Masalimo 130 - Buku Lopatulika

Pemphero lakuti akhululukidwe

Nyimbo yokwerera.

¹ M'mozamamo ndinakufuulirani, Yehova.

² Ambuye, imvani liu langa; makutu anu akhale chimverere mau a kupemba kwanga.

³ Mukasunga mphulupulu, Yehova, adzakhala chilili ndani, Ambuye?

⁴ Koma kwa Inu kuli chikhululukiro, kuti akuopeni.

⁵ Ndilindira Yehova, moyo wanga ulindira, ndiyembekeza mau ake.

⁶ Moyo wanga uyang'anira Ambuye, koposa alonda matanda kucha; inde koposa alonda matanda kucha.

⁷ Israele, uyembekezere Yehova; chifukwa kwa Yehova kuli chifundo, kwaonso kuchulukira chiombolo.

⁸ Ndipo adzaombola Israele ku mphulupulu zake zonse.