Efésios 5:25 - Kaxinawá Bíblia (BR)

²⁵ Aĩyãbuũ, maturi yununũ nĩkakãwẽ. Cristo habũ ikũwãshanaibuwẽ nuikĩ abui hawẽ hiwea hatu inãni keskai maturi matũ aĩwẽ nuikĩ parãma hatu abuhairakubaĩkãwẽ.

Kashinawa : Diosun Jesúswen taexun yuba bena yiniki

²⁵ Ainyanbuun, matudi yununun ninkakanwen. Cristo jabun ikunwanxanaibuwen nuikin bechipai jawen jiwea jatu inani keskai matudi matun ainwen nuikin padanma jatu bechipaijaidakubainkanwen.

Efésios 5:25 Referencias Cruzadas

Gênesis 2:24

Haskawẽ taea hunĩ hawẽ ibubu dapashkabaĩ aĩyainã, hawẽ aĩbe hiwei yura bestitxai keskati waniki.

Gênesis 24:67

nĩkatã Rebecaki nukutã hawẽ ewã tari hiwe anu Rebeca iyushũ bikĩ aĩwãtã betxipaihairai: —Rebecawẽ taea ẽ ana benimahairaii— ikĩ Isaque shinaĩ hawẽ ewa mawaima ana haskaira shinãma hawẽ aĩki bana ana haskaira nuiama inikiaki.

2 Samuel 12:3

hakia ha huni mitanuma txashuwã yushã pishta besti peiwẽ bima haya ibubis yumewakĩ hawẽ bakebubetã ewawakĩ habias kẽtxaki piai anua pimakĩ nushuai anua amakĩ hawẽ shutxi anu datãshũ ushãkĩ yumewakubaĩkĩ ha hunĩ hawẽ bake aĩbu betxipaikĩ akawaya

Mateus 20:28

Hamẽ ea iki huirã, ẽ matũ Hutxi Kayabi Iuwabiarã, hau ea duawanũbũ ika ẽ huamaki. Hakia matu debushũkĩ yura itxapabu benuabu meshpamatã matu hiwemanũ ika ẽ huniki— nuku waniki.

João 6:51

Nai anua butuni misi hiwearã, habia ẽ eaki. Tsuabũra na misi hiwea pikubaini hiwepakeshãkanikiki, ikibi ikirã. Na misi ẽ hatu inãshanairã, ẽ yura kayabiki. Haskawẽ taea na mai anu yurabu shukuabu tibi hawẽ hiwetirubuwẽ taeshũ ẽ yura kayabi ẽ hatu inãshanaii— akĩ hunea hãtxawẽ hatu yuiaya

Hechos 20:28

Haskakẽ ibubis mekekĩ Deusũ Yushĩ Pepatũ matu katua merabewakĩ ikũwaĩbu mekekubaĩshãkãwẽ. Deusunabu hatu wakatsi ikĩ hawẽ bake yunua mawashũkĩ hawẽ himiwẽ hawenawakĩ meribi hatu wani hatu putama hatu uĩrashũshãkãwẽ.

Gálatas 1:4

Haskakẽ nukũ Epa Deusũ haska xinaĩ keskawẽ nuku ikirã, natiã hiweabũ txakabuhaira wakubainaibube hau nuku kupiyamashanũ haskawẽ taea Jesus Cristo mawai hawẽ hiwea yauxiama nukũ txakabu buanũ ika iniki.

Gálatas 2:20

Natiã na ẽ yurawẽ ẽ hiweyuairã, Deusũ bakẽ ea abui ewẽ taea mawanishũ ea xinã betsa wamani ha ikũwaĩ ẽ hiweyuaii. Haskawẽ taea earã, ẽ ana emebi yunui ẽ hiweamaki. Hakia Cristo bestitũ ea yunui ewẽ hiweyuikiki.

Efésios 5:2

Haska inũ, Cristõ nuku abukĩ Deus duawanũ ika Deusũ kupiti nuku bishuĩ mawai inĩti hawẽrua keska puekĩ Deus benimawanikẽ haska Cristo nuku ishuni keskariakĩ nukubetã ikũwaĩbu dasibibube nui abunamei hiwekubaĩkãwẽ.

Efésios 5:24

Haskakẽ nũ Cristo ikũwaĩbũ hawẽ yunua tibi nĩkashũ nũ amis keska wakĩ matũ benẽ hamapai mia yunua nĩkashũ aĩbu tibitũ matũ beneri nĩkasama hau hatu ashũriakubainũbũwẽ.

Efésios 5:28

Habiaskariai hawẽ bene hawẽ aĩbe ketashameshũ abuirã, hawẽ yura keskawẽ taea hunibũ hatũ aĩwẽ hau nuikubainũbũwẽ. Haska xinãkinã, hatũmebi hatũ yurawẽ nui keskakĩ hatũ aĩ abukanikiki.

Efésios 5:33

Habiaskari wakĩ haska huni tibitũ hawẽ yura ibubis mekemis keska wakĩ hau hawẽ aĩ pe mekekĩ duawakubainũbũwẽ. Haska inũ, hatũ aĩnĩ hawẽ benẽ yunuai hau nĩkashũkubainũbũwẽ.

Colosenses 3:19

Aĩyãbuũ, maturi yununũ nĩkakãwẽ. Matũ aĩ abui hatuwẽ nuikĩ hatu ha akĩ bikawayamakubaĩkãwẽ.

1 Timóteo 2:6

Cristo tsuabũra ikũwaĩbu Deusũ hatũ txakabu buashũshanaiwẽ taea Jesus Cristo hamebi mawakĩ habũ ikũwãshanaibu hatu mekeniki. Haskakẽ na habiatiã Deusũ yununi tsuabura hakiri txanibaũtirubuki.

1 Pedro 3:7

Ha dikabi mã huni aĩyãbuũ, maturi yuinũ nĩkakãwẽ. Matũ aĩ matube hiwea habebis nĩkakanãkubaĩkãwẽ. Hatũ yura kuxipa beshmas mã unaiĩ. Haskabiakẽ Deusũ habe matu hiwekuĩa inãshanai keska haska Deusũ abuai keska matũ aĩri hatu uĩmakĩ duawariakubaĩkãwẽ. Mã haskamiswẽ taeshũ Deusbe hãtxakĩ mã yukai matu nĩkakubaĩshanikiki. Hamẽ haskama mã habe hiwetxakashũ Deus yukairã, matu hawa nĩkama ishanikiki.

Apocalipse 1:5

Ha dikabi Jesus Cristo hawa txani txakaisma mawatã ha dukũ bestẽni inũ mai hirabi anu habu shanẽ ibu betsa betsapa binui hatũ shanẽ ibumisrã, hau hatũ matu unãnuma hiwemarianũwẽ. Ha inũ, nuku abui nukuwẽ nuikĩ nukũ txakabuwẽ taea mawakĩ hawẽ himi habakĩ nuku buashũrianiki.

Apocalipse 5:9

dasibibũ nawati bena huiwẽ nawakĩ yuikĩ: “Mĩ pepahairaki. Mawakĩ mĩ himiwẽ yura shukuabu tibi anua inũ, nawa tibi anua inũ, hãtxa tibi anua inũ, mai pakea tibi anua Epa Deus bishũkĩ hawenabu hatu wakĩ