Gálatas 5:1 - Qullan Arunaka DC

¹ Cristox qhispiyat jakasiñ churistu, jiwasanakan qhispiyat sarnaqasiñasataki. Ukalayku, jumanakax ch'amampi uka qhispiyat jakañan sarantapxam, jan wasitampi t'aqhisiyat jakañar kutt'apxamti.

Aymar Bibliia 1986

¹ Cristojj libre sarnakasiñwa churistu, jiwasanacan uqham sarnakasiñasataqui. Jumanacajj ch'amampi uca khespiyat jacañan sarantapjjam, jan wasitampi esclavon jacäwiparu cutt'apjjamti.

Qullan Arunaca

¹ Cristojj libre sarnakasiñwa churistu, jiwasanacan uqham sarnakasiñasataqui. Jumanacajj ch'amampi uca khespiyat jacañan sarantapjjam, jan wasitampi esclavon jacäwiparu cutt'apjjamti.

Gálatas 5:1 Jak'a apnaqawi uñst'ayäwi

Salmos 51:12

12 (14) qhispiyäwi kusisiñam wasitat churxita; ch'aman ajayumampi thurt'ayita,

Proverbios 23:23

Chiqa kankañampi, yatiñ kankañamp jikxatam, yatichäwimpi, amuyt'a kankañampi, ¡ukanaksti jan chhaqhayasimti!

Isaías 61:1

Tatitun ajayupax nayxankiwa, jupaw nayarux yaqhachasitu; jan kunaninakar suma yatiyäwinak yatiyiriw khithanitu, llakt'atanakaru chuymachiri, katuntatanakar antutat sarnaqasiñ yatiyiri, carcelankirinakar antutat sarnaqasiñ churiri,

Mateo 23:4

Jupanakax jan phuqkay lurañanakampiw jaqinakar t'aqhisiyapxi, ukarusti janiw mä luk'anampis llamkt'añ munapkiti.

Lucas 5:38

Ukatpï chhuyu vinox machaq lip'ichit lurat wayaqar imañax wakisixa.

Hechos 15:10

Jichhasti, ¿kunatarak Diosar yant'apxtasti, jan phuqkay kamachinak iyawsirinakar wayt'añ munasinsti, kuntix jiwasasa, nayra awkinakasas jan phuqhirjamäpktan ukanaksti?

Romanos 6:14

Ukhamat juchax jumanakxar jan munañanïkxaniti, janiw kamachin apnaqatäxapxtati, jan ukasti, Diosan khuyapayasiñapankxapxtawa.

Romanos 6:18

Juchat jithiqtxasinsti, jumanakax chiqa kankañan luräwiparuw mantxapxtaxa.

Romanos 7:3

Ukhamasti warmitix chachanïkas yaqha chachampi sarnaqchixa, wachuq juch luri, ukampis chachapatix jiwatäxchixa, kamachirjamax sapakïxiwa, ukatsti yaqha chachampix jaqichasiskaspawa, ukax janiw wachuq juchäkiti.

Romanos 7:6

Ukampis jichhax jiwasxar munañanïkän uka kamachitakix jiwatäxtanwa, jichhasti Ajayun machaq jakäwimpi Diosar arkañasatak qhispitäxtanwa, janiw nayra kamachix qillqatäkän ukarjamati.

Romanos 8:15

Jumanakax janiw t'aqhisiyat tukuyir ajayu katuqapktati axsarat sarnaqaskañataki, jan ukasti, Diosan wawanakapar tukuyir Ajayu katuqapxtaxa, uka Ajay tuqiw Diosarux jak'achastan: “Nayan Awkixa” sasa.

Romanos 8:2

Cristo Jesús tuqi jakañ churir Ajayun munañapax juchan munañapampita, jiwañampit qhispiyistu.

1 Corintios 15:58

Ukhamasti munat jilatanaka, jumanakax Tatitumpi sum sayt'asipxam, janirak saraqapxamti. Tatitun luräwipan juk'ampi juk'amp irnaqasa; jumanakax yatipxtawa, Tatitumpi mayaki irnaqapxatamax janiw inamayäkiti.

1 Corintios 16:13

Suyapxapunim, iyawsañanakamansti ch'aman sayt'apxam, qamas katxatapxam, ch'amañchasipxarakim.

1 Corintios 7:22

Khititix t'aqhisiyatäkasin iyawsañar jawsatäxchi ukax, jichhax jupax Diosar luqtirïxiwa; khititix antutatäkasin jawsatächi ukax, jichhax Criston uywatapäxiwa.

2 Corintios 11:20

khitinakatix ch'amampi t'aqhisiyapktam, sallqjapktam, uñisiñat ajanut t'axllipktam ukanakarusa.

2 Corintios 3:17

Tatitusti Ajayuwa; kawkhankkitix Tatitun Ajayupaxa, ukkhanxa qhispiyat sarnaqasiñaw utji.

