Gálatas 2:21 - Kaxinawá Bíblia (BR)

²¹ Haska inũ, Moisés keneni txibaĩ ẽ pepa bestiaya Cristo hamẽ nuku mawashũkeaniki. Hakia natianã, ẽ ana haskamaki. Deus ewẽ nuiaya Cristõ ea mekeawẽ taeshũ ẽ shenipabũ beya henetã Cristo besti ẽ txibãkubainaii”, akĩ ẽ Pedro yusĩniki, dasibitũ nĩkaibunã.

Kashinawa : Diosun Jesúswen taexun yuba bena yiniki

²¹ Jaska inun, Moisin keneni chibain en pepa bestiaya Cristo jamen nuku mawaxunkeaniki. Jakia natianan, en ana jaskamaki. Dios ewen nuiaya Criston ea mekeawen taexun en xenipabun beya jenetan Cristo besti en chibankubainaii”, akin en Pedro yusiniki, dasibitun ninkaibunan.

Gálatas 2:21 Referencias Cruzadas

Salmos 33:10

Nawã Deus ikũwãbuma dayakĩ haska betxipaikĩ hatũ mae anu daya ewapa tashnimatã hawẽ hiwebainaibũ Senhor Deusũ hatu betxipaiama nemakĩ beshtekubaĩmiski.

Isaías 49:4

ea hawẽ tsumapã shinãkĩ: “Hamẽ ẽ daya ẽ benui hawa biamabia dayahairakĩ ẽ kushipa ẽ hamẽ puta bestimaki”, ẽ ibiaya txanima dasibi ẽ akairã, Deusũ tsuma keyuaki. Deusũ besti hawẽ kushipawẽ ea manakua ẽ uĩshanaii.

Marcos 7:9

ana hatu yuikĩ: —Matũ beya betsa betsapa besti txibãkĩ hakia Deusũ yununi xinãbiakĩ mã akĩ pewaismaki.

Romanos 10:3

Hakia haska Deusũ nuku pepawamis ha txibãkĩ ikũwãma hatũ xinã besti txibaĩ keĩ ibubis pepai beparamei shabakabi kẽmisbuki, Deusũ besti tsuara ma pewashũ hakiri pe besti yuitiru unãmarã.

Romanos 11:6

Na haska nũ habũ txibaĩnã, hawẽ yunuti inũ hawẽ nemati txibaĩ nukũmebi nũ pepaiwẽ taeama hakia hawẽ pepawẽ nukuwẽ nuikĩ Deusũ nuku kenakĩ nuku katukubainikiki, hau habũ Jesus nũ ikũwanũbunã. Haska nuku wamarã, Deusũ pepa hayama ikeanaii.

Romanos 4:25

Hau nukũ txakabu nuku buashuni nukũ Shanẽ Ibu mawanũ Deusũ yunua mawaxina ana bestẽwaniki, hau hawẽ taeshũ yura pepabu nuku wakubaĩshanunã.

Romanos 8:31

Haskakẽ Deusũ haska xarabu nuku ashuniwẽ taeshũ haratubũra txakabuwakĩ nuku tenemaibu habu hawauma keskabuki, Deus kuxipahairatũ nuku mekekĩ binuhairawẽ taearã.

1 Coríntios 15:14

Deusũ Cristõ yura ana bestẽwãma inikenã, haska Cristokiri hawẽ kakape nũ yusĩmisrã, hawama inũ mã Jesus txibaĩnã, matũ xinãwẽ mã ikũwaĩnã, hawamari ikeanaii.

1 Coríntios 15:17

Haska inũ, Cristo besteãma inikẽ mã Cristo ikũwaĩ hawamawẽ taeshũ matũ txakabu tsuã buama mã habiaskas hiwekeãkanaii, hawa kuxipa hayamawẽ taearã.

Gálatas 2:16

Habiaskabiakẽ Moisés yunuti inũ hawẽ nemati txibaĩbuwẽ taeama tsuabũra Jesus Cristo ikũwaĩbuwẽ taeshũ Deusũ hatũ txakabu buatã ana xinãma nũ unaiĩ. Nukũri judeubũ beya nũ txibaĩwẽ taeama Jesus nũ ikũwãyã nukũ txakabu Deusũ buashũ nuku ma pepawani nũ unãriaii. Jesus haibuwama judeubũ beya besti txibaĩbũ tsuabũra txakabuwai Deusũ buashũkĩ pepa waismaki.

Gálatas 2:18

Ha inũ, judeubũ beya danãkĩ henebiatã ana txĩtũkirã ẽ bena wairã, earã, ẽ txakabu ikeanaii.

Gálatas 3:21

Ha dukũ Abraão Deusũ yubani inũ ana ha katxu Moisés yusĩmanirã, haska ha dukũ Abraão yuini Deusũ betsa wakĩ nematirumẽ? Haskamaki. Deus daewakĩ hawẽ nemati inũ hawẽ yunuti hãtxa pe txibãkubaĩkĩ tsuabũra hiwekuĩa bikeãkanaii.

Hebreus 7:11

Israelbu Deusũ hatu hawẽ pepawayukatsi hawẽ yunuti inũ hawẽ nemati hãtxa Moisés hatu inãmakĩ yununikiaki. Hawẽ taeshũ Levĩ bababu Deusbe hawenabu hãtxashunika wakĩ ha hãtxa txibãkĩ hau hatu pewakubaĩshanũbũ, iwanã, Deusũ Moisés habu katumanikiaki. Hatu haska waniwẽ taeshũ habuã hawa pewama kanekubaini hiwenibuki. Haskawẽ taea huni betsa Deusbe nuku hãtxashunika betsa Deus anua huniki. Hamẽ Arãonẽ bababũ amis keskama hakia Melquisedeque imis keskai Deusbe nukunabu hãtxashunika bena hau ipakeshanũ haska Deusũ xinãnishũ hawẽ yunuti maewanikiaki.