JEREMIA 8:1 - ASII LAKDAP Bible (BSI)

¹ “Kra akhing na Juda mung hokhambi kiimaq Juda mung wa ajong alabi, kiimaq ramwebi, kiimaq shammibi riiphong kiimaq mungmaiqse ahinti Jerusalem na sitibi riiphong ka, tsangshiq maakho mong wa akhot mirbaiq.

Hawa Naga Bible 2001

¹ “Kvruex kaq Yuda hokhvmx bix nuiyc vyungx vlaungx bix ruk vrawz htenc, shomc waz bix, shvmmax bix nuiyc Yerusalem nuex httax yaq vganc miqsaz htenc ruk vrawz htenc muinz tsuingshiq luip khurx htenc wawc lvmc gay rvhumc wuez tuex.

JEREMIA 8:1 Referencias Cruzadas

1 HOKHVMX 13:2

Tatiwe raq aming tattaq kra tiiphan phan, kra shammiwe raq kra berong-wacha ka akhiishe sonto: “O berong-wacha lei, berong-wacha lei, Tatiwe raq akha ngutlo: Maiqse ashi amang min Josia nguta mimang; apaiq ka Dawit weraü jamkun na michü. Apaiq raq üm khuthaq na, ara thatsang chang berong-wacha thun arjaq jaqshamti ramwebi ümniima honglu kewanti thun ka wiita mijiipbaiq. Raüta apaiq raq ümkhuthaq na maiq riiphong kra wa na michaq.”

2 HOKHVMX 23:16

Raütiishe Josia raq tro tri shrira liito. Raüta kra küla kiijaq maiq maa lapchiim longsha wiijam asi chhito. Raüta apaiq raq kriiwa maiq rii phong kra tiikhotto. Raüta kra berong-wacha kiijaq wa maq chaqbaiqto. Akha apaiq raq ara berong-wacha ka tiisheshi baiqto. Arka man na rathup niiphü poi akhing na Hokhamwe Jeroboam ka ara berong-wacha tho na chapshat na shammiwe ashi raq akha mitiisheshi baiq wan nguta tiithai chongje dongdii riito. Hokhamwe Josia raq tro tri liito. Raüta ara riisham bomchong tiithaitiwe shammiwe makho raükhu longsha kra chhito.

2 HOKHVMX 23:20

Apaiq raq thatsang maiqse ramwebi thun ka wiita kunli tsangshiq raq ramwe jaq shamtlaq berong-wacha thun kiijaq sebaiqto. Kiimaq berong-wacha aweatek na maiq rii phong raüta chaq baiq wanto. Raütiishetiq apaiq ka Jerusalem na janghoto.

2 HOKHVMX 9:37

Kiimaq angam angiq pun thun ka kiijaq minsaü daiq phong ikha wantha wanthi li miwan baiq. Krai mren, jurmin kra thun ka tiitsang lot mak she miraq,’” nguta tiithai thüto.

Tvtsvmc 53:5

Shatmaq tsangshiq ka phiip riishe mitsai, kiitin khan chamchao ka tsangshiq raq jangshi min riihum mak shaq, Shiikeawe raq asengi jaqtinok rok arii thun ka awan mirbaiq. Shiikeawe raq tsangshiq ka no na tsuqbaiqto she, krai mren Israilnok raq tsangshiq ka khat raüta tiinamtok mitang

JEREMIA 14:16

Tsangshiq raq mungmaiqse ma ara bom chongkuqtaqti thun kiimin tsangshiq rai adam na kiikhiisii mitsai. Tsangshiq maa phong ka Jerusalem na chhii heawea lam thun kiijaq küram liira mirphong. Kiimaq tsangshiq maa lapsheti maiq ka jumin ahü miraq. Arka tsangshiq tarü ma misaü wan. Tsangchaktiim, tsangsetiim maiqwesere kiimaq jechakse kong kiimin, wiita mijiipbaiq. Tsangshiq raq ümtinkhan wa ashut klowantaq kra kha tham ka Ngi raq tsangshiq khuthaq na akha miphong kuqha.”

EJEKIEL 37:1

Ngi raq ikhum na Tatiwe ka ngi rai asi nguta ningkun henghea sapkang. Kiimaq apaiq wenyi raq ngi ka rom wan raüta kin hea wea na hiq thung tan ashi maiqrii phong raq ama kiijaq ngi ka dowanto.

EJEKIEL 6:4

Berongwacha thun ka asiiq mirbaiq kiimaq homseng berong-wacha thun kra wiita mitiithenbaiq. Kiijaq maiqse ümchuwa asi thun ka tsangshiq phra thun khaki na wiita mijiipbaiq.

EJEKIEL 6:5

Ngi raq Israilnok maa phong ka barap binrii na minyin baiqha. Ngi raq tsangrok tsangrii phong kra wiita berong-wacha thun tro na miwan baiqha.

AMO LUIK DVP (AMOS) 2:1

Tatiwe raq ngutlo, “Mob mungti raq atang wan ngarai, hiq ma ra ma tang wanto. Arningkhan ngi raq tsangshiq tiijoq mang. Jamkhano ngukla, tsangshiq raq Edom hokhamwe maa riirong ka, lam raüta wa na chaqto. Raüta wabun kiimaq tsangshiq jam loto. Kriika riikhiq ngarai tangto.