Gálatas 2:20 - Kaxinawá Bíblia (BR)

²⁰ Natiã na ẽ yurawẽ ẽ hiweyuairã, Deusũ bakẽ ea abui ewẽ taea mawanishũ ea xinã betsa wamani ha ikũwaĩ ẽ hiweyuaii. Haskawẽ taea earã, ẽ ana emebi yunui ẽ hiweamaki. Hakia Cristo bestitũ ea yunui ewẽ hiweyuikiki.

Kashinawa : Diosun Jesúswen taexun yuba bena yiniki

²⁰ Natian na en yudawen en jiweyuaidan, Diosun baken ea bechipai ewen taea mawanixun ea shinan betsa wamani ja ikunwain en jiweyuaii. Jaskawen taea eadan, en ana emebi yunui en jiweamaki. Jakia Cristo bestitun ea yunuai ewen jiweyuikiki.

Gálatas 2:20 Referencias Cruzadas

Mateus 20:28

Hamẽ ea iki huirã, ẽ matũ Hutxi Kayabi Iuwabiarã, hau ea duawanũbũ ika ẽ huamaki. Hakia matu debushũkĩ yura itxapabu benuabu meshpamatã matu hiwemanũ ika ẽ huniki— nuku waniki.

Mateus 4:3

diabo Satanás haki nukutã unãti wanũ ishũ yuikĩ: —Haska mĩ Deusũ bakemẽkaĩ? Mĩ buniairã, na mixki mania damiwakĩ misi watã piwe— aka

João 1:49

ikũwãkĩ yuikĩ: —Yusĩnaã, ikũ mĩ Deusũ bake kayabiki, Israelbũ shanẽ ibu dasibi binuarã— aka

João 10:11

Earã, ẽ matũ mekenã pepaki. Mekenã pepatunã hawẽ txashuwã mekei yauxi mawashũtiruki.

João 17:21

Haskai mia inũ ea dasia nũ bestitxai keska hiwea haburi nukuki dasiabu habiaskari wakĩ mĩ hatu merabewashanũ ẽ mia hatu yukashunaii. Mĩ hatu haska wa habu shukushũ ea ikũwaĩbu mai hirabi anu mĩ ea yununi unãtirubuki.

João 3:16

Jesusũ ana Nicodemos xinãmakĩ yuikĩ: —Yura betsa betsapa dasibi hiwebaunabuwẽ nuihairakĩ Deusũ eska xinãtã ea hawẽ bake bestitxai yunukĩ tashnimaniwẽ taeshũ tsuabũra ea ikũwãkĩ hawẽ hiwea kayabi benutima bitã mawa kayabiama Deusbe hiwekuĩshãkanikiki, ikibi ikirã.

João 3:35

Epa Deusũ hawẽ bake abukĩ hau dasibi ibuai shanẽ ibushanũ hawẽ kuxipa dasibi inãniki.

João 6:57

Haska inũ, Epa Deus hiwei ikibi ikatũ ea yununiwẽ taea hawẽ kuxipawẽ ẽ hiwekũkainaii. Habiaskariai tsuabũra ea pi ẽ kuxipawẽ hiwekubaĩshãkanikiki.

Hechos 8:36

ma hatishũra ka iãki kemakĩ haska Filipẽ dama yusĩshu Etíopianawã yuikĩ: —Uĩa. Ma mĩ ea yuikubiranai ẽ ikũwaĩwẽ taeshũ ana ẽ hawamamẽ, na hene anu mĩ ea naximatirurã?— atã

Hechos 9:20

Hanu hatube hiweyushũ hanu judeubu itxamisbu betsa betsapa anushũ Saulõ hatu yusĩ taewakubaũkĩ: —Jesusrã, Deusũ bake kayabiki— akĩ hatu yuikubainaya

Romanos 1:17

Haska inũ, hawẽ hãtxa yuishunikatũ Deusũ kakapekiri kenekĩ yuikĩ: “Tsuabũra Deusũ hãtxa ikũwãkĩ txibaĩwẽ taea pepai hiweshãkanikiki”, aniki. Haskawẽ taeshũ hawẽ bakekiri kakape Deusũ hawẽ hatu mekekĩ hatũ txakabu buanishũ ha besti ikũwaĩbu hatu pashawashanikiki.

Romanos 14:7

Hanua nukubu tibirã, ana ibubis nũ hiweamaki. Ha inũ, nũ ibubisri mawama ishãkanaii.

