Hebreus 9:14 - Kaxinawá Bíblia (BR)

¹⁴ Haska wapaunibu pebia haska binumakĩ Cristõ hawẽ himi habanirã, kuxipa paehairaki. Haskakẽ Deusũ Yushĩ niti ismatũ merabewaya inãkuĩti hawa txakabu hayama keskakĩ Jesus Cristo ma ana bestẽkĩ Deus nuku daewashuniki. Mawai hawẽ himi habaniwẽ taea natiã nukũ xinã txakabũ nuku kanemakĩ hawẽ nuku tenãmis nuku buashũtã nukũ kupiti bitã hiwekuĩa nuku inãkĩ pewaniki, Hamebi Hiwemis Deus besti duawai ha dayashuni nũ hiweshũkubaĩshanũbunã.

Kashinawa : Diosun Jesúswen taexun yuba bena yiniki

¹⁴ Jaska wapaunibu pebia jaska binumakin Criston jawen jimi jabanidan, kushipa paejaidaki. Jaskaken Diosun Yushin niti ismatun medabewaya inankuinti jawa chakabu jayama keskakin Jesucristo ma ana bestenkin Dios nuku daewaxuniki. Mawai jawen jimi jabaniwen taea natian nukun shinan chakabun nuku kanemakin jawen nuku tenanmis nuku buaxuntan nukun kupiti bitan jiwekuian nuku inankin pewaniki, Jamebi Jiwemis Dios besti duawai ja dayaxuni nun jiwexunkubainxanunbunan.

Hebreus 9:14 Referencias Cruzadas

2 Reis 19:16

Senhor Deusuũ, ea uĩkĩ ea nĩkawe. Mĩ beru bepeshetã hawẽ hãtxa kene uĩwẽ. Mĩ mia Deus hiweaki mikiri hãtxa txakabukĩ mia danãkĩ kenea dasibi eanu Senaqueribẽ hatu bemashuki. Uĩwẽ.

Salmos 51:2

Ibubis ẽ txakabumis ea txukashũwẽ! Eã ẽ kanemis ea tere ashũwẽ!

Êxodo 12:5

Txashuwã bene bari bestitxaiya hawa isĩ hayama hawẽ yura dasibi pe keyu hau bishanũbũwẽ. Txashuwã bake kayabi pepa hayamakẽ ina txashu betsa cabra bake bitirubuki.

Isaías 42:1

Deus hatuki txani: “Uĩkãwẽ. Ẽ tsuma ẽ katunirã, ẽ betxipaiai ea benimawamiski. Ẽ Yushĩ kushipa ẽ yunua merabewaya ha ẽ tsumapã hawẽ yunuti kushipa pepakiri yurabu shukuabu tibi yuibaũshanikiki.

Isaías 53:9

Huni txakabu mawa hatu maiwamisbu anu habu dapi maiwashãkanikiki. Hawa kanei txakabuisma inũ hawa txanitxakai hãtxaismabiakẽ ha huni txakabubube maiwashãkanikiki.

Isaías 61:1

Haskaya Senhor Deusũ ea katukĩ sheniwẽ ea mauka keska wakĩ hawẽ Yushĩ kushipa ea hikimatã ea yunukĩ: “Nuitapaibu hatu shinã txãkãwaĩ kaka pepa hatuki txanitãwẽ. Bika teneaibu hatu merabewatãwẽ. Hatu nãta iyukĩ tsuma wabainibu keska inũ hatu bitxinibu keska haska wakĩ ẽ hatu unanuma hiwematiru hatuki txanitãwẽ, haska wakĩ ẽ hatu pekatirurã.

Daniel 6:26

Hanira ẽ hatu yunubaũmis anushũ Danielĩ mekenika Deus hawa danãma hau haki mesekĩ unãkubaĩshanũbũ matu dasibi ẽ hãtxa ẽ matu yunuaii. Danielĩ mekenika Deus hiweaki, ikibi ikarã. Shanẽ ibukũkainai tsuã keyukĩ yamawatirumaki, hawẽ kushipa hawa keyutirumarã.

Mateus 12:28

Hamẽ ikũ Deusũ kuxipawẽ eã ẽ yushĩ txakabu kaĩmamiswẽ taea Deus shanẽ ibui matu anu ma huaki.

