141 Wawanakar uñjañ tuqit Biblian jiskʼa tʼaqanakapa

Yurirapquistu uca wawanacajj, Tatitun asqui churäwinacapawa.

Waynäpctan ucapach yurirapquistu uca wawanacajj nuwasirin amparapanquir flechanacar uñtatawa.

Ucanacan jakejj cusisiñaniwa. Janiw timanacapamp p'enkachat uñjascaniti, janiraquiw ch'ajjwan atipayascaniti.

Wawarojja suma sarnakañapataquejja jisc'atpach sum yaticham, ucatsti awquëjjan ucqhajja janiw uca yatichäwinacatjja armascaniti.

Uqhamarac awquinaca, jumanacajj wawanacamarojj jan colerayapjjamti, jan ucasti chekapar yatichasina sum uywapjjam, Tatitur iyawsapjjañapataqui.

“Juman chuymamaruy catokam cawquïri camachi arunactï jichhüruna churcsma ucanacjja.

Ucatsti wawanacamaruw yaticharaquïta; utamanccasina, thaquinjam sarcasina, uqhamaraquiw parlaraquïta iquintañataqui, sartañataquisa.

janiw wawanacajjarojj imt'apcäti, jutir mita jakenacampiw Tatitur jach'añchapjjä, ch'amapampit muspharcañ luräwinacapampit yatiyapjjä.

Awquinaca, jan wawanacamampejj sinti khorüpjjamti jan jupanacan mayjt'asipjjañapataqui.

“Wawajjay, ist'am awquimana yatichäwinacapa, janiquiy taycaman yatichäwinacapjja jisc'achamti.

Uca yatichäwinacasti jumataquejj mä suma c'achachäwïniwa, mä suma collarar uñtataraqui.

Cunjämatejj mä awquejj wawanacapat qhuyapayasquejja, uqhamaw Tatitojj iyawsirinacapat qhuyapayasi;

Wawanacamarojj nayaw yatichä; take jupanacataquisti jach'a asqui sumancañaw utjani.

Jesusasti saraquïnwa: “Wawanacajj nayan ucar jutasipcpan, janirac jarc'apjjamti, Diosan reinopasti jupanacjamataquiwa” sasa.

“Wawanaca, awquiman suma ewjja arunacaparojj ist'apjjam; take chuymampi ist'apjjam suma sarnakañ yatekapjjañamataqui.

“Munat wawajjay, arunacajja ist'asinjja catoketa, ucatsti walja maranacaw jacäta.

Nayajj yatiña thaquinjamwa irpäma, suma thaquinjamwa sarnakayaraquïma.

Ucansti janiw cuna lanctañamas utjcaniti; ucanjama jalcasasa janiw lanctcätati.

Yatichäwinacsti sum catjjarusim, jan apanucumti; suma jacañamasti uca yatichäwirjam sarnakañanquiwa.

Jucha lurir jakenacan thaquipanjam jan saramti, janiraqui jan wali sarnakäwipsa arcamti.

Thaquipan sarnakañjja jan munamti; jupanacatjja jithektam, ucatsti nayrakataru sarantam.

Jupanacajj jan ñankhanac lurasajja janiw samarapquiti; jan qhitiru aynacht'ayasasti janiw icthapipcaraquisa.

¡Jupanacan mank'apasa, umañapasa ñankha lurañampi tucjasiñampiquiwa!

“Asqui jakenacan sarnakäwinacapasti willjta khanjamawa; phokhatpach khantañcamaw juc'at juc'at khanti.

Ucampis jucha lurir jakenacan sarnakäwinacapasti ch'amacaquiwa; ¡janiw yatisipquiti cunar lanctapjjatapsa!

Nayajj suma yatichäwinacwa churapjjsma; uqhamasti jan jisc'achapjjamti yatichäwinacajj-jja.

Maynitejj jupanquirinacatjja jan llaquiscchejja, uqhamarac pachpa familiapar yanapt'añatsa jan llaquiscchi uquïrejja, iyawsäwjja jan uñt'iriwa tucu, mä jan iyawsirits juc'ampiwa.

Tatituw yakha marcanquir jakenacarojj uñji, wajchanacampir ijma warminacampiruw uywi, ñankha lurir jakenacataquisti thaquip chhaktayi.

Wawamarojj chekacham, ucatsti samarataw jacayätam, walirac cusisiyaraquïtam.

Mutupjjamay Diosan chekañchäwipjja, jumanacarojj wawaparjamaw uñjasipctam. ¿Utjaspati awquipan jan chekachat wawajja?

