1 Corintios 1:10 - Qullan Arunaca

¹⁰ Jilatanaca, Jesucristo Tatitusan sutipjjaruw achict'apjjsma, maya amtañaniquïpjjam, jan jumanac taypin yakhachasiñajj utjcpanti. Jan ucasti, mä wawac sarnakasipjjam; mä sapa amtañani, mä chuymaniquiraqui.

Aymar Bibliia 1986

¹⁰ Jilatanaca, Jesucristo Tatitusan sutipjjaruw achict'apjjsma, maya amtañaniquïpjjam, jan jumanac taypin yakhachasiñajj utjcpanti. Jan ucasti, mä wawac sarnakasipjjam; mä sapa amtañani, mä chuymaniquiraqui.

Qullan Arunaka DC

¹⁰ Jilatanaka, Jesucristo Tatitusan sutipxaruw achikt'apxsma, taqinis mä amtañanikïpxam, jumanak taypin yaqhachasiñanakax jan utjkpati. Mä wawak jakasipxam, mä sapa amtañani, mä sapa amuyuni.

1 Corintios 1:10 Jak'a apnaqawi uñst'ayäwi

Salmos 133:1

Uñjapjjam: ¡cunj muncayasa jilanac pur mä wawac suman jacasiñajja!

Jeremías 32:39

Jupanacarusti take urunacapana nayaru jach'añchquirwa tucuyaraquëjja, pachpa jupanacan asquipataqui uqhamaraqui wawanacapan asquipataqui.

Mateo 9:16

Janiraquiw qhitis mä thantha isirojj machak pañompejj remjjatquiti, machak pañosti jisc'aruw t'ajjsutajj jalthapi ucatsti merk'e isirojj ch'iyjiwa, uqhamatwa juc'amp jach'a ch'iyjtawayjje.

Marcos 2:21

Janiw qhitis mä merk'e isirojj machak pañompi remjjatcaspati, machak pañojj jalthapisinjja merk'e isirojj juc'ampwa ch'iyjaspa.

Marcos 3:24

Mä marcantejj jilïrinacajj walja jaljtäwiru t'akjtaspajja ucat jupanaccam nuwasipjjaraquispa ucqhajja, uca marcajj janiw jayataquïcaspati.

Juan 10:19

Judionacajj aca arunac ist'asinjja, wasitampiw jupanac pura t'akjtapjje.

Juan 17:23

Nayajj jupanacampïtwa, jumasti nayampiraqui, jupanacan suma mayaru tucutäpjjañapataqui, uqhamat acapachajj yatiñapataqui jumajj nayaru qhitanista, uqhamarac cunjämtï nayaru munasista, jupanacarus munasiracta.

Juan 7:43

Uqhamasti jakenacajj Jesús laycojj t'akjtawayapjjänwa.

Juan 9:16

Ucatsti mayni fariseonacajj sapjjaraquïnwa: —Ac lurqui uca jakejj janiw Diosanccaspati, jan samarañ uru ajjsart'atap laycu —sasa. Mayninacasti sapjjaraquïnwa: —Mä juchararajj, ¿cunjämsa aca milagronac luraspa? —sasa Uqhamasti jupanac taypinjja jaljtañanacaw utjäna.

Hechos 4:32

Diosar iyawsirinacasti waljanïnwa. Jupanacasti mä chuymaquïpjjänwa, mä amtañaniquiraqui. Cunanacapatejj utjcäna ucanacatjja janiraquiw qhitis siscänti: “Nayanquituwa” sasajja, jan ucasti take cunanacapas takenincänwa.

Romanos 1:13

Jilatanaca, muntwa jumanacan yatipjjañama, nayan walja cuti jumanacan ucar tumpir jutañ munatajja, ucampis janiw jichhacamas jutcti. Munaraquïyätwa jumanacan ucar jutasina Diosar iyawsatanacamatjja wali suma ajayun achunaca apthapiña, cunjämtejj yakha tokenacana apthapiwaycta uqhama.

Romanos 12:1

Uqhamasti jilatanaca, Diosan qhuyapayasiñap laycuw achict'apjjsma, jumanacajj Diosarojj jacquir ofrendjamay loktasipjjam, Diosar cusisiyquiri loktata. Ucawa Diosataquejj ajayu token chekpach Diosar sirviñajja.

Romanos 12:16

Jumanac taypinjja mä amtaniqui jacasipjjam. Janiraqui jach'a jach'a tucupjjamti, jan ucasti alt'at chuymani tucupjjam. Janiraqui wali yatiñanjamas tucupjjaraquimti.

Romanos 15:30

Jilatanaca, nayajj achict'asipjjsmawa Jesucristo laycu, cuna munasiñtejj Ajayojj churquistu ucanjja nayampi mayachasipjjam nuwasiñana, Diosatsa mayirapipjjaraquita.

Romanos 16:17

Jilatanaca, achict'apjjsmawa, sum amuyasipjjam qhitinacatï iglesianjja jan wali lurqui ucanacatjja. Jupanacajj jaljtañanacaru uqhamarac jan walt'añanacaruw apapjjeristam, take acanacasti cuntejj jumanacajj yatekapctas uca contrawa. Jupanacatjja jithektapjjam.

