Gálatas 1:4 - Kaxinawá Bíblia (BR)

⁴ Haskakẽ nukũ Epa Deusũ haska xinaĩ keskawẽ nuku ikirã, natiã hiweabũ txakabuhaira wakubainaibube hau nuku kupiyamashanũ haskawẽ taea Jesus Cristo mawai hawẽ hiwea yauxiama nukũ txakabu buanũ ika iniki.

Kashinawa : Diosun Jesúswen taexun yuba bena yiniki

⁴ Jaskaken nukun Epa Diosun jaska shinain keskawen nuku ikidan, natian jiweabun chakabujaida wakubainaibube jau nuku kupiyamaxanun jaskawen taea Jesucristo mawai jawen jiwea yaushiama nukun chakabu buanun ika iniki.

Gálatas 1:4 Referencias Cruzadas

Salmos 40:8

Ẽ shanẽ ibu Deusuũ, eã mia benimawakinã, haska shinãkĩ mĩ betxipaiaiwẽ ẽ mia ashũkatsis ikaii. Mĩ hatu yusinirã, ẽ huĩti merã ẽ haya niaki!

Isaías 65:17

“Mã ea haska wabiaibũ ẽ matu ashũshanai nĩkakãwẽ. Nai inũ mai ẽ ana bena washanaii. Habu dukũ dasibi ẽ hatu dami wani hakimashãkanikiki, tsuã ana habukiri shinãmarã.

Mateus 13:22

Hamapai hawẽ hiweawẽs kemui heneama hawẽs besti nuitxakayamakĩ Deusũ hãtxa nĩkabiakĩ ana tapĩkatsi ikama mabuwẽs besti kemui pepaisbumaki, haskatũ yabua hãtxa pepa txibãma yurabu mibã bimiuma keskabuirã.

Mateus 20:28

Hamẽ ea iki huirã, ẽ matũ Hutxi Kayabi Iuwabiarã, hau ea duawanũbũ ika ẽ huamaki. Hakia matu debushũkĩ yura itxapabu benuabu meshpamatã matu hiwemanũ ika ẽ huniki— nuku waniki.

Mateus 26:42

ana Deusbe hãtxai kashũ yuikĩ: —Ẽ Epa Deusuũ, ẽ yumãyamanũ ea unãti wakĩ mĩ henekatsi ikamarã, peki. Mĩ xinãnẽ besti ea ashãwẽ— atã

Mateus 6:9

Eska watiki, dayuikinã: —Nukũ Epa nai anuatuũ, mĩ kena meribirã, mia duawakĩ hau mia kẽwãkubainũbũwẽ.

Marcos 10:45

Hamẽ ea iki huirã, ẽ matũ Hutxi Kayabi Iuwabiarã, hau ea duawanũbũ ika ẽ huamaki. Hakia matu debushũkĩ yura itxapabu benuabu meshpamatã matu hiwemanũ ika ẽ huniki— hatu abaini

Lucas 22:19

Páscoa piti hawẽ henekĩ hatu pima keyutã hanushũ xinãmati bena wakĩ misi betsa bishũ Deus kẽwãtã namakis tũketã hatu inãkĩ yuikĩ: —Na misirã, ẽ matu mawashũshanai xinãti ẽ yura keskaki. Ea xinãbetanã mã pishanai ikis pikĩ taewakãwẽ— hatu wa

Lucas 22:42

yuikĩ: —Epaã, hamapai dasibi mĩ atiru ẽ unaiĩ. Ẽ mawayamanũ mĩ nematirubia ẽ xinaĩ keska ea akama mĩ xinãnẽ besti ea ashãwẽ— ikaya

João 10:11

Earã, ẽ matũ mekenã pepaki. Mekenã pepatunã hawẽ txashuwã mekei yauxi mawashũtiruki.

João 12:31

Na habiatiã yurabu unãti wakĩ diabo Satanás yurabu dasibibuwẽ shanẽ ibumis mebĩtã ẽ urẽshanaii.

João 5:30

Jesusũ shanẽ ibubu hatu nĩkamakubaĩkĩ yuikĩ: —Earã, ibubis e iskaũ ẽ xinãnẽ ẽ ikamaki. Hakia haska ẽ Epa Deusũ ea yunuai besti nĩkatã ẽ akubainaii. Haska hawẽ pepa ea katumairã, ẽ haska xinaĩwẽ ẽ akama hakia haska ẽ Epã ea yununitũ abuai haska yunuaya unãti wakĩ ẽ ashũkubainaii, kaneamarã.

