Hebreus 9:15 - Kaxinawá Bíblia (BR)

¹⁵ Tsuabura Deusũ hatu katunibu habũ hiwekuĩa ikibi ika bishanaibu Deusũ hatu yubani haska Jesus Cristõ pewanũ ika dasibibu mawashũtã unuri Deuski inũ yurabuki hãtxashunikai dasitã, haskatã Deusũ yuba bena pewakĩ hawẽ taeshũ nukũ txakabu nuku buashuniki, ha dukũ yubani hãtxa txibãma nũ kanei nũ txakabukubaĩmisbu nuku pewairã.

Kashinawa : Diosun Jesúswen taexun yuba bena yiniki

¹⁵ Tsuabuda Diosun jatu katunibu jabun jiwekuian ikibi ika bixanaibu Diosun jatu yubani jaska Jesucriston pewanun ika dasibibu mawaxuntan unudi Dioski inun yudabuki janchaxunikai dasitan, jaskatan Diosun yuba bena pewakin jawen taexun nukun chakabu nuku buaxuniki, ja dukun yubani jancha chibanma nun kanei nun chakabukubainmisbu nuku pewaidan.

Hebreus 9:15 Referencias Cruzadas

Salmos 37:18

Habũ kaneama pepai hiwekubaĩmisbu Deusũ hatu pe mekemiski. Haska dayakĩ pepa akubaĩmisbu hatu heneshũbaina bitã hawẽ hiwepakenũbarikanikiki.

Mateus 19:29

Haska inũ, tsuabũra ea txibãkĩ Deusũ hãtxa kakape yusĩtanũ ishũ dasibi hatũ hiwe henekĩ hatũ betsabu inũ hatũ puibu shunũbaĩkĩ hatũ ibubu shunũkĩ hatũ bakebu baxikĩ hatũ bai henekĩ keyubaĩ yusĩkubaĩmisbuwẽ taeshũ na habiatiã Deusũ ana hatu manakukĩ duawamisshũ haska uatiã hiwexinawẽma Deusũ pepawẽ hatu manakuhairakĩ haska tanatirubuma hatu itxawamakubaĩxĩshũ hanu ma bari keyuaitiã hiwea kayabi hatu inãshanikiki.

Mateus 22:3

hawẽ tsumabũ hau hatu itanũbũ hatu yunua bushũ hatu yuibiatanabu beabumakẽ

Mateus 25:34

Hanua ẽ shanẽ ibuhairatũ enabu ẽ yusiuri ẽ hatu nitxiã mapuabu hatu yuikĩ: “Ẽ Epã mai damiwakĩ taewakĩ matu habe hiwemakatsi matu katunishũ natiã matu ma kenaikiki. Habe hiweri bekãwẽ, matu duawai benimaikikirã.

Mateus 25:36

Ẽ tariumakẽ mã ea tari betsa inãniki. Ẽ isĩ teneaya mã eki bakĩ mã ea xinã txãkãwaniki. Ẽ bitxiti hiwe merã nikẽ ka mã eki bakĩ mã ea xinã txãkãwaniki”, ẽ hatu waya

Marcos 10:17

Hanua Jesus ana kaĩkainaya huni betsa kuxikirã haki nukutã ha bebũ dãti itã yukakĩ: —Yusĩnã pepaã, Mia yukapa? Hiwea kayabi bikinã, haska kayatã ẽ bitirumẽ? Ea yuiwe— aka

Lucas 18:18

hanushũ shanẽ ibu betsã Jesus yukakĩ yuikĩ: —Yusĩnã pepaã, mia yukapa? Hiwea kayabi bikinã, haska kayatã ẽ bitirumẽ? Ea yuiwe— aka

Lucas 22:20

bitã tureshũ pikubaunaibũ habiaskari wakĩ kẽtxa vinho mata tsumashũ yuikĩ: —Yura itxapabu matu merabewai mawakĩ ẽ himi ẽ matu habashũshanaii. Na vinho ẽ himi keskaki. Hawẽ yubaka bena xinãmatiki. Ea xinãbetanã, mã ashanai ikis akĩ taewabaũkãwẽ— iwanã,

João 10:28

Eki txiti ikabu benuama ẽ hatu hiwekuĩmakubaĩshanaii. Parãshũ tsuã hatu ea mebiãma ishanikiki.

