1 Pedro 2:24 - Qullan Arunaca

²⁴ Jesucristo quipcaraquiw juchanacasjja pachpa cuerpopjjaru apawayjje, crusan jiwasina, uqhamata jiwasajj jucha lurañar jiwañasataqui, mä suma jacañan jacañasataqui. Jupajj chhojjriñchjatänwa jumanacajj c'umaräpjjañamataqui.

Aymar Bibliia 1986

²⁴ Jesucristo quipcaraquiw juchanacasjja pachpa cuerpopjjaru apawayjje, crusan jiwasina, uqhamata jiwasajj jucha lurañar jiwañasataqui, mä suma jacañan jacañasataqui. Jupajj chhojjriñchjatänwa jumanacajj c'umaräpjjañamataqui.

Qullan Arunaka DC

²⁴ Jesucristo pachpaw cruzan jiwasin juchanakas janchipxar apawayxi, ukhamat jiwasanakax jucha jan luras jakxañasataki, jan ukasti askinak luras jakañasataki. Jupax jumanak k'umaräpxañamatakiw chhuxriñchjatänxa.

1 Pedro 2:24 Jak'a apnaqawi uñst'ayäwi

Génesis 22:6

Abrahamasti sacrificiotaqui lawanac catusinjja Isaacaruw k'epjjaruyi, ucatsti cuchillo catu, ninampi cuna, ucat panpachaniw sarawayapjjäna.

Salmos 147:3

Jupaw chuyma usuchjatanacarojj waliptayi, chhojjrinacap c'umaracharaqui.

Salmos 38:4

Juchanacajjajj sintipuniw jatjjattitu, ch'amajjajj janiw ucanacamp k'ewtasirjamäquiti;

Éxodo 28:38

Uqhamata uca placajja Aaronan nayräjja parapancañapataqui. Ucampis Aaronajj cunapachatejj ofrenda loktcani ucqhajja apaniwa israelitanacajja asqui lurañanacana jucha lurapjjatanacapata, ucampis uca placajja uñacht'ayaniwa Tatitojj ofrenda loktata catokañapataqui.

Proverbios 20:30

Jaken ñankhanac luratapatjja, jawk'jjañampi usuchnokañampiw kolli; uca jawk'jatanacawa chuymapjja waliptayi.

Isaías 53:11

Uqham sinti t'akhesiña tucusitapatsti jupajj khana uñjani, uc yatisitapatsti c'uchiquiw uñjasjjaraquini; Tatitun cheka sirviripasti waljaniruw khespiyani, jupanacan juchanacapsti aparaquiniwa.

Levítico 16:22

Uqhamawa uca cabritojj wasara tokeru chhakjjani, take jakenacan juchanacapa apawayjjani, jan jakeni orakenac tokeru.

Levítico 22:9

“Jupanacarusti saraquim nayan arunacajjaru phokhasa sarnakapjjpan, janiraqui t'akhesiñaru puripjjpati nayan arunacajja jan phokhasa, uqhamatwa jan jiwarapcaraquiniti. Naya Tatituw jupanacarojj nayataqui yakhachasiracta.

Malaquías 4:2

Ucampisa qhitinacatï nayaru ajjsartasa sarnakapcta ucanacataquejj, chekaparu sarnakañajj intir uñtataw khantanini, khanapasti jakenacataquejj khespiyasiñ apanini. Ucatsti jumanacajj cusisiñata jalnakapjjäta cunjämatejj vaca kallunacajj uyut mistusajj jalnakapquejj uqhama.

Números 18:22

Mayni israelitanacajj janiw Jiquisiñ Carparojj jac'achasipcaniti, uqham lurasajj mä juchwa lurapjjaspa ucatsti jiwañaraquiw jupanacarojj jutaspa.

Números 7:15

mä vaca kallu, mä orko oveja, mä marani orko oveja ofrendat loktañataqui.

Mateo 27:26

Pilatosti Barrabasarojj antutjjänwa, ucatsti Jesusarojj jawk'jayänwa, ch'accatatäñapataquiraquiw catuyäna.

Mateo 5:20

Jumanacarojj sapjjsmawa, sarnakäwinacamatejj jan walïcchejja ley yatichirinacata fariseonacata sipansa ucajja, janipuniw alajjpach wiñay jacañ marcarojj mantapcasmati.