Wawanacajjay, jutapjjam, ist'apjjeta: Tatitur ajjsartañ yatichapjjäma;

Wawanaca, awquimaru taycamaru ist'apjjam, Tatitur munasina. Acawa chekapajja.

Jichhajj jilatanaca, ch'amañchasipjjam Tatitumpi, uqhamarac jach'a ch'amapampisa.

Jarc'akasipjjam take armanactejj Diosajj churapctam ucanacampi, Supayan c'ari arunacaparu atipjañataqui.

Janiw jakenac toketi nuwasctan, jan ucasti alajjpachanacanquiri ñankha ajayunac tokewa, qhitinacatejj aca ch'amac oraken munañampi apnakapqui ucanac contraw nuwastanjja.

Uqhamajj catjjarupjjam kawkha armanactejj Diosajj churapctam ucanaca, uqhamat jan wali urun atipjapjjañamataqui, uqham lurasinsti juc'amp ch'amani sayt'apjjañamataqui.

Ch'amani sayt'asipjjam, cheka cancañampi wac'antata, ucatsti cheka sarnakañampi imt'atäpjjaraquim cunjämtejj mä soldadojj armadurampi pechopat imt'asquejj uqhama.

Sumancañ arunac parlañatac waquichasipjjam, cunjämtejj mä soldadojj waquichasi zapato uscusisinjja uqhama.

Ucatsipansa, iyawsañanacamajj mä escudjamäpan, Supayan akquir flechanacapat jarc'akasiñataqui.

Khespiyasiñampisti mä cascompjam p'eker uscusipjjam, Diosan arupsti catjjarupjjaraquim mä espadar uñtata cuntejj Kollan Ajayojj churapctam uca.

Acanacsti oracionampipuni lurapjjam, Diosar mayisina Kollan Ajayu toke. Uc lurañataquisti janc'aquïpjjam, jan pächasisa, uqhamarac take qhitinacatejj Diosancapqui ucanacataquis Diosatjj mayipjjaraquim.

Nayataquis Diosatjja mayipjjaraquim, parlcta ucapach Diosajj nayar arunac churañapataqui, uqhamat take ch'amampi parlañajjataqui, imantatäqui uca khespiyasiñ arunac mayninacar yatiyasa.

Bendicitäñatac arsuta nayrïri jach'a camachejja acawa: “Awquimar taycamar jach'añcham,

Diosajj nayarojj aca arunacatjja mä uñt'ayiritjamwa qhititu, ucataracwa jichhas preso catuntatäsctjja. Diosat mayipjjam, nayajj cunjämtejj take ch'amampi aca arunac parlañajjäqui uqham parlañajjataqui.

Tatitun irnakäwipan wal yanapasir munat Tíquico jilatasaw nayjjat take yatiyäwinac yatiyapjjätam, uqhamarac cunanactejj lurctjja ucanacsa.

Ucataquiw qhitanta, cunjämäsipctejj uc jumanacaru yatiyañapataqui, uqhamat juc'amp jumanacaru ch'amañchañataqui.

Dios Awquisa, Tatit Jesucristosa jumanacarojj sumancaña, munasiña, uqhamarac iyawsañsa churpan.

Diosajj bendispan qhitinacatejj Tatit Jesucristosaru jan pächasisa munapqui ucanacarusa.

cusisitäñamataqui, uqhamarac jaya maranac aca oraken jacañamataqui.”

“Tatitur take chuymamampi catuyasim; juman ch'iqhi cancañamaruquejj jan alcatasimti.

Take luräwinacamanjja Tatitutjja amtasipunim, ucatsti jupajj cheka thaquinjamwa irpascätam.

Cunjämatejj mä awatirejj ovejanacap ant'ata jutejja, uqhamaraquiw jupajj juti, amparapar ovejanac icht'ata, ichjjarusiwa ovejanacaparojja, uqha wawachat ovej kallunacarusti sum uñjaraqui.

Jan amuyt'an jakejj awquipan yatichäwiparojj jisc'achiwa; awquipar ist'qui ucajj yatiñanïtapwa uñacht'ayi.

¡Tatitur ajjsart'ir jake, cusisiñanïtawa, Tatitur jaysir jake, cusisiñanïtawa.

Ch'ama tucutamatjam mank'asïta, cusisitaw utjasïta, take cunas waliquiw sararapïtam.

Uta mankhemansti, warmimajj achuntir uva alir uñtatäniwa; wawanacamasti mank'añawjamar muyuntatajja, ch'ich'tanir olivo alinacar uñtatäniwa.

Tatitojj uqhäm jupar wakaychirirojj asquinac churani.

