JEREMIA 44:2 - ASII LAKDAP Bible (BSI) Tati Ningkun Ajongwe, Israilnok Shiikeawe raq nguto, “Namshiq maiqmii raq chhilan she, Ngi raq Jerusalem nai Juda mung wa chela ahin thun wiita tiithenbaiq kang kra. Ümchaü niitaq saüli kra chela thun ka ariim arki abun kaiwi sitlo kiimaq maiq ka jumin simak ahü. Hawa Naga Bible 2001 Tvphaungc Tvsuip Yehowa Israel Tishox rueq, “Yerusalem nuiyc Yuda mungx wawc vganc ghaqyungx htenc lotlaz htauk nuex ngaz rueq tvhttuiuc kuq tauk tvbac gay kuex nuimshiq rueq khiz tuit shex. Majuiuc doc muinz kvruex htenc kuex bac ruq dvyx, ukhaq muinz kvyuq httax yaq rvmuq, |
Ngi raq Samaria chela ma jamkho imo jonghea tiihokang, kiikhiisii hali Jerusalemti miimin imo laihea mitiihoha. Ngi raq Israil mung Hokhamwe Ahab nai asaü asetiim ma imo tiihokang, kiikha mitiihoha. Ngi raq Jerusalem chela na siti mungmaiqse ka miqchup tiisiirai wiichhiite maq achhii ikha michhii baiqha. Winpin ka siirai rai jamkhiiwa tiiwe tatbaiq tlaq, raüta angan nü na kapsaq thütlaq ikha mikap baiqha.
“Ngi, Tatiwe raq Ejip mungti ka jamkho riikang kra chhilan she. Kiimaq Ngi raq namshiq ka liiha kaü raq ase ka arakong thaq na tiinga raüta jamkho boq wantlaq ikha namshiq ka arjaq Ngi phaniishe sheawan kang.
Ngi raq waikang, “Tati lei, riita akhiika ümtincho na saüli wa misi?” Apaiq raq treto, “Chela thun ka tiithenbaiq raüta shaqmii she miraq. Maiqjam phong na maiq ka asiti jumin ahü she miraq. Armung ka hiqmiq changkhü ma tiijali she mitiithenbaiq.
Armung arka tlotli bashi min tam mak botkhulai rai mishot baiq wan. Wiita maiqphiip maiqjiip hiqmiq changkhü ma mitiijabaiq wan. Kiimaq Juda mung tro na siti maiq mung thun ka Bebilon hokhamwe tijong horaüta misi wan. Kriika rawii roq miishi na saüli miraq.
Ngi raq aming mikuqha. Tsangshiq ka ara chela khatkai nong mijangki. Tsangshiq raq ara chela ara mikhat. Raüta chela ka milap wan. Raüta arka wa maq michaqbaiq. Ngi raq Juda mung wa chela thun ka rumnyangkhi kumtsaiphii miishe mitiija baiqha. Kiijaq maiq asiti jumin ahü she miraq. Arka Ngi, Tatiwe raq toqtan tiikang.”
Hangsikaü rum na bomhai raüta akhe dongkitlaq ikha, maiq mung thun tiithenkaitiwe kitlo she. Apaiq ka Juda mung tiithenkai kitlo. Juda mung wa chela thun ka botkhulai rai mishotbaiq, kiimaq kriithun na maiq jumin simak she miraq.
Ümchaü ranaiq na saüli, nam mung ka hiqmiq changkhü miishe jakito. Maiq ka kiijaq jumin simak she. Nammung ka maiqphiip maiqjiip changli she sitlo. Nam hiqshong namrahai mang kra chong raüta maiqse raq manson shiiton ke bomtsi miili she tiijatlo. Jamkhano ngukla Tatiwe raq namshiq raq abi kiimung tlan homa thun ka ninlot mak she riito.
Ara ümchaü namshiq khuthaq na akha athen ajen wan akhing saüwataq arka namshiq raq laihin phra thun ma honglu kuq wan lanta Tatiwe makki na ngarai tang wan lanta apaiq aming thun kra tlea wan lan kriikha na then lan.”
Juda mung ka kumtsaiphii rumnyangkhi binjü miishe mijaki. Juda mung chela thun na nai Jerusalem chela chiihea wea lam thun na acho achi kiimaq apeo aleo ashi ange trang ka Ngi raq wiita mitiitsaq baiqha. Kiimaq maiq lam poi na chojong chise poi klo thun kiimin wiitashe mitiitsaq baiqha.
