Efésios 4:16 - Kaxinawá Bíblia (BR)

¹⁶ Hanua Cristo nukũ Shanẽ Ibuwẽ taea dasibi ikũwaĩbu nuku dasiwa nuinamekĩ, ikũwaĩbu tibitũ daya betsa Deus ashuaĩbu inũ ikũwaĩbu dasibi merabewakĩ Cristowẽ taeshũ nukunabu dasibi mã hatu kuxipa wakubainaii, nukũ pabu tibi ewai nũ kuxipamis keskakinã.

Kashinawa : Diosun Jesúswen taexun yuba bena yiniki

¹⁶ Janua Cristo nukun Xanen Ibuwen taea dasibi ikunwainbu nuku dasiwa nuinamekin, ikunwainbu tibitun daya betsa Dios axuainbu inun ikunwainbu dasibi medabewakin Cristowen taexun nukunabu dasibi man jatu kushipa wakubainaii, nukun pabu tibi ewai nun kushipamis keskakinan.

Efésios 4:16 Referencias Cruzadas

João 15:5

Earã, ẽ mibã tashu keskaki. Maturã, mã hawẽ mebi keskabuki. Ebe haibunamekĩ bimi itxapaya keskakĩ mã Deus benimawatiruki. Eauma mã hawayatirumahairaki.

Romanos 12:4

Haska inũ, nukũ yura hirabi ha pabu tibi nebauna daya betsa tibi hayaki, haskasmarã.

1 Coríntios 10:17

Nũ Jesus ikũwaĩbu nũ yura betsa betsapabia dasibibũ ha misi nũ pimisbuwẽ taearã, Jesus nuku mawashuni xinaĩ nũ habias yurabuki.

1 Coríntios 13:13

Ha inũ, na xinã dabe inũ besti keyuismaki, ikũwaĩnã, yubakani dateama manatirã, nuikipa kayabirã. Na xinã dabe inũ besti hatũ binu keyuarã, nuikipa kayabiti bestiki.

1 Coríntios 8:1

Ẽ betsabu inũ ẽ puibuũ, mã ea kene bemakĩ ha yuinaka deteshũ dami yushĩ nami inãtã pikĩ matu pimakatsis ikaibukiri mã ea yukaima matu yuinũ ea nĩkakãwẽ. Ha nami dami yushĩ kẽwãkĩ inãmisbu pirã, hawa txakabumaki. Txanima haskabiakẽ hakia ikũwaĩbu betsa babubu ha nami pikĩ mã hatu uĩma ana babutirubuki, pi mã keaĩwẽ taearã, haskakĩ tsua kuxipawakĩ mã hatu merabewatirumaki, mã nui hayamarã.

Gálatas 5:22

Hamẽ betsarã, heshe pepa banabu pepa hukũmis keskai tsuabura Deusũ Yushĩ Pepatũ mekeshũ amakĩ hatu pe hiwemabainairã, eska shabakabi hatu anua tashnimiski, abunamei hawenabuwẽ nuirã, benimakĩ Deus kẽwaĩnã, unãnuma hiwea tsuki sinatamarã, hĩ hĩ ikama hawara teneirã, hatu txikixwabu kũyã akamarã, hatu duawairã, yauxiama hawara pepa hatu inãkubainirã, hawara yubakashũ kaneama akirã,

Gálatas 5:6

Haska inũ, Jesus ikũwãkĩ hina kubitxi meshteaibu inũ meshteabuma hamẽ ikanikiki. Hakia Jesus Cristo ha besti ikũwaĩ nui benimai nũ haki txiti ikubainaibu besti nũ hawenabuki.

Efésios 1:4

Deusũ Cristowẽ taeshũ nuku katunũbarikatsi mai damiwariama haska xinãniki. Haskakẽ hawẽ besuuri nũ txakabuma pe besti nia nuku uĩnũbarikatsi iniki. Nuku abui nukuwẽ nuikĩ

Efésios 3:17

Ha dikabi Cristo matube hiwea mã hayarã, hawẽ nui kayabiwẽ matu mestẽwãma mã hawẽ ikũwaĩnã, ha matũ huĩti merã xinãkĩ hau mã txibãkubainũbũ ẽ matu yukashũriamiski.

Efésios 3:7

Ha haska waniwẽ taea Deus duapa ewẽ nuikĩ hawẽ kaka pepa ẽ yusĩkubaunũ ea yununiki, haska wakĩ hawẽ kuxipahaira ea uĩmakinã.

Efésios 4:12

Hatu haska wabaĩkĩ hawenabũ hawẽ daya tibi hau ashunũbũ hatu pewatã hatu yunubainiki, hau kuxipanamei haska Deusũ abuai hakiri ana tapĩ Cristõ yurai nũ mestenepakubainũbunã.