Mateus 16:16

Simão Pedrõ kemakĩ: —Miarã, Epa Deus hiweatũ bake mĩ nukũ mekenika Messias Cristoki— aka

Mateus 20:28

Hamẽ ea iki huirã, ẽ matũ Hutxi Kayabi Iuwabiarã, hau ea duawanũbũ ika ẽ huamaki. Hakia matu debushũkĩ yura itxapabu benuabu meshpamatã matu hiwemanũ ika ẽ huniki— nuku waniki.

Mateus 7:11

Haskakẽ matũ xinã pepamabia matũ bakebu mã duawamis mã unaiĩ. Hamẽ tsuãra Epa Deus nai anua ea akĩ mã yukarã, hawara pepa yauxiama matu inãtiruki.

Lucas 1:74

Ana tsua dateyabi nũ hiwetirubuma inũ nukuki sinatamisbu mĩ hatu nuku daewashunaki. Hawama nũ mia dayashuni

Lucas 12:24

Ha inũ, nai anu peiyabukiri matu xinãmanũ nĩkakãwẽ. Habũ hawa mibã banama inũ hawa bimi tsekaisbuma inũ habũ piti aruti hayabumabiakẽ Deusũ hatu pimakubaĩmiski. Haskakẽ Deusũ matu abukĩ peiyabu matu binumakubainikiki.

Lucas 12:28

Hakia ni mashu huaya sepaxĩshũ kuamisbuki. Deusũ hua hawẽruawamistũ ha hua binumakĩ Deus matuwẽ nuikĩ matu tari sawematiruki, mã ikũ beshmas wabiayarã.

Lucas 4:18

“Nuitapaibu kakape ẽ hatu yusĩnũ Deusũ ea katuniwẽ taea hawẽ Yushĩ Pepa ẽ hayaki. Hanushũ huĩti nixmabu hatu benimawakĩ yura betsã hatu tsuma wa henemakĩ bekũ keskabu bepesha keska wakĩ hatu yusĩ pewakĩ hatu itxakawaibu nemakĩ Deus benimawatikiri dasibibu ẽ hatu unãmakubaĩshanũ Deusũ ea yununiki”, hatu watã keneni hãtxa yuikĩ keyushũ

João 3:34

Hanushũ hawẽ bake yunukĩ hawẽ Yushĩ Pepa keyuisma inãkubaĩmiswẽ taeshũ Deusũ bake ha yununitũ hawẽ hãtxa yuimiski.

Hechos 1:2

Nai anu kariama Yushĩ Pepaki dasia nishũ hawẽ tsumabu kuxipayabu yusĩkĩ hau haska katushũ txanima akubaĩshanũbũ hatu yunuyabis shaba betsatiã nai anu inakainikiaki.

Hechos 10:38

Hanushũ Jesus Nazaré anua hawẽ Yushĩ Pepatũ kuxipawẽ Deusũ Jesus kuxipahairawa ha meranua merabenãkũkainaya habu diabo Satanásã itxakawakĩ isĩ betsa betsapa hatu tenemamis nuitapaibu Jesusũ hatu shushawakĩ pewakĩ hatu merabewakubaĩyama mã unãriaii.

Hechos 14:15

—Hunibuũ, hawakĩ mã nuku haska wai? Nuku haska wayamakãwẽ. Nukurã, matu keskari nũ habias huniki. Ha yushĩ dabe mã kẽwãmistũ matu hawa washũtirumaki. Haskawẽ taeshũ mã kẽwãmis henetã Deus hiweatũ nai inũ, mai hirabi inũ, iãnẽwã dasibi inũ, hanu hiweabu dasibi damiwani matũ xinã betsa watã mã kẽwãkubaĩshanũbũ hakiri hawẽ bakekiri kakape matu yusĩtanũ ika nũ huxiãki.

Hechos 15:9

Nukunã, nũ Jesus ikũwaĩbu Deusũ nukũ huĩti pepawamis keska wakĩ habũri Jesus ikũwaĩbu Deusũ hawa hatu danãma hawa nuku pashkakĩ betsa wama habiaskas xinã hatube nuku waikiki.

