JEREMIA 8:1 - Hawa Naga Bible 2001

¹ “Kvruex kaq Yuda hokhvmx bix nuiyc vyungx vlaungx bix ruk vrawz htenc, shomc waz bix, shvmmax bix nuiyc Yerusalem nuex httax yaq vganc miqsaz htenc ruk vrawz htenc muinz tsuingshiq luip khurx htenc wawc lvmc gay rvhumc wuez tuex.

ASII LAKDAP Bible (BSI)

¹ “Kra akhing na Juda mung hokhambi kiimaq Juda mung wa ajong alabi, kiimaq ramwebi, kiimaq shammibi riiphong kiimaq mungmaiqse ahinti Jerusalem na sitibi riiphong ka, tsangshiq maakho mong wa akhot mirbaiq.

JEREMIA 8:1 Referencias Cruzadas

1 HOKHVMX 13:2

Tishox rueq nvr tueq rulc rv-ngvlc shvmmax waz rueq: “O shomrawx lex, shomrawx lex, Yehowa rueq jungx tueq kuex vkhoc rvtueq: vmuingc Josia ngoz yaq nox washiz kuex Dawid taungx nuex jawx shuex. Piq kuex kvmluimx lvmx phvnc vguez shomrawx nuex mnoz tvkoc shomc nawk kuy shomc kuq ruiux, vshuimc vlvmc jix shomc waz bix kuex mhtauk nuex thvt vtueq miq ruk vrawz htenc muinz mnoz htauk nuex jauk kv-phux,” ngoz tueq.

2 HOKHVMX 23:16

Kvruex yimaq Josia rueq tvroz nuex lawc koq tueq, ghaqluimx htauk nuex httax yaq luip ruiuz khux wvyvmc kuex khiz tueq; kvruex wawc miq ruk rawz wvyvmc kuex tvdung htuz lvmz vtueq shomrawx htauk nuex jauk gay tueq. Kvkhoc maq raz tueq max khux yac shomrawx nuex Hokhvmx Jeroboam jvp vtueq moalx moalx tueq nuex, shvmmax washiz rueq jungx wvnc tueq rulc rv-ngvlc tvhungx vtueq shomrawx kuex tvshuy shac gay tueq. Hokhvmx Josia rueq tvroz htenc kuex lawc koq tueq, tvluz nuex jungc jix shvmmax waz luip ruiuz khux rvtueq kuex khiz tueq.

2 HOKHVMX 23:20

Piq rueq yac yuimx nawk jix shomc waz bix lotlaz kuex tsuingshiq rueq nawk palx yaq shomrawx htauk kvyuq thvt gay ruiux, miq ruk vrawz htenc kuex shomrawx htenc htauk nuex jauk gay tueq. Kvruex yimaq piq kuex Yerusalem nuex yek waung tueq.

2 HOKHVMX 9:37

Uraq muinz piq maungx luip juing baung ngoz tueq tvkhic lot muq laz juing kvjungx yaq piq maungx kuex kvruex baung kvyuq diq phungc ikhoc nyanc gay rvhumc tuex,’ ngoz tueq.”

Tvtsvmc 53:5

Yuq muinz Tishox rueq vpiq miqsaz htenc muex ralx yaungc jix hez ruk vrawz htenc kuex nyanc shanc nyanc shix tvyaungc gay shuex ningkhvnc nuex, tsuingshiq kuex laukshiz muinz rvhumc muq phvnx hisungx juing kuex tvrvhumc shuex. Tishox rueq tsuingshiq kuex tvdux gay ruiux, Israel miqsaz rueq tsuingshiq kuex vsuingc suing taungx gay shuex.

JEREMIA 14:16

Tsuinghez rueq jungx yaq kvjaz kuex tay vtueq phvnc jix miqsaz kuex kvkhoc thvy gay rvhumc tuex. Tsuinghez maungx htenc kuex Yerusalem ghaq lvmx laungx htenc nuex tuip gay rvhumc vtueq, tsuinghez luip jix miq vshiz muinz httax tuex rvmuq. Vruex lvmz tsuingc taungnyuiuz tamx tsuingc sahez miqwaz yalxjuik sahez nuex yaungx wvnc tuex. Tsuingshiq honc vbac mauk kuex ngaz rueq tsuingshiq muex kuq shaungx,” ngoz tueq jungx tueq.

EJEKIEL 37:1

Yehowa luimc vkawc yunghvlc kuex ngaz nuex httax vtueq, vpiq siyac rueq ngaz kuex shvlx wvnc ruiux ruk vrawz mvrc yaq warc tvnx nuex taq phuex.

EJEKIEL 6:4

Shomrawx htenc kuex tvrul rop gay ruiux vhomc vtumc juiuz juing shomrawx kuex tvbac httak gay shuex. Tsuingshiq yac yuimx kvlc nuex httax yaq miq lotlaz kuex vthvy gay rvhumc tuex.

EJEKIEL 6:5

Ngaz rueq Israel miqsaz maungx htenc kuex wuinc httaungc wuinc httix rvshaungx; tsuingshiq ruk vrawz htenc kuex shomrawx htenc tvroz nuex wuinc gay shaungx.

AMO LUIK DVP (AMOS) 2:1

Yehowa rueq, “Moba miqsaz htenc rueq tvyez kakaz mvrax yaq wuez yaq, vruex ningkhvnc nuex ngaz rueq tsuingshiq muex vsuing murx tvgurc shaungx. Tsuingshiq rueq Edom hokhvmx waz ruk vrawz htenc kuex lac buenx yaungx laz jauk vtueq wvlc guez tvyaungc tueq.