Kiimaq ara abi mungti phongwa, juwa luntaqti thun ka, Ngi raq pongmung na shumwikong ma nyinbaiqkang hiq thun na siti raq ka, atra si nam ma atsai riiki haijaq ahea riichang nguta mitiima. Arka Ngi, Ajong Pinthum Tatiwe raq ngutiikang.”
Tatiwe raq ngutlo, “Ngi raq Jerusalem ka bunlak mishthenbaiqha, miikakoi kong haisea chang miishe mija wan; Juda mung wa chela thun ka wiita kumtsaiphii rumnyangkhi miishe mijaki, maiqse sichang riimak she mijaki.”
Jerusalem chela ka man na asengi raq ama riito! Mangjong maiqse wiita raq kai ra tsa ikha tsa wanto. Shatmaq ümchaü san mantinyung ikhiishe; Chela rümti aki miikiimbi thun re raq jiip baiqto. Rewe jaqkhon mong na shumwi kong miishe tiija wanto.
“Ngi ka arkha na hoqjü tiikang, imakphai sawa raq makhü jaqhü. Ngi ma tsaido jidoketi jumin ahü, ngi ma ningkun shoqketi jumin ahü. Rewe raq ngi ka longto she, raüta tangto. Isenginok jaq na jammin ahü siipe.
Jamkhano ngukla Jajon chela ka apaiq laqlaq li she, maiq min ahü she. Kiimaq chela rüm mong maq, miikakoi kong li she ngam rit phaq khumtlo.
Ümniiraq naishiq ma nai naimung pengti ma mo mitiihoha ngulaü kra tiiho wan laü dea. Ümniiraq Jerusalem ka mangjong tlotli na siti chela ahinti thaq na, pinthum heanghea tiichamchao wan laü.
Ngi raq nam chela thun ka hiqmiq changkhü miishe mitiija baiqha. Namshiq raq sumla noq tlan hiqba thun kra wiita mitiithen baiqha. Kiimaq namshiq raq Ngi ma honglu takuq tlan thun kriika tao mang she mirha.
Shatmaq, aphana, kra mungwa maiq thun ka kongkhu tiisiirai jobaiq chang. Kra riihaütiq hiqkhu rakhu thun raq niitiitsak rahiq tiinyili mihaisiq. Kiimaq tsangshiq raq Ngi raq akuqha thungtri raütu thun jin wan kha na nai kiimaq Ngi raq akuqha aming thun kra tlea wan kha na thumli tsangshiq kha tham kra kewan ratlo. Raüta chamchao homa kra howan ratlo.
Namshiq raq arümkhan ashut klo tlan khana, Jajon ka ni ma athubaiq ikha mishthen baiq. Jerusalem ka then wan raüta, hiqmiq changkhü miishe mijaki, kiimaq Noqku Jamjong kin ka, rumnyangkhi miishe mijaki
Ngi raq namtitiim ma, i jaqshisetiim shammibi lümaq aming kuq kang. Kiimaq tiihaichhai lata hon atsii chongkuq wan kang. Shatmaq tsangshiq raq shipot baiqto. Kra ningkhan tsangshiq chamchao riihum raüta biiphaqto. Kra riihum raütiishetiq, tsangshiq raq maiqmii shut mra kra tiidii wanto. Raüta tsangshiq raq ngi Tati Ningkun Ajong Pinthumwe riidea, tsangshiq maiqmii ngarai khankhan, tsatson wankang ngutiishe tsangshiq raq tum wanto.”
Mosheq raq Israilnok mung maiqse ka adam na triitam heato. Raüta tsangshiq ma akha nguto, “Tatiwe raq Ejip mung hokhamwe ma, apaiq sengi ajong alabi ma, kiimaq tsang mung tlotli na jamlai wa klotaq kriika namshiq raq maiqmii mak maq chhiwan lan she.
Namshiq Tati Shiikeawe raq namshiq miitu, ara maiqmung thun ka jamkho riiwantaq, kra wiita kunkun chhi wan lan she. Namshiq Tatiwe nam Shiikeawe raq namshiq miitu re ka khatkuqto.