Mateo 8:17

Take acanacasti phokhasiscänwa Isaías profetan arsutaparjama aqham sataparu: “Jupaw api jiwasan usunacasa, uqhamarac chhojjrinacasa” sasa.

Marcos 15:15

Pilatosti jakenacamp sumancañ munasina Barrabasaruw antutjjäna, Jesusarusti jawk'jayasinjja crusar ch'accatatäñataquiw catuyjjaraquïna.

Lucas 4:18

“Tatitun Ajayupaw nayjjanqui, suma yatiyäwinac pobrenacar churañataquiw ajllisitu; llact'at chuymanacar kolliriw qhitanitu, carcelanquirinacar khespita sarnakañat yatiyiriraqui, uqhamarac juyqhunacarus uñatatayiri; t'akhesiyatanacarus khespiyiriraqui;

Juan 1:29

Khepürusti Juanajj Jesusaruw uñjäna, jupar jac'achasisinquiri, ucatsti sänwa: “Uñtapjjam, acawa Diosan Corderopajja, acapachan juchap k'omachirejja.

Juan 19:1

Ucatsti Pilatojj Jesusar catusinjja jawk'jayänwa.

Hechos 10:35

Jupasti cuna cast jakerus catokaquiwa, qhitinacatejj jupar ajjsarqui, uqhamarac asqui lurapqui take ucanacarusa.

Hechos 10:39

Nanacäpjjtwa take ucanac uñjirejja, cuntejj Jesusajj lurcäna Judeansa Jerusalenansa ucanacata. Ucatsti juparojj jiwayapjjaraquiwa, mä cruzar ch'accatasa.

Hechos 13:29

Ucatsti take cunatï jupjjat kellkatäcäna ucanac phokhasjjepanjja, cruzat apakasinjja sepulturaruw imjjapjjäna.

Hechos 5:30

Jumanacaw Jesusarojj jiwayapjjtajja, mä cruzar ch'accatasa, ucampis awquinacasan Diosapajj uca Jesusarojj jactayiwa.

Romanos 6:11

Uqhamaraquiy jumanacajj amuyasipjjam juchataquejj jiwatäjjapjjatama, ucampis Diosataquejj jacasipctawa, Cristo Tatitun mayaquëjjapjjatamata.

Romanos 6:13

Janchinacamjja jan jucharojj catuyasipjjamti mä cunäcaspas uqhama juch lurañataqui, jan ucasti Diosar catuyasipjjam, cunjämtejj jucharu jiwjjasina jacjjapjjtajja uqhama. Jichhasti Diosar catuyasipjjam take cuerppacha, cunatejj asquïqui uc lurañataqui.

Romanos 6:16

Jumanacajj wal yatipjjtajja cunjämatejj mä esclavojj mä patronaru sirviñataqui catuyasjjchi ucajja, patronaparojj ist'añapawa, uqhamaraquipï maynejj juchar catuyasjjchi ucajja, jucharusti ist'añapawa, ucasti jiwañaruraquiw api. Ucat sipan qhitinacatejj Diosar catuyasqui ucanacasti cheka cancañan sarnakañataquiw catuyasi.

Romanos 6:2

Janiw cunäquipansa. Jiwasanacajj juchataquejj jiwatäjjtanwa; ¿cunjämaraqui wasitat juchampi jacascacsnasti?

Romanos 6:22

Ucampis jichhajj juchata khespiyatäjjasinjja Diosan sirvirinacapaw tucuwayjjapjjtajja. Ucasti wali sumawa jumanacataquejja, Dios chuymaracwa tucuyapjjtam, wiñay jacañracwa jicjjatapjjäta.

Romanos 6:7

Qhititejj jiwqui ucajj juchatjja jithektatäjjewa.

Romanos 7:6

Ucampis uca leyin munañaparojj jiwatäjjtanwa, jichhasti khespiyatäjjtanwa Ajayun machak jacañan Diosaru sirviñataquejja, janiw uca merk'e leyejj kellkatäcän ucarjamati.