Romanos 4:25

Hau nukũ txakabu nuku buashuni nukũ Shanẽ Ibu mawanũ Deusũ yunua mawaxina ana bestẽwaniki, hau hawẽ taeshũ yura pepabu nuku wakubaĩshanunã.

Romanos 5:2

Hanua haskawẽ nũ benimaiburã, txĩtuãma Jesus Cristo ikũwaĩ Deusbe haibunamei nũ hiweabuki, ikisrã. Ha inũ, na habiatiã bestima hakia betsatiãri Deusbe hiwei hawẽ kuxipaki nukutã nũ hawẽruashanaii, ikibi ikirã.

Romanos 5:6

Yura dasibibu Deusũ nuku kupinũ ikũkainaya haska ibubis pashai nũ meketirubumakẽ hatiãra hanu Deusũ Cristo yunua tashnitã yurabũ Deuskiri xinãma txakabukubaĩmisbu hatũ txakabu dasibi Cristõ hatu bua keyushunũ ika debuniki.

Romanos 5:8

Haska keska binumakĩ Deus dasibibuwẽ nuikĩ nuku abuai nuku unãmanirã, dasibibu nũ txakabu husia hiwebiakẽ ha xinãma Deusũ Cristo yunua tashnitã nukũ kupiti nuku bishuĩ ha besti nuku mawashuniki.

Romanos 6:13

Haska inũ, matũ yura ana txakabu tsumawamayamakãwẽ, ha hamapaiwẽ nukũ yura hawẽ txakabu watimakirã. Eska wakinã, matũ xinã pe mekekĩ matũ yura hirabi Deus inãkĩ mekemariakubaĩkãwẽ. Ha inũ, yurabu mawatã ana besteã keskatã matũ yura pe mekekĩ matũ hiwea Deus inãtã pepashũkubaĩkãwẽ, matũ yura hirabiwẽ Deus duawakinã. Hawa kaneama ha bebũshũ pepakĩ akubaĩkãwẽ.

Romanos 6:8

Nukuburã, Cristobe nũ ma mawani keskawẽ taea txanima dateama nũ habe ana hiwekuĩkũkaĩshanai nũ unaiĩ.

Romanos 8:10

Hakia Cristo matube dasikenã, Yushĩ Pepa matube hiweaki. Txakabũ benukĩ nuku tenãtirubiakẽ ha Cristowẽ Deus nukuwẽ nuikĩ nuku pewaniki, hawenawakinã.

Romanos 8:37

Hakia hamapai txakabu betsa betsapa haratutũra nuku bikawabiaya Jesus Cristõ nuku abuaiwẽ taeshũ hamapai txakabu tibi nũ binuhairakubainaii.

1 Coríntios 6:17

Haskawẽ taea nukũ Shanẽ Ibube nukũ yushĩ nũ neshea hawẽ xinã nũ hayarã, habe pe hiwekubainãkãwẽ.

2 Coríntios 1:24

Ha inũ, nukũ Jesuskiri nũ matu ikũwãmamisrã, nukurã, nũ ibumaki. Jesus ikũwaĩ ibubis matũ xinã ewai mestẽtã kuxipai mã benimakubainũbũ matu merabe bestiwai nũ matu dayashũkũkaĩmiski.

2 Coríntios 10:3

Hanushũ tsuabũra nukũ Shanẽ Ibu txibãkatsi ikabumã yura betsabu parãkĩ hawara ibubis akatsi ikai akĩ yura betsabu binunũ, iwanã, hatube sinataibube detenamei hatũ mabu kuxipa tibiwẽ haki txiti itã detenamei hawẽ kuxipai hiwemisbuki. Hakia habu keskama

2 Coríntios 11:10

Matu merabewakatsi iki matuwẽ nuikĩ matũ pei ẽ bisma yuikĩ hãtxa txanima besti ẽ yuiai Cristõ unãyã hawara ẽ yusĩmis ẽ hawẽ keaĩ Acaia mai pakea anu maniabu tsuabũra ẽ hãtxa nematirubuma ishãkanikiki.

2 Coríntios 13:5

Haskakẽ matu anu ẽ ana kariamakẽ Jesus Cristo matuki dasia mã haska ikũwãkĩ pewaimẽkaĩ. Matũmebi uĩkĩ matũ xinã uke merã unãkãwẽ. Betsabũ mã ikũwaĩmẽkaĩ. Betsabũ mã daki ikũwãbumaki. Matũmebi ibubis unãtinãkãwẽ, haska mã kaneamamẽkainã.

