JEREMIA 7:34 - ASII LAKDAP Bible (BSI)

³⁴ Juda mung ka kumtsaiphii rumnyangkhi binjü miishe mijaki. Juda mung chela thun na nai Jerusalem chela chiihea wea lam thun na acho achi kiimaq apeo aleo ashi ange trang ka Ngi raq wiita mitiitsaq baiqha. Kiimaq maiq lam poi na chojong chise poi klo thun kiimin wiitashe mitiitsaq baiqha.

Hawa Naga Bible 2001

³⁴ Wvmungx tuimx kumtsvy tvnx muex yaungx wvnc tuex. Yuda ghaqyungx htenc nuiyc Yerusalem ghaq lvmx htenc wawc kokez tvruingc htenc nuiyc vshuenc vruenc htenc miqlvmc moalx nuex kokez tvruingc htenc kuex tvsuingx gay shaungx.

JEREMIA 7:34 Referencias Cruzadas

YOBA 3:7

kra rawa ka shaqmii, chochi ahü rawa ma tiija baiq laq.

Tvtsvmc 78:63

Jerobi thun ka re na jiimto, krai mren junriire kong ka alamti ahü she riito.

ISAIA 1:7

Ümmung ka miqchup tiithenbaiqto she. Kiimaq ümmung wa chela thun ka wiita wa maq chaqbaiqto. Raüta botkhulai rai she shotbaiqto. Ümniiraq liishat ümmakki na, pongmungti raq ümmung ka khatto. Raüta wiita jiiwanto. Raüta hiq maq hutse she shiithen baiqto.

ISAIA 3:26

Chela kilamchong thun ka maaho manyi she miraq. Kiimaq chela apaiq kra dongdii min, jechak nyung naiqhü ma, hiq na ngaraü ikha miraq.

ISAIA 6:11

Ngi raq waikang, “Tati lei, riita akhiika ümtincho na saüli wa misi?” Apaiq raq treto, “Chela thun ka tiithenbaiq raüta shaqmii she miraq. Maiqjam phong na maiq ka asiti jumin ahü she miraq. Armung ka hiqmiq changkhü ma tiijali she mitiithenbaiq.

JEREMIA 16:9

Ngi Ajong Pinthum Tatiwe, Israilnok Shiikeawe raq jamlai bom chongke chang wa sitlaq kra tailaq. Ngi raq chojong chise maiqnai trang kiimaq khoqriiq shishiiq wiinum shewa maiqlam polotlaq kra wiitashe mitiitsaq baiqha. Armung na siti maiqse raq ara chong tiikang mra pin ka michhi.

JEREMIA 22:6

“Ngi ma Juda mung hokhamta jam ka Gilead wang rum jamkho tsomsiqtlaq kiikha tsomhea. Kiimaq Lebanon pum ka jamkho tsomtlaq kiikha tsomhea. Shatmaq Ngi raq arka maiqsi maiqnga maimak hiqmiq changkhü ma mitiija baiqha.

JEREMIA 25:10

Ngi raq tsangshiq chojong chise, wiinum shewa, junlam poi rüriiq trangtlaq thun kriika wiita tiikaiqshak she mitiitsaq baiqha. Tsangshiq lemtem na chaq chang olip khamtai min ahü she miraq. Kiimaq aphaq asea chang raipo wonglo min ahü she miraq.

JEREMIA 27:17

Tsangshiq bom ka naqtai rongkiq! Namshiq ka Bebilon mung hokhamwe puk na nyap lanta sironglaq. Raüla hansang maq mishong wan han! Ara chela ka botkhulai rai jaram tiishotbaiq wa dantlan?

JEREMIA 33:10

Tatiwe raq nguto, “Maiqse raq ara hiqshong arka kumtsaiphii rumnyangkhi ikha jakito. Arjaq maiq min simak she, kiimaq nyamse kong min simak she. Tsangshiq raq ngutlaq ka tengto dea. Juda mung wa chela thun ka kiimaq Jerusalem chela wa chiihea wea lam thun ka shaqmii she. Maiq min simak kiimaq nyamse kong min simak she. Shatmaq jaimaq arthun arjaq ümniiraq mitai nonghaü.

