Gálatas 3:1 - Kaxinawá Bíblia (BR)

¹ Galácia anua unaĩsmapa tatimabuũ, tsuã matu dauĩmẽkaĩ, parã paepa wakinã? Jesus Cristõ matu pepawanũ ika cruzkia matu mawashunikiri ẽ matu unãmakubaĩbiaya huni betsabũ hatũ yusĩa bena matu yusĩkĩ parãkubaĩkanikiki.

Kashinawa : Diosun Jesúswen taexun yuba bena yiniki

¹ Galacia anua unainsmapa tatimabuun, ¿tsuan matu dauinmenkain, padan paepa wakinan? Jesucriston matu pepawanun ika cruzkia matu mawaxunikidi en matu unanmakubainbiaya juni betsabun jatun yusian bena matu yusinkin padankubainkanikiki.

Gálatas 3:1 Referencias Cruzadas

Mateus 7:26

Hamẽ hawara ẽ yuiai danãkĩ txibaĩsbumakiri matu yuinũ nĩkakãwẽ. Tsuãra hiwe wanũ, iwanã, maxi anu basãkĩ kini txai wama beshãtu besti watã mixki tsamabirãkĩ habebis watã hiwe waimakẽ

Lucas 24:25

hanua Jesusbe hãtxai unãriabuma Jesusũ hatu yuikĩ: —Deusũ hãtxa yuishunikabũ merabenã Messias Cristokiri kenenibu unãbiakĩ unãshubira ikũ beshmas wakĩ xinã pewariama mã kaneaii.

Hechos 16:6

mai pakea betsa Ásia anu Paulo inũ, Silas inũ, Timóteo Jesuskiri hatu yusĩ hari bunũ ikaibũ Deusũ Yushĩ Pepatũ hatu nemaya mai pakea dabe Frígia inũ Galácia anuabu hatu yusĩ kapukebauni

Hechos 6:7

Hanushũ Deusũ hãtxa Jesuskiri kakape hatu yusĩpakekubainaibũ hatũ hãtxa nĩkakĩ Jerusalém anushũ ikũwaĩ itxai pakubainaibũ ha haskaibũ habiatiãri Deusbe hawenabu hãtxashunika itxapabũri Jesus ikũwãrianibukiaki.

Romanos 10:16

Haskabianikẽ Isaíasĩ yuikĩ: “Shanẽ Ibu Yavé Hiweatuũ, mirimabu mikiri nũ hatu yusĩa nukũ hãtxa nĩkatã danãkanikiki”, itã keneni keskai nukũri mirimabu Deusũ kakape Cristokiri nũ hatu yusĩa nĩkabiakĩ ikũwãbumariki.

Romanos 2:8

Hamẽ yura betsa pubeĩ sinatai ha irabenamekĩ Deusũ hãtxa txanima danãkĩ ha txibãma txakabu betsa betsapa wakubaĩmisbu habuki Deus sinatakĩ kupishanikiki.

Romanos 6:17

Ha dukũ txakabũ matu tsumawakĩ taewaniki. Hanushũ Deusũ matu merabewaya nũ matu yusĩkubaina nĩka pewatã matũ huĩti hirabiwẽ matu yusĩaĩbu mã ikũwãniki. Natiã ana txakabu dayashunama hanua kaĩkaĩ Deus dayashũkĩ pe besti mã ashũkubainaii. Matu mã haskai nĩkai huĩti xinã txãkãkĩ Deus ẽ kẽhairawakubainaii.

1 Coríntios 11:26

Jesus ana huriamakẽ hawẽ xinãmati misi pikĩ inũ hawẽ xinãmati uva vinho akĩ nukũ Shanẽ Ibu nuku mawashuni mã hatu xinã benawamakubaĩshanaii, kaneamarã.

1 Coríntios 2:2

Jesus Cristo cruzkia mawakĩ hawara nuku ashuni mã nĩkakĩ ikũwanũbũ ana hamapai miyui tibi betsa betsapakiri xinãkatsi ikama Jesus Cristo bestikiri has xinãkĩ yusĩ ẽ matube hiwekũkainiki.

2 Coríntios 10:5

Haska inũ, haska Deus danaĩ unãnepabũ xinãmis hawauma wakĩ Deus nũ hatu unãmakatsis ikaii, hatũ txakabu beshteketã xinã betsatã hau Cristo txibanũbunã.