Romanos 12:2

Haska habũ ikũwãbuma natiã mai anu hiwe bestishũ hamapai tibi akĩ xinãmisbu keskakĩ ana xinãma hakia xinã betsa watã haska Deusũ matu hiwemakatsi ikai haska abuai besti tapĩkubaĩkãwẽ. Eska hiweirã, haska Deusũ abumis mã tapĩkubaĩshanaii, pepakinã, Deus benimawai kemutapakinã, kanei hawa txĩtuãmarã.

Romanos 4:25

Hau nukũ txakabu nuku buashuni nukũ Shanẽ Ibu mawanũ Deusũ yunua mawaxina ana bestẽwaniki, hau hawẽ taeshũ yura pepabu nuku wakubaĩshanunã.

Romanos 8:27

Haska inũ, nũ Jesus ikũwaĩbu Deusũ nukũ huĩti unaĩkiki. Ha dikabi hawẽ Yushĩ Pepatũ unãkĩ Deus ea akĩ habias nũ xinaĩ dasi watã nuku yukashũkubaĩmiski.

Romanos 8:3

Deusũ Moisés yunukĩ hawẽ hãtxa kenemanirã, yurabu hatũ xinã babuwẽ taeshũ haska washũ txibãtirubumakẽ haska bebũkiri yubani yurabu babubu hau hatũ txakabu hatu buashuni mawayunũ, iwanã, hawẽ bake yura babu nukuna keska bimatã Deusũ yununiki. Jesus haskakiranishũ hawẽ mawa kayabimati Satanásã kuxipa mebĩkĩ Deusũ bakẽ maemaniki.

Romanos 8:32

Haska inũ, hawẽ bake hawa yauxitaskama yunua tashnitã mawakĩ nukubu nukũ txakabu nuku buashuniwẽ taeshũ nũ habu Jesus Cristoki dasiabu hawẽ taeshũ nuku duawakĩ hamapai tibi hawẽ bakewẽ nuku ashunishũ Deusũ nuku ashũkubainikiki.

1 Coríntios 15:3

Haska dukũ eã unãkĩ tapĩnishũ ẽ matu yusĩtanirã, eskaki, nĩkairakãwẽ. Haska Deusũ hãtxa yuishunikabũ kene tibiwẽ yuini keskai yusĩkĩ: “Nukũ txakabu buanũ ika Messias Cristo mawashanikiki”, inibu haska kenenibu meneni keska nũ matu yusĩkubaĩtaniki.

2 Coríntios 4:4

Tsuabũra habũ ikũwãbumarã, na mai anushũ hatũ shanẽ ibu Satanásã hatu parãkĩ hatũ xinã nemakĩ bekũ keska hatu wamiski. Haskawẽ taeshũ Cristo, Deus itsa hiwea mekenika kuxipa yurabu mawashũtã hatũ txakabu ana xinãma buakatsis ini nĩkabiakĩ kaka pepa shabakabi ikũwãtirubumaki.

Gálatas 2:20

Natiã na ẽ yurawẽ ẽ hiweyuairã, Deusũ bakẽ ea abui ewẽ taea mawanishũ ea xinã betsa wamani ha ikũwaĩ ẽ hiweyuaii. Haskawẽ taea earã, ẽ ana emebi yunui ẽ hiweamaki. Hakia Cristo bestitũ ea yunui ewẽ hiweyuikiki.

Gálatas 6:14

Hanua tsuabũra hau Deusũ ea duawanũ, iwanã, hatũ hina kubitxi meshtekinã hamẽ akanikiki. Haska inũ, tsuabũra meshteama hamẽri ikanikiki. Hakia nukurã, Deus duawanũ ika xinã betsa watã besti Deus nũ benimawakubainaii. Jesus ea mawashuniwẽ taeshũ xinã benawatã: “Mabu itxapa besti binũ”, iwanã, ana ẽ xinãmakẽ txakabũ ea ana atxiamariki. Haskakẽ keãma nukũ Shanẽ Ibu Jesus Cristo hi cruzkia mawashũ hawara ea ashunikiri besti yuikubaĩkĩ Deus ẽ kẽwaiĩ. Ẽ hawauma iniwẽ taea ẽ hawa kẽtirumaki. Hakia Jesuswẽ taea besti ẽ kẽtiruki.

