Gálatas 5:16 - Qullan Arunaca

¹⁶ Acwa sapjjsma, Ajayun munañaparjam sarnakapjjam, uqhamatjja janiw janchin munañaparjam sarnakcjjapjjätati.

Aymar Bibliia 1986

¹⁶ Acwa sapjjsma, Ajayun munañaparjam sarnakapjjam, uqhamatjja janiw janchin munañaparjam sarnakcjjapjjätati.

Qullan Arunaka DC

¹⁶ Ukat sapxsma: Ajayun munañaparjam sarnaqapxam, ukhamat janiw janchin munañaparjam sarnaqkxapxätati.

Gálatas 5:16 Jak'a apnaqawi uñst'ayäwi

Génesis 6:3

Uqham uñjasinsti Diosajj sänwa: “Janiw jakerojj wiñayataqui jacaycjjäti, jupasti janchiquiwa. Uqhamasti pataca pä tuncani maranacaquiw jacani” sasa.

Romanos 6:12

Uca laycupï jumanacajja jucharojj atipjapjjañamajja janiraquiw juchampis apnakayasipjjañamäquiti uca jiwir janchi cuerponjja. Cuntejj uca janchi cuerpomajj munqui ucajj atipjañaw waquisi.

Romanos 8:1

Jichhasti janiw cuna juchañchäwis utjquiti Cristo Jesusanquirinacataquejja, qhitinacatejj jan jacapqui janchin munañaparjama [jan ucasti Ajayun apnakata jacapqui ucanacataquejja].

1 Corintios 7:29

Jilatanaca, may sañ munapjjaracsma: juc'a tiempoquiw utj-jjestu. Acat ucsarojja casadonacajj janis warminïpcaspa uqhamaw sarnakapjjañapa.

2 Corintios 7:1

Uqhamapï munat jilatanaca, Diosan take aca arsutanacapajj jiwasataquiwa. Ucatpï take cunatejj k'añuchquistaspa ucatjja jithektañasajja, ucatsti k'oma sarnakañasawa janchisansa, uqhamaraqui ajayusansa. Diosar ajjsarasaraquiw juparojj take catuyasjjañasajja.

Gálatas 3:17

Cuntejj sisctjja ucajja acawa: Diosajj mä arust'äwjja Abrahamampiw lurawayi, ucsti Diosaw khanañchawayi. Moisesan leyipasti pusi patac quimsa tuncani mara pasatatwa churatäna, ucasti janiw ina ch'usaru tucuycaspati qhä arust'äwjja, ni Diosan arsutapsa jan cuna asquiru tucuycaspati.

Gálatas 6:8

Maynitejj janchin munañaparjam yapuchchejja, uca janchin munañaparaquiw jiwañ achjja churani, ucampis Ajayun munañapar yapuchchejja, Ajayojj wiñay jacañ achwa churaraquini.

Efesios 2:3

Take jiwasanacaw uqham nayrapachajj jacayätan, munañanacasarjama sarnakasa, janchin munañanacaparjama phokhasina, amtäwinacasarjama sarnakasina. Ucatpï Diosan ajjsarcañ mutuyäwip mayninacjama catokañasajj waquisïnjja.

Colosenses 2:11

Jumanacasti Cristompi mayaquïpjjatamatjja circuncidatäpjjtawa, ucampis janiw cuna casta circuncisionatï janchin lurasqui ucampiti, jan ucasti cuna jucha lurañanacatejj janchin utjcän ucanacat khespiyatäjjapjjtawa. Aca circuncisionasti Cristotwa juti.

1 Pedro 1:14

Ist'asir wawanacjamajja, jan munañanacamarjam sarnakapjjamti, cunjämtï janïra Diosar uñt'casajj sarnakapcäyätajj uqhamjja.

1 Pedro 1:22

Jichhajj jumanacajja, Kollan Ajayu toke Tatitun arunacap ist'asinjja, almanacamjja k'omachasjjapjjtawa jilatanacaru chekpachan munañataqui. Uqhamajj maynit maynicamaw munasipjjañama take chuyma, uqhamarac take ch'amampi.

1 Pedro 2:11

Munat jilatanaca, sarir jakenacarjamaw achict'apjjsma, jan janchin munañanacaparjamajj jacapjjamti, uca janchin munañanacapasti almas contraw nuwasiñ muni.

1 Pedro 4:6

Ucatpï jiwirinacarojj Diosan arunacapjja parlatänjja, jupanacajj uqhamata ajayunacapanjja Diosjam jacapjjañapataqui, acapachanjja mayni jakenacjama taripatäpcaracchisapän ucasa.