Uqhamaraqui wawanacamarojj yatichapjjam uca arunacata utamanccasina, thaqui sarcasina, uqhamaraqui iquintañataqui, iquiñat sartañataquisa.

Qhititejj wawapar jan chekachqui ucajja, janiw wawapar munquiti, ucampis qhititejj wawapar munqui ucajja, chekachiwa.

Tatitojj takenir munasiriwa, takpach luratanacaparojj munasiñampiw uñji.

Uqhamasti jiwasanacajj cunanacatejj sumancaña apanqui ucanac thakascaquiñäni, ucampiraquiw ajayu token jiltañanjja maynit maynicama yanapt'assnajja.

Qhititejj chekachatäñaru munqui ucajja, yatiñ cancañaruwa muni; chekachatäñaru uñisqui ucajja, jan amuyt'aniwa.

Wawanaca, awquimar taycamarojj take cunansa ist'apjjapunim, uca lurañasti asquiw Dios nayrakatanjja.

Jumaw nayarojj irnokasista, taycajjan puracapan utjayasista.

Jumaruw yuspagarsma, muspharcañpun nayataquejj lurtajja, ¡ucsti sumpun yatista!

Awquejj waliw cusisi wawapan yatiñ cancañanïtapata cheka lurirïtapata, ucatwa jach'ar aptasi.

¡Jumasti awquimarusa, taycamarusa cusisiyam, jach'ar aptayaraquim!

Jumanacajj uqham jan walïcasinsa, sumäquis ucwa wawanacamarojj churapjjtajja. ¡Alajjpachanquir Awquimasti ucatsa juc'ampiwa qhitinacatejj jupar mayqui ucanacar sumanaca churañataquejja!

Yatipjjam Dios Awquejj kawksa munasistu wawanacapat uñt'atäñasataqui, jïsa wawanacapapunïsctanwa. Ucatpï Diosar jan iyawsirinacajj jan uñt'quistutejja, Diosar jan uñt'apjjatap laycu.

janiquiy jucha luratanacajjat amtasimti, janirac wayna cancañajjan ñankha luratanacajjat amtasimti; Tatay, qhuyapayasiñam laycuy nayat amtasita, munasiñam laycurac amtasita.

Tatituru jach'añchiri jakensti take chuyma jupar suyt'añaw utji, uqhamarac wawanacapas Tatitun imatäniwa.

Tatitun arsutanacapajj chekapawa, jaken chuymapar machakaptayiriwa; Tatitun arunacapajj asquiwa, jan yatiñan jaker yatiñan tucuyiriwa;

Jan wali arunacjj jan parlapjjamti, jan ucasti suma arunacamp parlapjjam, uqhamata ist'irinacamajj jiltañana yanapt'atäñapataqui, uqhamarac bendicitäñapataqui.

Jan jumanacajj cunats llaquisipjjamti, take cunsa Diosar sapjjam oracionana, mayipjjam yuspagarapjjaraquim.

Diosajj jumanacarojj churapjjaraquïtamwa samarañapa, ucasti take cuntejj jakejj amuyt'caspas ucat juc'amp jach'awa. Uca samarañasti jumanacan chuymanacamsa, amuyunacamsa imaniwa Cristomp mayaquïpjjatam laycu.

Uta mankhemansti, warmimajj achuntir uva alir uñtatäniwa; wawanacamasti mank'añawjamar muyuntatajja, ch'ich'tanir olivo alinacar uñtatäniwa.

Suma arunacajj wali suma misc'jamawa, jaken chuymapataquisa mojjsawa, cuerporus ch'amañcharaquiwa.

Wawanacapasti take marcanac taypinjja wali jach'at uñt'atäniwa; take jupanacar uñjirinacasti aca marcajj Tatitun bendecita marcätapa uñt'apjjaraquini.

Uca suyt'añ churiri Diosajja, cusisiñampi, sumancañampi jumanacar phokhantpan juparu iyawsapjjatam laycu, uqhamat uca suyt'añanjja phokt'atäpjjañamataqui Kollan Ajayun ch'amap toke.

Wawanacapasa, chachapasa juparojj jach'añchapjjewa, aqham sasa:

¿Cunjämatarac mä waynast k'oma jacañanïspasti? Arunacamarjam sarnakasa.

“Jan jisc'achapjjamti aca jisc'anacarojja. Nayasti sapjjsmawa, jupanacan angelanacapajj alajjpach marcanjja Awquejjan nayrakatapancasipcapuniwa.

Jichhasti sum imapjjam, janirac armasipjjamti take cuntï uñjapcta ucanacjja ni chuymanacamatsa mistpanti, ucat sipansa yatichapjjam wawanacamansa wawanacaparu.

