JEREMIA 25:10 - ASII LAKDAP Bible (BSI)

¹⁰ Ngi raq tsangshiq chojong chise, wiinum shewa, junlam poi rüriiq trangtlaq thun kriika wiita tiikaiqshak she mitiitsaq baiqha. Tsangshiq lemtem na chaq chang olip khamtai min ahü she miraq. Kiimaq aphaq asea chang raipo wonglo min ahü she miraq.

Hawa Naga Bible 2001

¹⁰ Ngaz rueq tsuingshiq kokez guyc sez tvruingc, vnuey tvruingc, vkoz vkez maq miqlvmc moalx phuiuz svy tvruingc htenc kuex tvthauk gay shaungx. Tsuingshiq wvrkok htenc tvkoc vpuiz tix lvp shuex rvmuq, kvmaq phuiuz vsvy muinz httax tuex rvmuq.

JEREMIA 25:10 Referencias Cruzadas

ESTHAR 3:13

Raüta, jipi lüroqshi ri lünai wa raroqshi ri ranaiqtsam na, Adar jipi na, Jehudinok ka nyungwe nose kiimaq jechakre nai nosere thun tlotli, hokhamwe mungtan tlot li, awang tek wa tiithumpak tseabaiq wan chang. Raüta tsangshiq huk asam thun kra wiita runphaq wan chang nguta aming lak ka tiiho wanto.

ESTHAR 7:4

Jamkhano ngukla, ngi nai iphan imaq thun ka nyatshat tiithum tseabaiq wan miitu ashaphaq kunshe. Raüta, thiikho bok na atiidea baiq kun she sitiikai. Naishiq arka dikong ma tiija miitu shabaiq lamlam nguraü jiikla, ngi raq hokhamwe ka jaram wa mipaq laq ha. Shatmaq naishiq ara chongthum tiijiipbaiq raü jiika hokhamwe ma jam liip wa miraq!”

ESTHAR 8:11

Ara lak thun na hokhamwe raq Jehudinok chelatek na siti raq, tsangshiq khum tiikhe wan miitu, tsangshiq ka adam na riitam raüta, khekham maq siwan mimai nguta aming kuqto. Maiqphan phan hinti raq, Jehudinok ümriiba wa li jiimin, tsangshiq nok maiqwere lo, jechakre lo, no sere lo longliiq wan raüla, Jehudinok raq tsangshiq longwati rewe kra maiqmii khum tiikhe wan, tiithumpak jiipbaiq wan mimai nguta aming ka kuqto. Kiimaq, Jehudinok raq tsangshiq jaqtibi khat wantlaq chiqse rewe hupsam sepat lope lap wan tlaq kra, wiita hutjok kra tsangshiq riishe miraq.

ISAIA 47:2

Longtham kra trolaq! laüta bunwong thaülaq! Ümkhu pang chang bannin khea ka linbaiqlaq! Ümmiirii bannin khea thun sam tlaü ka chhutbaiqlaq! Ümnaiq ka ra na tongsaq laüta khamraisetiim ka jinlaq!

JEREMIA 16:9

Ngi Ajong Pinthum Tatiwe, Israilnok Shiikeawe raq jamlai bom chongke chang wa sitlaq kra tailaq. Ngi raq chojong chise maiqnai trang kiimaq khoqriiq shishiiq wiinum shewa maiqlam polotlaq kra wiitashe mitiitsaq baiqha. Armung na siti maiqse raq ara chong tiikang mra pin ka michhi.

JEREMIA 48:33

Chochi rilung nai khoriiq shishiiq rilung ka hiqpo hiqwin Mob mung kiiwa lam wanto she. Ngi raq spiqtai ka atiikit chang tham kiiwa tiidong mang she shangbaiq kang. Spiqtai tiikitti maiq ka jumin ahüshe. Kiimaq achochi si tsi ma agi asiiti min maiq ka ahü she.

JEREMIA 7:34

Juda mung ka kumtsaiphii rumnyangkhi binjü miishe mijaki. Juda mung chela thun na nai Jerusalem chela chiihea wea lam thun na acho achi kiimaq apeo aleo ashi ange trang ka Ngi raq wiita mitiitsaq baiqha. Kiimaq maiq lam poi na chojong chise poi klo thun kiimin wiitashe mitiitsaq baiqha.

AJONJÜ 5:15

Naishiq rilung na khoqriiq shishiiq ka ahü she, wiinum shewa la na, aho ajü walishe sitlo.

EJEKIEL 26:13

Ngi raq ümchela mong na phan phan ashi ange polotlaq kra tiikaiqshak mitiitsaq baiqha. Ngi raq ümchela mong na phaqlamtoro thun atsü angii kra wiita tiikaiqshak mitiitsaq baiqha.

Hosea 2:11

Ngi raq apaiq raq poi thun klotlaq kra, rawiitek nai jipitek poi klotlaq thun kra, kiimaq apaiq raq Asii Niitiitsak Ranaiq poi klotlaq kra, kiimaq apaiq raq Shiikeawe shomnoq akhing poi klotlaq thun kra, wiitashe mitiithen baiqha.