1 Corintios 1:11

Jilatanaca, Cloen familiap tokew yatipjjta jumanac taypin yakhachasiñanac utjatapa, ucat acanac sapjjsma.

1 Corintios 11:18

Nayrakatajja, cunapachatï jumanacajj culto lurañataqui tantachasipjjta ucqhajja, jumanacajj jalanoktatäpjjtawa, ucasti amuyatajj chekätapjamawa.

1 Corintios 12:25

uqhamata cuerposanjja jan jaljtañanacajja utjascañapataqui, jan ucasti cuerposanjja maynis maynita llaquiñapataqui.

1 Corintios 3:3

Jumanacajj janchin munañanacaparuquiw sarnakasipcta, ucatwa jumanac taypin envidiasiñanacasa, ch'ajjwañanacasa, jaljtañanacasa utjasqui. Ucanac lurasajj alek jakenacaquïsipctawa, mayninacar uñtataraquiw cunsa lurasipctajja.

1 Corintios 4:16

Ucatpï achict'apjjsmajja: “Nayjam sarnakapjjam” sasajja.

2 Corintios 10:1

Naya Pablow jumanacarojj Tatitun munasiñap laycu achict'apjjsma. Cunapachatï jumanacampïcta ucqhajja: “Wali llamp'u jakew” sapjjetuwa. Ucampis jumanacat jayancjjta ucqhajja: “Khoru jakew” sapjjaraquituwa.

2 Corintios 13:11

Jichhajj jilatanaca, cusisitäpjjapunim. Jacañanacamansti chekapapunïpjjam, chuymachasipjjaraquim, sumanaraqui jumanaccamajj jacapjjam. Samarañ churir munasir Diosaw jumanacampïscanejja.

2 Corintios 13:9

Ucataracwa cunapachatï t'uqhäpjjta ucqhajj cusisipjjtjja, jumanacaqui ch'amanïsipcamjja; nanacasti Tatitutjja mayisipcaquïwa jumanacajj chekapar tucupjjañamataquipuni.

2 Corintios 5:20

Uqhamajj Diosan qhitanacapjamawa jumanacar jutapjjsma, Dios quicpas jumanacar achict'apquiristam nanac toke uqhama. Tatitun sutipjjaruw achict'apjjsma: sumancthapjjapjjamay Diosampejja.

2 Corintios 6:1

Nanacasti Diosan luräwipan irnakerinacjamajja, jumanacarojj achict'apjjsmawa, jan ina ch'usaru apt'apjjamti cuna qhuyapayasiñtï Diosajj uñacht'ayapctam ucjja.

Gálatas 4:12

Jilatanaca, achict'apjjsmawa nayjama tucupjjañamataqui, nayajj jumanacjamaw tucuwayta. Janiw nayarojj cuna jan walsa lurapquistati.

Filipenses 1:27

Take jumanacasti Jesucriston arunacaparjam sarnakapjjam. Nayasti jutcäsa jan ucajj jayanccäsa, yatiñwa munta jumanacatjja suma yatiyäwinaca, ch'amampi sarantasa mä jakjamaqui, uqhamarac khespiyasiña arunacar iyawsäwi laycusti takenisa mayaqui nuwasïwincasasa,

Filipenses 3:16

Uqhampï amuyañasajja, cawqhacamay puripjjstan ucarjamaw sarnakañasaraqui.

1 Tesalonicenses 5:13

Sum uñjapjjañamawa, irnakatanacapatjja wal munasipjjañamaraquiwa. Sumancañan jacapjjam maynit maynicama.

2 Tesalonicenses 2:1

Jichhajj jilatanaca, Tatit Jesucristojj jutcani jiwasanacampi tantachasiri uca toketjja achict'apjjsmawa

1 Timoteo 5:21

Diosan nayrakatapanwa acanacjja ewjjt'awaysma, uqhamarac Tatit Jesucriston nayrakatapana, ajllit angelanacapan nayrakatapanaraqui. Aca luräwinacjja jan qhitiru arjjatasisina takenirus mayaqui uñjasina phokham.

2 Timoteo 4:1

Diosan nayrakatapana, uqhamarac Tatit Jesucriston nayrakatapana, cawquïritejj jutcani mä jach'a reyjama jiwatanacaru jaquirinacaru taripañataqui ucan nayrakatapanwa wal ewjjt'sma.

Josué 22:15

Take jupanacasti Galaad sat orakeruw sarapjjäna, cawqhantï Rubén, Gad, uqhamaraqui chicat Manasés tribunacajj ucancapcän ucaru, ucatsti sapjjänwa:

1 Pedro 2:11

Munat jilatanaca, sarir jakenacarjamaw achict'apjjsma, jan janchin munañanacaparjamajj jacapjjamti, uca janchin munañanacapasti almas contraw nuwasiñ muni.

1 Pedro 5:10

Ucampis uca mä juc'a urunacana t'akhesipjjatama pasjjepansti, Diosajj jumanacarojj sumwa tucuyapjjätam, sum sayt'ayapjjaraquïtam. Uca Diosasti qhititejj take bendicionanac churquistu ucawa, uqhamarus Jesucristompi chicäñasataquiraquiwa jawsistu wiñayataqui.