2 Reyes 20:5 - Qullan Arunaca

⁵ “Cutt'am, ucatsti marcajjana jilïri Ezequías reyiru aqham sam: ‘Nayra David awquimana Tatit Diosapajja aqham siwa: ‘Nayajj oracionamjja ist'smawa, uqhamarac jachatamsa uñjaracsmawa. Jichhasti jumarojj c'umaraptayämawa, ucatjja acat quimsa urut Tatitun temploparu saräta.

Aymar Bibliia 1986

⁵ “Cutt'am, ucatsti marcajjana jilïri Ezequías reyiru aqham sam: “Nayra David awquimana Tatit Diosapajja aqham siwa: ‘Nayajj oracionamjja ist'smawa, uqhamarac jachatamsa uñjaracsmawa. Jichhasti jumarojj c'umaraptayämawa, ucatjja acat quimsa urut Tatitun temploparu saräta.

Qullan Arunaka DC

⁵ “Kutt'am, ukatsti markaxan jilïripa Ezequías reyir akham sanim: David nayra awkiman Tatit Diosapax akham siwa: ‘Nayax mayisitam ist'smawa, jachatamsa uñjaraksmawa. Jichhasti jumarux k'umaraptayämawa, ukatxa akat kimsa urut Tatitun utaparux sarxäta.

2 Reyes 20:5 Jak'a apnaqawi uñst'ayäwi

2 Samuel 5:2

Chekpachansa Saúl reyejj nanacan reyejjäcchïnsa, ucampisa jumaw Israel marcarojj apnakascäyätajja guerran nuwasiñanacapanjja. Uqhamarus Tatitojj jumaruraquiw arsuwaytam Israel marcaparu sarayañamataqui uqhamaraqui apnakañamataqui” sasa.

1 Reyes 9:3

Ucatsti sänwa: “Nayajj ist'smawa oración luratama, uqhamarac nayar mayisitamsa, nayasti k'omachtwa aca templo lurarapquista sutejja ucancañapataqui ucjja. Nayasti uñtanïwa, uqhamarac chuymajjasa ucancaraquiniwa.

2 Reyes 19:20

Ucatjja Isaías profetajj qhitanïnwa Ezequías reyiru aqham sañapataqui: “Aqham siw Israelan Tatit Diosapajja: ‘Nayajj ist'smawa cuntejj oracionan mayquista ucjja, Asirianquir Senaquerib sat reyip toketjja’ ” sasa.

2 Reyes 20:4

Ucatjja janïra Isaiasajj palacion chicachicanquir patioparu mistcäna, ucqhawa Tatitojj Isaías profetaru yatiyäna, aqham sasa:

2 Reyes 22:19

chuymaman llaquisitamata, nayarusa jutatamata arsutanacajja ist'asina aca orake contra, uqhamarac take utjirinacap contraraqui, tucjatäñapataqui, maldicitäñaparaqui. Ucatsti isima ch'iyanokasitamata, uqhamarac nayan nayrakatajjana jachatamatsa, nayajj jumarojj ist'smawa. Naya Tatituwa ucjja sisma.

2 Crónicas 13:12

Jumanacajj amuyasipjjam jiwasana nayrakatasanjja Diosampi sacerdotenacapampiwa ucancasipqui, ucatsti trompetanacajj janc'aquïpjjewa toct'añataqui jumanacampi nuwasiñataqui. Ucatsti israelitanaca jan nuwasipjjamti nayra awquinacaman Tatit Diosap contrajja, jumanacajj janiw atipjapcätati” sasa.

2 Crónicas 34:3

Quimsakallko mara apnakascäna ucqhasti jupajj waynäscänwa, ucqharaquiwa nayra David awquipana Diosapar thaktäna. Cunapachatï tunca payan mara apnakascäna ucqhawa Judá orakeru k'omachayäna, uqhamarac Jerusalén marcarusa yakha diosanacan santuario utanacapata, Asera diosan lantinacapatsa, yakha diosanacatsa, uqhamarac hierrot umatatayasa lurat lantinacatsa.

Salmos 107:20

Arup qhitanïna, jupanacarusti c'umaraptayänwa, ¡mankhapachat khespiyäna!

Salmos 119:26

Sarnakäwejj uñacht'aysma, jumasti ist'istawa. Leyinacamay yatichita.

Salmos 126:5

Jacht'asis yapuchirinacajj, cusisiñampiw apthapjjapjjani.

Salmos 147:3

Jupaw chuyma usuchjatanacarojj waliptayi, chhojjrinacap c'umaracharaqui.

Salmos 34:18

Tatitojj llaquimp aynacht'atanacan jac'apancasquiwa, jupanacar khespiyañataqui, aynacht'at chuymanacap waytañataqui.

Salmos 39:12

“Tatay, mayisitajjar ist'am, arnakasitajjar yäkam, janiquiy jachatajjataquejj okarar tucumti: nayajj juman jawst'ataquïtwa, nayrapach awquinacajj-jam sarir jakequïtwa.

Salmos 56:8

Diosajjay, jaltatanacajjajj juman jaqhutawa, jumaw jachatanacajj apthaptajja. ¿Janit ucanacast kellkataman khanäquisti?

Salmos 56:9

Jumat yanap maycäm ucapachajja, nayamp timasirinacajj jayar jaltjjapjjpan, uqhämat nayan Diosajjätam yatï.