1 Corintios 15:3

Nayrakatajja cuna yatichäwinactï nayajj yatekctjja ucaracwa jumanacarojj yatichapjjsma; ucasti aqhamawa: Cristow Kellkatanacarjamajj crusan jiwawayi juchanacas laycu.

2 Corintios 6:17

Ucatwa Tatitojj saraquejja: “Mistunjjapjjam jupanac taypita, jupanacat jithektapjjaraquim. K'añu lurañanacsti jan lurapjjamti, nayasti jumanacarojj catokjjapjjämawa.

Gálatas 3:13

Cristojj leyin maldicionapatwa khespiyistu, jupajj juchanacas laycu maldicitaraquïnwa, Kellkatanjja aqham siwa: “Maldicitäpan take qhititejj mä lawaru warccatatäqui ucajja” sasa.

Efesios 5:9

Uca khanasti qhuyapayasiña, cheka cancaña uqhamarac suma jacañwa utjayaraqui.

Filipenses 1:11

Uqhamwa jacañanacamanjja mä suma cosech apthapiñäcaspas uqhama, Tatit Jesucristor yuspagarasina Diosar jach'añchañataqui.

Colosenses 2:14

Diosaw take jucha manusjja phokhawayjje. Uca juchasti jiwasarojj leyirjamajj juchañchistänwa. Crusar ch'accatasaw uca manusjja phokhawayjje.

Colosenses 2:20

Jumanacajj Cristomp chicaw jiwjjapjjtajja, take jakenacan amtatanacapatjja jithektasjjapjjaractawa take cunanac toketsa. ¿Cunataraqui jichhasti acapacha jakenacjam jacasipctasti jaken amtatanacapar ist'asasti,

Colosenses 3:3

Jumanacasti Cristomp chicaw jiwjjapjjta, jichhasti jumanacan jacañanacamajj Cristomp chicäjjewa Diosan nayrakatapana.

Hebreos 10:10

Diosajj jiwasarojj k'ollanaptayistuwa Cristo Jesusan Diosan munañap phokhatap laycu, mä cuti wiñayatac jupa pachpa cuerpop sacrificiot loktasisa.

Hebreos 10:5

Ucatpï Cristojj acapachar mantanisinjj Diosarojj sänjja: “Janiw jumajj animalanacan sacrificionacapjj muncjjtati, ucatwa nayataquejj aca cuerpojja waquichtajja.

Hebreos 12:13

Chekap thaqui thakapjjam, ucatsti cojo cayüquis ucajj waliptjjaniwa, janiraquiw mayampsa k'ewsuscjjaniti.

Hebreos 7:26

Uqhamapï Jesusajj cuna jilïri sacerdottejj suycäyätan ucajja. Jupajj kollanawa, jan juchaniraquiwa, juchaninacats jithektata, alajjpachats juc'amp alayar aptataraqui.

Hebreos 9:28

Uqhamaraquiw Cristojj mä cutiqui sacrificionjj loktasïna waljanin juchapa apakañataqui. Ucatsti khepïrinjja uñstaniraquiniwa, janiw juchanac apakeriti, jan ucasti jupar suyt'irinacar khespiyañataqui.

Santiago 5:16

Ucatpï jumanac purajj maynit mayniru juchanacamjja arsusipjjañamajja, ucatsti maynejj maynitaqui orañaparaquiwa uqhamata c'umaräjjañapataqui. Mä asqui jaken oracionapasti wali ch'amaniraquiwa.

1 Juan 2:29

Jumanacajj yatjjapjjtawa Tatit Jesucristojj chekapätapa, yatipjjañamaraquiwa take qhitinacatejj chekapa lurapquejja, ucanacajj Diosan wawanacapawa.

1 Juan 3:7

Wawanacajja, jan qhitimpis c'arintayasipjjamti; asqui lurirejja asquiraquiwa, cunjämatejj Tatitojj asquïqui uqhama.

Apocalipsis 22:2

Uca marcan jach'a callepansti purap jawira uñcatasinjja mä kokaw jilaraquïna. Uca kokasti jacañ churiri kokänwa, tunca payani cutiraquiw maranjja achüna. Sapa phajjsiwa achüna, laphinacapasti marcanacan kollasiñapataquiw willirtaraquïna.