Efésios 1:11

Haska wanũbarikatsi Deusũ bebũkiri Cristowẽ nũ judeubu dukũ nuku katuniki, haska Deusũ hamebi xinaĩ keskawẽ nuku duawaya nũ hawenabu ipakeshanũbunã.

Efésios 2:2

na mai anushũ yura txakabubũ akai txibaĩ yushĩ txakabu shanẽ ibũ shaba natukã anu nishũ hawẽ xinãnẽ hatu yunuaitũ habũ benimawai keskai xinãkĩ Deus nĩkakĩ txibãmarã.

Efésios 5:16

Natiã txakabu betsa betsapa huaya menã manama matũ hiwea pewarikãwẽ.

Efésios 5:2

Haska inũ, Cristõ nuku abukĩ Deus duawanũ ika Deusũ kupiti nuku bishuĩ mawai inĩti hawẽrua keska puekĩ Deus benimawanikẽ haska Cristo nuku ishuni keskariakĩ nukubetã ikũwaĩbu dasibibube nui abunamei hiwekubaĩkãwẽ.

Efésios 6:12

Na haska nũ hatube detenameairã, yurabũ kuxipawẽ nũ ikai keskamaki. Hakia yushĩ txakabubu inũ hamapai shanẽ ibu txakabu na mai anua inũ manaũri namakisshũ nuku keshebaũshũ yunuaitũ nuku atxiabube nemai heẽ iyamai nũ hatube detenamei keskaii.

Filipenses 4:20

Haskakẽ nukũ Epa Deus pepahaira duawakĩ kẽwanãkãwẽ, heneamarã. Haskakirã.

1 Tesalonicenses 1:3

Mã eskai hiwea ikũwaĩ Jesuski txiti itã, ikũwaĩ betsabube merabenaĩ bika tenebiai hawa txĩtuãma nukũ Shanẽ Ibu Jesus Cristo mã manaya nukũ Epa Deusbe hãtxakĩ matu dayuishũkĩ matukiri xinãkĩ nũ heneama ikũkainaii.

1 Tesalonicenses 3:11

Haskakẽ nukũ Epa Deus inũ nukũ Shanẽ Ibu Jesusũ nuku merabewakĩ hau matu anu nuku nitxĩkĩ nuku yunushanũbũwẽ, nũ matu uĩ kanunã.

1 Tesalonicenses 3:13

Haskawẽ taea nukũ Shanẽ Ibu Jesusũ matu xinã mestẽwãkĩ matũ hamapai txakabu beshtenishũ mã hawenabu hawa txakabu matukiri metutirubuma mã hiwekẽ hatiãra nukũ Shanẽ Ibu hawẽ tsumabube ana huaitiã nukũ Epa Deus bebũ mã nia hau matu uĩshanũ haska matukiri ẽ xinaiĩ. Haskakirã.

2 Tesalonicenses 2:16

Hanushũ nukũ Shanẽ Ibu Jesus Cristo hamebi inũ nukũ Epa Deus nukuwẽ nuikĩ abukĩ nuku duawakĩ nuku xinã txãkãwã niti ikama nai anu nũ hatube hiweshanai manakamakĩ nuku yubaniki. Hanua mestẽwãtã matũ huĩti xinã txãkãwãkĩ matu kuxipa wai heneama hamapai yuikĩ mã akai pepas hau matu amakubainũbũwẽ.

1 Timóteo 2:6

Cristo tsuabũra ikũwaĩbu Deusũ hatũ txakabu buashũshanaiwẽ taea Jesus Cristo hamebi mawakĩ habũ ikũwãshanaibu hatu mekeniki. Haskakẽ na habiatiã Deusũ yununi tsuabura hakiri txanibaũtirubuki.

Tito 2:14

Deusũ nuku kupiaya hau nukũ txakabuwẽ taea nũ benuyamashanũbũ dasibi txakabu ana xinãtima wakĩ Deusũ nuku buashunũ, iwanã, Jesus Cristo yunua hamebi mawakĩ hawẽ hiwea nuku inaĩ nuku mawashuniki. Nuku haska wakĩ hawenabu kayabi pepa nuku waniwẽ taeshũ ha besti hiweshũkĩ nukũ pepa uĩmai dayashũkubainãkãwẽ.

