JEREMIA 8:2 - ASII LAKDAP Bible (BSI)

² Kra maiqrii phong ka riichom raüta hiqkho ashi na lapbaiq rii na, tsangshiq rok ariiq phong kriika hiqraikhü na weram werok, hiq tiipii ma khoti miphong baiq. Kra maiqrii phong ka riinyin riishin rashekii na, jipi li na kiimaq raiqsaiq liliimtlaq kiijaq mirphong rong, tsangshiq raq lungwii wantaq kiimaq shiikumpan wantaq kiimaq tsangshiq raq phan rap sham akai na lang liiwantaq kiimaq shomnoq wantaq kra khaki na miphong wan.

Hawa Naga Bible 2001

² Vphungc tvy nuiyc vluip gay tvraung, tsuingshiq ruk vrawz htenc kuex ghaq htauk nuex ghaq bur ikhoc kvtvy tuex. Tsuingshiq kuex tsuingshiq rueq lungwawx ruiux nawk wvnc vtueq tsuingshiq rungx raz ruiux nawk palx wvnc tueq shalx, yapix nuiyc ruiysuiyq htenc khung nuex noalc gay rvhumc tuex.

JEREMIA 8:2 Referencias Cruzadas

2 HOKHVMX 17:16

Tsangshiq raq tsangshiq Tatiwe tsangshiq Shiikeawe thungtri thun ka wiita jinbaiq wanto. Raüta tsangshiq raq minsaü pongwenai anai sumla ka miiki ngam maq ashomnoq ma nguta loto. Kriithaq niimin tsangshiq raq jechak nyung phra kaü Ashera sumla kra tiiqto. Kiimaq ra wa raiqsaiq thun kra shomnoq wanto. Kiimaq Baal phrakaü ka shomnoq wanto.

2 HOKHVMX 21:3

Awe Hejekia raq thatsang chang hiqba thun tiithenbaiq wantaq kra apaiq raq hali tiihea hai nongto. Apaiq raq Baal phra noqchang berong-wacha thun haito. Raüta Israil mung Hokhamwe Ahab raq klotaq kiikha apaiq riinin jechak phra Ashera sumla thun kra haito. Kiimaq Manase riika raiqsaiq thun min shomnoqto.

2 HOKHVMX 21:5

Shomjam rinkea thung banai kiijaq apaiq raq raiqsaiq thun kra shomnoq chang berong-wacha thun haito.

2 HOKHVMX 23:5

Kiimaq apaiq raq chela thun na kiimaq Jerusalem tho na thatsang chang hiqba thun na ramwebi Juda mung hokhambi raq ashong wan kra wiita jobaiqto. Tsangshiq ka Baal phra ma, rashekaü ma, jipi ma, rashe kongtibi ma, kiimaq raiqsaiq thun ma hongluke chang berong-wacha thun na ramwejati.

Tvtsvmc 53:5

Shatmaq tsangshiq ka phiip riishe mitsai, kiitin khan chamchao ka tsangshiq raq jangshi min riihum mak shaq, Shiikeawe raq asengi jaqtinok rok arii thun ka awan mirbaiq. Shiikeawe raq tsangshiq ka no na tsuqbaiqto she, krai mren Israilnok raq tsangshiq ka khat raüta tiinamtok mitang

Tvtsvmc 83:10

Ümniiraq tsangshiq ka Endor hiq maq khatbaiq laü, kiimaq tsang maa phong hiq na namto.

Tvtsvmc 83:11

Tsang welabi ka ümniiraq Oreb nai Jeeb jamkho tiishelaü ikha tiishelaq; tsang mung pengti tuwe jongbi thun ka Jeba nai Jalmunna tsatbaiqlaü ikha tsatbaiqlaq,

THARC TVLUINGC 6:3

Maiq weshi rilung na asetiim ka shishi miraq. Kiimaq apaiq rilung kiimin luhea misi. Shatmaq arilung luheali siraü min, apaiq rilung na chojong chise maq silumak dea, jiika, kiimaq apaiq tsaikai ranaiq, amaa ka aheawiq maq saiq sam wanti maiq ahü jiika, apaiq nam miika, maase abaiqki no kra riiwe khoti ahea lin.