2 Coríntios 11:3

Jesuskiri nũ ma haska matu yusĩbianikẽ yusĩnã betsabu bushũ matu parãkĩ haska Jesuskiri nũ matu yusĩsma Jesus betsa keska wakĩ matu yusĩaĩbu hawaira hatũ hãtxa hawẽrua abukĩ mã hatu nĩkakubaĩmiski. Ha inũ, nukubũ Deusũ Yushĩ Pepa matuki nũ ma matu dasiwabiayamakẽ yushĩ betsakiri matu yuiaibu mã hawaira atximamiski. Ha inũ, haska kakape nũ matu yuiama ibiayamakẽ kaka betsa mã hawaira txibaĩwẽ taea matuwẽ ẽ dateaii. Haska Éden bai anushũ dunũ Eva parani keska wakĩ hawara pepa Cristokiri mã ma hayabia henetã habũ txakabu txibaĩ mã hamakiri benuaibuwẽ ẽ matuwẽ dateaii.

Gálatas 1:2

Na nenu hiweshũ dasibi nukũ betsabu Jesus ikũwaĩbubetã hari Galácia mai pakea mae tibi anu mã dasibi nukũ betsabu itxamisbu tibi anua ẽ matu kene bumai uĩkubaũshãkãwẽ.

Gálatas 1:6

Cristo nuikipa pepawẽ taeshũ Deusũ matu katukĩ unãmabianiwẽ taea kanekĩ hawaira henei yusĩa betsaki maekĩ mã harakiri ea xinãtima kayawai e ikĩ ẽ nĩkaii.

Gálatas 2:14

Haska wakĩ Jesusũ yusĩa kayabi txibãkĩ pewama kaneaibu eã uĩkĩ Pedro hawẽ haibuaibube nia hatu txitekĩ: “Pedroõ, judeubia uatiã judeuma keskai mĩ hatube nishũ pikubaĩxinaki. Haskai natiã hatu beparani ana txĩtũkirã judeubũ beya hau judeubuma mĩ hatu uĩmatxakai?

Gálatas 3:3

Unaĩsmapahairabuũ, haskakĩ Deusũ Yushĩ Pepa bikĩ taewabiayama hakimatã ana pepanũ, iwanã, hunibũ beya mã txibãkubaĩkanaii, kanekĩ txakabuwairã.

Gálatas 4:9

Hakia natiã Deus mã unaĩ bestima Deusũri duawakĩ matu unãriaikiki. Haska unãbiakĩ ana txĩtũkirã hawãra matu pepawatirubuma txibaĩ mã ana hatũ dayaru escravo ikatsis ikimẽkaĩ?

Gálatas 5:11

Mã ẽ betsabu inũ ẽ puibuũ, hunibu dasibibũ hau hatũ hina kubitxi meshtenũbũ ẽ hatu yusĩmiswẽ taeshũ ea itxakawama ikeãkanaii. Hakia eã yusĩkinã, Jesus huni txakabu keska cruzkia mawani ẽ hatu yusĩamakẽ ea danãbumari ikeãkanaii.

Efésios 3:8

Hamẽ ẽ ikairã, Cristo txibaĩbu meranua ẽ beshmashaira hawamabiakẽ haskaraki watã Deusũ ea benimawakĩ duawakĩ hau hawẽ bake Cristokiri hawẽ pepa betsa betsapa hayawẽ nuku pehaira mekekubaĩtiru matu judeubumaki ẽ txanikũkaĩshanũ ea katutã nitxĩniki.

Efésios 4:14

Haskakẽ ana bake mixtĩbũ xinaĩ keska ana hiweyamakubainãkãwẽ. Eskaki, matu yuinũ nĩkakãwẽ. Huni betsa betsapabũ bake mixtĩbu beparanabu hawaira nĩkamisbuki. Nuku habiaskari wakĩ yura betsa parananãkĩ Deusũ yusĩa kayabi txibãma yusĩa bena watã matu yusĩaĩbu hatu nĩkakĩ hatũ hãtxa ikũwãkĩ bake mixtĩbũ hamapai tibi txibaĩ imis keskai ana iyamakubainãkãwẽ.

Efésios 5:15

Haskakẽ matũ hiwearã, uĩrakãwẽ. Hawara mã akai txibaĩ pe bestikubaĩkãwẽ, unaĩsmapamarã, hakia unãnepairã.