Tatitutaquejj wali llaquisiñawa, iyawsirinacapar jiwir uñjañajja.

Chuymani jakenacäjjapjjät ucqhajj nayajj pachpaquïscäwa; kaka p'ekëjjapjjät ucqhasa uñjasipcaquïmawa. Nayaw jumanacarojj uscusipjjsma, nayaraquiw uñjasipcäma, nayaw uywasipcäma, khespiyapjjaraquïma.

Ucatsti asu wawanacjama suma k'oma ajayun leche munapjjaraquim, uqhaman jumanacajj suma jiltapjjañamataqui khespiyatäpjjañamataquiraqui,

Jupaw chuyma usuchjatanacarojj waliptayi, chhojjrinacap c'umaracharaqui.

Wawamarojj horasäquipana chekacham, ucampis janiw jiwayañcama jawk'jätati.

Yupaychañäni Jesucristo Tatitusan Dios Awquiparu. Jupaw jiwasar qhuyapayasir Awquisajja, uqhamarac chuymachirisasa.

Take t'akhesiñanacasanwa Diosajj chuymachistu, jiwasajj t'akhesirinacar chuymachañasataqui, cunjämtï Diosajj jiwasar chuymachquistu uqhama.

Ucatsipana amuquïsctwa, janiw llaquisiñajjajj utjquiti, taycapan amparapanquir jichha ñuñokayat wawjama. ¡Jichha ñuñokayat wawjamätwa!

Jan sallkjasipjjamti; janiw qhitis Diosatjja sawcascaspati. Cuntejj jakejj yapuchqui ucracwa apthapini.

Salomonan säwi arunacapa: Amuyt'asiri wawajj, awquiparu taycaparojj cusisiyiwa, jan amuyt'asiri wawasti jupanacarojj llaquisiyiwa.

Tatitur wakaychirinacataquisti munasiñapajj wiñayawa, asqui cancañapajj allchhin allchhipataquis utjascaquiwa:

Mayipjjaractwa jumanacajj Tatitunquirjama sarnakapjjañamataqui, uqhamarac cunatejj jupataquejj asquïqui ucanac lurapjjañamataqui, uca suma luräwinacamajj mä suma cosechjama utjañapataqui, Diosarus juc'ampi sumrac uñt'apjjañamataqui.

Cawquintejj munasiñajj utjqui ucanjja janiw utjquiti ajjsarañajja. Ucat sipana chekpach munasiñanejja ajjsarañjja apanucuwa; ajjsarañasti mutuña catokañataquiwa. Maynitejj ajjsarascchi ucajja, janiw chekpach munasiñanïquiti.

Tatitun angelapaw iyawsirinacarojj uñjasqui, Tatitur wakaychirinacarusti imascaraqui.

“Munat wawajjay, arunacajja ist'asinjja catoketa, ucatsti walja maranacaw jacäta.

Ucatsti lurapjjaraquim cunatï chekäqui, sumäcaraqui Diosan nayrakatapana ucanaca, uqhamat suma sarapjjañamataqui cawquïri oraktï Diosajj arupampi arscäna awquinacamar churañataqui ucaru mantapjjañamataqui.

Criston ch'amapampejj take cunaruw saycatirista.

Tatiturojj suma chuymamp munasim, jupasti chuyma mankheman mayisitamarjamaw churätam.

Tatitun sutipajj imantasiña jach'a torrer uñtatawa, asqui jakenacajj jupan ucar imantasiñataqui jutapqui ucanacataquejja.

ucampis jumar tucjañäquis uca armjja janiw qhitis jichhacam lurquiti. Qhitinacatejj jumar juchañchapcätam ucanacarojj amuct'ayätawa. Ucwa nayajj churta qhitinacatejj nayar sirvipquitu ucanacarojja: ‘Atipjäwi’ Tatituw ucjja arsu.

Uca suyt'äwinsti janiw cuna mayjt'añas utjquiti, Diosasti jiwasan chuymanacasarojj munasiñapwa phokhantistu Kollan Ajayu churquist uca toke.

Chuymajjaruw arunacam imta, juma contra juch jan lurañajjataqui;

Uñtapjjam jamach'inacajj jalasqui uca, janiw jupanacajj satapquis ni apthapipcaraquisa, janiraquiw juyranacsa pirwanacarus imapquiti, ucampis alajjpachanquir Awquimaw ucanacarojj mank'ayi. Uca jamach'inacat sipansa jumanacajj juc'amp munatäpjjtawa.

Jumanacajj Diosan munat wawanacapäpjjtawa, jupajj cunjämäquitejj uqhamäpjjaraquimaya.