Romanos 1:20

Hanushũ Deus tsuã uĩtirubumabia Deusũ mai damiwani anua haska niti akama hawẽ kuxipa inũ haska watãra dasibi pewakeakekubaĩmis Deusũ yurabu uĩmaya hawara damiwani uĩkĩ dasibibũ Deuskiri shabakabi unãtirubuwẽ taea tsuabura Deuski meseama yuikĩ: “Deuskiri tsuã ea yusĩamaki”, iki txanitxaka bestikanikiki.

Romanos 1:4

Hanua Jesus tenãbu mawaxina hawẽ Yushĩ Pepabetã hawẽ kuxipawẽ Deusũ bestẽwãtã: “Narã, ẽ bake kuxipahaira dasibi binuaki”, akĩ Jesus Cristokiri nuku shabakabi unãmaniki.

Romanos 11:12

Haskakẽ hawara Deusũ abuai Israelbũ danãkĩ betsa betsapa wabiaibũ ha habu Israelbumã hawẽ bake Jesus Cristo danãma habũ abukĩ Deusũ kakape Cristokiri nĩkatã habũ akai Israelbũ xinaĩ txanima habuwẽ taeshũ Israelĩ baba mirimabũri hawẽ hãtxa ikũwaĩ bepesheshãkanikiki, Deusũ hatu ana duahairawakĩ ibu wayarã.

Romanos 11:24

Hamẽ mã judeubumã bari itxapa Deus mã danãbiakubainaya atimas Deus matuwẽ nuiaya hawẽ kakape Jesus Cristokiri nũ matu yusĩayã xinã betsa watã mã ikũwaĩbũri ana habiaskari wakĩ Israelĩ baba kayabibũ xinã betsa wariatã itxapabũ ana txĩtũkirã txanima Jesus ikũwãriashãkanikiki, bebũkiri Deusũ hatu katunibunã.

Romanos 6:13

Haska inũ, matũ yura ana txakabu tsumawamayamakãwẽ, ha hamapaiwẽ nukũ yura hawẽ txakabu watimakirã. Eska wakinã, matũ xinã pe mekekĩ matũ yura hirabi Deus inãkĩ mekemariakubaĩkãwẽ. Ha inũ, yurabu mawatã ana besteã keskatã matũ yura pe mekekĩ matũ hiwea Deus inãtã pepashũkubaĩkãwẽ, matũ yura hirabiwẽ Deus duawakinã. Hawa kaneama ha bebũshũ pepakĩ akubaĩkãwẽ.

Romanos 6:22

Hakia txakabũ matu tsuma wapauni mã ma heneima hakia natianã, bai pepa betxitã hawama Deus besti mã dayashũkũkaĩkatsis ikaii. Haskakẽ na haska pepa Deus mã dayashunairã, hiwekuĩa pepa mã itxawaii, natiã mã hawẽ meribi hiwekũkainai inũ atimas hawẽ henekĩ hiwekuĩa hawẽ manakukĩ Deusũ matu inãshanikiki.

1 Coríntios 15:45

Deusũ yunua Moisés kenekĩ: “Huni wakĩ taewakĩ Adão damiwatã Deusũ hiwemaniki”, aniki, Moisésnã. Hamẽ Cristõ yura Adão keskari bia nuku mawashũkĩ hiwekuĩa Deusbe niti ikama hawẽ Yushĩwẽ hiweti nuku washuniki.

2 Coríntios 5:21

Jesus Cristo hawa txakabu meamahairabiakẽ hakia nukũ txakabuwẽ taeshũ txakabu memis keska wakĩ Deusũ Cristo aniki. Nũ Cristowẽ taea pepa keskabu Deusũ nuku ana kupikatsi ikama: “Ẽ haibuaibu txakabu hayama keskaki”, iwanã, Deusũ nukukiri haska xinãmiski. Haskakẽ Cristo matu mawashuniwẽ taea Deusbe haibunamekubaĩkãwẽ.

