Tito 2:14 - Kaxinawá Bíblia (BR)

¹⁴ Deusũ nuku kupiaya hau nukũ txakabuwẽ taea nũ benuyamashanũbũ dasibi txakabu ana xinãtima wakĩ Deusũ nuku buashunũ, iwanã, Jesus Cristo yunua hamebi mawakĩ hawẽ hiwea nuku inaĩ nuku mawashuniki. Nuku haska wakĩ hawenabu kayabi pepa nuku waniwẽ taeshũ ha besti hiweshũkĩ nukũ pepa uĩmai dayashũkubainãkãwẽ.

Kashinawa : Diosun Jesúswen taexun yuba bena yiniki

¹⁴ Diosun nuku kupiaya jau nukun chakabuwen taea nun benuyamaxanunbun dasibi chakabu ana shinantima wakin Diosun nuku buaxunun, iwanan, Jesucristo yunua jamebi mawakin jawen jiwea nuku inain nuku mawaxuniki. Nuku jaska wakin jawenabu kayabi pepa nuku waniwen taexun ja besti jiwexunkin nukun pepa uinmai dayaxunkubainankanwen.

Tito 2:14 Referencias Cruzadas

Êxodo 15:16

Ẽ Shanẽ Ibu Senhor Deusuũ, Egito nawabu kushipa anua mebĩtã mina wakĩ mĩ nuku iweaya nũ hatu daĩbaĩkĩ keyuriama mĩ kushipawẽ datei mishki keskai hawa tukuama hau pes manishanũbũwẽ!

Ezequiel 36:25

Ũpash kayabi beshnahairawẽ matũ beya betsa betsapa detsis keska ẽ matu txukashanaii, mã yushibu dami kẽwaĩ mã atimapamis tibi matu tere akĩ keyukinã.

Malaquias 3:3

Hua tsaushũ Israelĩ huni bake Levĩ enabu nukunabu Deusbe hãtxashunikabu unãti wakĩ hatu pepa washanikiaki, mane prata hushupa inũ mane ouro tashipa txi anu kukatsa akĩ hawẽ detsis urẽkĩ has wamisbu keska matu wakinã. Ma matu pewakẽ haska Moisĩ hatu yusini txibãkĩ inabu nami inũ hawẽ sheni has menukĩ hatũ shinã pepawẽ Senhor Deus kẽwãkĩ uĩmakubaĩshãkanikiaki.

Mateus 1:21

Ha huni bake kaĩtã ewatã hawenabu Deuski petxia txakabumisbu hau hatũ ana Deus txibanũbũ hatu merabewashanaiwẽ taeshũ kenakĩ: ‘Jesus’, washãwẽ”, aka Josẽ haska nĩkatã xinãnikiaki.

Mateus 20:28

Hamẽ ea iki huirã, ẽ matũ Hutxi Kayabi Iuwabiarã, hau ea duawanũbũ ika ẽ huamaki. Hakia matu debushũkĩ yura itxapabu benuabu meshpamatã matu hiwemanũ ika ẽ huniki— nuku waniki.

Mateus 3:12

Ha inũ, shekiwã bimi ta keyushũ pepa arutã hawẽ shepa kuamisbu keska wakĩ dasibi hawenabuma danãkĩ hawa txi nukaisma anu urẽshũ kuanũ, iwanã, manakubainikiki”, akĩ Naximanika Joãonẽ hatu yuikubainikiaki.

João 6:51

Nai anua butuni misi hiwearã, habia ẽ eaki. Tsuabũra na misi hiwea pikubaini hiwepakeshãkanikiki, ikibi ikirã. Na misi ẽ hatu inãshanairã, ẽ yura kayabiki. Haskawẽ taea na mai anu yurabu shukuabu tibi hawẽ hiwetirubuwẽ taeshũ ẽ yura kayabi ẽ hatu inãshanaii— akĩ hunea hãtxawẽ hatu yuiaya

Hechos 15:14

Jesus ikũwaĩbu Deusũ hawenabu hatu wariakĩ merabewani hau nukube ikubaĩshanũbũ haska bebũkiri tatesmakĩ Deusũ judeubumari katuyama Simãonẽ ma nuku yuishuki.

