JEREMIA 25:11 - Hawa Naga Bible 2001

¹¹ Vruex mungtan kuex ghaqkuiyq ghaqkhvmx yaungx wvnc vtueq, vkawc yawc juing ikhoc baung muex yaungx wvnc tuex, kvkhoc raz tueq tvroz wawc mungtan lotlaz rueq Babelon hokhvmx waz muex wawc rok mvshix tup shuimx kaz kuq wuez shuex.

ASII LAKDAP Bible (BSI)

¹¹ Armung arka tlotli bashi min tam mak botkhulai rai mishot baiq wan. Wiita maiqphiip maiqjiip hiqmiq changkhü ma mitiijabaiq wan. Kiimaq Juda mung tro na siti maiq mung thun ka Bebilon hokhamwe tijong horaüta misi wan. Kriika rawii roq miishi na saüli miraq.

JEREMIA 25:11 Referencias Cruzadas

2 KAÜWA WERAÜ 36:20

Piq rueq tvraungx kvjungx yaq jix htenc lotlaz kuex Babelon mungx nuex shvlx wvnc vtueq, tsuingshiq kuex piq nuiyc piq suiuz vsaz htenc Persia Honoc mungtan yaungx wvnc tueq nuex httuiuc laz dax muex yaungx vtueq shuimx kuq tueq.

ISAIA 5:6

Ngaz rueq kvruex kuex httuingx maq tvluimz gay shaungx. Ngaz rueq svpiq ruiuz htenc kuex penc tsawc shaungx rvmuq, ghaq kuex tvbur htuz kuq shaungx rvmuq; kvkhoc ruec tvraung shuiuq jungx htenc maq tvluimz gay shaungx. Ngaz rueq kvruex htauk kvyuq raungx tvyunc tvkoc phuemx htenc tvthauk gay shaungx.”

JEREMIA 25:12

Kvruex yimaq ngaz rueq Babelon miqsaz nuiyc kvwawc hokhvmx waz kuex tsuingshiq mvrax tvkoc nuex murx tvgurc shaungx. Ngaz rueq kvruex mungtan kuex tvbac gay ruiux pattup ghaqkuiyq ghaqkhvmx baung muex tvyaungc gay shaungx.

JEREMIA 25:38

Hangsic rueq piq htawc luix gay shec tueq ikhoc Yehowa rueq vpiq miqsaz kuex gay shec tueq. Vkawc yawc juing ralx rvlungc nuiyc Yehowa vpiq thuinkhvy rueq kvruex mungtan kuex ghaqkuiyq ghaqkhvmx kumtsvy tvnx muex tvyaungc gay tueq.

JEREMIA 27:22

Kvruex tsak vnyvmx htenc kuex Babelon nuex lvmz wvnc shuex, kvruex htenc kuex ngaz rueq tsvp kvp yek shaungx nuex httuiuc laz kvyuq dvyx kvtvy tuex. Kvruex yimaq ngaz rueq kvruex taungx vwawx htenc kuex tvyez lvmz wvnc yek vtueq vruex vyuq taq waung yek taungx. Ngaz, Yehowa rueq jungx vshaungx,” ngoz tueq jungx tueq.

JEREMIA 27:7

Miq phvnx lotlaz rueq piq mungtan rul wvnc tuex vkhing nuex httuiuc laz piq muex muinz, vsaz muex muinz, vsuiuz muex muinz shuimx lvmz kuq shuex. Kvruex yimaq piq phvnx rueq luimc vkawc yunghvlc miqphvnx htenc nuiyc yunghvlc hokhvmx bix muex shuimx lvmz kuq shuex.

JEREMIA 28:14

Tvphaungc Tvsuip Yehowa Israel Tishox rueq, kvruex miqphvnx lotlaz htauk nuex yanx kantaung kuex tvdaungc shec shuex, tsuingshiq rueq Babelon Hokhvmx Nebukhadnezar muex shuimx kuq shuex ngoz tueq jungx tueq. Vpiq rueq yaruix wawc ngvmx saz htenc rueq doc muinz Nebukhadnezar muex shuimx kuq wuez shuex ngoz tueq Yehowa rueq jungx tueq,” ngoz tueq.

JEREMIA 29:10

“Yehowa rueq, ‘Babelon mungx nuex wawc rok mvshix mvrc tuex nuex, nuimshiq tvkoc ngaz rueq rvwvl vphaungx lvmx kuex tvkhic shaungx, nuimshiq kuex yuimx nuex tvyez shvlx wvnc phaungx ngoz tueq ngvy bomkhvmc kuex phvnx tvhungx shaungx.

