Efésios 4:2 - Kaxinawá Bíblia (BR)

² Eskairã, bebukaini keãma betsa binũama inũ, duapai betsabu abui inũ, hĩ hĩ ikĩ hawara bebũkiri anũ ika hawaira sinama ikũwaĩ betsabube nui uĩnanaĩ teneshũ uĩrakubaĩkãwẽ.

Kashinawa : Diosun Jesúswen taexun yuba bena yiniki

² Eskaidan, bebukaini keanma betsa binuanma inun, duapai betsabu bechipai inun, jin jin ikin jawada bebunkidi anun ika jawaida sinama ikunwain betsabube nui uinanain tenexun uindakubainkanwen.

Efésios 4:2 Referencias Cruzadas

Provérbios 16:19

Keĩsbuma nuitapaibube haibunamekĩ mabuyabu mã hatu binuhairatirubuki. Hakia huni mabuyaburã, kenikabube haibunamemisbuki.

Provérbios 3:34

Habu kashekenãmisbu Senhor Deusri hatuki kasheriamiski. Hakia hawa keĩsbuma Senhor Deusũ hatu duawakubaĩmiski.

Números 12:3

Moisés txanima mai hirabi anua tsua keskama ibubis keĩsmakẽ haskawẽ taeshũ Moisés inũ Arão inũ Miriã Senhor Deusũ hatu yuikĩ: —Nenua tashnikaini hanu eki nukuti tari hiwe anu bukãwẽ— akĩ hatu yuia hanu buabũ

Mateus 11:29

Ha inũ, ina awa dabeki hi tekishkũshũ hawara shãkama bumabu bika dayabiai merabenaĩ punu nukaisbumaki. Habiaskariai earã, duapakĩ matu merabewakĩ ina awa hi tekishkũrabea merabenãmisbu keskai mã ea txibãyã ẽ kuxipawẽ ẽ matu merabewakubaĩshanaii, mã bika tenebiaya matu huĩrukũmakinã.

Marcos 9:19

mapuabu Jesusũ hatu yuikĩ: —Ikũwaĩsbumaã, hatiki matu merabewai ana ẽ matube hiweyushanai? Neri iwekãwẽ, ha bakerã— aka

Hechos 20:19

Earã, matu anushũ ẽ xinãnẽ xinaĩ txikixi hawa keãma ẽ Shanẽ Ibu Jesusũ ea yununi duawai nĩkabumabiakẽ matuya kashai beũ hene habakĩ judeubũ ea itxakawabiabu matu anushũ bikahaira tenei ẽ Jesus dayashũkũkaĩyamaki.

Romanos 15:1

Ikũwaĩ betsabu huĩti babuaibu haska Deusũ nuku hatu merabewamakubaĩkatsi ikaikiri matu yuinũ nĩkakãwẽ. Cristo habũ ikũwaĩbu huĩti babuaibu hau kuxiparianũbũ nũ ma nuku dukũ haska hayai nũ huĩti kuxipamis haska xinãkĩ hatukiri petxiama hatuwẽ nuikĩ hatu hakimama hatu merabewakubainãkãwẽ, nukũ besti haska nũ xinaĩ keska nũ iyamanũbunã.

1 Coríntios 13:7

Tsuabura nui hayarã, bika tenemabiabu ana hatube kemanameama tene keyumiski. Ha inũ, tsuabũra hatũ hãtxa ikũwãkatsi imisbuki, yui kaya keskakenã. Ha inũ, haratura pepa kaĩaĩ manakubaĩmisbuki. Ha inũ, hawara pepa tibi mei tenemisbuki.

Gálatas 6:2

Haska inũ, matunabũ shãkama iabiranaibu mã hatu merabewamis keska wakĩ tsuabũra hawara bika teneaibu inũ tsuabũra kaneaibu hatu merabewariakubaĩkãwẽ. Hatu haska wai haska Cristõ nuku yusĩkubaini keska ashũkĩ hawẽ hãtxa mã meneshũshanaii.

Efésios 1:4

Deusũ Cristowẽ taeshũ nuku katunũbarikatsi mai damiwariama haska xinãniki. Haskakẽ hawẽ besuuri nũ txakabuma pe besti nia nuku uĩnũbarikatsi iniki. Nuku abui nukuwẽ nuikĩ

Colosenses 1:11

Haska inũ, eska ẽ matu yukashũmiski. Deusũ hawẽ kuxipa paepawẽ hau matu mestẽwanũwẽ. Haska kuxipa mã hayawẽ taeshũ hamapai bika tenebiai kuxipatã hĩ hĩ ikama inũ benimakĩ

1 Timóteo 6:11

Hakia miarã, Deusũ ma mia hawena wakĩ katuniwẽ taeshũ hawara txakabu betsa betsapa betxitã danaĩ ana hari kayamawe. Mĩ pe dayai hiwekatsi ikairã, mĩ daya bikabiakẽ Deusũ mia unaĩwẽ taea ikũwaĩ nui abunamei kuxipai huĩti kuxiama babutã hatu uĩmai hatube hiwekũkaĩwẽ.

2 Timóteo 2:25

Tsuabura nĩkaisbuma inũ patapabu mĩ hatu merabewakĩ pewakatsis ikairã, huĩti babutã hawa sinatama eska xinãkĩ hatu unãmakubaĩwẽ, Deusũ hawẽ txakabu unãma xinã betsa watã: “Haskarã, txanimaki”, ikĩ hatũ txakabu henetirubu manakinã.

Santiago 1:21

Haskawẽ taea matu dasibibũ haska Deusũ atimapa danãmis txakabu betsa betsapa mã haya henekĩ puta keyurikãwẽ. Mã haska waiwẽ taeshũ Deusũ kakape matu yusĩabu mã ma nĩkanirã, hawa danãyamakãwẽ. Ha Jesusũ hãtxarã, kuxipa paepaki. Hatũ matu pasha washanikiki.

1 Pedro 3:15

Hamẽ Cristo matũ Shanẽ Ibu ashũkinã, matũ hiwea inãkĩ kẽwãkubaĩkãwẽ. Matũ hiwea mã ma pewakẽ tsuãra haska mã Cristokiri kakape ikũwaĩ matu yukaibu mã hatukiri pe shabakabi txanikĩ mã hatu kematiruki,

1 Pedro 3:8

Haska tibi ẽ matuki txanishurã, haska bestiwẽ hiwekĩ Jesus ikũwaĩbu tibibube habias xinãwãtã hatuki dasia binunãnãma pepai babu keskatã keãma abunamekubaĩkãwẽ.