2 Coríntios 5:14

Cristo nuikipatũ nũ hawẽ kuxipayabu nuku ma mestẽwanishũ nuku txishukubainikiki. Dasibibuwẽ taea huni bestitxai nuku mawashuni ikũwãnishũ nũ unaiĩ. Habiaskariai habũ ikũwãshanaibu itxapaburi habe mawanibu keskaki.

2 Coríntios 5:15

Cristo mawairã, dasibi hatu ishuniki. Hamẽ ikama habu hiweabu ishuinã, hau ana hatũmebi hatũ xinãnẽ besti hiweyamanũbũ hau ha hiweshũshanũbũ hatu ishuniki, mawatã ana hatu bestẽshunirã.

2 Coríntios 5:7

Ha shabakabi nũ uĩyamabia uke merã xinãkĩ nũ ikũwaiĩ.

Gálatas 1:4

Haskakẽ nukũ Epa Deusũ haska xinaĩ keskawẽ nuku ikirã, natiã hiweabũ txakabuhaira wakubainaibube hau nuku kupiyamashanũ haskawẽ taea Jesus Cristo mawai hawẽ hiwea yauxiama nukũ txakabu buanũ ika iniki.

Gálatas 2:16

Habiaskabiakẽ Moisés yunuti inũ hawẽ nemati txibaĩbuwẽ taeama tsuabũra Jesus Cristo ikũwaĩbuwẽ taeshũ Deusũ hatũ txakabu buatã ana xinãma nũ unaiĩ. Nukũri judeubũ beya nũ txibaĩwẽ taeama Jesus nũ ikũwãyã nukũ txakabu Deusũ buashũ nuku ma pepawani nũ unãriaii. Jesus haibuwama judeubũ beya besti txibaĩbũ tsuabũra txakabuwai Deusũ buashũkĩ pepa waismaki.

Gálatas 3:11

Haska inũ: “Ikũwaĩ pepabu hiwekuĩshãkanikiki”, iwanã, Deusũ hawẽ hãtxa yuishunika kenemaniwẽ taeshũ hawẽ yunuti inũ hawẽ nemati besti txibãkĩ Deus daewatirubumaki, nũ unãnã.

Gálatas 5:24

Hakia Jesus Cristo cruzki mastabu mawani keska wakĩ nũ Jesus ikũwaĩbu nukũ txakabu itxawatã Jesusbe cruzki nuku mastashunibu keskaki, ana txakabu nũ meyamanunã.

Gálatas 6:14

Hanua tsuabũra hau Deusũ ea duawanũ, iwanã, hatũ hina kubitxi meshtekinã hamẽ akanikiki. Haska inũ, tsuabũra meshteama hamẽri ikanikiki. Hakia nukurã, Deus duawanũ ika xinã betsa watã besti Deus nũ benimawakubainaii. Jesus ea mawashuniwẽ taeshũ xinã benawatã: “Mabu itxapa besti binũ”, iwanã, ana ẽ xinãmakẽ txakabũ ea ana atxiamariki. Haskakẽ keãma nukũ Shanẽ Ibu Jesus Cristo hi cruzkia mawashũ hawara ea ashunikiri besti yuikubaĩkĩ Deus ẽ kẽwaiĩ. Ẽ hawauma iniwẽ taea ẽ hawa kẽtirumaki. Hakia Jesuswẽ taea besti ẽ kẽtiruki.

Efésios 3:17

Ha dikabi Cristo matube hiwea mã hayarã, hawẽ nui kayabiwẽ matu mestẽwãma mã hawẽ ikũwaĩnã, ha matũ huĩti merã xinãkĩ hau mã txibãkubainũbũ ẽ matu yukashũriamiski.

Efésios 5:2

Haska inũ, Cristõ nuku abukĩ Deus duawanũ ika Deusũ kupiti nuku bishuĩ mawai inĩti hawẽrua keska puekĩ Deus benimawanikẽ haska Cristo nuku ishuni keskariakĩ nukubetã ikũwaĩbu dasibibube nui abunamei hiwekubaĩkãwẽ.

Efésios 5:25

Aĩyãbuũ, maturi yununũ nĩkakãwẽ. Cristo habũ ikũwãshanaibuwẽ nuikĩ abui hawẽ hiwea hatu inãni keskai maturi matũ aĩwẽ nuikĩ parãma hatu abuhairakubaĩkãwẽ.

Filipenses 1:21

Natiã ẽ hiweyuarã, Cristo ẽ hiweshũyukũkainaii. Hakia hawẽ taea ẽ mawarã, ẽ nenu hiwemis binuaki.

Filipenses 4:13

Hanushũ Cristõ ea kuxipa waya hawẽ taeshũ dasibi teneshũ ẽ akĩ keyushũtiruki.