Suma arumpi cutt'ayañajja colerañjja apakewa, ucampis jan wali arumpi cutt'ayañajja, juc'ampwa colerasiyi.

Ñankha lurañat jithektasim, asc luraraquim, jacañamataquisti utajj utjapunïtamwa.

Chekpachansa janipuniraquiw cuna mutuyäwi catokasas —Walic mutuyitojj —sisctanti, jan ucasti usustuwa, qhitinacatejj uca mutuyäwi toke yatekapjje ucanacajj mä suma asquin samarañanracwa jacapjje.

“Munat wawajjay, jan armasimti nayan yatichäwinacajjata; camachi arunacajjsti chuymamarupuni imam,

uqhamatwa pirwanacamas jilarquiri phokhantani, uqhamarac vino imañanacamasa.

Munat wawajjay, jan jisc'achamti Tatitun jumar chekachataparojja, janirac tokenokatapatsa colerasimti;

Tatitusti qhitirutï munasqui ucarojj chekachiwa, cunjämatejj mä awquejj munat wawaparojj chekachqui uqhama.

“Cusisiñaniwa qhititejj yatiña cancañ jicjjatqui ucajja, uqhamarac ch'iqhi cancaña catokqui ucasa;

ucasti kollquit sipansa, suma korit sipansa juc'amp asquinacwa jicjjatayaraqui.

Yatiñ cancañajj perlanacata sipansa juc'amp jila alaniwa, ¡janiw wali munatäqui ucanacampisa chicachayat uñjascaspati!

Cupi amparampisti walja maranac jacañwa churi, ch'eka amparampisti kamirïñampi, jach'achatäñampwa churaraqui.

Jupan sarnakäwipar arctañasti asquiwa, thaquipan sarnakañasa suman jacañaraquiwa,

Yatiñ cancañajj jicjjatiripataquejj jacañawa; ¡cusisiñaniwa uca yatiña catjjäsipqui ucanacajja!

Tatitusti yatiñampi, ch'iqhi cancañampiwa sayt'ayi alajjpachsa, acapachsa.

ucatsti jaya maranacaw jacasïta, cusisitaw sarnakasiraquïta.

Jumat yanap maycäm ucapachajja, nayamp timasirinacajj jayar jaltjjapjjpan, uqhämat nayan Diosajjätam yatï.

Qhitintejj munasiñajj utjqui ucajj llamp'u chuymaniwa, suma jakewa, janiw envidiasirïquiti, janiw jach'a jach'a tucurïquiti.

Janiw cuna jan walsa lurquiti, janiraquiw cunsa jupataquiqui munirïquiti, janiw colerasquiti, janiraquiw colerasitapsa imjjäsisquiti.

Janiw cunatejj jan walïqui ucatjj cusisiñ yatquiti, jan ucasti cunatejj chekapäqui ucat cusisiñ yati.

Take cun t'akhesi, take cun iyawsi, take cun llamp'u chuymampi suyt'araqui.

Janchejjan jiltatapajj juman uñjatänwa, jan qhitin uñjcat irnokatäcäyät ucchañcama, orak mankhan utjayatäcäyät ucchañcama.

Uqhamaraquiw uñjapjjtajja cuntï wasaran lurcän ucsa. Jumanacan Diosamaw irpanipjjtam cawqha thaquinjamtï jutapjjta ucansa aca chekar puriniñcama, cunjämas mä awquejj wawapar irpi uqhama’ sasa.

Uqhamasti, nayrakatajj Diosan reinopa munapjjam, uqhamarac cunatejj chekäqui jupan nayrakatapanjja ucanaca, ucatsti take aca yänacajja jumanacarojj churataquïpjjätawa.

Pisi amuyt'amp lurañasti, waynanacan amuyupawa; ucasti apakasiwa jawk'ampi chekachatän ucqha.

Jupaw karitarojj ch'am churi, pisi ch'ama jakerusti ch'am yapt'araqui.

Mä aruw art'asiraqui: “Wasaranjja Tatitutac mä thaqui waquichapjjam, mä cheka thaqui k'omachsupjjam wasara chekanacanjja.

Waynanacas karjtaquispawa, ch'amtayapjjaquiraquispawa, wali ch'amaninacasa aynacht'aquiraquispawa,

ucampisa take qhitinacatejj Tatitur iyawsapqui ucanacasti machak ch'amanacanïpjjaniwa; pacalinacar uñtataraquiw thoktapjjani, jalanakasinsti janiw karipcaniti, sarnakasas janiraquiw ch'amtayapcaniti.

