ISAIA 6:11 - ASII LAKDAP Bible (BSI)

¹¹ Ngi raq waikang, “Tati lei, riita akhiika ümtincho na saüli wa misi?” Apaiq raq treto, “Chela thun ka tiithenbaiq raüta shaqmii she miraq. Maiqjam phong na maiq ka asiti jumin ahü she miraq. Armung ka hiqmiq changkhü ma tiijali she mitiithenbaiq.

Hawa Naga Bible 2001

¹¹ Ngaz rueq, “Taungjix lex, mtanc nuex httuiuc laz vkhoc yaungx wvnc tvnx?” ngoz tueq wiz tauk. Vpiq rueq, “Ghaqyungx htenc bac wvnc vtueq sawc ric yaungx wvnc tuex nuex httuiuc laz, yuimx htenc kuex kuiyqshuik kuiyq shix yaungx wvnc vtueq, ghaq kuex sawc riric phaq tvwawc gay shec shuex vkhing nuex httuiuc laz rvtuex, ngoz tueq tvralc phuex.

ISAIA 6:11 Referencias Cruzadas

Tvtsvmc 74:10

Ümloqcho na saüliwa, O Shiikeawe lei naishiq jaqtinok raq ümniika minaiküsiq? Tsangshiq raq ümmang ka pattup sha mishummiisiq wan?

Tvtsvmc 79:5

Tatiwe, ümniika naishiq ma pattup khiqruqli shea mikhiq haü? Ümtsankhiq ka walü ikha nyairuqli shea minyai?

Tvtsvmc 90:13

Ümloqcho na saüli wa ümtsankhiq ka misi? Mangchanlaq, O Tatiwe lei, ümjaqshisetiim ka!

Tvtsvmc 94:3

Abi maiqsekong ka ümtincho na saüli wa michochisiq? Ümtincho na saüli wa, Tatiwe lei?

ISAIA 1:7

Ümmung ka miqchup tiithenbaiqto she. Kiimaq ümmung wa chela thun ka wiita wa maq chaqbaiqto. Raüta botkhulai rai she shotbaiqto. Ümniiraq liishat ümmakki na, pongmungti raq ümmung ka khatto. Raüta wiita jiiwanto. Raüta hiq maq hutse she shiithen baiqto.

ISAIA 13:12

Kriiwa aso tiichongtlaqti ka chaq nam miimin ahü thümhea she miraq.

ISAIA 3:26

Chela kilamchong thun ka maaho manyi she miraq. Kiimaq chela apaiq kra dongdii min, jechak nyung naiqhü ma, hiq na ngaraü ikha miraq.

ISAIA 3:8

Tengto. Jerusalem ka miqto she! Juda mung ka alang pit wan miiqmiiq she! Tsangshiq nübok maq bomtlaq kra nai tsangshiq jaq maq jamlai wa klotlaq kra wiita Tati makki na abi siisaq klotlo. Tsangshiq raq linham linhok raüta Shiikeawe apaiq ka shummiitlo.

ISAIA 32:14

Hokham jam thun kiimin jammiishe miraq. Mungnyung chong chela ka hiqmiq changkhü miishe mijaki. Maiqjam thun kiimaq kriithun tiiwong chang chela tro na kiitelong peruk weshaü thun kriimin pattup pat-sa miitu botkhulai rai she mishot baiq. Kiijaq rum na siti kumtoq kong mihaisiq. Kiimaq skukong ka kiijaq nyiimphaq mihaisiq.

ISAIA 35:1

Kumtsaiphii wang michochi, kiimaq bintang jüngi wang na pepü wiihü peohea mipülii.

ISAIA 5:9

Ngi raq Ajong Pinthum Tati raq akha ngutlo taikang, “Arthun jamkaütiim ajong jong wiq siisaq, kiimaq tsomhea sitlaq jamkaütiim thun arka jammii she miriimki.

ISAIA 60:15

“Ümniika miimbaiq mak she kiimaq saisi mak she miraq, Chela mii kiimaq hiqmiq changkhü riimak she, Ngi raq ümniika ajong kiimaq tsomhea mitiijaha, Pattup pat-sa miitu chojong chise siwan chang hiqshong miraq.

ISAIA 64:10

Asii ümchela thun ka rumnyangkhi kumtsaiphii miishe jakito. Jerusalem ka hiqmiq changkhü ikhiishe tiithen baiqto.