Hechos 15:9

Nukunã, nũ Jesus ikũwaĩbu Deusũ nukũ huĩti pepawamis keska wakĩ habũri Jesus ikũwaĩbu Deusũ hawa hatu danãma hawa nuku pashkakĩ betsa wama habiaskas xinã hatube nuku waikiki.

Hechos 20:28

Haskakẽ ibubis mekekĩ Deusũ Yushĩ Pepatũ matu katua merabewakĩ ikũwaĩbu mekekubaĩshãkãwẽ. Deusunabu hatu wakatsi ikĩ hawẽ bake yunua mawashũkĩ hawẽ himiwẽ hawenawakĩ meribi hatu wani hatu putama hatu uĩrashũshãkãwẽ.

Hechos 9:36

Ha bari haskaitiã mae betsa txaima Jope anushũ aĩbu betsã Jesus ikũwaĩ hawẽ kena Tabita, Grego hãtxawẽ hawẽ kena Dorcasrã, aĩbu duapatũ hawauma nuitapaibu hatuwẽ dabanã ikĩ hatu merabewakubaĩmis

Gálatas 1:4

Haskakẽ nukũ Epa Deusũ haska xinaĩ keskawẽ nuku ikirã, natiã hiweabũ txakabuhaira wakubainaibube hau nuku kupiyamashanũ haskawẽ taea Jesus Cristo mawai hawẽ hiwea yauxiama nukũ txakabu buanũ ika iniki.

Gálatas 2:20

Natiã na ẽ yurawẽ ẽ hiweyuairã, Deusũ bakẽ ea abui ewẽ taea mawanishũ ea xinã betsa wamani ha ikũwaĩ ẽ hiweyuaii. Haskawẽ taea earã, ẽ ana emebi yunui ẽ hiweamaki. Hakia Cristo bestitũ ea yunui ewẽ hiweyuikiki.

Gálatas 3:13

Deusũ hawẽ yunuti inũ hawẽ nemati yunukinã, hawẽ yupukunãkatsi aniki. Hatũ nukũ txakabuwẽ nuku yupubiaya Cristõ nuku meshpamanũ ika nukũ txakabu kupiti bi nuku mawashuniki. Haskai kaikiri bebũkiri Moisés yuikĩ: “Tsuara hatũ txakabuwẽ taeshũ tenãkĩ hiki netãbu mawaya Deus hawẽ nuiama yupumiski”, iniki.

Efésios 1:11

Haska wanũbarikatsi Deusũ bebũkiri Cristowẽ nũ judeubu dukũ nuku katuniki, haska Deusũ hamebi xinaĩ keskawẽ nuku duawaya nũ hawenabu ipakeshanũbunã.

Efésios 2:10

Deusũ haska nukukiri xinãkĩ hatũ nuku damiwakinã, hawẽ bake Jesus Cristoki dasitã hawenabũ hawẽ daya pepa inũ hawẽ bai pepa txibãkĩ ashuĩ nũ hiweyukubaĩshanũbũ Deusũ bebũkiri nuku katukĩ pewaniki.

Efésios 5:2

Haska inũ, Cristõ nuku abukĩ Deus duawanũ ika Deusũ kupiti nuku bishuĩ mawai inĩti hawẽrua keska puekĩ Deus benimawanikẽ haska Cristo nuku ishuni keskariakĩ nukubetã ikũwaĩbu dasibibube nui abunamei hiwekubaĩkãwẽ.

Deuteronômio 4:20

Senhor Deusũ Egito anua matu mebikinãkirãkĩ matu pashawakinã, hawena wabirãkĩ matu iweniki. Na habiatiã mã hawenabuki.

1 Timóteo 1:15

Na haskarã, txanima kayabiki, tsuabũra ikũwãtiruburã. Ikũki Jesus Cristo mai anu tashnirã, txakabu wamisbu hau Deusũ hatu kupiyamashanũ hatũ txakabu buatã hatu mekẽnũ ika huniki. Hamẽ eãnã, txakabu wakĩ yura dasibibu ẽ binuhairaniki.