2 Coríntios 6:16

Hanushũ Deus kẽwãti Templorã, hanushũ yushĩ dami betsa ha merãshũ kẽwãtirubumaki. Nukũ yurarã, hanushũ Deus hiwea kẽwãti Templo keskaki. Haska Deusũ hamebi ibubiskiri yuini nĩkakãwẽ: “Habu anu hiwei hatube nikũkaini ea ẽ hatũ mekenika Deus ikaya, haburã, enabu ishãkanikiki”,

Gálatas 2:19

Haskakẽ Moisés keneni txibãhairabiai earã, hawẽ taearã, ẽ mawa keska iniki. Haskawẽ taea Jesus Cristo mawaya ẽ habe cruzki dununi keskawẽ taea hatishũra ẽ hiweawẽ Deus duawai ẽ hiweshũyuaii.

Efésios 2:5

nukũ txakabũ nuku beshea nũ mawa keskabiakẽ Cristo Deusũ yunua huni mawa ana bestẽwãtã hawẽ taeshũ nuku hiwea inãniki. Hawẽ pepawẽ taeshũ Deusũ matũ txakabu buanikẽ hanushũ matũ mã ma mekea biaki.

Efésios 5:2

Haska inũ, Cristõ nuku abukĩ Deus duawanũ ika Deusũ kupiti nuku bishuĩ mawai inĩti hawẽrua keska puekĩ Deus benimawanikẽ haska Cristo nuku ishuni keskariakĩ nukubetã ikũwaĩbu dasibibube nui abunamei hiwekubaĩkãwẽ.

1 Tesalonicenses 1:9

Ha inũ, mã haskaimabukiri ha mae anushũ nukukiri txanikĩ txanima haska mã nuku duawaima txanimisbuki. Ha inũ, damiwakĩ yushĩ itsa wabu mã kẽwãbiapauni ha henetã Deus hiwea kayabi ikũwãkĩ mã duawakĩ taewaimaki.

1 Timóteo 1:17

Hanua Deus nũ uĩtirumabia ha bestitũ nuku mekei shanẽ ibuhairakũkaini niti ikama hiwemistũ dasibi damiwani heneama hau dasibibũ kẽwãkubainũbũwẽ. Haskakirã.

1 Timóteo 3:15

Ẽ yane katiruma xinãkinã, haskai Deus hiweatũ enabũ txanima hãtxa Jesus Cristokiri hatũ matu tsuma unãkĩ txanima hãtxa besti xinaĩ hawẽ nemakanaĩ haskai hiwei hau mekei penũbũ haskakiri mĩ hatu yusĩnũ bebũkiri ẽ mia kene bumaii.

Tito 2:14

Deusũ nuku kupiaya hau nukũ txakabuwẽ taea nũ benuyamashanũbũ dasibi txakabu ana xinãtima wakĩ Deusũ nuku buashunũ, iwanã, Jesus Cristo yunua hamebi mawakĩ hawẽ hiwea nuku inaĩ nuku mawashuniki. Nuku haska wakĩ hawenabu kayabi pepa nuku waniwẽ taeshũ ha besti hiweshũkĩ nukũ pepa uĩmai dayashũkubainãkãwẽ.

Hebreus 1:3

Hawẽ Epã kuxipaya txashakapa hawẽrua keskaritũ dasibi betsa betsapa damiwani hawẽ hãtxa kuxipawẽ mekekubaĩmiski, hau hawa benuyamanũbunã. Ha inũ, hawẽ Epa nuku daewashuni mawakĩ nukũ txakabu buatã hawẽ Epa kuxipahaira dasibi binu keyuatũ yusiuri tsauwa nai anua ma habe shanẽ ibukũkainikiaki.

Hebreus 10:10

Hanua Deusũ xinã besti txibaĩ bestiwai hawẽ yura Deus inaĩ nuku mawashũtã ana besteniki, ana betsatiã mawatimairã. Haska wakĩ Jesus Cristõ Deusunabu nuku wakĩ ma nuku meribi waniki.

Hebreus 10:12

Hamẽ Jesus Cristo ikirã, habũ nũ ikũwãshanaibu nukũ txakabu nuku buashunũ ika besti ha bestiwai cruzkia nuku mawashũtã ana ipatimai bestẽtã hawẽ Ibu Deusũ yusiuri hanushũ betsabu binũa besti natiã ma tsauwaki, hanua nuku hãtxashũkũkainirã.

