JEREMIA 25:11 - ASII LAKDAP Bible (BSI)

¹¹ Armung arka tlotli bashi min tam mak botkhulai rai mishot baiq wan. Wiita maiqphiip maiqjiip hiqmiq changkhü ma mitiijabaiq wan. Kiimaq Juda mung tro na siti maiq mung thun ka Bebilon hokhamwe tijong horaüta misi wan. Kriika rawii roq miishi na saüli miraq.

Hawa Naga Bible 2001

¹¹ Vruex mungtan kuex ghaqkuiyq ghaqkhvmx yaungx wvnc vtueq, vkawc yawc juing ikhoc baung muex yaungx wvnc tuex, kvkhoc raz tueq tvroz wawc mungtan lotlaz rueq Babelon hokhvmx waz muex wawc rok mvshix tup shuimx kaz kuq wuez shuex.

JEREMIA 25:11 Referencias Cruzadas

2 KAÜWA WERAÜ 36:20

Raüta apaiq raq kiiwa maiq ümchuwa jaq song aso tiichong tlaq thun kra Bebilon mung niishe shumwi kong ma tsuq wanto. Kiijaq tsangshiq nai tsangsetiim pat na saüli, Persia Mungtan kra mijong wan shaq wiiwii, tsangshiq ka maiqdikong ma jaraüta tsangtijongnok kra shiikum pan raüta sito.

ISAIA 5:6

Ngi raq sonruk ka sang miishe mitiikaqbaiqha. Ngi raq spiq raü dong ka ton mang she mirha. Kiimaq hiq kiimin kochak maq thu mang she mirha. Kra thaq na shukcham thun nai shuktamro kriima mitlambaiqha. Ngi raq phumda ma ra kiimin tiijunkuq mang she mirha.”

JEREMIA 25:12

Kra jai miishetiq Ngi raq Bebilon mungti nai tsang hokhamwe kriishe tsangshiq ngarai tang wantaq kra miitu imo mitiihoha. Ngi raq kra mung ka botkhulai rai pattup pat-sa miitu she mishot baiqha.

JEREMIA 25:38

Tatiwe raq asenginok ka hangsikaü raq apaiq bumchang longsha baiqthütlaq ikha miimbaiqto she. Redong phiiptsi chang rathaiq saü wantaq kriiraq nai Tatiwe tsankhiq henghea waniitu raq, mung ka kumtsaiphii botkhulai mung miishe tiija baiqto.

JEREMIA 27:22

Kriithun ka Bebilon mung na mitsuq wan. Raüta Ngi raq itsantsii mikuqha shaq wiiwii, kriithun ka kiijiili mitiithü. Kra jai miishetiq Ngi raq kriithun ka ana hali milamho nongha. Lata arjaq hali mitiitsuq hoha. Lata thüchü chang na mitiithüha. Arka Ngi, Tatiwe raq toqtan tiikang.”

JEREMIA 27:7

Mangjong hiq na siti maiq mung wiita raq apaiq klishe mishkumpan wan. Kiimaq tsangshiq raq ase kiimaq apaiq ma asaü kra mishkum pan wan. Kriika apaiq mungtan kra then wan akhing na saüli miraq. Kra jai miishe ka apaiq mungtanti asengi raq maiq mung thun ningkun jonghea hotibi nai hokham ajong jongbi thun kra wokhong niishe misi wan.

JEREMIA 28:14

Tati Ningkun Ajongwe, Israilnok Shiikeawe raq nguto, apaiq raq maiq mung thun tlotli khuthaq na jin thaikii she mitiiho. Krai mren tsangshiq raq Bebilon mung Hokhamwe Nebukadnejar puk na siisaq nyap raüta, apaiq ka mishkumpan. Tatiwe raq nguto, apaiq riika rum nyamsekong kra dongdii min Nebukadnejar puk na mitiinyap wan.”

JEREMIA 29:10

“Tatiwe raq ngutlo, ‘Ümtiikiiwa namshiq ma Bebilon mung na wiiroq miishi siwan akhing kriishe thumjiiq, raüla, Ngi raq namshiq miitu tsantsii riimtiikang kriishe mitiichhi kuqha. Lata Ngi raq namshiq ka nammung niishe mitiijang shea wanha nguta kiqkham kuqkang kriishe mitiihong kuqha.

