JEREMIA 44:1 - ASII LAKDAP Bible (BSI)

¹ Tatiwe raq Israilnok Ejip mung na Miqdol chela na, Tahpanhes chela na, kiimaq Memphis chela na, kiimaq shemai nü mung na siti thun ma chonglaq nguta ngi ma chongto.

Hawa Naga Bible 2001

¹ Yehowa rueq Ejip mungx wawc Migdol, Taphanhe nuiyc Memphi ghaqyungx htenc nuiyc ghaqyaz kox nuex httax yaq Israel miqsaz lotlaz nuex seng vtueq ngaz muex jungx phuex.

JEREMIA 44:1 Referencias Cruzadas

RAPHA HIQWA LAK 10:14

Pathrus mungti, Kaslu mungti, kiimaq Kret mungti thun ka riito. Kra mung thun wa Philistainnok kriishe puwanto.

DUNGWVNC 14:2

“Israilnok ma jai nü na jang ronglaq. Lanta Migdol chela nai Khamjong Khamshii Chum liipan na Baal Jephron chela tho na Pi Hahiroth chela kiijaq piitiip tei wan ronglaq nguta chonglaq.

ISAIA 11:11

Kra ranaiq akhing she saü wan raüla, Tati raq jangshi ri hali aningkun maq, asenginok Asiria mung na nai Ejip mung na, kiimaq Pathros mung na, Sudan mung na, Elam mung na, Bebilon mung na, kiimaq Hamath mung na, kiimaq khamjong chumkii wang binjü na kiimaq khamjong chum mong na siti maiqmung thun na atiichongki thun kra tsangmung na mitsuq wan nong.

ISAIA 19:13

Joan chelati welabi nai Memphis chelati welabi ka maiqjiq kong. Tsangshiq raq mung ka ajong alu wan lam na shea wan changwa, shatmaq lamjiq nü na khoti sheahoto.

JEREMIA 2:16

Tengto, Memphis chelati nai Tahpanhes chelati raq, akhurii ka tiibunli bukto.

JEREMIA 24:8

“Kiimaq Juda mung Hokhamwe Jedekia, kiimaq mung welabi apaiq rai pongtibi thun kra, kiimaq Jerusalemti mungmaiqse ahinti thun kra, ümchuwa armung na sitlaqtibi riimakla Ejip mung na laühotiiti thun kriika, Ngi, Tatiwe raq, ara abi bihea langlang asea maimak phupmuptsi akha miliiha.

JEREMIA 43:13

Apaiq raq Ejip mung wa Heliopolis chela na tsan na tiitsang chang asii longkaü thun ashong kra atiibun mirbaiq. Kiimaq Ejip mung wa phra sumla shomnoq chang shomjam thun kra wiita wa maq chaq raüta mitiithen baiq.”

JEREMIA 44:15

Kra tai raütiishe maiqwere jurwa tsangnyungre raq laihin phra thun ma honglu takuq wantlo nguta asap, kiimaq jechakre ümchuwa kiijaq chap raq raq raüta ibom chong kra taiti raq, kiimaq Ejip mung shemai nü mung na siti Israilnok thun kriiraq, mungmaiqse kong ka pahea thungtlaq kriiraq ngi ma akha nguto,

JEREMIA 46:14

“Ejip mung na chela thun kiijaq chiiriim laüta chonglaq, Mikdol chela na, Memphis chela na, kiimaq Tahpanhes chela thun na akha chonglaq; ‘Tiije ronglaq namshiq maiqmii khum tiikhe miitu; namjaq na ümchuwa sitlaq kra wiita reraq mitiithenbaiq!

JEREMIA 46:19

Munglu shumwi na wawan miitu tiijeshat maq khe ronglaq, namshiq Ejip mungti raq! Memphis chela ka botkhulairai she mishot, hiqmiq changkhü ma mitiijabaiq, maiq jumin simak she miraq.

EJEKIEL 29:10

Ngi ka ümniima wesang. Kiimaq Nai rai miimin wesang. Ngi raq Ejip mung ka hiqmiq changkhü miishe mitiijabaiqha. Shekhu nü mung wa Migdol chela maq phaho lata shemai nü mung wa Aswan chela na saüli botkhulai rai mishot baiqha. Kriika Sudan mung rai hiq rai wang kiina saüli mijiipbaiqha.

EJEKIEL 29:14

Kiimaq Ngi raq tsangshiq ka Ejip mung shemai nü binjü na mitiishongha, tsangshiq hiqchü rachü kiina mitiisiha. Kiijaq tsangshiq ka ningkun ajom mung ashi ma jaraüta misi wan.

EJEKIEL 30:13

Tati Rakaü Hiqwe raq akha ngutlo, “Ngi raq Memphis chela wa sumla phra thun nai arot phra thun ka mishthenbaiqha. Ejip mung pengti jumin ahüshe miraq. Kiimaq Ngi raq mung maiqse wiita phiip ma mitiitsaiha.

EJEKIEL 30:14

Ngi raq shemai nü Ejip mung ka botkhulai rai mishotbaiqha. Kiimaq shekhu nü mung na Joan chela kriimin wa maq michaqbaiqha. Ngi raq anyungchong chela Thebes ma mo mitiihoha.

EJEKIEL 30:16

Ngi raq Ejip mung ka wa maq michaq baiqha. Kiimaq Pelusium ka alangpit wan napnap agam agu miraq. Thebes chela tro ruk ka atiibun mirbaiq. Raüta chela ka kham maq mitlümbaiq.

EJEKIEL 30:18

Ümtiikiiwa Ngi raq Ejip mungti ningkun tu nai tsang hongla shiikongtlaq kra tiibun bukbaiq tiikang, kiitiikaq Tahphanhes chela na ranyaq tangtang miraq. Phumthup raq Ejip mung thun ka mipang wan kiimaq achela nokmaiqse thun ka munglu shumwi kong ma mitsuq wan.

Hosea 9:6

Shiikeawe sintsang she saüki raüla, Israilnok ka barap niishe mitiipinbaiq. Ejip mungti raq tsangshiq ka adam na mirchom. Raüta Mephi chela na tsang maaphong milap! Tsangshiq rongwin wan chang hiqshong thun ka, hiqmiqchangkhü ma mija, shukrü tonglong lishe miraq.