Hebreus 10:2

Txanima Deusũ hãtxa kuxipa hayatũ hatũ txakabu ma pewakẽ habũ xinã ibubis ma pe mekinã, ha yuinaka menukĩ Deus inãkubainaiburã, henekeanibuki.

Hebreus 10:22

Haskawẽ taea nukuri Deusbe hãtxanũ ika nukũ xinã txakabũ nuku mekemis ana mekemama ũpashwẽ txuki keskatã nukũ huĩti shũpĩtã txanima kayabi ikũ kayabi wai Deusbe hãtxakubainãkãwẽ.

Hebreus 11:21

Ha inũ, Jacõ Deus ikũwaĩ ma mawa kemashũ hawẽ mestẽti tsumatã Deus kẽwãkĩ hawẽ baba Josẽ huni bake dabe hãtxa pepawẽ hatu duawakĩ yukashũrianikiaki.

Hebreus 13:12

Habiaskari wakĩ hawẽ himiwẽ hawenabũ txakabu Deus buamashũkĩ nuku meribi pepawanũ ika mae pekatxu anuari Jesus nuku tenãshunaburi nuku mawashuniki.

Hebreus 3:12

Haskawẽ taea ẽ betsabu inũ ẽ puibuũ, matũ huĩtinĩ txakabu xinãkĩ ana ikũwãti kuxiwama txĩtũtã Hamebi Hiwemis Deus henebaĩkatsi ikama matu tibi ibubis mekekĩ xinã pewarikubaĩkãwẽ.

Hebreus 6:1

Haska tapĩkubaini ewairã, nũ yura ewa keska itirubukiaki. Haska bebũkiri Cristokiri matu yusĩkĩ taewanibu haskakiri nũ ana hawẽtxaĩs txĩtuãbirãbirãkĩ nũ matu yusĩtirumaki. Eska tibikirirã, ikũwãriabuma hatu ikũwãmatikirirã, hawara txakabu betsa betsapa aki hawẽ taea mawa kayabi anu bumisbu hatu putamakĩ yusĩakirirã, haska wakĩ Deus txibãkĩ ikũwãtikirirã,

Hebreus 7:16

Haska hunibu hau nukunabu Deusbe hãtxashunika binua ikũkaĩshanũ Levĩ bababu anua katumisbu keska wakĩ ha hãtxa yununi txibãkĩ nukũ Shanẽ Ibu Deusũ katuama iniki. Hakia hiwea kuxipa haya tsuã yamawatirumawẽ taea niti ikama nuku hãtxashũpakeikiki.

Hebreus 7:27

Ha nukunabu Deusbe nuku hãtxashunikabu binuabunã, shaba tibi yuinaka betsa tenãtã hatu kuakĩ menu keyushũmisbuki, ha dukũ hatũ txakabu dukũ buatã ha katxu hatunabũ txakaburi buashũkinã. Hamẽ Jesusrã, hatu keskamaki. Hatũ nukũ txakabu Deus buamai hawẽ hiwea yauxiama cruz anua besti wai hawẽ hiweawẽ nuku mawashũkĩ ana mawatimai ibubis Deus nuku daewashuniki.

Hebreus 9:12

Cristo ma nuku hikishũtanã, hatũ nuku yuinaka himiwẽ Deus daewashunũ ika ikama iniki. Hakia nukũ txakabuwẽ taea nuku mawashuni besti wai ana mawatimai hawẽ himi habakĩ hau Deusũ nukũ txakabu buashũtã nuku kupiyamashanũ Deus bebũ hikitã nuku daewashuniki, hawẽ hiwepaketi pe nuku washũkinã.

Hebreus 9:26

Cristo haskatianirã, mai damiwakĩ taewaitiã nukũ txakabu buanũ ika mawani nuku mawashũpakei heneama ikeanaii. Hakia bari hawẽ heneaitiã haska Epa Deus hakiri yubakani natiã hawẽ hãtxa txibãkĩ nukũ txakabu nuku buashuni mawakĩ hawẽ yura hawẽ ibu nuku inãshũkĩ nukũ txakabu buashunũ ika Cristo bestiwai tashnitã mawaniki.