Hebreus 2:5

Bawaitiã na mai anu Deusũ damiwani anu yurabu hiwebaũshanaibu anushũ hau Deusũ nai tsumabũ yunuyamashanũbũ Deusũ hanu hatu yunuama iniki, na haskakiri nũ hãtxairã.

Hebreus 9:14

Haska wapaunibu pebia haska binumakĩ Cristõ hawẽ himi habanirã, kuxipa paehairaki. Haskakẽ Deusũ Yushĩ niti ismatũ merabewaya inãkuĩti hawa txakabu hayama keskakĩ Jesus Cristo ma ana bestẽkĩ Deus nuku daewashuniki. Mawai hawẽ himi habaniwẽ taea natiã nukũ xinã txakabũ nuku kanemakĩ hawẽ nuku tenãmis nuku buashũtã nukũ kupiti bitã hiwekuĩa nuku inãkĩ pewaniki, Hamebi Hiwemis Deus besti duawai ha dayashuni nũ hiweshũkubaĩshanũbunã.

Santiago 4:4

Haskati kemaĩ yurabũ mã ikũwãkĩ pewabumaã, haskai Deus haibu wabiatã matũmebi hawara Deusũ danaĩ mã akubainai? Haskakẽ tsuabũra hawara Deusũ abuama abukĩ Deus danaĩ ana habe haibunamekatsi ikabumaki, ana txĩtũtã haki sinatamairã.

1 Pedro 2:24

Cristo hamebi hawẽ yura cruzki dunua mawakinã, nukũ txakabu nuku bushuniki, nuku xinã betsa wamakĩ nũ ana txakabu husiyamashanũ nuku buashũkinã. Hanua hiwea bena nũ ma haya nũ ma pepai hiwekũkainaii. Cristo mawakĩ hau ana txakabũ matu tsumayamashanũ matu meshpamaniki, yura betsabu hatũ isĩ teneai shushawakinã.

1 Pedro 3:18

Hakia Cristo pepabia nũ txakabuwẽ taea nukuwẽ nui nukũ txakabu buanũ ika bestiwai ana mawatimai nuku mawashuniki. Cristo hawa txakabuwamabia Deus yurabu mekemanũ ika nukũ txakabuwẽ nukuwẽ taea nuitapaniki. Hawẽ yura babu mawabiatã habias hawẽ yuraya ana mawatirumai hawẽ yushĩ besteni hiwekũkainikiki.

1 João 2:2

Nuku besti ishuãma hakia mai hirabi anu hiwebaunabũ txakaburi buanũ ika Jesus Cristo mawakĩ hawẽ Epa nuku daewashuniki, txashuwã menukĩ inãkĩ daewapaunibu keskakinã.

1 João 3:16

Nũ nui kayabi haya nũ tapĩtirurã, haska Jesus Cristo nukuwẽ dabanã hawẽ hiwea nuku inãni nũ xinãtirubuki. Haskawẽ taea nukubũri nukũ betsabu nũ hatu abukayabiai nũ hatu uĩmatirubuki.

Apocalipse 1:5

Ha dikabi Jesus Cristo hawa txani txakaisma mawatã ha dukũ bestẽni inũ mai hirabi anu habu shanẽ ibu betsa betsapa binui hatũ shanẽ ibumisrã, hau hatũ matu unãnuma hiwemarianũwẽ. Ha inũ, nuku abui nukuwẽ nuikĩ nukũ txakabuwẽ taea mawakĩ hawẽ himi habakĩ nuku buashũrianiki.

Apocalipse 5:9

dasibibũ nawati bena huiwẽ nawakĩ yuikĩ: “Mĩ pepahairaki. Mawakĩ mĩ himiwẽ yura shukuabu tibi anua inũ, nawa tibi anua inũ, hãtxa tibi anua inũ, mai pakea tibi anua Epa Deus bishũkĩ hawenabu hatu wakĩ

Apocalipse 7:9

Hanushũ ana uĩbaũkĩ yurawã hati tsuã tanatiruma ẽ uĩshu matu yuinũ nĩkakãwẽ. Nawabu mai pakea tibi anuabu inũ, yura betsa shukua tibi anuabu inũ, dasibi hãtxa tibi anuabu inũ, mae tibi anuabu Deus shanẽ ibu haki tsauti inũ txashuwã bakẽ besuuri habu nishũ tari hushupa txaipa saweshũ shẽpã tsuma nishũ