Apocalipse 5:9 - Kaxinawá Bíblia (BR)

⁹ dasibibũ nawati bena huiwẽ nawakĩ yuikĩ: “Mĩ pepahairaki. Mawakĩ mĩ himiwẽ yura shukuabu tibi anua inũ, nawa tibi anua inũ, hãtxa tibi anua inũ, mai pakea tibi anua Epa Deus bishũkĩ hawenabu hatu wakĩ

Kashinawa : Diosun Jesúswen taexun yuba bena yiniki

⁹ dasibibun nawati bena juiwen nawakin yuikin: “Min pepajaidaki. Mawakin min jimiwen yuda xukuabu tibi anua inun, nawa tibi anua inun, jancha tibi anua inun, mai pakea tibi anua Epa Dios bixunkin jawenabu jatu wakin

Apocalipse 5:9 Referencias Cruzadas

Salmos 33:3

Nawati benawẽ kãtai mimawati mawa pehaira wai benima txakayamai kãtakãwẽ.

Salmos 40:3

Nukũ mekenika Deus kẽwaĩ ẽ kãtaya ea ana benimahairawakĩ ẽ huiwẽ kãtati bena ea imaimaki. Ẽ haskai dasibitũ ea uĩkĩ nĩkai benimai shinã txãkãkĩ itxapabũ Deus shinaĩ haki txiti ikĩ ikũwaĩmabuki.

Isaías 42:10

Kãtati bena betsawẽ Senhor Deus kãtashũkãwẽ. Nenumahaira mai kesua anushũ kẽwãbaũkãwẽ. Tsuabura mã ianẽwã shashuwãwẽ mapuabu inũ, mã ianẽwã merã yuinaka hiweabu inũ, mai pakea tibi ianẽwã kesua anu mã yurabu hiweabunã, Deus kẽwãkãwẽ.

Daniel 3:4

besi taekĩ hatu banabimati huni betsã hui kushipawẽ hatu yuikĩ: “Yurabu shukuabu tibi anua inũ hãtxa betsa betsapawẽ hãtxamisbu tibi anua hunibu tibibuũ, pes shũ ea nĩkakãwẽ.

Daniel 4:1

Bari betsatiã dasibibũ hau tapĩshanũbũ Nabucodonosorĩ hatu banabimakĩ yuikĩ: “Yurabu dasibi inũ shukuabu betsa betsapa tibi inũ, hãtxa betsa betsapawẽ hãtxamisbu mai hirabi anu hiwebaunabu hawa nuitapama unanuma mã hiwekubaĩshanũbũ ea ẽ shanẽ ibuhaira Nabucodonosorĩ matukiri ẽ shinaiĩ.

Daniel 5:19

Hawẽ kushipa Deusũ ma inãniwẽ taea yurabu shukuabu tibi inũ hãtxa betsa betsapawẽ hãtxamisbu mĩ hutxi bebunua datei saki saki ipaunibuki. Tsuabura tenãkatsi ikĩ tenãkubainiki. Tsuabura hau hiweyunũbũ mĩ hutxĩ hatu henekubainiki. Betsa betsapa shanẽ ibu wakubaĩkĩ betsa betsapa hatu nuitapa wakĩ hatu babu wakubainiki.

Daniel 6:25

hanushũ yurabu dasibi inũ nawa shukuabu betsa betsapa tibi inũ hãtxa betsa betsapawẽ hãtxamisbu mai hirabi anu hawẽ yunuti hãtxa hatu bumakĩ shanẽ ibuhaira Dariõ hatu kenemakĩ yuikĩ: “Hawa nuitapama unanuma hiwei mã mabuyakũkaĩshanũ haska ẽ matukiri shinaiĩ.

Mateus 20:28

Hamẽ ea iki huirã, ẽ matũ Hutxi Kayabi Iuwabiarã, hau ea duawanũbũ ika ẽ huamaki. Hakia matu debushũkĩ yura itxapabu benuabu meshpamatã matu hiwemanũ ika ẽ huniki— nuku waniki.

Hechos 20:28

Haskakẽ ibubis mekekĩ Deusũ Yushĩ Pepatũ matu katua merabewakĩ ikũwaĩbu mekekubaĩshãkãwẽ. Deusunabu hatu wakatsi ikĩ hawẽ bake yunua mawashũkĩ hawẽ himiwẽ hawenawakĩ meribi hatu wani hatu putama hatu uĩrashũshãkãwẽ.

