Efésios 4:15 - Kaxinawá Bíblia (BR)

¹⁵ Hakia abunamekĩ hãtxa kayabi yui nukũ Shanẽ Ibu Cristo keskai ewai hiweyukubainãkãwẽ, Cristo nukũ bushkakẽ haki dasi tsamitã nũ hawẽ yura ewawairã.

Kashinawa : Diosun Jesúswen taexun yuba bena yiniki

¹⁵ Jakia bechipainamekin jancha kayabi yui nukun Xanen Ibu Cristo keskai ewai jiweyukubainankanwen, Cristo nukun buxkaken jaki dasi tsamitan nun jawen yuda ewawaidan.

Efésios 4:15 Referencias Cruzadas

Salmos 32:2

Tsuara Senhor Deusũ hawẽ txakabuwẽ taeshũ ana hawẽ txiteamawẽ taea ha huni ana shinã txakai bika teneamawẽ taea benimakũkaĩmiski.

Malaquias 4:2

Hakia matubu ewẽ datekĩ mã ea duawakubaĩmisbu bari pesheai keska ẽ pepa matu txashashũshanikiki, ana hawa matu isĩ tenemama ẽ kupiti matu nemashunirã. Haskaiwẽ taea benimai matubu mã ishtxu ishtxu ikũkaĩshanaii, kene meranua ina awa bake kaĩkainai keskairã.

João 1:47

Natanael Filipebe huai uĩkĩ Jesusũ nuku yuikĩ: —Uĩkãwẽ, ha Israelĩ baba kayabitũ tsua hatu paraĩsmarã— nuku wai

Romanos 12:9

Ẽ betsabu inũ ẽ puibuũ, yura betsabuwẽ nui abukĩ tsua parãma txanima kayabi uĩmakĩ hatu merabewakubaĩkãwẽ. Haska inũ, hawara pe besti beya wakĩ hawara txakabu akama henekĩ danãkubaĩkãwẽ.

1 Coríntios 11:3

Haskabia Deusũ hãtxa nĩkai itxatã Deus kẽwãkĩ haska aĩbuaibu hau ikubainũbũ matu yuinũ nĩkakãwẽ. Ha dukunã, Cristõ hunibu mekekĩ yunumiski. Hunibũri hawẽ aĩ mekekĩ yunuriamisbuki. Habiaskari wakĩ Deusũ Cristo mekekĩ yunuriamiski.

2 Coríntios 4:2

Hakia hawa dakeama hawara huneshũ nũ aisma inũ, matxupakĩ tsua nũ paraĩsma inũ, Deusũ hãtxa hamakiri yuikĩ nũ betsa waismaki. Nũ haska wamiswẽ taea hiwekĩ nũ yusĩmis Deusũ unãyã hawẽ hãtxa nũ matu shabakabi yusĩkubaĩmiski, hau dasibibũ nukũ yusĩa nĩkatã hatũ xinã pewanũbunã.

2 Coríntios 8:8

Haska matu yuikĩ ẽ matu yunuti mese washunamaki. Hakia Macedônia anuabũ hatu ashuĩmabu keska wakĩ Jerusalém anua nuitapaibu ikũwaĩbuwẽ maturi mã nuiai shabakabi dasibibu mã uĩmatirubuki, iwanã, ẽ matu haska xinãmaii.

Efésios 1:22

babu watã mekemaniki, hamapai betsa betsaparã. Hanushũ Deusũ Cristo ha ikũwaĩbu hawẽ shanẽ ibuhaira hatu washuniki, ha hatũ bushka wakinã.

Efésios 1:4

Deusũ Cristowẽ taeshũ nuku katunũbarikatsi mai damiwariama haska xinãniki. Haskakẽ hawẽ besuuri nũ txakabuma pe besti nia nuku uĩnũbarikatsi iniki. Nuku abui nukuwẽ nuikĩ

Efésios 2:21

Habu dasibitũ nũ Cristo ikũwaĩburã, mixki hiwe wakĩ benibaĩmisbu keskaki. Mixki tibi tsamabaĩmisbu keska wakĩ nukũ Shanẽ Ibuki yura betsa betsapabube husiakeakekaĩkĩ Templo meribi nũ hiwe wakeakekanaii.

Efésios 4:25

Eskatianã, nũ Jesus ikũwaĩburã, nũ yura bestitxai keskaki. Haskawẽ taea hawara yui mã hãtxairã, ana txani txakai parananãma matunabube shabakabi yuinamekubaĩkãwẽ.

Efésios 5:23

Haska inũ, Cristo mã ikũwaĩburã, Cristorã, matũ bushkaki. Maturã, mã hawẽ pabuki. Matũ bushka matũ mekenikaki. Habiaskari mã aĩbu beneyaburã, matũ benerã, matũ bushkaki, hatũ matu mekemisrã.

1 Pedro 1:22

Mã ma haskawẽ taea natianã, Deusũ kakape Jesuskiri nĩkatã ha hãtxa txanima txibaĩ mã ma meribi pepabuki. Haskakubaĩkinã, ikũwaĩ betsabube abuname kayabikubaĩkãwẽ. Haskakĩ matũ huĩti hawa txakabu hayama inũ matũ kuxipa hirabiwẽ betsabu merabewai hatuwẽ nui abunamei hatube duanamepakekãwẽ.

1 Pedro 2:2

Bakeixta kaĩ taea txutxu beya wamakĩ amabu hawẽ yumeti unãmis keskakĩ nukũ Shanẽ Ibu Jesusũ yusĩa kayati wakĩ hawẽ huĩti kuxipanũ ishũ hawẽ hiwekuĩ pashati hãtxa tapĩ mestẽkubaĩkãwẽ,

2 Pedro 3:18

Hakia nukũ mekenã Shanẽ Ibu Jesus Cristo ana unãkĩ beyahairawai hawẽ nuiwẽ ewakubaĩkãwẽ. Harã, dasibibũ Jesus kẽwãkĩ heneama hau apakenũbũwẽ. Haskakirã. Hatiski, ẽ hãtxarã. Pedro

1 João 3:18

Ẽ bake keskabuũ, txanima Deus abukĩ duawakinã, hãtxa bestiwẽ akama ikũwaĩ betsabuwẽ nui merabenãkĩ hatu uĩmakĩ ashũkubainãkãwẽ.

Juízes 16:15

haska wai uĩtã Dalilã ana yuikĩ: —Mĩ ea beparani txanitxakai ikaii. “Ẽ mia betxipaihairaii”, ibiakĩ shabakabi mĩ ea yuiama ikũkainaii. Dabe inũ bestiki mĩ eki kasheaii. Hania mĩ kushipa huai mĩ ea yuiriamaki— akĩ