Hechos 20:32

—Ẽ betsabu inũ ẽ puibuũ, ẽ matu hãtxa wai ma hatishũ ẽ matu keyuai nĩkakãwẽ. Natiã Deus ẽ matu yukashunaii. Hawẽ hãtxa pepa nuimis mã unãyã haska dasibi yubakani Deus matuwẽ dayakĩ hawẽ kuxipawẽ matu amashanikiki, mã hawenabu meribi ewai unãnepanũbunã— itã

Romanos 5:10

Haska inũ, Deus dasibi yurabuki sinataya nũ habe haibunameriamabiakẽ hawẽ Epa daewakĩ nukũ kupiti nuku bishuĩ Cristo nuku mawashũkĩ nukũ txakabu bua keyukĩ ana xinãtima watã pepa keskabu nuku waniki. Hawẽ bake hiwekũkaĩkĩ txanima nuku mekeshanikiki, nũ ma Deusũ haibuaibukenã.

Romanos 5:6

Yura dasibibu Deusũ nuku kupinũ ikũkainaya haska ibubis pashai nũ meketirubumakẽ hatiãra hanu Deusũ Cristo yunua tashnitã yurabũ Deuskiri xinãma txakabukubaĩmisbu hatũ txakabu dasibi Cristõ hatu bua keyushunũ ika debuniki.

Romanos 5:8

Haska keska binumakĩ Deus dasibibuwẽ nuikĩ nuku abuai nuku unãmanirã, dasibibu nũ txakabu husia hiwebiakẽ ha xinãma Deusũ Cristo yunua tashnitã nukũ kupiti nuku bishuĩ ha besti nuku mawashuniki.

Romanos 6:23

Haskakẽ tsuabũra txakabuwakubaĩmisbu hatũ kupitirã, Deusũ meketi hayama mawa kayabi bishãkanikiki. Hakia nukũ Shanẽ Ibu Jesus Cristo nũ ikũwaĩ nũ haki dasikẽ hawẽ taeshũ Deusũ nukũ hiwekuĩti pepa inã nukũ Shanẽ Ibube dasitã nũ habe hiwei ikibi ishanaii.

Romanos 8:28

Haskakẽ matu yusĩkubainũ nĩkakãwẽ. Habu Deusũ abukĩ kenakĩ katuni hawẽ bake Jesus pepa keskai hau ishanũbũ Deusũ bebũkiri hatu xinãnishũ merabewakĩ hamapai txakabu hatu binumakubaĩmiski.

Romanos 8:30

Haska inũ, tsuabura Deusũ bebũkiri hatu kabẽkĩ katuni Jesuswẽ taeshũ txakabuma wakĩ pewatã hawara Deusũ hawẽ bake Jesus Cristo yunutã ani keska wakĩ haburi duawakĩ Jesus Cristobe hatu shanẽ ibuwashanikiki.

Romanos 9:24

Haska tibi nukukiri akinã, nũ judeubu bestima judeubumari Deus hatuwẽ nuikĩ hatu duawakatsi ikĩ bebũkiri haska tibi nuku dasibi katuniki.

2 Coríntios 3:6

Jesus Cristo mawaiwẽ Deusũ hawẽ nuku yuba bena wai maewakinã, ana hakiri kenewẽ akama iniki. Hakia ha binumakĩ hawẽ Yushĩ Pepawẽ aniki. Haskawẽ taeshũ tsuabura Deusũ hawẽ taeshũ nuku tapĩma nũ hawẽ dayarubu besti nuku wamiski. Hamẽ Moisés Deusũ yusĩkĩ hawẽ yunuti inũ hawẽ nemati inãkinã, tsuãra ha yuba meneamakẽ hawẽ hatu kupikatsi amaniki. Hakia Deusũ Yushĩ Pepatunã, nuku haska wama ha binumakĩ hawẽ yuba benawẽ nuku hiwea inãkubainikiki, nũ habe hiwepakeshanũbunã.

Gálatas 3:20

ha dukũ Deus Abraãobe yubakakĩ ibubis Deus bestitũ anikiaki, tsua hãtxashunamarã.

Efésios 1:7

Haskakẽ Jesus mawakĩ hawẽ himi habaniwẽ taeshũ Deus nuku daewashũkĩ nukũ txakabu ana xinãma buaniki, hawẽ xinã duapa nũ haya tsuã beshtetiruma hawẽ taeshũ nuku mekekinã.

2 Tesalonicenses 2:14

Kakapekiri datã akĩ nũ matu yusĩayã Deusũ matu ikũwãmaniki, hau nukũ Shanẽ Ibu Jesus Cristõ kuxipaki dasitã mã hawenabu ikubaĩshanũbunã.