JEREMIA 22:6

“Ngi ma Juda mung hokhamta jam ka Gilead wang rum jamkho tsomsiqtlaq kiikha tsomhea. Kiimaq Lebanon pum ka jamkho tsomtlaq kiikha tsomhea. Shatmaq Ngi raq arka maiqsi maiqnga maimak hiqmiq changkhü ma mitiija baiqha.

JEREMIA 4:7

Hangsikaü rum na bomhai raüta akhe dongkitlaq ikha, maiq mung thun tiithenkaitiwe kitlo she. Apaiq ka Juda mung tiithenkai kitlo. Juda mung wa chela thun ka botkhulai rai mishotbaiq, kiimaq kriithun na maiq jumin simak she miraq.

JEREMIA 44:2

Tati Ningkun Ajongwe, Israilnok Shiikeawe raq nguto, “Namshiq maiqmii raq chhilan she, Ngi raq Jerusalem nai Juda mung wa chela ahin thun wiita tiithenbaiq kang kra. Ümchaü niitaq saüli kra chela thun ka ariim arki abun kaiwi sitlo kiimaq maiq ka jumin simak ahü.

JEREMIA 52:27

Ribla chela ka Hamath wang na. Kiijaq hokhamwe raq tsangshiq ka atiibuk riito. Raütiishe tsangshiq ka tiijiipbaiqto. Akha Juda mungti ka Bebilon mung na munglu shumwi ma tsuq wanto.

EJEKIEL 6:6

Israil mung na chela thun sitlaq kra tlotli mitiithenbaiq. Krai mren, tsangshiq berong-wacha thun nai tsangshiq phra sumla thun kriimin wiita bunlak buncha she mitiibunbaiq. Kiimaq tsangshiq homseng berong-wacha thun kriimin tiihihut mitiibunbaiq. Kiimaq tsangshiq raq jamlai phan wa haihuntaq thun kra wiita amoshe mirki.

DANIEL 8:13

Kiijiishe ngi raq rase ashi raq rase ashi ma bom ka akha waito taikang, “Riita ara riisham mak maq tiichhikuq tlaq mra pin arka, ümtincho na saüli wa mipin wan? Ranaiqtek honglu kewan jaqsham ka, atinkhan abi riiqkhiq ngarai jaqsham maq ümtincho na saüli wa milai baiq wan? Kiimaq ramungtan phenlabi nai Shomjam ka ümtincho na saüli wa hok maq nishishi mihaihii wan?”

LEWI 26:31

Ngi raq nam chela thun ka hiqmiq changkhü miishe mitiija baiqha. Namshiq raq sumla noq tlan hiqba thun kra wiita mitiithen baiqha. Kiimaq namshiq raq Ngi ma honglu takuq tlan thun kriika tao mang she mirha.

LEWI 26:33

Ngi raq namshiq khuthaq na chiq are pahea mitiidong wanha. Lata namshiq ka pongmung pahea na wiita anyin mirbaiqha. Nam mung ka shaq miishe miraq. Kiimaq nam chela thun ka wiita botkhulai rai mishot baiq.

Mikha 2:4

Kra ümningthoi akhing saü wan raüjaq. Nanok raq ümrilung chamchao kra chong raüta, ümnaq slailii shi akha mishi nge, Nashiq thumkai she! Tatiwe raq nahiq nara nyea wanto she. Raüta najaqtinok ma likuqbaiqto she Naishiq ka maiq shumwi lishe”

Mikha 5:11

Nammung wa chela thun ka run lata, retiip thun kiimin mishthen baiqha

Mikha 6:13

Namshiq shutphit ngarai kha na, ümchaü ngi raq namshiq, shiithen baiq phawan kang she.

Mikha 7:13

Shatmaq mangjong maiqse ngarai henghea kha maq, mangjong hiq ka hiq miq changkhü ikha mijaki.

TRI CHONGKE 28:62

Ümniika pu wan laüta ra na raiqsaiq diimtlaq ikhli purai haü min, namshiq phong wa maiq ka atsap seli she aso mitiichong han. Jamkhano ngukla ümniiraq Tatiwe üm Shiikeawe aming thun ka lang wan maü riilaü.

TRI CHONGKE 28:63

Tatiwe raq ümniika jamkho chochi khiq maq chiithe lüwawe ma tiija wantaq kiimaq ümniika tiipuchi kuq wantaq, raüta maiq ka pahea tiipa wantaq, kra niqriri sii hali, apaiq raq ümniika chochi khiq maq mitiithen baiq wan. Raüta ümniika miqchup she mitiithen baiq wan. Ümniika ümchaü mung jiiwan tlaü, laüta shong nga wan tlaü mung kiiwa arang chong maq barot raüta miphai baiq wan.