JEREMIA 14:16

Tsangshiq raq mungmaiqse ma ara bom chongkuqtaqti thun kiimin tsangshiq rai adam na kiikhiisii mitsai. Tsangshiq maa phong ka Jerusalem na chhii heawea lam thun kiijaq küram liira mirphong. Kiimaq tsangshiq maa lapsheti maiq ka jumin ahü miraq. Arka tsangshiq tarü ma misaü wan. Tsangchaktiim, tsangsetiim maiqwesere kiimaq jechakse kong kiimin, wiita mijiipbaiq. Tsangshiq raq ümtinkhan wa ashut klowantaq kra kha tham ka Ngi raq tsangshiq khuthaq na akha miphong kuqha.”

JEREMIA 16:11

Raüla, tsangshiq ma Tatiwe raq jamlai wa chongtaq kra chongkuqlaq. ‘Namtitiim pat na tsangshiq ka iwokhong wa donghoto. Raüta phanhin sumla phra thun shomnoq wanto. Raüta tsangshiq raq Ngi ka miimbaiq thüto. Kiimaq tsangshiq raq ibomchong tri raütu ka langmak riito.

JEREMIA 16:4

Tsangshiq ka thadong henghea phiiptsi chang dongtlaq kiina mijiim. Tsangshiq maajoti maiq jumin ahü miraq. Kiimaq tsangshiq maaphong kra lapsheti min ahü miraq. Tsang maaphong ka minsaü daiq phong wak na aphong ikha mirphong. Tsangshiq ka redong akhing na re raq mijiipbaiq, riimakla ramdong raq amang maq mijiim. Tsangshiq maaphong ka wushikong raq miphaq kiimaq rum wa ngam kong raq miphaq.

JEREMIA 16:6

Armung wa chiithe maiqse nai miitsan maiqse thun ka wiita mitsai. Shatmaq tsangshiq maaphong lapti maiq ka ahü miraq. Kiimaq tsang maa joti maiq ahü miraq. Maajo tsanbi tiichhi tsangshiq dü na tiimi hanti riimakla tsangkhu kra loktam maq si raüta maahoketi maiq jumin ahü she miraq.

JEREMIA 19:13

Jerusalem wa maiqjam thun kra, kiimaq Juda mung wa hokhambi jamthun kra, kiimaq tsangshiq wukhu thung na ra na sitlaq raiqsaiq thun kra shomnoq wan homseng honglu kuq wantaq thun kra, kiimaq laihin phra thun ma che kok maq tiibok wantaq hongluke chang jamthun kra, wiita kunkun Topheth Tan jamkhiiwa ashe ma jakitaq kiikha wiita ashe siisaq she miraq.”

JEREMIA 22:19

Kumtoq kaü maa hit baiq kitlaq ikha, apaiq maa ka mihitbaiqki, raüta Jerusalem kilamchong thun phai na mihit baiqki.”

JEREMIA 25:33

Kra matdong akhing ranaiq na Tatiwe raq re ma atiijiipbaiq maiq maa phong ka, hiqraikhü konü siimko maq riita konü siim na saüli riinyin riishin mirphong. Tsangshiq maahoti ka maiq jumin ahü miraq. Kiimaq tsang maa phong ka doti nai maa lapti ka jumin ahüshe miraq. Maiq maa phong ka riiphong riirong hiq na küram liira hiq tiipü chang minsaü daiq phong ikha miraq.

JEREMIA 31:40

Raütiishe maiq maa lapchang nai sinchiitsap tsuqbaiq kaichang hiq thung tan thun kra tlotli ham wan raüta, Kidron khamraise thaq na wawan raüta, wakram thun kra lomwan tlii wawan raüta, shedong nü na Kumrang Kilamchong na saüli miraq. Arthun arka Ngi ma asii hiqba miraq. Kra chela ka jai maq ümtiikiimin chaibaiq mak she miraq. Kiimaq tiithenbaiq mak she miraq.”

JEREMIA 36:30

Riita kra ningkhan, ümchaü, Ngi, Tatiwe raq, Hokhamwe Jehoiakim ümniima ngutiikang, ümsaü ümsetiim wa Dawit mungtan thaq na jumin hokham jawan lot mak she miraq. Kiimaq ümmaa ka maiq raq rum na mido baiqki. Raüta ranaiq na rashekii raq mishin kiimaq rawa na nyiirii rok raüta mipiimsiq.