Salmos 6:10

Nayamp timasirinacajj ajjsarañat aynacht'apjjani, mä ch'ipjjtanac p'enkapat jaltjjapjjani.

Salmos 65:2

jumajj mayisitanacar ist'irïtawa. Take jakenacaw jumarojj maqhatapjjtam.

Salmos 65:3

Jucha luratanacajjajj aynacht'ayapjjetuwa, ucampis jumaw juchanacajjat pampachapjjesta.

Éxodo 15:26

Saraquïnwa: “Jumanacatejj naya Tatitu Diosaman arunacajja suma ist'apjjäta, ucat munañajjarjam lurapjjaraquïta, uqhamarac camachinacajjarusa, leyinacajjarusa phokhapjjaraquïta ucqhajj janiw cawquïr usunactejj egipcionacar apaycta ucanacampejj t'akhesiyapcämati. Nayätwa jumanacar c'umarachir Tatitumajja” sasa.

Éxodo 3:7

Ucat Tatitojj saraquïnwa: —Nayajja sumwa uñjta, cunjämtejj marcajjajja, Egipton t'akhesipqui ucjja. Uqhamarac uca wali munañani jakenac causa arnakasipjjatanacapsa ist'aractwa, ucampis nayajj sum yatta jupanacan t'akhesitanacapjja.

Éxodo 3:9

Jichhasti, israelitanacan arnakasipjjatanacapsti nayajj ist'twa. Uqhamarac uñjaractwa egipcionacajj cunjämtejj t'akhesiyapqui ucanacsa.

Isaías 19:22

Tatitojj Egipto marcarojj chhojjrinchrantaniwa, ucatsti c'umara tucuyaraquini. Jupanacasti Tatituruw maqhatjjapjjani, Tatitusti jupanacatjja qhuyapt'ayasiniwa kolljjataraquiniwa.

Isaías 38:22

Ezequiasasti Isaiasaruw jisct'asiraqui —¿Cuna chimpu tokes amuyasiristjja nayan Tatitun temploparu sarañajj-jja? —sasa.

Isaías 38:5

“Ezequiasan ucar saram ucat saraquim: ‘David awquiman Tatitu Diosapajj siwa: ‘Nayajj mayisitamjja ist'twa, jachatamsa uñjaractwa. Tunca pheskan marampiw jacayascäma.

Isaías 55:3

Nayan ucar jutapjjam, ucatsti ist'apjjeta, ist'apjjeta, ucatsti jacapjjätawa. Nayaw jumanacampejj wiñay arust'äwi lurä, uqhamat phokharaquï cuntejj mä uru Davidarojj munasiñampi arscta ucjja.

Mateo 22:32

‘Nayajj Abrahaman, Isaacan, Jacobompin Diosapätwa’ sasa. ¡Diosajj janiw jiwatanacan Diosapäquiti, jan ucasti jaquirinacan Diosapawa!

Lucas 1:13

Angelasti juparojj sänwa: —Zacarías, jan ajjsaramti, juman mayisitamarojj Diosajj ist'tamwa, Elisabet warmimasti mä yokall wawa wawachasini. Ucarusti “Juan” sasaw sutichäta.

Lucas 18:10

“Pä chachaw templor maqhatapjjäna Diosat mayisiri, maynïrejj fariseönwa, maynïristi impuesto cobririraquïnwa.

Juan 5:14

Uca pasatatsti Jesusajj uca jakerojj templonwa jicjjatäna, ucatsti saraquïnwa: —Uñjam, c'umaräjjtawa, jichhajj jan juc'amp juch lurcjjamti jan wastat juc'amp jan walir puriñamataqui —sasa.

Deuteronomio 32:39

Naya sapaquïtwa Diosajja. Janiw yakha diosanacajj nayat sipan utjquiti. Nayaw jacañ churta, uqhamaraqui apakaractsa, nayaw usuchjaracta, uqhamaraqui kollaractsa. ¡Janiraquiw qhitis ch'amajjat khespiyirejj utjquiti!

Hebreos 2:10

Jupïpanaracwa take cunas Diosataquejj utjasqui, Diosasti muniwa take wawanacapanjj utjañapa jupan jach'a khapak marcapana. Ucatwa Diosajj t'akhesiña toke sum tucuyäna jupanacan Jesucristo khespiyiriparojja.

Apocalipsis 7:17

Trono taypincquis uca Corderow jupanacarojj ovejanacarjama awatini, jacquir uma jalsunacaruw anaquiraquini. Diosasti take jachanacap nayranacapat phiscurjjani” sasa.

1 Samuel 10:1

Uqhamasti Samuelojj mä keru aceite catusinjja Saúl waynan p'ekepjjaruw warjjatäna, ucat saraqui: —Tatituw jichhürojj Israelan apnakeripat utt'ayastam. Jumaw jichhajj jupanacar apnakäta, uqhamarac uñisirinacapan amparapatsa khespiyaraquïta. Tatitun jumaru yakhachatapat señälasti acäniwa, Israel marcapa apnakañapataqui:

1 Samuel 9:16

“Arumanthi alwajj aca quipca horasaruw Benjamín toket jutiri mä jakeruw qhitanïma, juparuw yakhachäta Israel marcajja apnakañapataqui. Jupaw filisteonacan amparapat khespiyani, marcajjatsti qhuyapt'ayasiractwa, t'akhesitanacapasti naya nayräjjaruw puriniraqui” sasa.