1 Timóteo 2:10

Hakia aĩbuaibũ Deus ikũwaĩ benimawakinã, haska abuai nishũ dayashũkĩ hatu merabewakĩ pepa besti aki hawẽ dauwa itsai hau duapakubainũbũwẽ.

1 Timóteo 2:6

Cristo tsuabũra ikũwaĩbu Deusũ hatũ txakabu buashũshanaiwẽ taea Jesus Cristo hamebi mawakĩ habũ ikũwãshanaibu hatu mekeniki. Haskakẽ na habiatiã Deusũ yununi tsuabura hakiri txanibaũtirubuki.

1 Timóteo 6:18

Haska inũ, hatũ hamapai mabu haya betsaburi pashkashũti xinãkĩ haska Deusũ abuai aki hau pepakubainũbũ hatu yunuriawe.

Tito 2:7

miãri mĩ hiweawẽ mĩ ikai keskai dasibibu hau pepa irianũbũ hatu yusĩkinã, hawa tsua beparanãma inũ, tatimama pe bestikĩ hatu ishũkĩ uĩmakubaĩwẽ.

Tito 3:8

Na haskakiri yusĩanã, txanima kayabiki. Henekĩ betsa wama hakiri hatu yusĩkubaĩwẽ, habũ Deus ikũwaĩbu duapai hau hawẽri hamapai pepa akubainũbunã. Na hãtxa haska tibiwenã, haska hayatã dasibibube pepatirubuki.

Hebreus 1:3

Hawẽ Epã kuxipaya txashakapa hawẽrua keskaritũ dasibi betsa betsapa damiwani hawẽ hãtxa kuxipawẽ mekekubaĩmiski, hau hawa benuyamanũbunã. Ha inũ, hawẽ Epa nuku daewashuni mawakĩ nukũ txakabu buatã hawẽ Epa kuxipahaira dasibi binu keyuatũ yusiuri tsauwa nai anua ma habe shanẽ ibukũkainikiaki.

Hebreus 10:24

Ha inũ, nũ habũ ikũwaĩburã, merabenaĩ abunamei pepai duanamekubainãkãwẽ.

Hebreus 9:14

Haska wapaunibu pebia haska binumakĩ Cristõ hawẽ himi habanirã, kuxipa paehairaki. Haskakẽ Deusũ Yushĩ niti ismatũ merabewaya inãkuĩti hawa txakabu hayama keskakĩ Jesus Cristo ma ana bestẽkĩ Deus nuku daewashuniki. Mawai hawẽ himi habaniwẽ taea natiã nukũ xinã txakabũ nuku kanemakĩ hawẽ nuku tenãmis nuku buashũtã nukũ kupiti bitã hiwekuĩa nuku inãkĩ pewaniki, Hamebi Hiwemis Deus besti duawai ha dayashuni nũ hiweshũkubaĩshanũbunã.

Santiago 4:8

Haskakẽ tsuabũra Deus inũ Satanás ha dabe txibãkĩ mã xinãtxakaya matu yusĩnũ nĩkakãwẽ. Hanũ Deus xinã kayabikĩ haibu kayabi warikãwẽ, hari hau matube haibunaĩ dasinunã. Mã haskakubainaiburã, haska nukũ mekẽ detsis mepanui nũ yamamis keska wakĩ matũ huĩtiwẽ mã xinã txakabuwai haki petxi hakimatã yamawarikãwẽ. Haska wakĩ mã Deus abukĩ haibu wakatsis ikaibu Deusũ matu haibu washanikiki.

1 Pedro 1:18

Hamẽ matu ikirã, matũ shenipabũ Deus unãma txakabu besti akĩ hatũ matu merabewakĩ hiwemakĩ pewatiruma beyawanibu mã hatu txibãkĩ akubainirã, mã unãhairaii. Tsuã haska matu meketirumahairabiakẽ hawẽ matu kaĩmakinã, hawara mabu txapumis ouro inũ prata mane keskawẽ matu akama

1 Pedro 1:22

Mã ma haskawẽ taea natianã, Deusũ kakape Jesuskiri nĩkatã ha hãtxa txanima txibaĩ mã ma meribi pepabuki. Haskakubaĩkinã, ikũwaĩ betsabube abuname kayabikubaĩkãwẽ. Haskakĩ matũ huĩti hawa txakabu hayama inũ matũ kuxipa hirabiwẽ betsabu merabewai hatuwẽ nui abunamei hatube duanamepakekãwẽ.