JEREMIA 4:26

Ghaq vbur kuex kumtsvy tvnx muex yaungx wvnc tueq; ghaqyungx htenc muinz bac kaz tsic Yehowa vpiq thuinkhvy ningkhvnc nuex rvtueq. (

JEREMIA 4:27

Ghaq lotlaz kuex yaruix rumz muex yaungx wvnc tuex, yuq muinz dup sauk bac wvnc tuex rvmuq lvmz Yehowa rueq jungx shec tueq.)

JEREMIA 43:10

Kvruex yimaq ngaz, Tvphaungc Tvsuip Yehowa Israel Tishox rueq ngvy nvrc waz Babelon Hokhvmx Nebukhadnezar kuex vruex yuq gvl taq tauk. Piq rueq piq hoc kuex mnoz rueq luip taq toq lung htenc htauk kvyuq guirx vtueq, piq hokhvmx tap kuex kvruex lung htenc htauk kvyuq taq shuex.

JEREMIA 44:22

Nuimshiq layx vbac nuiyc miqsuirc vsac honc vyaungc htenc kuex Yehowa rueq raungluingx muinz nanx lot muq ningkhvnc nuex nuimshiq mungtan kuex majuiuc raungnuiyq yaungx yaq kvkhoc, ghaqkuiyq ghaqkhvmx yaungx wvnc vtueq washiz muinz httax tuex rvmuq. Kvhiz juing baung muex yaungx wvnc vtueq kvruex mungtan muingc kuex miq rueq kvtuemc kvtaungc kvjaz muex jungx shuex.

EJEKIEL 12:19

Vruex kuex Johvlc Yehowa rueq tsuingshiq mungtan nuex httax yaq doc Yerusalem miqsaz tvkoc vjungx bomjungc rvtueq, kvruex kuex miqphvnx lotlaz muex jungx kuq shuiuz: tsuingshiq kuex kvkhuirc yaq lvmx maq phuiuz vsvy phauk saq shuex, hiyaz kvkhuirc yaq lvmx maq vtix kuex nuingx wuez shuex. Tsuingshiq mungtan nuex httaz jix miq ruip rawx kuex tvrac phvnx muq ningkhvnc nuex tsuingshiq mungtan kuex ghaq sawc htungx muex yaungx wvnc tuex.

EJEKIEL 29:11

Miqsaz muinz ngvmx saz muinz kvruex maq khuemx lvy tuex rvmuq. Kvruex yuq wawc rok bvlic tup ukhaq muinz httax muq.

EJEKIEL 6:14

Rvtueq, ngvy yauk tenz vtueq tsuingshiq mungtan kuex tvbac gay shaungx. Ngaz rueq Israel miqsaz kuex baung ruip saz nuex httax luc muq laz juing, ghaqyaz kox kumtsvy tvnx maq ghaqkhux kox Ribla ghaqyungx nuex httuiuc laz kuiyqshuik kuiyqkhvmx tvyaungc gay shaungx. Kvkaq miq ruip rawx nuex ngaz kuex Yehowa rvtauk lvmx tuiuz wuez shuex,” ngoz tueq jungx tueq.

DANIEL 9:2

Piq rueq guimz lawc vphaungc raungwawc nuex ngaz Daniel rueq vsawc luik dvp htenc kuex wvllawc vtueq shvmmax Yeremia muex Yehowa rueq jungx tueq rulc rv-ngvlc Yerusalem bac wvnc tuex wawc 70 nuex seng vtueq rvwvl tvmaung vshaungx.

LEWI 26:32

Ngaz rueq nuimshiq mungtan kuex lotlaz tvbac httak gay ruiux, nuimshiq mungx kuex nyvlc wvnc jix ralx nuk doc muinz vkawc yawc rvwuez tuex.

Mikha 7:13

Yuq muinz kvruex mungx miqsaz htenc tharc vbac ningkhvnc nuex tsuingshiq httaz juing baung htenc kuex kumtsvy tvnx muex yaungx wvnc tuex.

JEKERIA 1:12

Kvruex yimaq raungkamx waz rueq, “Tvphaungc Tvsuip Yehowa lex, mnoz rueq wawc rok mvshix tup Yerusalem nuiyc Yuda mungx wawc ghaqyungx htenc muex khaq vtuiux. Mnoz rueq mtanc nuex httuiuc laz lac tsuingshiq muex menjenc muq rvshuiux?” ngoz tueq wiz tueq.

JEKERIA 7:5

Vpiq rueq, “Mungx miqsaz htenc nuiyc shomc waz bix rueq wawc rok mvshix tup yapix lex bv-ngac yac nuiyc lex mvshix yac nuex phuiuz svy mamc vtueq vyonz vyec shvmx tvkhic wuez tueq kuex ngaz muex tvtsanc nganc lvmx rvmuq.