Efésios 5:2 - Kaxinawá Bíblia (BR) Haska inũ, Cristõ nuku abukĩ Deus duawanũ ika Deusũ kupiti nuku bishuĩ mawai inĩti hawẽrua keska puekĩ Deus benimawanikẽ haska Cristo nuku ishuni keskariakĩ nukubetã ikũwaĩbu dasibibube nui abunamei hiwekubaĩkãwẽ. Kashinawa : Diosun Jesúswen taexun yuba bena yiniki Jaska inun, Criston nuku bechipaikin Dios duawanun ika Diosun kupiti nuku bixuin mawai ininti jawendua keska puekin Dios benimawaniken jaska Cristo nuku ixuni keskadiakin nukubetan ikunwainbu dasibibube nui bechipainamei jiwekubainkanwen. |
hawẽ kuĩ nue maiai Senhor Deusũ shetekĩ benimakĩ shinãkĩ: “Hunibu ewariama shinã txakabui taemisbuki. Hunibu ewatã habiaskari ikubaĩmisbuki. Haskabiakẽ hatu kupikatsi ikama ẽ ana mai hatu txakabuwashunama ishanaii, kupikinã. Henewẽ ẽ haska waimarã, mai anu hiweabu dasibi ẽ ana hatu tenãma ishanaii.
Mã eskamisbu Senhor Deusũ matu ana yuikĩ: “Haska ea kẽwaĩ besikũkaĩkĩ mã txakabuwakubainairã, harã, ẽ danaiĩ. Itxai petã mã ea kẽwãbiakĩ hawẽ hiwekaĩkĩ mã ea benimawaismaki.
Hamẽ ea iki huirã, ẽ matũ Hutxi Kayabi Iuwabiarã, hau ea duawanũbũ ika ẽ huamaki. Hakia matu debushũkĩ yura itxapabu benuabu meshpamatã matu hiwemanũ ika ẽ huniki— nuku waniki.
Haskawẽ taeshũ hawẽ yunuti hãtxa bena ẽ matu baxishũkĩ yunubainaii. Haska matuwẽ ẽ nuiai keskairã, habiaskariai matubus nui duanamepakeriashãkãwẽ. Haskai xinãnãnaĩ mã nuibukuaĩ
Nai anua butuni misi hiwearã, habia ẽ eaki. Tsuabũra na misi hiwea pikubaini hiwepakeshãkanikiki, ikibi ikirã. Na misi ẽ hatu inãshanairã, ẽ yura kayabiki. Haskawẽ taea na mai anu yurabu shukuabu tibi hawẽ hiwetirubuwẽ taeshũ ẽ yura kayabi ẽ hatu inãshanaii— akĩ hunea hãtxawẽ hatu yuiaya
mã Israelbumã hawama mã Jesus Cristo ikũwãshanũbũ ea hawẽ kẽwãnika betsa Deusũ ea nitxĩkĩ hawẽ kakape hawẽ bake Jesuskiri ẽ matu yusĩbaunũ mã Israelbuma anu ea yununiki. Haskawẽ taea mã Israelbumari Deusũ Yushĩ Pepatũ matu meribi wa hawa txakabuma inãkuĩ pepa keska Deus bebũ matu nitxĩtã Deus ẽ matu uĩmakatsis ikaii.
Hau nukũ txakabu nuku buashuni nukũ Shanẽ Ibu mawanũ Deusũ yunua mawaxina ana bestẽwaniki, hau hawẽ taeshũ yura pepabu nuku wakubaĩshanunã.
Deusũ Moisés yunukĩ hawẽ hãtxa kenemanirã, yurabu hatũ xinã babuwẽ taeshũ haska washũ txibãtirubumakẽ haska bebũkiri yubani yurabu babubu hau hatũ txakabu hatu buashuni mawayunũ, iwanã, hawẽ bake yura babu nukuna keska bimatã Deusũ yununiki. Jesus haskakiranishũ hawẽ mawa kayabimati Satanásã kuxipa mebĩkĩ Deusũ bakẽ maemaniki.
Hakia hamapai txakabu betsa betsapa haratutũra nuku bikawabiaya Jesus Cristõ nuku abuaiwẽ taeshũ hamapai txakabu tibi nũ binuhairakubainaii.
Hamẽ Deusũ nai tsuma debuwanikatũ judeubũ bakebu dũkebaini Egitonawabũ huni bake iuwabu tenãnitiã xinaĩ Páscoa nawakĩ shasha wati dasibi judeubũ putatã shasha watiuma misi washũ txashuwã bake detetã pi nawakubaĩmisbuki. Hamẽ nukurã, txanima nũ shasha wati bena keskaki. Haskawẽ taea Cristo txashuwã detenibu keskai nuku mawashũkĩ nukũ txakabu nũ heneshanũbũ nuku ishuniki. Mã ma xinã betsa warã, hamapai txakabu mã hayari henerikãwẽ. Haska washũ shasha wati misi shasha wamisbu keskawẽ matũ xinã txakabũ matu ana txakabuwatirumaki.