1 Pedro 2:12

Hakia ikũwãbumabe mã hiwearã, Deus kẽwaĩ hatu naxui ika hiweshũ pepakĩ hatu uĩmakubaĩkãwẽ. Mã haskaiwẽ taea mã yura txakabu ikai dabanẽ xinãkĩ matu yuãbiamisshũ matũ pepa uĩkĩ habũri Jesus Cristo ikũwãkĩ Deus kẽwãtirubuki, Deusũ hanu yurabu unãti wakĩ keyushanaitianã.

1 Pedro 2:9

Hanua maturã, yura shuku betsa matu katuniki. Ha inũ, shanẽ ibu binua Deusbe hãtxashunikabu matu dasibi wakĩ ikũwaĩbu meribi shukua betsa matu wakĩ Deusũ ibu wakĩ abukĩ hawenabu matu warianiki. Haskawẽ taeshũ hakiri hawẽ daya pehaira Deuskiri mã txanikubaũshanũbũ mã mexu merã ika keskashũ txakabu wamisbu hanua matu kenakĩ Cristõ shaba hawẽrua anu matu hikimakĩ hiwemakatsi matu tashnimaniki.

1 Pedro 3:18

Hakia Cristo pepabia nũ txakabuwẽ taea nukuwẽ nui nukũ txakabu buanũ ika bestiwai ana mawatimai nuku mawashuniki. Cristo hawa txakabuwamabia Deus yurabu mekemanũ ika nukũ txakabuwẽ nukuwẽ taea nuitapaniki. Hawẽ yura babu mawabiatã habias hawẽ yuraya ana mawatirumai hawẽ yushĩ besteni hiwekũkainikiki.

1 João 1:7

Hakia tsuãra Deusũ hãtxa ikũwãtã txibaĩ mã pepai hiweaburã, Deusũ shabaki mã ma pesea keskabuki. Haskawẽ taea nukubũ ikũwaĩbu nũ ma dasiabuki. Hanushũ txanima hawẽ bake Jesus Cristo nukuwẽ taea mawakĩ hawẽ himi habakĩ Deus nuku daewashũkĩ ma nukũ txakabu nuku bua keyushuniki.

1 João 1:9

Hakia hau nukũ txakabu nuku buashunũ hawara mekĩ nũ hatu mexu waxinaki dateama Deus inũ tsuabura nũ txakabuwaxina hau nĩkanũbũ shabakabi nũ hatuki txaniaya Deus pepa nukuwẽ nuikĩ nukũ txakabu buatã ana xinãma nuku hakimawatiruki.

1 João 3:2

Ẽ betsabu inũ ẽ puibuũ, ẽ matuwẽ nuiairã, nũ ma Deusũ bakebuki. Txipu haskarara nũ ishanai natiã nũ unãriabumaki. Hakia nukũ Shanẽ Ibu Jesus Cristo ana nukuki nukuaitiã hanu habe ha keskari ikĩ hanu haskarara nuku wai nũ uĩshanaii.

Apocalipse 1:5

Ha dikabi Jesus Cristo hawa txani txakaisma mawatã ha dukũ bestẽni inũ mai hirabi anu habu shanẽ ibu betsa betsapa binui hatũ shanẽ ibumisrã, hau hatũ matu unãnuma hiwemarianũwẽ. Ha inũ, nuku abui nukuwẽ nuikĩ nukũ txakabuwẽ taea mawakĩ hawẽ himi habakĩ nuku buashũrianiki.

Apocalipse 5:9

dasibibũ nawati bena huiwẽ nawakĩ yuikĩ: “Mĩ pepahairaki. Mawakĩ mĩ himiwẽ yura shukuabu tibi anua inũ, nawa tibi anua inũ, hãtxa tibi anua inũ, mai pakea tibi anua Epa Deus bishũkĩ hawenabu hatu wakĩ