Diosajj wajchanacan awquipawa, ijma warminacan arjjatiripawa, jupajj kollan utjäwipan jaqui.

Suyt'añanjja cusisitaquïpjjam; t'akhesiñanaca utjipanjja llamp'u chuymanïpjjaraquim. Janirac Diosat oracionan mayisiñjja armasipjjamti.

Juc'ampis cheka parlasina, munasiñ ajayunwa, cunayman toket jiltañasajja, Cristompejj mayar tucusina, cawquïritejj cuerpon p'ekepäqui ucampi.

Chuyman awquinacan coronapasti allchhinacapawa; wawanacajj awquip taycapatwa alawt'asi.

Llaquisiñajjan chuymachasiñajjajj acawa: arunacamaw jacañ churitu.

Sapa cuti jumanacat amtasta ucqhajja Diosaruw yuspagarta.

Ucampis Kollan Ajayun luräwipajja acanacawa: munasiña, cusisiña, samaraña, llamp'u chuymanïña, takempis sumancaña, qhuyapayasirïña, take cunansa phokherïña,

llamp'u chuymanïña, janchin munañapar atipjaña. Acanac contrasti janiw cuna leyis utjquiti.

Jan ajjsaramti, nayaw jumampïscta, jan ajjsaramti, nayäsctwa juman Diosamajja. Nayaw ch'amañchascäma, nayaraquiw yanapascäma, atipjiri amparajjampiraquiw uywascäma.

Jupar iyawsirinacaw cusisiyi, qhuyapayasiñapar iyawsirinacaw cusisiyaraqui.

Wawar chekachañatejj waquischi ucajja, jan uqhamaqui pasayamti, jan ucasti mutuyam, mä kawkha asot'ejja janiw jiwaycaniti;

wawarojj chekachäta ucajja, jiwañatwa khespiyascäta.

Cuntejj lurapjjät ucjja lurapjjam take chuymampi, Tatitutaquis lurapcasma uqhama, jan jakenacatacjamajja.

Nayajj Tatitump chicapuniw sarnakascta, jupaw cupëjjajjanqui, janiw cunas tincuyquitaniti.

¿Cun sañänisa take acanacarojja? Diosatejj jiwasampïchejja, ¿qhitirac jiwas conträspasti?

Tatitun bendicionapawa kamiriptayi; janiw cuna llaquisiñsa ucampi chicajj apayanquiti.

Ewjjt'am sum sarnakapjjañapataqui, asqui luräwinacana kamirquipstapjjpan, ucatsti janc'aquiraquïpjjpan, cunatejj jupan utjqui uc mayninacaru churañataqui.

Diosaw imantasiñasajja, ch'amañchirisasa, jupaw chijinacan arjjatirisajja.

“Mayipjjam, Diosajj churapjjätamwa; thakapjjam, jicjjatapjjaraquïtawa; puncsa lekt'apjjam, jist'aratäpjjaraquïtawa.

Maynit maynicamaw munasipjjañama jila purjam take chuymampi, suma aytat sarnakañansti purapat suma ajjsartañampi uñjasisa.

Jan wawachasir warmirojja, wawanacanïcaspas uqham cusisit taycaruw tucuyi, pachpa utapan lurañanac catuyasa. ¡Tatitojj jach'añchatäpan!

Tatay, jumaw sum uñjtajja qhititejj mä sapa amtañaniquïqui ucarojja, jupan jumaru iyawsatap laycu,

Tatituncasajj cusisitäpjjapunim take urunacana. Wasitat sapjjsma, cusisipjjam.

C'ariquiwa suma uñnakani warmejja, jiwaquïñasa inamayaquiwa, ucampis Tatitur ajjsariri warmiwa jach'ar aptatajja.

Ucatsti Esaú jilapajj warminacaru, wawanacaruw uñcataraquïna, ucatsti jisct'araquïnwa: —¿Acanacajj qhitinacasa? —sasa. —Ucanacajj cuntejj Diosajj sirvirimaru churqui ucanacawa —sasaw Jacobojj saraquïna.

Jumaw imantasiñajjätajja, jarc'akasiñajjätasa, arunacamaruw takpach chuymajj catuyta.

Jilatanaca, Jesucristo Tatitusan sutipjjaruw achict'apjjsma, maya amtañaniquïpjjam, jan jumanac taypin yakhachasiñajj utjcpanti. Jan ucasti, mä wawac sarnakasipjjam; mä sapa amtañani, mä chuymaniquiraqui.

Awquejjas, taycajjas apanucchitanejja, Tatituw nayarojj uywasquitani.

Asqui lurir warmejj chachaparojj jach'aruw apti, ucampis jan wali warmejja chachaparojj jisc'achayiwa.