JEREMIA 33:11

Chojong chise agi asii watrang kiimaq wiinum shewa maiqlam poi polo watrang poi klo she mitai wan nong haü. Ümniiraq nokmaiqse ka I Shomjam na kechutum honglu thun howan raüta kra kewa lam maq ashi ange watrangli she mitai haü. Tsangshiq raq akha mingu, ‘Tati Ningkun Ajongwe ma kechu tum ronglaq, jamkhano ngukla apaiq ka ahea kiimaq apaiq lungwii tsii ka pattup pat-sa thum mak.’ Ngi raq armung ka man na jamkho rongboq sitaq kiikha, arong awin hali mitiija wan nongha. Arka Ngi, Tatiwe raq toqtan tiikang.”

JEREMIA 4:26

Hiqpo hiqwin mung ka kumtsaiphii phong miishe jakito; kra mung wa chela thun ka wiita athenkai kun she, Tatiwe tsankhiq henghea kha na.

JEREMIA 4:27

(Tatiwe raq nguto, mangjong hiq tlotli ka, rumnyangkhi kumtsaiphii ma mijaki. Shatmaq apaiq raq klang maq tiimiqchup langlang kla tiithenbaiq mak miraq.)

JEREMIA 44:6

Kra ningkhan she, Ngi raq itsankhiq walü tu maq Juda mung na chela thun kra kiimaq Jerusalem chela mong na chiiheawea lam thun kra wiita wa maq chaqbaiq kang. Krai mren, kra chela thun ka wakhiim wabun phongli she sitlo. Ümchaü niitaq saüli kriithun ka hiqmiq changkhü miishe jakito. Maiq maklii na phiiptsi jiiptsili she sitlo.

AJONJÜ 5:14

Ümchaü nyungwere ka, ngongthun chang ba chela kilam chong na, ngamak she. Kiimaq jetu jerobi riimin shishun mak she,

EJEKIEL 26:13

Ngi raq ümchela mong na phan phan ashi ange polotlaq kra tiikaiqshak mitiitsaq baiqha. Ngi raq ümchela mong na phaqlamtoro thun atsü angii kra wiita tiikaiqshak mitiitsaq baiqha.

EJEKIEL 7:11

Mat kha ümchuwa dongtlaq, kriiraq abi kiimung kriili tiipa wantlo. Tsangshiq raq jamlai phan wa rümtlaq kriika thum thum she mithen wan. Tsangshiq tsiiq nai nyam, tsangshiq jonglu tiitsaki, riimakla tsangshiq khushü jonglu thun ka thumthum she mithen wan. Jamlai min tiichong mak she miraq.

Hosea 2:11

Ngi raq apaiq raq poi thun klotlaq kra, rawiitek nai jipitek poi klotlaq thun kra, kiimaq apaiq raq Asii Niitiitsak Ranaiq poi klotlaq kra, kiimaq apaiq raq Shiikeawe shomnoq akhing poi klotlaq thun kra, wiitashe mitiithen baiqha.

Hosea 2:13

Kiimaq apaiq raq ngi laqbaiq raüta, Baal phra shomnoq wanto, kra miitu mitsa shaha. Lata mitiichamchaoha. Kiimaq apaiq raq achaq aseng laktum thun ka, lak raüta awesekong jaijo wantaq kra miitu, ngi raq apaiq ka mitiichamchaoha. Arka Tatiwe raq chongtlo.

LEWI 26:33

Ngi raq namshiq khuthaq na chiq are pahea mitiidong wanha. Lata namshiq ka pongmung pahea na wiita anyin mirbaiqha. Nam mung ka shaq miishe miraq. Kiimaq nam chela thun ka wiita botkhulai rai mishot baiq.

Mikha 7:13

Shatmaq mangjong maiqse ngarai henghea kha maq, mangjong hiq ka hiq miq changkhü ikha mijaki.

Revelation 18:23

Ümchela mong na wa tlü chaqti maiq jumin ahü she miraq. Maiq riilam riiwati junrii norii bom nai trang min ahü she miraq. Ümsengi laopanbi thun ka mangjong maiqse tlot li thaq na ajong pinthum chiithe lüwa siisaq nguta siwanto ihata. Kiimaq ümniiraq arot akiq along alea bomtsi chongkuq wan laüta mangjong maiqse tarü laophaq wan laü ihata!”