke khespiyatäpctsa uc uñakeri, uqhamat wasitampi leyin luräwinacaparu jaysapjjañanacajjataqui.

Gálatas 3:25

Jichhajj Cristor iyawsañ urojj purinjjewa, janiw uywirin amparapancjjtanti.

Gálatas 4:26

Ucampis alajjpach Jerusalenajj librewa, jiwasanacasti ucan wawanacapätanwa.

Gálatas 4:31

Uqhamapï jilatanaca, janiw jiwasanacajj esclavan wawanacapjamäctanti, jan ucasti khespitäquis uca warmin wawanacapjamätanwa.

Gálatas 4:9

Ucampis jichhajj Diosarojj uñt'jjapjjtawa, Diosajj jumanacarojj uñt'jjapjjaractamwa. ¿Cunjämsa wasitampi cutt'apjjasma uca pisi ch'amani amuyunacarusti, wasitampiti uca sarnakäwinacan esclavonacapa tucuñ munapjjta?

Gálatas 5:13

Jumanacajj jilatanaca, khespiyat sarnakasiñaru jawsatäpjjtawa, ucampis jan uca libre sarnakasiñ tumpanejj janchin munañaparjam sarnakapjjamti, jan ucasti maynit maynicama yanapt'asipjjañamawa munasipjjatanacam laycu.

Efesios 6:14

Ch'amani sayt'asipjjam, cheka cancañampi wac'antata, ucatsti cheka sarnakañampi imt'atäpjjaraquim cunjämtejj mä soldadojj armadurampi pechopat imt'asquejj uqhama.

Filipenses 1:27

Take jumanacasti Jesucriston arunacaparjam sarnakapjjam. Nayasti jutcäsa jan ucajj jayanccäsa, yatiñwa munta jumanacatjja suma yatiyäwinaca, ch'amampi sarantasa mä jakjamaqui, uqhamarac khespiyasiña arunacar iyawsäwi laycusti takenisa mayaqui nuwasïwincasasa,

1 Tesalonicenses 3:8

Nanacataquejj machak jacäwïcaspas uqhamawa, jumanacan Tatitumpi sum sarantapjjatam yatipjjatanacajjajja.

2 Tesalonicenses 2:15

Uqhamajj jilatanaca, nayraru sarantasipcaquim cuna yatichäwinactejj naya quipca, uqhamarac carta toke yatichapcsma uca yatichäwinac jan armasisa.

Hebreos 10:23

Ch'aman sayt'asipjjañäni, jan pächasisa, iyawsäwisanjja cuntejj suyt'ctan ucanjja, Diosasasti phokhaniwa cuntejj arsuwayquistu ucjja.

Hebreos 3:14

Tucuycamatejj take chuyma arcañäni take iyawsañampi, cunjämatï kalltatpacha utjquistu uqhama, ucapachajj Cristompejj utjistuw cunatejj jiwasanccani ucajja.

Hebreos 3:6

Ucampis Cristojj mä wawjamajj chekawa uca Diosan utapjjarojja. Uca utasti jiwasanac pachpätanwa, take chuymatejj sarascaquiñäni, uqhamarac tucuycama iyawsañäni cusisita suyt'äwisana ucajja.

Hebreos 4:14

Diosan Yokapa Jesusaw jiwasan jach'a jilïri sacerdotesajja. Juparaquiw Diosan nayrakataparojj mantejja. Ucatwa juparojj take iyawsañasampi arcañasajja.

1 Pedro 2:16

Khespiyata sarnakasiñan jakenacjam sarnakapjjam, ucampis uca khespiyat sarnakasiñanacamasti janiraqui cuna jan wali lurañataquïpasa, jan ucasti Diosan esclavonacapjam sarnakapjjam.

2 Pedro 2:19

“Khespita sarnakasiñ churapjjäma” sapjjewa, ucampis jupanacpachaw juchan esclavopäsipqui, sapakat jakeraquiwa cuna juchampitï atipjayasqui ucan esclavopajja.

Judas 1:3

Munat jilatanaca, walpun munapjjäyäsma cunatejj jumanacansa, uqhamarac nayans utjqui uca khespiyasiñ toket kellkaniñjja. Ucampis jichhajj waquisiw jumanacar aca carta kellkaniñajjajja, cunatejj mä cutejj Diosanquirinacarojj catuyatäcäna uca iyawsäw laycu nuwasipjjañamataqui.

Apocalipsis 2:25

Ucampis catjjäsipjjam cuntejj yatipcta ucjja, nayan jutañajjcama.

Apocalipsis 3:3

Amtasimay cuna yatichäwtï catokcta ucjja, ucarjamaraqui arcam, ucatsti arrepientisiraquim. Janitejj p'arjjtascätajja, jan amtat horasaruw mä lunthatjama acatjamat jutä.