Gálatas 2:4

Ukampis yaqhip k'ari jilatanakaw nanak taypir jamasat mantanitayna, Jesucristo tuqi qhispiyatäpktsa uk nanakar uñaqiri, ukat wasitampi judionakan kamachinakapar jaysapxañaxataki.

Gálatas 3:25

Jichhax Jesucristor iyawsañ urunakan purinxatapatxa, janiw kamachin jiwasar irpañapa, yatichañapas wakiskxiti.

Gálatas 4:26

Ukampis Sara warmix machaq arust'äwiruw uñtasi, uka tuqiw jiwasanakax alaxpachankir Jerusalén markan wawanakapäpxtan.

Gálatas 4:31

Ukhamasti jilatanaka, janiw jiwasanakax uywatan wawanakapjamäktanti, jan ukasti chachan warmin wawanakapjamätanwa.

Gálatas 4:9

Ukampis jichhax Diosar uñt'xapxtawa, chiq sasinsa, Diosax jumanakar uñt'xapxtamwa. Ukhamasti, ¿kunatarak wasitampi uka pisi ch'amani, t'ukhasirinakan luqtirinakapar tukuñ munapxtasti?

Gálatas 5:13

Jilatanaka, Tatitux jumanakar qhispiyat sarnaqasiñaruw jawsapxtam; jumanakasti jan uka qhispiyat sarnaqasiñ tumpanix janchin munañaparjam sarnaqapxamti, jan ukasti, munasiñ laykuy maynit maynikam yanapt'asipxam.

Efesios 6:14

Ukhamasti ch'aman sayt'asipxam, chiqa kankañampi isintata, aski kankañampi isthapitaraki.

Filipenses 1:27

Jumanakasti, kunjämtix Jesucriston suma yatiyäwi arunakapax yatichki ukhamarjam sarnaqapxam. Nayasti jumanakar uñjir jutäsa jan ukax janis jutkäxa, jumanakan mä wawar tukt'asak jakasipxañam munta, taqi kunansa mä amtäwir purisa, ukatsti qhispiyasiñ arunak qhanañchañatak wal ch'amachasisa,

1 Tesalonicenses 3:8

Jumanakan Tatitumpi sayt'asipxatam yatisax chuymsa qhanartayapxituwa.

2 Tesalonicenses 2:15

Ukhamasti jilatanaka, ch'aman sarantasipkakim, kuna yatichäwinaktix naya kipka yatichapksma, qillqat tuqis yatichapksma, ukanak jan armasipxamti.

Hebreos 10:23

Ch'aman sayt'asipxañäni, jan pächasisa, kuntix suyktan uk iyawsasina, Diosasti kuntix arsuwaykistu uk phuqhaniwa.

Hebreos 3:14

Jiwasanakax Cristompi chika katuqirïpxtanwa, jiwasatix tukuykam arkañän ukapacha, kunjämatix qalltatpach iyawsktan ukarjama.

Hebreos 3:6

Ukampis Cristox Yuqjamax Diosan utapan phuqhäna, uka utasti jiwasanakätanwa, tukuykamatix jupar iyawsañäni, kusisiñampi katuqañatak suyt'añän ukapacha.

Hebreos 4:14

Diosan Jesús Yuqapaw jiwasan jach'a Jilïr sacerdotesaxa, jupax alaxpachkamaw puri. Ukat juparux taqi iyawsañampi arkañasa.

1 Pedro 2:16

Qhispiyat jaqinakjam sarnaqasipxam, ukampis uka qhispiyat sarnaqañ tumpampix janirak jan walinak lurapxamti, jan ukasti Diosan iyawsirinakapjam sarnaqapxam.

2 Pedro 2:19

“Qhispita sarnaqasiñ churapxäma” sapxiwa, ukampis jupanakpachaw juchan t'aqhisiyat sarnaqasipki; sapaqat jaqirakiw kuna juchampitix atipjayaski uka juchampi t'aqhisiyat sarnaqaski.

Judas 1:3

Munat jilatanaka, walpun qillqaniñ munapxäyäsma, kunatix jumanakansa, nayansa utjki uka qhispiyasiñ tuqita; jichhax aka qillqatax tuqiw jumanakar achikt'apxsma, kuna yatichäwinaktix Tatitun qullan markapar katuyatäkäna, ukanak imapxañamatak wal ch'amachasipxam.

Apocalipsis 2:25

Ukampis katxäsipxam kuntix yatipkta ukxa, nayan jutañaxkama.

Apocalipsis 3:3

Yatichäwi katuqatamat amtasimaya; ukarjam arkam, Diosar kutikipstarakim. Janitix p'arxtaskätaxa, lunthatar uñtataw akatjamat jutä, janiw kunapacha puriniñaxsa yatkätati.