1 Timóteo 2:5

Haskawẽ taea eska Deus hawẽ xinã hayaki. Deusrã, bestitxaiki. Hanua nuku itsa habe hãtxashũmisrã, bestitxairiki, ha Jesus Cristorã, Deus nuku daewashuni hãtxashũmisrã.

2 Timóteo 2:10

Haskakẽ tsuabura Deusũ katunibu Jesus Cristo ikũwaĩ pepai hau hatũ txakabuwẽ Deusũ hatu kupiama hatu pashawakĩ piskuma hau hawẽ kuxipa ikibi ikanu hau hanu hiweriashanũbũ natiã ea hiweyushũ ẽ hatu bika teneshũyuaii.

Tito 1:2

Deus txani txakaismatũ mai damiwariama hawẽ hãtxawẽ hiweakiri yubakani hatũ hiwea ikibi ika tsumatũ hawa betsa wama ishanai nũ manaii.

Tito 3:7

Nukũmebi nũ Deus hawa pepa ashũtirumabiakẽ duapa nukuwẽ nuikĩ nukũ txakabu nuku buashũtã hawẽ pepawẽ hawẽ hiwekuĩti nũ bishanai nũ hawẽ manakanũ hawẽ Yushĩ Pepa nukuki dasiwaniki.

Hebreus 10:34

Jesusunabu betsabu hatuki sinatakĩ bitxiti hiwe merã hatu bitxiabu nuitapaibuki mã batãtanaya matũ mabu inũ matũ hiwe matu biãbũ hawa yuiama benimakĩ matũ hamapai hatu heneshũkĩ Deus kẽwãkĩ hawẽ mae pepa nai anu hawa txapuisma hanu hiwei ikibi iki mã kashanai haska mã xinãkubaĩyamaki.

Hebreus 10:36

Hamẽ matu akabumaki, bika tenemakinã. Haska Deus yubakani haska xinaĩ keskawẽ matu akaiburã, dateama binui hawẽ mestẽkubaĩkãwẽ. Mã haska tenekubaĩmisbuwẽ taeshũ haska Deus yubakaniwẽ matu manakua txanima mã uĩshanaii.

Hebreus 11:13

Hamẽ ha yurabu haska Deusũ hatu yubani hari hiweriamabia ikũwã besti mawanibukiaki. Hakia Deusũ yubani bebũkirihairashũ ikũwãkĩ besti xinaĩ punu nukama manakakĩ habũ ibubis xinaĩ: “Na nawã mai anu baii niyua keskakĩ Deusũ mae pepa nai anua nũ hari kashanai anu nũ manakakubainaii”, ikubainibukiaki.

Hebreus 12:24

Ha dikabi Jesusũ hawẽ yuba bena nuku washũkinã, mawai hawẽ himi habakĩ Abelĩ himi binuniki, hawẽ taeshũ Deusũ nukũ txakabu nuku buashũti wakinã. Hamẽ Abelĩ himirã, hawẽ taea Deus sinatai hawẽ yupukunaniki, tsuã txakabu buatimarã.

Hebreus 13:20

Nukũ Shanẽ Ibu Jesusũ himiwẽ Deusũ yuba bena ikibi ika ma pewani hawẽ bake txashuwã mekenika pepa keska nukũ mekenã bestẽwanitũ unãnuma hawẽ kuxipawẽ nuku hiwemakubaĩkatsis ikikiki.

Hebreus 2:14

Hatũ ibubũ hatu bake bikĩ habias nami inũ himi haya wamiski. Haska keskariai Jesus damiriatã tashninũ ika yurabũ nami inũ himi keska biniki. Haska bitã hawẽ hatu tenãmis kuxipa diabo Satanás haya maemakĩ binũtã hatu meshpamanũ ika hawẽ yurawẽ Jesus yurabu mawashuniki.

Hebreus 3:1

Nuku haska wakubainaiwẽ taea ẽ betsabu inũ ẽ puibuũ, nũ ikũwãshanũbũ Deusũ nuku kenakĩ katuniwẽ taea nũ hawenabuki. Haskakẽ Deusũ hawẽ bake hawẽ kuxipaya yununika wakĩ ha Deusbe nuku hãtxashunika Shanẽ Ibu Jesus Cristo dasibi betsabu hatu binunirã, ha besti xinãkubaĩkãwẽ.

