Efesios 4:15 - Qullan Arunaca

¹⁵ Juc'ampis cheka parlasina, munasiñ ajayunwa, cunayman toket jiltañasajja, Cristompejj mayar tucusina, cawquïritejj cuerpon p'ekepäqui ucampi.

Aymar Bibliia 1986

¹⁵ Juc'ampis cheka parlasina, munasiñ ajayunwa, cunayman toket jiltañasajja, Cristompejj mayar tucusina, cawquïritejj cuerpon p'ekepäqui ucampi.

Qullan Arunaka DC

¹⁵ Jan ukasti muñasiñan chiqapar lurasaw Cristor uñtas jiltañasa, jupan iglesian p'iqipätap layku.

Efesios 4:15 Jak'a apnaqawi uñst'ayäwi

Salmos 32:2

Ñankha jan amtir jakejj cusisiñaniwa, juchapat Tatitump jan ircatayasiñ utjatap laycu.

Zacarías 8:16

Acaw jumanacan lurapjjañamapunejja: Maynit maynicamajj cheka arunacpuni parlapjjam, chekaparaqui uñjapjjam, quejanacansti sumancaña utjayapjjam;

Malaquías 4:2

Ucampisa qhitinacatï nayaru ajjsartasa sarnakapcta ucanacataquejj, chekaparu sarnakañajj intir uñtataw khantanini, khanapasti jakenacataquejj khespiyasiñ apanini. Ucatsti jumanacajj cusisiñata jalnakapjjäta cunjämatejj vaca kallunacajj uyut mistusajj jalnakapquejj uqhama.

Juan 1:47

Jesusasti Natanaelaru jac'achasinquir uñjasajj sänwa: —Acajjay, chekpach israelitaw juti, jupansti janiraquiw cuna sallkjañas utjquiti —sasa.

Romanos 12:9

Cheka munasiñajj jumanacanjja maynit maynicam utjpan, jan wali lurañanacarusti uñisipjjaraquim, sumäquis ucrac lurapjjam.

1 Corintios 11:3

Ucampis nayajj muntwa jumanacajj acanac amuyt'apjjañama: Cristowa take chachan p'ekepajja, chachasti warmin p'ekeparaquiwa, cunjämatejj Diosajj Criston p'ekepäqui uqhama.

2 Corintios 4:2

Cunatejj jamasan lurasqui, uqhamarac cunatejj p'enkäqui ucanacjja apanucupjjtwa. Janiw jan wali amtañanacampi sarnakapcti janiraquiw Diosan arunacapsa maysar k'ewipcti. Cunatejj chekäqui ucacwa parlapjjtjja, uqhamataracwa takenimpis waliquiw sayasipjjaractjja Dios nayrakatanjja.

2 Corintios 8:8

Janiw acjja jumanacar mä camachjama churapcsmati; jan ucasti mayni jilatanacan cusisiñampi apthapt'apjjatapa uñjapjjañamwa muntjja, uqhamat yatisiñapataqui jumanacan munasiñamajj chekati janich ucjja.

Efesios 1:22

Take cunsa Criston munañaparuw uchawayi, uqhamaraqui iglesian p'ekëñapataquejj Cristo pachparuraquiw uchawayi.

Efesios 1:4

Diosajj Cristotaquiw ajllisistu janïra aca orakejj utjcän ucqhatpacha, k'omachata, jan cuna juchani jupan nayrakatapancañasataqui.

Efesios 2:21

Uca kaljjaru utajj sayt'ayatawa. Uca kalasti Cristowa ucatsti saraparjamaw ucjjaru suma perkasisqui mä templo jicsutäñapcama, Diosar catuyata, Tatitur mayachataraqui.

Efesios 4:25

Uqhamasti jichhajj c'arinacjja jan parlcjjapjjamti; sapa maynis jake masinacamarojj cunatejj chekäqui ucac parlapjjam, takenis mä sapa cuerpon luriripaquïtanwa.

Efesios 5:23

Chachajj warmin p'ekepawa, cunjämatejj Cristojj iglesian p'ekepäqui uqhama. Cristojj iglesian khespiyiriparaquiwa; iglesiasti jupan cuerpoparaquiwa.

1 Pedro 1:22

Jichhajj jumanacajja, Kollan Ajayu toke Tatitun arunacap ist'asinjja, almanacamjja k'omachasjjapjjtawa jilatanacaru chekpachan munañataqui. Uqhamajj maynit maynicamaw munasipjjañama take chuyma, uqhamarac take ch'amampi.

1 Pedro 2:2

Ucatsti asu wawanacjama suma k'oma ajayun leche munapjjaraquim, uqhaman jumanacajj suma jiltapjjañamataqui khespiyatäpjjañamataquiraqui,

2 Pedro 3:18

Ucampis khespiyiri Tatit Jesucristosar uñt'apjjam, munasiñapanraqui jiltapjjam. ¡Jupasti jach'achatäpan jichhas, wiñayataqui! Uqhamäpan.

1 Juan 3:18

Wawanacajja, jiwasan munasiñasajj janiw lacaquïñapäquiti; jan ucasti chekpach munasiñasajj luräwinacasana uñjasiñapawa.

Jueces 16:15

Ucatsti Dalilajj sascaquïnwa: —¡C'ari! ¿Cunatraqui ‘Nayajj munsmawa’ sistasti? Acampejj quimsa cutiwa nayampejj sawcasistajja. Ucampis janiw yatiyquistati cawqhatsa ch'amamajj juti ucjja —sasa.