Uqhamaraqui jumanacan khanamajj jakenacataquejj khant'aracpan. Uqham suma wali luräwinacam uñjasa jumanacan Dios Awquimaru yupaychapjjañapataqui.

Tatay, arsutanacamajj chekapawa, ucarjamaw nayarojj t'akhesiyista.

Ucatpï cunjämtï Tatitur iyawsapctajja, uqhamaraquiw mayaqui jupampi jacapjjañamajja.

Jumanacan jacañanacamasti jupan saphintatäñapawa, jupjjaru suma utt'atäpjjañamaraquiwa iyawsäwi laycu, cunjämatï yatichatäpcäyäta uqhama, Diosaru yuspagarasapuni.

Tatitur wakaychir jakerojj, arcañ thaqui uñacht'ayi:

Ucatwa jiwasanacajj walja iyawsañani jakenacampi muyuntatätan, cunatejj jarc'quistu ucjja maysaru apanucuñäni, uqhamarac jiwasar apnakquistu uca juchsa, ucatsti ch'amañchasisa jalañäni cunatejj nayrakatar jalañasäqui ucanjja.

Diosaw nayrakat jiwasanacar munistu, ucatwa jiwasajj juparojj munaractanjja.

Diosar llaquinacam catuyam, jupasti ch'aman tucuyätam, Diosar jaysirin aynacht'añapjja, janipuniw jupajj muncaniti.

Tatitojj sapür jach'añchatäpan, Diosaw jan walt'añanacas apasqui, jupaw Diosasajja, khespiyasiñasasa.

“Sapjjaracsmawa, paninitejj acapachan mä sapa amtañampi mä cunsa oracionan mayinejja, alajjpachanquir Awquejjajj churaniniwa.

Jesusasti mä wawa jawsäna. Jupanac taypiru sayt'ayasinsti,

Cawquintejj paninisa, quimsanisa sutejjaru tantachatächejja, nayajj jupanac taypinctwa.

Janiy jumanacajj acapacha saräwinacarjamajja jacjjapjjamti, jan ucasti amtañanacamanjja machakat amtasjjapjjam, uqhamat jumanacan jacañanacamajj sumäjjañapataqui. Uqhamatwa jumanacajj Diosan munañapjja yatipjjäta, cunatejj asquïqui, cunatejj Diosarojj cusisiyqui, k'omäcaraqui ucanacsa.

Ucapachajj jawsität ucqhajj nayajj ist'ämawa, yanapa mayisisatejj arnakasïtajja, nayasti: ‘Acancasctwa’ saraquïmawa. Take t'akhesiyañanac tucusiyjjätajja, mayninacarus janiraqui jisc'achcätajja, janiraqui cuna c'ari arunacsa aptätajja,

Cuntejj lurapjjäta ucjja, munasiñampi lurapjjam.

Uqhamajja asqui lurañanjja janiw karjasiñasäquiti, janitejj karjtcañäni ucajja, horasaparuw cosechjja apthapiñäni.

Kamirinacajj jan cunaniruw tucupjje, mank'at t'akhesipjjaraqui, Tatitur thakerinacasti janiw cunats t'akhesipcaniti.

Maynit maynicama jilapurjama munasipjjam.

Uñisirinacajjan uñjcañaw mank'añ waquicharapista, k'apquir kollampiw p'ekejjat jawintista, vasojjasti phokharasquiwa.

Ucampis llamp'u cancañampi chuymachasiñampi churir Diosajja jumanacan jacäwimana yanappan sumaqui mayninacajj mayninacampi jacapjjañamataqui, Tatit Jesusanquirinacjama,

uqhamata takenisa mayaqui jach'a Dios Awquisaru yupaychañataqui, jupasti Jesucriston Awquiparaquiwa.

cawqharutejj puriñasäqui, ucar puriñataqui, alajjpachan chürawi catokañataqui, cunataquitejj Diosajj Cristo Jesús tokejj jawsquistu uc catokañataqui.

¡Tatitojj jach'añchatäpan! Tatitur ajjsartir jakejj cusisiñaniwa, arsutanacapar munasir jakejj cusisiñaniwa.

Ñankha lurir jakesti jupar uñjasajj k'apisiwa, jan camächirjamäjjasajj laca ch'aqhanacap t'urusi. Ñankha jakenacan inampst'añ chuymapajj aynacht'aniwa.

Asqui jaken allchhinacapajj acapachan kollanäpjjaniwa, sarakerinacapasti oraken munañanïpjjaniwa.

Walja yänacaw utapan utjani, jaker qhuyapt'ayañapasti jan tucusquirïniwa.