Hakia Cristoki nũ dasia nũ hawenabukẽ hamapai bika Deusũ nuku habetã binumakubaĩmiski. Ha inũ, nukuwẽ hawẽ kakape yurabu Cristokiri mae tibi anua yusĩmakĩ nuku hatu unãmamiski. Nukuburã, nũ nis hawẽrua keskabuki. Haskawẽ taeshũ Epa Deus kẽwanãkãwẽ.
Ha inũ, hawẽ Epa benimawakĩ Cristõ hawẽ hiwea sheni ininipa keska inãkubaini haska keska yusĩkĩ Epa Deus benimawakĩ yurabu anu nũ bumiski, Cristokiri yurabu dasibi, betsabũ Cristo ikũwaĩbu inũ betsabũ nĩkabiakĩ ikũwãbuma benushanaibu anurã.
Ha inũ, nukũ Shanẽ Ibu Jesus Cristo nai anua hawẽ Epa Deusbe hiwea habe shanẽ ibuhairabia dasibi hawenabia henebirã hawẽ pepawẽ matu pepawanũ ika matuwẽ taea nuitapai matuwẽ nui mawaniki, hawẽ taea mã nuitapama dasibi haska yubakani mã ibu washanunã. Haska matu washuniwẽ taeshũ mã hatu merabewatiruki.
Haskakẽ nukũ Epa Deusũ haska xinaĩ keskawẽ nuku ikirã, natiã hiweabũ txakabuhaira wakubainaibube hau nuku kupiyamashanũ haskawẽ taea Jesus Cristo mawai hawẽ hiwea yauxiama nukũ txakabu buanũ ika iniki.
Natiã na ẽ yurawẽ ẽ hiweyuairã, Deusũ bakẽ ea abui ewẽ taea mawanishũ ea xinã betsa wamani ha ikũwaĩ ẽ hiweyuaii. Haskawẽ taea earã, ẽ ana emebi yunui ẽ hiweamaki. Hakia Cristo bestitũ ea yunui ewẽ hiweyuikiki.
Deusũ Cristowẽ taeshũ nuku katunũbarikatsi mai damiwariama haska xinãniki. Haskakẽ hawẽ besuuri nũ txakabuma pe besti nia nuku uĩnũbarikatsi iniki. Nuku abui nukuwẽ nuikĩ
Ha dikabi Cristo matube hiwea mã hayarã, hawẽ nui kayabiwẽ matu mestẽwãma mã hawẽ ikũwaĩnã, ha matũ huĩti merã xinãkĩ hau mã txibãkubainũbũ ẽ matu yukashũriamiski.
Haska hawẽ nui mã unaĩnã, pesheixta besti hawẽ nui unãkĩ haska hawẽ nui betsa betsapa meshti akĩ mã hawa tanatirubumaki. Deusũ hawẽ kuxipa pepa haska tsuã bikĩ nũ keyutirubumakiri mã unãnũbũ ẽ matu yukashũriamiski.
Hakia abunamekĩ hãtxa kayabi yui nukũ Shanẽ Ibu Cristo keskai ewai hiweyukubainãkãwẽ, Cristo nukũ bushkakẽ haki dasi tsamitã nũ hawẽ yura ewawairã.
Eskairã, bebukaini keãma betsa binũama inũ, duapai betsabu abui inũ, hĩ hĩ ikĩ hawara bebũkiri anũ ika hawaira sinama ikũwaĩ betsabube nui uĩnanaĩ teneshũ uĩrakubaĩkãwẽ.
Haskakẽ matũ hiwearã, uĩrakãwẽ. Hawara mã akai txibaĩ pe bestikubaĩkãwẽ, unaĩsmapamarã, hakia unãnepairã.
Aĩyãbuũ, maturi yununũ nĩkakãwẽ. Cristo habũ ikũwãshanaibuwẽ nuikĩ abui hawẽ hiwea hatu inãni keskai maturi matũ aĩwẽ nuikĩ parãma hatu abuhairakubaĩkãwẽ.
Epafrodito yunukĩ matũ pei mã ea bumaima dasibi ẽ bimaki. Hawẽ ẽ hamapai ẽ paka keyubia teshe ẽ hayayuaki. Haska inãkuĩ ea yunukinã, Templo anushũ inĩti pepa inĩhaira kuakĩ Deus inãbu haska shetei Deus benimamis keskai eari matuwẽ ẽ habiaskariaii.
Haskakẽ na yusĩa haska tibi dasibi txibaĩ abunamei heneama inũ putanameama pepai mã hiwekubaĩtirubuki.
Ha inũ: “Jesus matubetã ikũwaĩbu hatube abunamei hatuwẽ nuikubaĩkãwẽ”, akĩ Deusũ ibubis matu yusĩkĩ yunuima tapĩmashũ mã akai Macedônia mai pakeanushũ ikũwaĩ dasibibũ mã hatube haskaiwẽ taeshũ hawa ana betsa maewama nui abunametxakayamakũkaini beshtekeama ipakekãwẽ. Mã haskakũkainaiwẽ taeshũ ana haskakiri nũ matu keneshũtirumaki.
