Lucas 8:39 - Qullan Arunaca

³⁹ —Utamar cuttjjam, ucatsti cuntejj Diosajj jumampejj lurqui uca yatiyaraquim —sasa. Ucat uca jakejj sarjje, ucatsti jupajj take marcpacharuraquiw cuntejj Jesusajj jupampejj lurcatayna ucjj yatiyäna.

Aymar Bibliia 1986

³⁹ —Utamar cuttjjam, ucatsti cuntejj Diosajj jumampejj lurqui uca yatiyaraquim —sasa. Ucat uca jakejj sarjje, ucatsti jupajj take marcpacharuraquiw cuntejj Jesusajj jupampejj lurcatayna ucjj yatiyäna.

Qullan Arunaka DC

³⁹ —Utamar sarxam, ukatsti kuntix Diosax jumamp lurki uka yatiyarakim —sasa. Uka jaqisti kuntix Jesusax jupamp lurkatayna uk taqi markpacharuw yatiyäna.

Lucas 8:39 Jak'a apnaqawi uñst'ayäwi

Salmos 66:16

Diosar arquirinaca, ist'ir jutapjjam, nayatac luratanacap yatiyapjjäma:

Marcos 1:45

Ucampis uca jakejj sarjjasinjja, takeniruw yatiyañ kalltäna, cunatï jupamp lurascäna uca. Ucatwa Jesusajj jan cawqui marcarus khan mantcänti, jan ucasti marca thiyawjanacana, cawqhantejj jan jakes utjcäna uca chekanacanacwa sarnakäna. Uqhamäquïpansa, take toket jupar uñjirejj jakenacajj jutasipcaquïnwa.

Marcos 5:18

Jesusajj boter mantjjepansti, ñankha ajayun mantat jakëcän ucasti jupamp chic sarjjañataquiw achict'asïna.

Marcos 5:19

Ucampis Jesusajj janiw muncänti, jan ucasti sänwa: —Utamar sarjjam, familianacamar yatiyam cuna muspharcañanactï Tatitojj jumatac lurqui ucanaca, uqhamarac cunjämtejj qhuyapayastam ucanacaraqui —sasa.

Lucas 8:38

Ñankha ajayun mistut jakesti Jesusarojj jupamp chic sarañataquiw achict'asi. Jesusasti saraquïnwa:

Lucas 8:40

Cunapachatï Jesusajj kota qhurcatar cutjjän ucqhasti jakejj wali cusisitaw catokäna, juparusti takeniw suyasipcaraquïna.

Juan 4:29

—Jutapjjam uñjiri, mä chachaw take luratanacajj khanañchitu. ¿Janit Cristöcpacha? —sasa.

Deuteronomio 10:21

Juparuquiwa k'ochunaca churapjjäta, jupaquiw jumanacan Diosamajja, jumanacan uñjcañaraquiw jach'a muspharcañanacjja luraraqui, jumanac laycu.

1 Timoteo 5:8

Maynitejj jupanquirinacatjja jan llaquiscchejja, uqhamarac pachpa familiapar yanapt'añatsa jan llaquiscchi uquïrejja, iyawsäwjja jan uñt'iriwa tucu, mä jan iyawsirits juc'ampiwa.