Efésios 4:15

Hakia abunamekĩ hãtxa kayabi yui nukũ Shanẽ Ibu Cristo keskai ewai hiweyukubainãkãwẽ, Cristo nukũ bushkakẽ haki dasi tsamitã nũ hawẽ yura ewawairã.

Filipenses 1:9

Deus yukakĩ matu ea ashũkinã, hau hawẽ nui itxapawẽ matu ewawakĩ hau apakenũwẽ, heneamarã. Haska wakĩ Deusũ matu unãnepa wakĩ nĩkanika hau matu wakubainũ, iwanã, ẽ matu yukashũmiski,

Colosenses 2:19

Ha habu haskamisburã, Cristorã, hatũ bushkamaki. Hamẽ nukuburã, nukũ bushkarã, Cristoki. Haskakẽ nukũ yura ewakaini pitiwẽ nũ kuxipamis keskariai habũ nukũ Shanẽ Ibu Cristo ikũwaĩburã, pabu tibi haki dasikĩ nũ ewawairã, hawara nũ unãriama tapĩmakĩ haska Deus yubakani Cristõ haska xinãkĩ nuku amaikiki.

Colosenses 2:2

Hau mã xinã txãkaĩ henetima binũbũ inũ, hawa betsa xinãma ikũwaĩ betsabube ketashamei nuinamei mã abunamenũbũ inũ, unãnepakĩ Deusũ hawẽ yuba betsa huneni Cristokiri natiã hau shabakabi mã nĩka pehairawanũbũ ẽ matu dayai heneshunamaki.

1 Tesalonicenses 1:3

Mã eskai hiwea ikũwaĩ Jesuski txiti itã, ikũwaĩ betsabube merabenaĩ bika tenebiai hawa txĩtuãma nukũ Shanẽ Ibu Jesus Cristo mã manaya nukũ Epa Deusbe hãtxakĩ matu dayuishũkĩ matukiri xinãkĩ nũ heneama ikũkainaii.

1 Tesalonicenses 2:13

Haska wakĩ Deusũ kakape nũ matu yusĩma nĩkakĩ hunibũ yusĩa keska mã xinãma hakia Deusũ hãtxa besti txibãkĩ xinãkĩ mã ikũwãyã hawẽ hãtxawẽ taeshũ Deusũ matu xinã betsa wamakubainimaki. Deusũ matu haska waimawẽ taeshũ nũ matu Deus kẽwãshũkubainaii.

1 Tesalonicenses 3:12

Ha inũ, nukũ Shanẽ Ibũ hau matu ana ewawakĩ abunamemakĩ nui itxapa matu inãkubainũwẽ. Matu haska wa hayatã ikũwaĩ betsabuwẽ nuikĩ yurabu dasibiwẽ nuitixara ikubaĩkãwẽ, haska nũ matuwẽ nuikũkainai keskairã.

2 Tesalonicenses 1:3

Ẽ betsabu inũ ẽ puibuũ, txanima matũ xinãnẽ Jesus ikũhairawai mã ma yumei kuxipai ẽ matu unaiĩ. Haskakĩ ana heneama ikũwaĩ betsabube kuxipai nui henenameyamakubaĩshãkãwẽ. Mã haskaya matukiri xinãkĩ Deus matu yukashũkĩ matuwẽ nũ Deus kẽwãkubainaii, haska nuku yunuayarã.

1 Timóteo 1:5

Na haskakiri xinãkĩ ẽ mia yunuairã, tsuabura hatũ huĩti detsisma pepawẽ xinãkĩ dakeama Jesus Cristo ikũ kayabi waibu hau hatuwẽ nui nũ habube abunamekubainũbũ haskabu besti ikũwaĩbu txanima hatu yusĩkubaĩwẽ.

1 Pedro 1:22

Mã ma haskawẽ taea natianã, Deusũ kakape Jesuskiri nĩkatã ha hãtxa txanima txibaĩ mã ma meribi pepabuki. Haskakubaĩkinã, ikũwaĩ betsabube abuname kayabikubaĩkãwẽ. Haskakĩ matũ huĩti hawa txakabu hayama inũ matũ kuxipa hirabiwẽ betsabu merabewai hatuwẽ nui abunamei hatube duanamepakekãwẽ.

1 João 4:16

Txanima Deus nũ abuairã, ikũwãkĩ nũ ma Deus unãkanaii. Deusrã, nuikipa abunamenikaki. Tsuara ha nui haya hiwearã, Deuski dasia hiweaki, Deusri haki dasiriarã.