Masalimo 32:1 - Buku Lopatulika

Wodala munthuyo wokhululukidwa tchimo lake; wokwiriridwa choipa chake.

Chichewa Buku Lopatulika Bible 2014

Wodala munthuyo wokhululukidwa tchimo lake; wokwiriridwa choipa chake.

Buku Loyera Catholic Edition - Chichewa

Ngwodala amene zolakwa zake zakhululukidwa, amene machimo ake afafanizidwa.

Mawu a Mulungu mu Chichewa Chalero

Ngodala munthu amene zolakwa zake zakhululukidwa; amene machimo ake aphimbidwa.

Masalimo 32:1 Mawu Ofanana

2 Samueli 12:13

Ndipo Davide anati kwa Natani, Ndinachimwira Yehova. Natani nati kwa Davide, Ndiponso Yehova wachotsa tchimo lanu, simudzafa.

Nehemiya 4:5

ndipo musakwirira mphulupulu yao, ndi kulakwa kwao kusafafanizike pamaso panu; pakuti anautsa mkwiyo wanu pamaso pa omanga linga.

Masalimo 103:3

Amene akhululukira mphulupulu zako zonse; nachiritsa nthenda zako zonse;

Masalimo 106:3

Odala iwo amene asunga chiweruzo, iye amene achita chilungamo nthawi zonse.

Masalimo 128:1

Wodala yense wakuopa Yehova, wakuyenda m'njira zake.

Masalimo 40:4

Wodala munthuyo wakuyesa Yehova wokhulupirika; wosasamala odzikuza, ndi opatukira kubodza.

Masalimo 42:1

Monga nswala ipuma wefuwefu kukhumba mitsinje; motero moyo wanga upuma wefuwefu kukhumba Inu, Mulungu.

Masalimo 45:1

Mtima wanga usefukira nacho chinthu chokoma. Ndinena zopeka ine za mfumu, lilime langa ndilo peni yofulumiza kulemba.

Masalimo 52:1

Udzitamandiranji ndi choipa, chiphona iwe? Chifundo cha Mulungu chikhala tsiku lonse.

Masalimo 53:1

Chitsiru chimati mumtima mwake, Kulibe Mulungu. Achita zovunda, achita chosalungama chonyansa; kulibe wakuchita bwino.

Masalimo 55:1

Tcherani khutu pemphero langa, Mulungu; ndipo musadzibisa pa kupemba kwanga.

Masalimo 84:12

Yehova wa makamu, wodala munthu wakukhulupirira Inu.

Masalimo 85:2

Munachotsa mphulupulu ya anthu anu, munafotsera zolakwa zao zonse.

Masalimo 89:15

Odala anthu odziwa liu la lipenga; ayenda m'kuunika kwa nkhope yanu, Yehova.

Yesaya 1:18

Tiyeni, tsono, tiweruzane, ati Yehova; ngakhale zoipa zanu zili zofiira, zidzayera ngati matalala; ngakhale zili zofiira ngati kapezi, zidzakhala ngati ubweya wa nkhosa, woti mbuu.

Yesaya 43:25

Ine, Inedi, ndine amene ndifafaniza zolakwa zako, chifukwa cha Ine mwini; ndipo Ine sindidzakumbukira machimo ako.

Yesaya 44:22

Ine ndafafaniza monga mtambo wochindikira zolakwa zako, ndi monga mtambo machimo ako; bwerera kwa Ine, pakuti ndakuombola.

Mateyu 16:17

Ndipo Yesu anayankha iye, nati, Ndiwe wodala, Simoni Bara-Yona: pakuti thupi ndi mwazi sizinakuululire ichi, koma Atate wanga wa Kumwamba.

Luka 11:28

Koma Iye anati, Inde, koma odala iwo akumva mau a Mulungu, nawasunga.

Chivumbulutso 22:14

Odala iwo amene atsuka miinjiro yao, kuti akakhale nao ulamuliro pa mtengo wa moyo, ndi kuti akalowe m'mzinda pazipata.