Hebreus 6:13

Hanushũ matũ shenipabu Abraão Deusũ yubakatsi ikĩ tsuã Deusũ kuxipa binua datã atiruma Deus ibubis datã ikĩ yubakakĩ

Hebreus 6:15

nĩkatã hawẽ yubati hãtxa manai hĩ hĩ ikama ikũkaĩkĩ atimas haska Deusũ yubani bi benimanikiaki.

Hebreus 7:22

Ha dukũ nuku yubani keskama Jesuswẽ hawẽ yubaka bena binumakĩ pepahaira waniki.

Hebreus 8:13

Hanua hawẽ yubati hãtxa benakiri Deusũ Jeremias hãtxa watã xinaĩ: “Ha dukũ ẽ yubati hãtxa sheni ẽ anirã, ana ikama ishanikiki”, ikĩ ana atimawakĩ xinãkĩ: “Bena ẽ yunuaya ha dukũ ẽ yununi shenikũkaini yamai kaikiki”, iwanã, Deusũ xinãniki.

Hebreus 9:12

Cristo ma nuku hikishũtanã, hatũ nuku yuinaka himiwẽ Deus daewashunũ ika ikama iniki. Hakia nukũ txakabuwẽ taea nuku mawashuni besti wai ana mawatimai hawẽ himi habakĩ hau Deusũ nukũ txakabu buashũtã nuku kupiyamashanũ Deus bebũ hikitã nuku daewashuniki, hawẽ hiwepaketi pe nuku washũkinã.

Hebreus 9:16

Haska inũ, hawẽ mabu pashkakĩ hawenabũ hau ibu washanũbũ yura mawariama ibubis hawenabuki tanakĩ hãtxawẽ kasmai kenewẽ amisbuki. Hakia ha mawariamakẽ hawẽ yubaka hãtxa txibãkĩ hawẽ mabu ibu watirubumaki. Hakia ma mawakẽ haska bebũkiri yubakaima ibu watirubuki. Haska keskai Jesus nuku mawashũtã ana besteniwẽ taea haska Deusũ nuku yubani nũ ma hayaki.

Hebreus 9:28

Ha inũ, Cristo haska keskariai hawẽ hiweawẽ besti wai mawariakĩ Deus nuku inãshũkĩ nũ habũ ikũwãshanaibũ itxapabũ txakabu nuku buashuniki. Txipu ana ha katxu Cristo huirã, ana txakabu pewatanũ ika huama hakia nũ habũ manaka bestiabu nuku pasha watã mekẽnũ ika ana hushanikiki.

Santiago 1:12

Tsuabũra ikũwaĩ bika betsa betsapa tenebiai babuama binukubaĩmisbu Deus hatuwẽ benimakĩ hatu manakukĩ haska habũ Deus abumamisbu haskabu hatuki Deus yubakai hiwekuĩa hatuki tanani hatu hawẽ manakushanikiki, maiti sawemakĩ akawakinã.

1 Pedro 3:18

Hakia Cristo pepabia nũ txakabuwẽ taea nukuwẽ nui nukũ txakabu buanũ ika bestiwai ana mawatimai nuku mawashuniki. Cristo hawa txakabuwamabia Deus yurabu mekemanũ ika nukũ txakabuwẽ nukuwẽ taea nuitapaniki. Hawẽ yura babu mawabiatã habias hawẽ yuraya ana mawatirumai hawẽ yushĩ besteni hiwekũkainikiki.

1 Pedro 5:10

Ha dukunã, bari itxapama mã nuitapayuaii. Deusũ haska matu memabiatã habiatũri matu kuxipa wakĩ pashkatima watã ha hawẽ mestẽwãtiwẽ matu pepa wakĩ keyushanikiki. Jesus Cristobe nũ haki dasitã hiwea ikibi iki nũ pepai kuxipashanũbũ habias Deus nuikipatũ hawena wakatsi ikĩ nuku katuniki.

1 João 2:25

Haska Jesus Cristõ ma nuku yubabaini nũ ma haya hawẽ taea hiwei ikibi ika nũ ipashanaii.

Apocalipse 5:9

dasibibũ nawati bena huiwẽ nawakĩ yuikĩ: “Mĩ pepahairaki. Mawakĩ mĩ himiwẽ yura shukuabu tibi anua inũ, nawa tibi anua inũ, hãtxa tibi anua inũ, mai pakea tibi anua Epa Deus bishũkĩ hawenabu hatu wakĩ