Tatitur yuspagarapjjam, munasirïtap laycu, qhuyapayasiñapajj wiñayawa,

Waynätam laycojj jan jisc'achayasimti, jan ucasti, iyawsirinacampi mä suma uñtcañ sarnakam parläwimana, sum sarnakañana, munasiñana, Cristor arquirin jacañana, iyawsäwina, k'oma cancañan jacasa.

Qhititejj llaquitäqui ucataquejj take urunacasa jan walicamaquiwa; qhititejj cusisitäqui ucataquisti jan tucusquiri cusisiñawa.

Alajjpachanquir Take atipirin imat sarnaker jakejja,

Umanjam maqhatañamächejja, nayaw jumampïscäjja, jawiranac maqhatañamächejja, janiw jalantasin jiwcätati; ninanjam pasañamächejja, janiw naqhantcätati, ninas janiw jumanjja naccaniti.

Jan jumanacajj cunats llaquisipjjamti, take cunsa Diosar sapjjam oracionana, mayipjjam yuspagarapjjaraquim.

“Wawajjay, ist'am awquimana yatichäwinacapa, janiquiy taycaman yatichäwinacapjja jisc'achamti.

Yatiñ cancañampiwa utajj lurata, cimientonacapasa ch'iqhi cancañampiwa uchantataraqui.

Jayra jaken yapu jac'apwa pasawayta, pisi amuyt'an jaken uva yapup jac'a.

Ucatsti yapupwa uñjta ch'aphinacampi chhaktayata, kala uyupasa liju tucjataraqui.

Uqham uñjasinsti chuymajjanjja amthapistwa; uc uñjasinsti aca yatichäwi yatekta:

jumajj juc'ampis ict'ascactawa, amparanacamsa khomjjarusiscactawa sum iquiñataqui,

uccañcamasti pobrernucstañawa acatjamata catuntätam, mä muyuycu jakjama wali ch'amampi.

Ucatjja uta mankherojja yatiñampiw phokhantataraqui, jila alani muncaña yänacampi.

Acwa sapjjsma, Ajayun munañaparjam sarnakapjjam, uqhamatjja janiw janchin munañaparjam sarnakcjjapjjätati.

Tatiturojj take chuymamp alcatam, asc luraraquim, oraken jacasim, chekaparac jacam;

Chachanaca, munasipjjam warminacamaru, cunjämtejj Cristojj iglesiaru munasi, uqhamarac jacañapsa jupa laycu apt'asiwayi uqhama.

Cunjämatejj mä awquejj wawanacapat qhuyapayasquejja, uqhamaw Tatitojj iyawsirinacapat qhuyapayasi;

jupajj jiwasanacan lak'ätas yati, ñek'it luratäpjjatas yatiraqui.

Cunjämatejj marcajjajj t'akhesïnjja, pä ucqha p'enkachata, jisc'achataraqui, ucat jichhajj pä ucqha kamir cancañjja catokapjjaraquini, wiñay cusisiñampiw cusisiraquini.

Nayasti sum yattjja, Diosajj cuna suma luräwinactï jumanacampi kalltqui ucanacajj lurascaquiniwa, Jesucriston jutañapcama.

Nayranacamajj lurat janchejj uñjäna; ucanacasti takpachaw kellkatamar kellkantasïna. Jacañ urunacajjajj suma jaqhutänwa, nayrïr uru janïr purinquipana.

“¿Cunarac jakesti, jupat amtasiñamataquisti? ¿cunarac jiwir jakesti ch'am churañamataquisti?”

Jakerojj angelanacat mä juc'a sullcac lurtajja, aytat cancañampi, jake cancañampiw juparojj pillunttajja;

“Acapachanjja jan imapjjamti walja yänacjja, aca orakenjja thuthaw thuthantasqui, ucatsti inamaya imataquiwa. Uqhamaraquiw acapachan imat yänacjjarojj lunthatanacajj mantasin lunthatsupjjaraqui.

“Cunapachatejj pist'ayasitanacaru yanapt'cäta ucqhajja, jan jakenacarojj yatiyamti, cunjämtejj c'ari parlirinacajj sinagoganacana, callenacana lurapqui uqhamjja. Jupanacasti jakenac nayrakatanjja wali sumat uñt'atäñwa munapjje. Nayasti khanacwa sapjjsma, uca luräwipatjja catokjjapjjewa.

Jan ucasti jumanacajj alajjpacharu suma yänaca imasipjjam, ucansti janiw qharus thuthantquiti ni ina ch'usarus tucuscaraquiti, janiraquiw lunthatanacas lunthatcaraquispati.