Hechos 8:7 - Qullan Arunaca

⁷ Walja ñankha ajayun mantat jakenacaraquiw c'umaraptayatäpjjäna. Uca ñankha ajayunacasti wararisisaw jupanacatjja mistjjapjjaraquïna. Walja suchu jakenacampi, cojonacampiraquiw c'umaraptayatäpjjäna.

Aymar Bibliia 1986

⁷ Walja ñankha ajayun mantat jakenacaraquiw c'umaraptayatäpjjäna. Uca ñankha ajayunacasti wararisisaw jupanacatjja mistjjapjjaraquïna. Walja suchu jakenacampi, cojonacampiraquiw c'umaraptayatäpjjäna.

Qullan Arunaka DC

⁷ Ñanqha ajayun mantat jaqinakasti waljaniw k'umaraptayat uñjasipxäna. Uka ñanqha ajayunakasti wararisisaw jupanakat mistxapxarakïna; suchu jaqinakampi, wixchu jaqinakampix waljaniw k'umaraptayat uñjasipxäna.

Hechos 8:7 Jak'a apnaqawi uñst'ayäwi

Isaías 35:6

suchunacasti taruja kallunacjamaw sinc'usipjjani, amutunacasti arnakasipjjaraquiniwa. Wasara waña orakensti umajj walpun jalsuni mä jach'a jawirjama tucusa.

Mateo 10:1

Ucapachaw Jesusajj tunca payani discipulonacaparojj jawsäna, ucatsti ch'am churaraquïna take casta ñankha ajayunacaru alissupjjañapataqui, uqhamarac take casta usutanacaru c'umaraptayapjjañapataqui.

Mateo 11:5

Juyqhunacajj uñj-jjapjjewa, cojonacas sarnakapjjaraqui, lepra usuninacas kollataraqui, okaranacas ist'apjjaraqui, jiwatanacasti jactayataraquiwa, uqhamarac pobrenacarus khespiyasiñan utjatapajj yatiyataraquiwa.

Mateo 4:24

Acanacasti yatisïnwa take Siria tokenacana, ucatsti cunayman usutanacaruraquiw Jesusan ucarojj apanipjjäna c'umaraptayañapataqui, uqhamarac ñankha ajayun mantatanaca, t'ucu usuninaca, suchunaca, uqhamarac take jan kollcay usutanacarus apanipjjäna. Jesusasti jupanacarojj c'umaraptayänwa.

Marcos 9:26

Ucatsti ajayojj warart'asisaw ch'amamp thalayasinarac mistuwayjjäna. Uca waynarusti jiwatjamwa jakonucuwayi. Waljaniraquiw: “Jiwatawa” sapjjäna.

Lucas 10:17

Pakallk tuncanejj wali cusisitaw cuttanjjapjjäna: —¡Tata, ñankha ajayunacamppachaw sutimanjj jaysapjjetu! —sasa.

Juan 14:12

Khanacwa sapjjsma, qhititejj nayar iyawsquitu ucajja, luraraquiniwa cuntejj nayajj lurctjja ucanaca, juc'amp jach'a luräwinacampwa lurani, Awquejjajj cawquincquitejj ucaru saratajj laycu.

Hechos 5:16

Walja jakenacaraquiw jac'anquir marcanacatjja Jerusalenaru jutapjjäna. Usutanacaparu, uqhamarac ñankha ajayumpi lokheptayatanacarus apanipjjaraquïnwa. Take ucanacasti c'umaraptayatäjjänwa.

Hechos 8:6

Jakenacasti tantacht'asisinjja takpachaniw wal isch'uquipjjäna Felipen arunacaparu. Uqhamaraquiw milagro luratanacaps uñjapjjäna.

Hebreos 2:4

Uqhamarusa, Diosaraquiw khanañcharaqui unañchanacampi, muspharcañ jach'a luräwinacampi, walja milagronacampi, uqhamarac cunayman toket churquistu uca Kollan Ajayu toke, munañaparjama.