JEREMIA 4:26

Hiqpo hiqwin mung ka kumtsaiphii phong miishe jakito; kra mung wa chela thun ka wiita athenkai kun she, Tatiwe tsankhiq henghea kha na.

JEREMIA 4:27

(Tatiwe raq nguto, mangjong hiq tlotli ka, rumnyangkhi kumtsaiphii ma mijaki. Shatmaq apaiq raq klang maq tiimiqchup langlang kla tiithenbaiq mak miraq.)

JEREMIA 43:10

Kra lot laütiishe tsangshiq ma chongkuq laq, Ngi, Tati Ningkun Ajongwe, Israilnok Shiikeawe raq, ijaqshise Bebilon mung Hokhamwe Nebukadnejar ka ara chela na misheahoha. Kiimaq apaiq raq apaiq hokham ngacho ka ara ümchaü ümniiraq longkaü thun laplaü arthaq na mitiinga kiimaq apaiq raq ahokham tombutiip ka ara longkaü thun arthaq na mitiipii chan.

JEREMIA 44:22

Ümchaü ranaiq na saüli, nam mung ka hiqmiq changkhü miishe jakito. Maiq ka kiijaq jumin simak she. Nammung ka maiqphiip maiqjiip changli she sitlo. Nam hiqshong namrahai mang kra chong raüta maiqse raq manson shiiton ke bomtsi miili she tiijatlo. Jamkhano ngukla Tatiwe raq namshiq raq abi kiimung tlan homa thun ka ninlot mak she riito.

EJEKIEL 12:19

Laüta Israil mung tlotli ma arka Tati Rakaü Hiqwe raq Jerusalem na ümchaü niitaq sishatti miitu maji binriim chongtlo nguta tsangshiq ma chonglaq. Tsangshiq ka dungsea lam maq atiikhai miraq kiimaq kham nyang lam miimin atiikhai raüta minyang. Tsangmung ka wiita hiqmiq changkhü miishe mitiijabaiq wan. Jamkhano ngukla kiijaq siti maiqse tarü kunli ka thungtri shiithen wanti siisaq.

EJEKIEL 29:11

Kra chela thun lam maq maiq ka jumin khummak she miraq. Kiimaq rum ngam thun min haisiq mak she miraq Wiiroqblai na saüli kra chela thun na maiq jumin simak miraq.

EJEKIEL 6:14

Tengteng, Ngi raq ijaq ka tiipii lata tsangmung ka mitiithenbaiqha. Ngi raq shemai nü kumtsaiphii wang kiimaq pha wan lata, Ribla chela kiina saüli botkhulai rai mishotbaiqha. Israilnok shongtlaq maiqhiq aweatek ka hiqshi tammang maq mitiithenbaiqha. Kra riiha jiitiq maiq loweatek raq Ngi ardea Tatiwe nguta misap wan.”

DANIEL 9:2

Apaiq raq mung peng wanli maq wiishi she angu na, ngi raq asii lakdap thun kra sidi phat kang. Lata Tatiwe raq shammiwe Jeremia lümaq, Jerusalem thenkitaq kriika wiiroqmiishi na saüli kiikhiili misi wan nguta chongtaq, kra bomtsi ka shiwea wan kang.

LEWI 26:32

Ngi raq nammung wa hiqshong rahai thun ka tiihihut mishthen baiqha. Kra ningkhan namjaqtinok nammung jii wanti ka raq kra hiqmiq changkhü ma atiijabaiq kra chhi raüta akiinyii li she miraq.

Mikha 7:13

Shatmaq mangjong maiqse ngarai henghea kha maq, mangjong hiq ka hiq miq changkhü ikha mijaki.

JEKERIA 1:12

Kiijiishe, “Ningkun Ajong Pinthum Tatiwe lei, ümniika Jerusalem ma, kiimaq Juda mung na chela thun ma, rawii wiiroq miishi ümtsankhiq jonghea thü wan laü. Ümniiraq tsangshiq ma tiihang wan mangchan tsii tiichhike ka ümtinchotiq wa miraq?” nguta rase raq waito.

JEKERIA 7:5

Apaiq raq akha chongto, “Armungti nai ramwebi ma chonglaq, tsangshiq raq man na, rawii wiiroq miishi leawantaq akhing na, rawiishi liipan na jipi lübiingi ngoja na, nai jipi lümiishi akhing na, tsangshiq raq amang maq achu jaü wantlaq kriika, ngi ma shreng raüta alam wan ka riimak.