Cristo tsuabũra ikũwaĩbu Deusũ hatũ txakabu buashũshanaiwẽ taea Jesus Cristo hamebi mawakĩ habũ ikũwãshanaibu hatu mekeniki. Haskakẽ na habiatiã Deusũ yununi tsuabura hakiri txanibaũtirubuki.
Mĩ berunã huni ewariamabiatũ mĩ hatu yusĩaĩ hau mia danãyamanũbũ pe bestikũkaĩwẽ. Ha inũ, mĩ hãtxa pe tashnimakĩ duapai hatuwẽ nuikĩ Jesus Cristõ yusĩa ikũhairawakĩ mĩ ikũwaĩ hatu uĩmawe, hau haskariakĩ yura betsã ikũwãtã hiweriakubainũbũ ikũwaĩbu hatu yusĩkubaĩwẽ.
Deusũ nuku kupiaya hau nukũ txakabuwẽ taea nũ benuyamashanũbũ dasibi txakabu ana xinãtima wakĩ Deusũ nuku buashunũ, iwanã, Jesus Cristo yunua hamebi mawakĩ hawẽ hiwea nuku inaĩ nuku mawashuniki. Nuku haska wakĩ hawenabu kayabi pepa nuku waniwẽ taeshũ ha besti hiweshũkĩ nukũ pepa uĩmai dayashũkubainãkãwẽ.
Ha inũ, Deusbe hawenabu hãtxashunika tibirã, Deusũ hatu katukubaĩmiski, hau habũ hatu merabewakĩ hawẽ Deus daewati yuinaka inãkuĩaĩbu hau habũ kuashũkubainũbunã. Hakia Jesus Cristo nuku hãtxashunika inũ ikarã, hawẽ yurawẽ hawẽ hiwea yauxiama hawẽ Ibu Deus nuku daewashunũ ika nuku mawashuniki.
Haska wapaunibu pebia haska binumakĩ Cristõ hawẽ himi habanirã, kuxipa paehairaki. Haskakẽ Deusũ Yushĩ niti ismatũ merabewaya inãkuĩti hawa txakabu hayama keskakĩ Jesus Cristo ma ana bestẽkĩ Deus nuku daewashuniki. Mawai hawẽ himi habaniwẽ taea natiã nukũ xinã txakabũ nuku kanemakĩ hawẽ nuku tenãmis nuku buashũtã nukũ kupiti bitã hiwekuĩa nuku inãkĩ pewaniki, Hamebi Hiwemis Deus besti duawai ha dayashuni nũ hiweshũkubaĩshanũbunã.
Haskawẽ taeshũ txanima himiuma tsua meribi itirumawẽ taeshũ yuinaka mirima detekubaĩpaunibuki, hatũ txakabu ana Deusũ xinãtima wamakinã. Hakia haska wakinã, haska txipu Jesus Cristõ nukũ txakabu nuku buashũshanai ha binumakĩ ha kayabima mawakĩ ha keska wakĩ akubainibuki.
Cristo haskatianirã, mai damiwakĩ taewaitiã nukũ txakabu buanũ ika mawani nuku mawashũpakei heneama ikeanaii. Hakia bari hawẽ heneaitiã haska Epa Deus hakiri yubakani natiã hawẽ hãtxa txibãkĩ nukũ txakabu nuku buashuni mawakĩ hawẽ yura hawẽ ibu nuku inãshũkĩ nukũ txakabu buashunũ ika Cristo bestiwai tashnitã mawaniki.
Matu dasibirã, eska besti ikubaĩkãwẽ. Hawara mã hatubetã kanemis mã nui itxapa hayarã, hawẽri matũ txakabu mã buatiruwẽ taea nuinamei inũ abuname kayabikubaĩkãwẽ.
Nũ nui kayabi haya nũ tapĩtirurã, haska Jesus Cristo nukuwẽ dabanã hawẽ hiwea nuku inãni nũ xinãtirubuki. Haskawẽ taea nukubũri nukũ betsabu nũ hatu abukayabiai nũ hatu uĩmatirubuki.
Hawẽ bake Jesus Cristo nũ ikũwãshanũbũ inũ nũ abunamekubainũbũ Deusũ hawẽ yunuti yununiki. Habias keskari hawẽ bakẽ nuku yunurianiki.
Ha dikabi Jesus Cristo hawa txani txakaisma mawatã ha dukũ bestẽni inũ mai hirabi anu habu shanẽ ibu betsa betsapa binui hatũ shanẽ ibumisrã, hau hatũ matu unãnuma hiwemarianũwẽ. Ha inũ, nuku abui nukuwẽ nuikĩ nukũ txakabuwẽ taea mawakĩ hawẽ himi habakĩ nuku buashũrianiki.
dasibibũ nawati bena huiwẽ nawakĩ yuikĩ: “Mĩ pepahairaki. Mawakĩ mĩ himiwẽ yura shukuabu tibi anua inũ, nawa tibi anua inũ, hãtxa tibi anua inũ, mai pakea tibi anua Epa Deus bishũkĩ hawenabu hatu wakĩ