1 Timóteo 6:4

Hawẽ taea besti keĩ unãmabia ha iki haskakiri xinaĩ hamebi hatũ xinã hatu atimapa wamamisbuki. Eska tibi hatũ xinã meranua tashnirã, hawara betsana ha hawena haska hayama uĩ haskai ha besti haska hayamẽ iki sinatairã, yuãnanaĩ betsabube danãnanaĩnã, abunameama sheti ikama hatuki ha ikirã,

Hebreus 11:8

Ha inũ, Abraãonẽ Deus ikũwãkĩ txibãkubainaiwẽ taea Deus habe haria yubakakatsi ikĩ Deusũ kena hawa hẽ iyamama ikũwaĩwẽ taea hawẽ mae henei tashnikaini hani kai unãmabia ha mai pakea betsa anu Deusũ inãshanai anu kanikiaki.

Hebreus 5:9

Haskai pepakũkaini hawẽ besti hiwekuĩa bi nũ hawẽ pashatirubu nuku ishuĩ ha besti bai ikibi iniki, nũ habũ ikũwãkĩ txibãshanaibu nuku ishuĩnã.

1 Pedro 1:22

Mã ma haskawẽ taea natianã, Deusũ kakape Jesuskiri nĩkatã ha hãtxa txanima txibaĩ mã ma meribi pepabuki. Haskakubaĩkinã, ikũwaĩ betsabube abuname kayabikubaĩkãwẽ. Haskakĩ matũ huĩti hawa txakabu hayama inũ matũ kuxipa hirabiwẽ betsabu merabewai hatuwẽ nui abunamei hatube duanamepakekãwẽ.

1 Pedro 4:17

Jesus Cristo ikũwaĩ nũ hawenabuwẽ taeshũ natiã bika betsa tibi memakĩ nuku tenemakubaĩkanikiki. Haska nũ tenebiamiskẽ Jesus ana huaya habũ Deusũ kakape danãmisburã, habu Deusũ kupiarã, haskarara Deusũ hatu kupiaitiã yumãkĩ tenetxakayamashãkanimẽkaĩ?

2 Pedro 2:18

Hawara hãtxakĩ yuiaibu hawẽrua kemutapabia hamẽki. Habũ dama ikũwãkĩ taewaxina mestẽriabuma ha txakabukiri yusĩkĩ txanima hãtxa hatu henemakanikiki, hatũ yura atimapa betsa betsapatikiri hatu yusĩtxakakinã.

Apocalipse 18:3

Ha inũ, mai pakea tibi anua bea hawẽ hamapai tibi kemu pae hawẽruawẽ kemui habe txutanamei keskaibu inũ, shanẽ ibu kuxipa betsa betsapa tibiri txai hiwea mirimabũ Babilôniabe atiai keskai habe yubakamisbuki. Ha inũ, ha mabu inãnanãmisbu mai hirabi anuari bea hanua mabuwãyaĩ habũ mabu inãkĩ pei mirima bimisbuki”, ikaya

Apocalipse 2:20

Mã haskabiai eska besti matu anu hayaki. Ha aĩbu mã Jezabel wamis hatũ txakabuwaikiri mã nemaisma ha bestikiri matu yuinũ nĩkakãwẽ. Ha Jezabelĩ matu parãkĩ yuikĩ: Eãri Deusũ hãtxa ẽ yuimiski. Ea nĩkakãwẽ, matu watã mã ẽ tsumabu bestibu matu itxawashũ yusĩkĩ yuikĩ: Aĩbu mĩ aĩmabe mĩ txutanamearã, peki. Huni mĩ benemabe mĩ txutanamearã, periki. Hamapaibe txutanamearã, periki, akĩ pitikiri matu yuikĩ: Ha yushĩ dami betsa kẽwãti nami inãmisbu mã piarã, hawa txakabumaki, iwanã, matu parãkĩ matu txakabuwamakubaĩmiski.

1 Samuel 13:13

Samuelĩ Saul kemakĩ: —Na haska mĩ ashurã, mĩ atimapahairashuki. Haska Senhor Deusũ mia yunuima mĩ kaneama ishurã, mĩ Israelĩ enabu shanẽ ibu niti ikama ikũkaĩkeanaii.