1 Coríntios 7:23

Jesus Cristo matu mawashũkĩ matũ txakabu matu buashunaya Deusũ ibuwakĩ hawena matu wakĩ biniwẽ taeshũ ana huni betsã matu escravo wai keska wakĩ xinã betsa matu yusĩaĩburã, danãkãwẽ, mã Cristonawẽ taearã.

Efésios 1:7

Haskakẽ Jesus mawakĩ hawẽ himi habaniwẽ taeshũ Deus nuku daewashũkĩ nukũ txakabu ana xinãma buaniki, hawẽ xinã duapa nũ haya tsuã beshtetiruma hawẽ taeshũ nuku mekekinã.

Efésios 5:19

Eska tibi bestiwẽ yuikĩ kẽwãkubaĩkãwẽ. Mã hatubetã ikũwaĩbube Deuskiri nawati tibiwẽ nukũ Shanẽ Ibu kẽwaĩ huĩti hirabiwẽ benimawakubaĩkãwẽ.

Colosenses 1:14

Cristo mawakĩ Satanásã nuku tsumani hawena wakĩ nuku mebikinãtã nukũ txakabu nuku buashuniki, ana xinãmarã.

Colosenses 1:23

Mã haskakatsi ikairã, matu tibirã, Deusũ kakapekiri nĩkatã mã ma Cristo ikũwãni henekĩ putai txĩtuãma huĩti mestẽtã haska mã ikũwaĩbu manakakubaĩkãwẽ. Haska Deusũ hawẽ bakekiri hawẽ kakape yurabu mai pakea itxapa anuabũ hau unãnũbũ yusĩkĩ ea ẽ Paulõ ẽ hatu merabewakubaũmiski.

Tito 2:14

Deusũ nuku kupiaya hau nukũ txakabuwẽ taea nũ benuyamashanũbũ dasibi txakabu ana xinãtima wakĩ Deusũ nuku buashunũ, iwanã, Jesus Cristo yunua hamebi mawakĩ hawẽ hiwea nuku inaĩ nuku mawashuniki. Nuku haska wakĩ hawenabu kayabi pepa nuku waniwẽ taeshũ ha besti hiweshũkĩ nukũ pepa uĩmai dayashũkubainãkãwẽ.

Hebreus 11:14

Habũ haska yuibiakĩ hatũ mae kayabi betxiriama shabakabi nĩkakĩ unãbiai haskara dabanẽ ha mae manaka bestikubaĩkanikiki.

2 Pedro 2:1

Israelbu ẽ shenipabu anu Deusũ hãtxa yuishunika matxupa naxui ika hayanibuki. Habiaskariai matu anuri yusĩnã matxupa matu naxui iria hayabuki. Habu hatũ hãtxa hawẽruabia hatũ xinã txakabuwẽ matu daũkĩ akawakanikiki, nukũ Shanẽ Ibũ ma nuku meketi pewabianikẽ hawẽ kuxipa danaĩ parananaĩburã. Haska matu yusĩkĩ husiaibu Deusũ hawaira hatu kupishanikiki.

1 João 1:7

Hakia tsuãra Deusũ hãtxa ikũwãtã txibaĩ mã pepai hiweaburã, Deusũ shabaki mã ma pesea keskabuki. Haskawẽ taea nukubũ ikũwaĩbu nũ ma dasiabuki. Hanushũ txanima hawẽ bake Jesus Cristo nukuwẽ taea mawakĩ hawẽ himi habakĩ Deus nuku daewashũkĩ ma nukũ txakabu nuku bua keyushuniki.

1 João 2:2

Nuku besti ishuãma hakia mai hirabi anu hiwebaunabũ txakaburi buanũ ika Jesus Cristo mawakĩ hawẽ Epa nuku daewashuniki, txashuwã menukĩ inãkĩ daewapaunibu keskakinã.

