Masalimo 5:5 - Buku Lopatulika

Opusa sadzakhazikika pamaso panu, mudana nao onse akuchita zopanda pake.

Chichewa Buku Lopatulika Bible 2014

Opusa sadzakhazikika pamaso panu, mudana nao onse akuchita zopanda pake.

Buku Loyera Catholic Edition - Chichewa

Anthu onyada sangathe kuwonekera pamaso panu. Inu mumadana ndi anthu onse ochita zoipa.

Mawu a Mulungu mu Chichewa Chalero

Onyada sangathe kuyima pamaso panu; Inu mumadana ndi onse ochita zoyipa.

Masalimo 5:5 Mawu Ofanana

Masalimo 1:5

Chifukwa chake oipa sadzaimirira pa mlanduwo, kapena ochimwa mu msonkhano wa olungama.

Masalimo 10:3

Pakuti woipa adzitamira chifuniro cha moyo wake, adalitsa wosirira, koma anyoza Yehova.

Masalimo 11:5

Yehova ayesa wolungama mtima, koma moyo wake umuda woipa ndi iye wakukonda chiwawa.

Masalimo 130:3

Mukasunga mphulupulu, Yehova, adzakhala chilili ndani, Ambuye?

Masalimo 14:1

Wauchitsiru amati mumtima mwake, Kulibe Mulungu. Achita zovunda, achita ntchito zonyansa; kulibe wakuchita bwino.

Masalimo 73:3

Pakuti ndinachitira nsanje odzitamandira, pakuona mtendere wa oipa.

Masalimo 75:4

Ndinati kwa odzitamandira, musamachita zodzitamandira; ndi kwa oipa, Musamakweza nyanga;

Masalimo 92:6

Munthu wopulukira sachidziwa; ndi munthu wopusa sachizindikira ichi;

Masalimo 94:8

Zindikirani, opulukira inu mwa anthu; ndipo opusa inu, mudzachita mwanzeru liti?

Miyambo 1:22

Kodi mudzakonda zazibwana kufikira liti, achibwana inu? Onyoza ndi kukonda kunyoza, opusa ndi kuda nzeru?

Miyambo 1:7

Kuopa Yehova ndiko chiyambi cha kudziwa; opusa anyoza nzeru ndi mwambo.

Miyambo 15:9

Njira ya oipa inyansa Yehova; koma akonda wolondola chilungamo.

Miyambo 8:5

Achibwana inu, chenjerani, opusa inu, khalani ndi mtima wozindikira;

Mlaliki 5:4

Utawinda chiwindo kwa Mulungu, usachedwe kuchichita; pakuti sakondwera ndi zitsiru; chita chomwe unachiwindacho.

Hoseya 9:15

Choipa chao chonse chili mu Giligala; pakuti pamenepo ndinawada, chifukwa cha kuipa kwa machitidwe ao ndidzawainga kuwachotsa m'nyumba mwanga; sindidzawakondanso; akalonga ao onse ndiwo opanduka.

Levitiko 20:23

Musamatsata miyambo ya mtundu umene ndiuchotsa pamaso panu; popeza anachita izi zonse, ndinalema nao.

Habakuku 1:13

Inu wa maso osalakwa, osapenya choipa, osakhoza kupenyerera chovuta, mupenyereranji iwo akuchita mochenjerera, ndi kukhala chete pamene woipa ammeza munthu wolungama woposa iye mwini;

Zekariya 11:8

Ndipo ndinatha abusa atatuwo mwezi umodzi; pakuti mtima wanga unalema nao, ndi mtima waonso unaipidwa nane.

Mateyu 25:41

Pomwepo Iye adzanena kwa iwo a kudzanja lamanzere, Chokani kwa Ine otembereredwa inu, kumoto wa nthawi zonse wokolezedwera mdierekezi ndi angelo ake:

Mateyu 7:23

Ndipo pamenepo ndidzafukulira iwo, Sindinakudziweni inu nthawi zonse; chokani kwa Ine, inu akuchita kusaweruzika.