Colosenses 1:27

Tsuabura mã judeubuma Deusũ hawẽ xinã duapa haska bebũkiri Cristokiri yubakabiatã huneni ha shabakabi wakĩ matu unãmakatsis ikikiki, hau mai hirabi anuabũ matũri mã unãnũbũ haska ha hawẽ xinã dasibikiri hunenirã, harã, Cristo aniki. Haska matũri mã Cristo ikũwaĩwẽ taea mã judeubumabia Cristo ma matuki dasiaki. Haska inũ, nai anu Deusũ mae pepahaira anu Deus inũ Cristobe maturi mã hiweshanaii, mã haskakiri xinãkĩ manakaiburã.

1 Tesalonicenses 1:10

Haska bestikiri mã xinãma hakia Deusũ bake Jesus mawa ana bestẽwani nai anua txĩtũkirã ana hushũ nuku mekeaya hakia yurabu txakabumisbu Deusũ hatu kupikĩ hau nuku meama ishanũ, iwanã, unãkĩ uĩshanũ ika mã manakanaii.

Tito 2:14

Deusũ nuku kupiaya hau nukũ txakabuwẽ taea nũ benuyamashanũbũ dasibi txakabu ana xinãtima wakĩ Deusũ nuku buashunũ, iwanã, Jesus Cristo yunua hamebi mawakĩ hawẽ hiwea nuku inaĩ nuku mawashuniki. Nuku haska wakĩ hawenabu kayabi pepa nuku waniwẽ taeshũ ha besti hiweshũkĩ nukũ pepa uĩmai dayashũkubainãkãwẽ.

Hebreus 8:3

Ha inũ, Deusbe hawenabu hãtxashunika tibirã, Deusũ hatu katukubaĩmiski, hau habũ hatu merabewakĩ hawẽ Deus daewati yuinaka inãkuĩaĩbu hau habũ kuashũkubainũbunã. Hakia Jesus Cristo nuku hãtxashunika inũ ikarã, hawẽ yurawẽ hawẽ hiwea yauxiama hawẽ Ibu Deus nuku daewashunũ ika nuku mawashuniki.

1 Pedro 1:8

Haska inũ, Jesus Cristo uĩyama ibiani mã abuhairaii. Ha inũ, natiã uĩyama ibiani mã ikũhairawariaii. Haska benima pae mã haya hãtxawẽ besti ha benima pae tsuã haska tashnimatirumaki.

1 João 1:7

Hakia tsuãra Deusũ hãtxa ikũwãtã txibaĩ mã pepai hiweaburã, Deusũ shabaki mã ma pesea keskabuki. Haskawẽ taea nukubũ ikũwaĩbu nũ ma dasiabuki. Hanushũ txanima hawẽ bake Jesus Cristo nukuwẽ taea mawakĩ hawẽ himi habakĩ Deus nuku daewashũkĩ ma nukũ txakabu nuku bua keyushuniki.

1 João 4:14

Txanima Epa Deusũ hawẽ bake hau yurabu mai hirabi anu hatu mekekubaĩshanũ yununi nukubũ uĩnishũ nũ shabakabi hakiri txanikũkaĩmiski.

1 João 5:20

Deusũ bake tashnitanã, hamẽ huama Deus hiwemanika kayabi nũ unãshanũbũ hawẽ unãnepa nuku inanũ ika huni nũ unaiĩ. Nũ ma ha txanima kayabiki dasia hiweaburã, harã, hawẽ bake Jesus Cristoki nũ ikaki, habias Deus mekenika kayabitũ hiwei ikibi ika nuku inãmisrã.

Apocalipse 1:5

Ha dikabi Jesus Cristo hawa txani txakaisma mawatã ha dukũ bestẽni inũ mai hirabi anu habu shanẽ ibu betsa betsapa binui hatũ shanẽ ibumisrã, hau hatũ matu unãnuma hiwemarianũwẽ. Ha inũ, nuku abui nukuwẽ nuikĩ nukũ txakabuwẽ taea mawakĩ hawẽ himi habakĩ nuku buashũrianiki.

Apocalipse 3:20

Uĩa. Matu tibi haibuwakatsis ikĩ matũ beputi keska matũ huĩti anushũ eã ẽ matu kenakĩ akawaii. Tsuãra ẽ hui nĩkatã ebe haibunamekatsis ikĩ beputi keska matũ huĩti mã ea bepẽshuna matũ hiwe anu hikitã ẽ matubetã pikatsis ikaii.