Hebreus 9:7

Hakia ha katxu meribihaira dĩtu anu ano tibi shaba bestitxaitiã bestiwai Deusbe nukunabu hãtxashunika shanẽ ibu binua besti hikikĩ ibubis kaneriamiswẽ taeshũ yuinaka himi bushũ hawẽ nuiti bau beputiki himi baxa baxa akĩ Deus daewayupaunibukiaki, hawẽ txakabu inũ hawenabũ txakabu Deus hakimawakĩ hau ana hatukiri haska xinãyamakubainunã.

Hebreus 9:9

Ha inũ, hanu Deuski nukuti tari hiwe anushũ hawẽ daewati beshũ inãbu hatu kuashũkĩ keyubiakẽ tsuã xinã pewakĩ keyuama ipaunibuki. Haska wakinã, hawẽ nũ unãtirubu apaunibuki.

1 Pedro 1:19

hamẽ haskama txashuwã bake pepa hawa txami hayama deteshũ menu keyukĩ Deus daewapaunibu keska wakĩ hawẽ bake Cristo mawakĩ hawẽ himi pepahaira dasibi betsana binuawẽ Deus hawena nuku wati wamakĩ hawẽ daewati waniki.

1 Pedro 2:22

Xinãkãwẽ, Cristorã, matu eskashunikirã. Tsua betsa parãtaskama inũ hawara Deusũ nemani inũ yununi kanekĩ hawa txakabuwamahaira matu ishuniki.

1 Pedro 2:24

Cristo hamebi hawẽ yura cruzki dunua mawakinã, nukũ txakabu nuku bushuniki, nuku xinã betsa wamakĩ nũ ana txakabu husiyamashanũ nuku buashũkinã. Hanua hiwea bena nũ ma haya nũ ma pepai hiwekũkainaii. Cristo mawakĩ hau ana txakabũ matu tsumayamashanũ matu meshpamaniki, yura betsabu hatũ isĩ teneai shushawakinã.

1 Pedro 3:18

Hakia Cristo pepabia nũ txakabuwẽ taea nukuwẽ nui nukũ txakabu buanũ ika bestiwai ana mawatimai nuku mawashuniki. Cristo hawa txakabuwamabia Deus yurabu mekemanũ ika nukũ txakabuwẽ nukuwẽ taea nuitapaniki. Hawẽ yura babu mawabiatã habias hawẽ yuraya ana mawatirumai hawẽ yushĩ besteni hiwekũkainikiki.

1 Pedro 4:2

Hatishũ matũ kemu na mai anushũ henetã hatishũra matũ hiweawẽ besti haska Deusũ xinãkĩ abuai matũ hiweawẽ dayashuni hiweyukãwẽ.

1 João 1:7

Hakia tsuãra Deusũ hãtxa ikũwãtã txibaĩ mã pepai hiweaburã, Deusũ shabaki mã ma pesea keskabuki. Haskawẽ taea nukubũ ikũwaĩbu nũ ma dasiabuki. Hanushũ txanima hawẽ bake Jesus Cristo nukuwẽ taea mawakĩ hawẽ himi habakĩ Deus nuku daewashũkĩ ma nukũ txakabu nuku bua keyushuniki.

1 João 3:5

Yurabũ txakabu buanũ ika Jesus Cristo na mai anu tashnitã Deusũ yunua kanei txakabuwama inirã, mã unaiĩ.

Apocalipse 1:5

Ha dikabi Jesus Cristo hawa txani txakaisma mawatã ha dukũ bestẽni inũ mai hirabi anu habu shanẽ ibu betsa betsapa binui hatũ shanẽ ibumisrã, hau hatũ matu unãnuma hiwemarianũwẽ. Ha inũ, nuku abui nukuwẽ nuikĩ nukũ txakabuwẽ taea mawakĩ hawẽ himi habakĩ nuku buashũrianiki.

1 Samuel 17:26

nĩkatã hari mapuabu Davĩ hatu yukakĩ: —Ha Filisteu nawã matu kashe wakubainai tsuara habe detenamekĩ tenãkĩ yamawakenã, ha huni detenamenika Saulũ hawa inãshanai yuishinamẽ? Deus hiweatũ detenamenikabu kashe wakĩ bika tenemakubainai tsua ikimẽkaĩ, hawa Deus ikũwãmarã— ikaya