JEREMIA 9:20

Ngi raq ngukang, “Tatiwe bom tai ronglaq, jechakre lei, lantea apaiq bomtsi tiitsang taironglaq. Lantea namsetiim jechaksere ma maajo shi shrinkuq ronglaq, kiimaq namkongtitiim ma maajo shi shrinkuq ronglaq.

JEREMIA 9:21

Tsailam ka nashiq kitanpu thun maq nyap wato raüta nashiq hokham jamthun na nyap wato. Tsailam raq nosere kong chiiheawea lamthun wa jiipbaiqto kiimaq jerobi thun ka kejat thung wa tsatbaiqto.

JEREMIA 9:22

Maiq maa phong ka barap binrii na riinyin riishin riiphongtlo, wak ram na minsaü daiq phong tlaq ikha, wak na khaolümtei thun tsamhanti jai na tiiphongtlaq ikha, tsam ka maiq ajutti ahü kha maq abaiqthü ikha riiphongtlo. Tatiwe raq ngi ma akha chongkuqlaq nguto.”

EJEKIEL 29:5

Lata Ngi raq ümniika ümdü na ngiq thun tiikhap shat maq kumtsaiphii mung kiina mido baiqha. Ümmaa ka hiq ma mideawa. Raüta asaiqsamti min ahü miraq. Ngi raq kra wushikong nai rumngam kong ma mitiiphaqha.

EJEKIEL 39:5

Tsangshiq ka wak ram bin na jiim raüta amaa phongli she miraq. Arka, Ngi, Tati Rakaü Hiqwe raq ngutiikang.

EJEKIEL 6:5

Ngi raq Israilnok maa phong ka barap binrii na minyin baiqha. Ngi raq tsangrok tsangrii phong kra wiita berong-wacha thun tro na miwan baiqha.

EJEKIEL 8:16

Krai mren, apaiq raq ngi ka Shomjam mong na wang mongti keathung khok kiiniishe shea wanto. Kra khok mong na asii silaitap khok na nyap wan chang kilamchong, berong-wacha nai maiqkhum chang lam wiithung abin ba heawea kiijaq, maiqwere roqnai ri webiingi tin asi riito. Tsangshiq ka asii siqlaitap tsaüwe khamchong kra jainong nü maq shung raüta, tsangtok ka hiq nü na kuraqraq maq, shedong nü nü kiina nyi raüta rashe dongtlaq kra shomnoq rea riito.

JEPHANIA 1:17

Tatiwe raq ngutlo, “Ngi raq maiqse khuthaq na, achong lot mai then wan mitiisaüha, maiqse angu wiita makchukwe ikha, phang rang phiim ra miraq. Tsangshiq raq i man na ngarai tangto. Kriikha na ümchaü tsangshiq tiijai ka, kham araü ikha miraü, Kiimaq tsangmaa phong ka hiq na, küramliira minam wan.”

JEPHANIA 1:5

Ngi raq wukhu na wa raüta, jurwa rashe, jipi, raiqsaiq thun kra, noqti ka wiita mitsat baiqha. Kiimaq imang chong raüta ngi shomnoqti, kiimaq iwokhong na siti nguta tiitumtati, shatmaq Molekh phra mang na, tumkham nyangti ka, wiita mishthenbaiqha.

Acts 7:42

Kriikha miishe, Shiikeawe raq tsangshiq ka jainong miishe shung baiqto. Raüta, ra na diimtlaq raiqsaiq jipi thun kra shomnoq wan ngarai tsantsii thiikho niishe tiidea baiqto. Shammibi lak na akha waiqto: ‘Israilnok lei! namshiq raq wiiroqblai, kumtsaiphii maq ngamsaü ngiqse, honglu na ta wan lan irka, ngi rii ka riimak.

TRI CHONGKE 17:3

laihin phra thun kra shomnoq raüta jinto, riimakla rashe kaü, riimakla jipi kaü kra noqpi raüta riimakla, raiqsaiqthun kra Tatiwe aming jin raüta shomnoqto nguta tsütsa ka mitaihan.

TRI CHONGKE 4:19

Namshiq mak maq jamlai phan wa chhiha tlan, rashe kaü, jipi kaü, kiimaq raiqsaiq phong kra shomnoq maimak. Tatiwe namshiq Shiikeawe raq arthun arka maiq phan ahin thun raq mishom noq laq nguta tsangshiq ma kuqto.