Apocalipse 10:11

hanushũ nai tsumabũ ana ea yuikĩ: “Deusũ mia ana yunuairã, mia yuinũ nĩkawe. Mae betsa betsapa anu hiweabukiri inũ, nawa mai pakea betsa betsapakiri inũ, hãtxa tibi hãtxaibukiri inũ, shanẽ ibu kuxipahaira betsa betsapakiri hawẽ hãtxa bena shabakabi hatu keneshũkĩ haska Deusũ hatu haska washanai hatuki txaniriwe”, ea wa ẽ nĩkashuki.

Apocalipse 11:9

shaba dabe inũ besti namakis mae tibi anu hiweabu inũ, yura betsa shukuabu tibi inũ, hãtxa betsa betsapawẽ yuiaibu inũ, mai pakea betsa betsapa anuabũ ha mawa daka hau maiwayamanubũ hatu yunuabuma

Apocalipse 13:7

ha dikabi yuxibu sheanã hau Deus txibãkĩ Jesus ikũwaĩbube detenamei hau hatu maemanũ kuxipa inãkĩ yunutã yura betsa shukuabu tibi inũ, mae tibi hiwebaunabu inũ, hãtxa tibi yuiaibu inũ, nawa mai pakea tibi anu hiweabu shanẽ ibukũkaĩwẽ, ikĩ hãtxa wakĩ menekẽ

Apocalipse 13:8

ha yuinaka mese atimapa kẽwãkinã, habu mai hirabi anu hiweabu tsuabura bebũkiri Deusũ mai dami wariama habũ kena txashuwã bake nuku mawashuni kaitũ unaki keneama ini habũ besti duawakĩ kẽwãshãkanikiki.

Apocalipse 14:6

Hanua ana betsa tashniai ẽ uĩayã nai tsuma betsa nai natukanu nayakaũkĩ Deusũ hãtxa kakape bunikatũ mai anu hiwebaunabu nawã mai pakea tibi anu inũ, yurabu shukuabu tibi anu inũ, hãtxa tibiyabu anu inũ, mae tibi anu hiwebaunabu hãtxa ikibi ika hatu yuinũ ika

Apocalipse 15:3

Habu nawakĩ Deusũ tsuma Moisés inũ Jesus txashuwã bake ha dabetã nawatiwẽ Deus kẽwãkĩ nawakĩ yuikĩ: “Dasibi hamapai dami ewapa tibi akĩ mĩ hatu e imati anirã, mĩ mia bestiki, Yavé Deus kuxipa dasibi binu keyuarã, mai hirabi yurabũ mĩ Shanẽ Iburã. Tsua parãma mĩ xinã kayatapiawẽ txanima mĩ nuku pe mekekubaĩmiski.

Apocalipse 17:15

ha dikabi nai tsumã ana betsa ea yuikĩ: “Ha henewã namaki aĩbu hininipa tsauwa mĩ uĩshurã, ha mae tibi anu hiwebaunabu inũ, yura tibibu inũ, hãtxa betsa betsapa yuiaibu inũ, mai pakea itxapaki.

Apocalipse 4:11

“Dasibi damiwakĩ mĩ xinãwẽ hamapai dasibi mĩ damiwani mĩ nukũ Shanẽ Ibu inũ mĩ nukũ mekenika yushĩ Deuski. Haskawẽ taeshũ mia besti kẽwãkĩ nũ mia duawakubainaii”, akaibu uĩkĩ ẽ matu keneshunaii.

Apocalipse 5:12

hãtxa kuxipawẽ habũ yuikĩ: “Txashuwã bake deteabu ana bestẽni pepa kayabirã, hatũ besti bitiruki, kuxiparã, pepa tibirã, unãnepahairarã, shanẽ ibu kuxiparã. Duawai xinã txãkaĩ benimawakĩ nũ ha kẽwaiĩ”, ikaibũ

Apocalipse 5:6

hanushũ Deus tsauwa naxui ika namakis ha hiweabu dabe inũ dabe mapubaunabu inũ habianuri ha 24 mekenikabu tsaubaunabu anu ha namakis naxui ika txashuwã bake hawẽ yura txatxinibu mawa keska nia sete mashũyã inũ sete beruya ẽ uĩshuki. Txashuwã bake hawẽ sete berurã, ha hawẽ yushĩwẽ mai hirabi anu Deusũ hatu yusĩmakubainairã, haska ẽ uĩshuki.