DANIEL 9:12 - ASII LAKDAP Bible (BSI)

¹² Ümniiraq naishiq ma nai naimung pengti ma mo mitiihoha ngulaü kra tiiho wan laü dea. Ümniiraq Jerusalem ka mangjong tlotli na siti chela ahinti thaq na, pinthum heanghea tiichamchao wan laü.

Hawa Naga Bible 2001

¹² Nuiyshiq muex muinz nuiyshiq mungx guimz lawc jix hez muex muinz mnoz rueq ruez shuiux ngoz toq rulc rv-ngvlc mnoz rueq shuimx toq. Mnoz rueq ghaq htauk wawc vganc ghaqyungx htauk nuex muinz Yerusalem muex vjvnc murx tvgurc toq,

DANIEL 9:12 Referencias Cruzadas

1 HOKHVMX 3:9

Kra ningkhan ngi raq ümsenginok ka tingting tri maq peng wan miitu, kiimaq ajiq nai alam kra riikhaqli maq chechiip wan miitu, ngi ma anyan phaqchi kuqtlaq. Kra riimak nguraü ka ngi raq ara ümsenginok maiq mung ariim khan ajong alu phan arka jamkho mipeng wan lotha?”

2 HOKHVMX 22:16

Tatiwe tsütsa arthun ara chongwa rongkiq nguta nguto. Tatiwe raq ngutlo: “Ngi raq Jerusalem nai kiijaq siti mungmaiqse tlotli ka kra lakdap na awaiq hokhamwe raq phattaq kra phan phan imo ka mithiihoha.

YOBA 12:17

Apaiq raq mung pengtibi taksu tsii ka anyea riiho tlo raüta welabi ka angiwetiim ma tiija baiqtlo.

Tvtsvmc 148:11

Apaiq tiitsam ronglaq, hokhambi nai maiq tlotli raq, hokhamsetiim nai ahin mung pengti thun raq;

Tvtsvmc 2:10

Ümchaü min namshiq hokhambi raq ara hon chong ara tai ronglaq; ara bomchong ara sap rong laq, namshiq mangjong pengtibi raq;

TAKSU LAK 8:16

Mangjong hiq wa mungtubi raq, ngi lümaq mung rümtlo. Aki miikiimbi nai shiilangbi riimin kiikhiisii.

ISAIA 43:28

Kiimaq ümmung tuwebi riimin, isiqlaitap ka riikhiq pinthum tiishebaiqto. Atinkhan shutkha na Ngi raq Israilnok ka tiithenbaiq kang, Ngi raq isenginok ka maiq ma tiishummii kang.”

ISAIA 44:26

Shatmaq ümtiikiiwa ijaqshise raq tiithaitlaq; ümtiikiiwa Ngi raq itsa soqtiwe tiikitiikang, lata ikiimung sürii tiikang kra tiichhi kuqtiikang. Ngi raq kra kiimung thun nai riishambom tiithaitlaq thun ka tiikupi tiikang. Ngi raq Jerusalem ma maiq ka kiijaq mishong wan nong nguta chongtiikang, kiimaq Juda mung wa chela thun ka mitiihea hainong nguta. Kra chela thun ka hiqrai ashotbaiq wa midong wan nong.

JEREMIA 30:7

Phiiptsi jonghea ranaiq saü wantlo; kra chamchao ranaiq ka ranaiq ahin rai triingea chang ahü, kriika isenginok ma pit-lang pit-thea chamchao akhing, shatmaq tsangshiq ka alun mirwan.”

JEREMIA 32:23

Shatmaq tsangshiq ka ümtiikiiwa armung na saüwantaq, raüta armung ka jiiwantaq, raüta hiq ka lap wantaq, tsangshiq raq ümniiraq akuq haü aming raütu thun ka lang wan mak riito. Kiimaq ümniiraq ashrinkuq haü, tri raütu kra phanphan siwan mak riito. Ümniiraq ümchuwa aming thun tsangshiq ma kuq laü thun kra akhiismin lang mak riito. Kriikha niishe ümniiraq tsangshiq khuthaq na atin khan thenjen chamchao she tiisaü kuq laü.

JEREMIA 39:16

Sudan mungtiwe Ebedmelekh ma, Tati Ningkun Ajongwe, Israilnok Shiikeawe raq, akha ngutlo, “Ngi raq ümniima ara chela ka ashthen mirbaiqha nguta chongkang irai mren, ümchaü Ngi raq ara chela ka atiithen she mirbaiqha. Tiijong lu wan mang she. Riita arshe hongtha wan raüla, ümniiraq maiqmii mak miishe michhi haü.

JEREMIA 44:23

Ara ümchaü namshiq khuthaq na akha athen ajen wan akhing saüwataq arka namshiq raq laihin phra thun ma honglu kuq wan lanta Tatiwe makki na ngarai tang wan lanta apaiq aming thun kra tlea wan lan kriikha na then lan.”

AJONJÜ 1:12

“Ngi ara liilaq,” nguta kriinyung hoqtlo, maiq wanleati achhichhi, “Ngi ma atinkhan chamchao tiisung kuqto, Arka maiq ahinti ju miimin tiisaü mak dea, Arka Tatiwe raq ngi ma, atsankhiq tsi ma tiisaüto.

AJONJÜ 2:13

Itsan imong tsi chang Jerusalem lei, ngi raq ümniima jamlai wa michongha? Ngi raq ümniika jamkho mitiijaiq ha? Ümnaq chamchao akhiika, jumin chamchao mak dea. Ümnaq chamchao arka, sammoktra chum jong ikha jonghea, aran phan chang ahü she.

AJONJÜ 2:17

Tatiwe raq mirha nguta, angu ka kloto she. Apaiq raq man na chongtaq krai mren, ümchaü nashiq tiihang mak, tiithen baiqtoshe. Apaiq raq nashiqnok ka, najaqtinok jaqkhon mong niishe, kiinongkuq baiqto. Raüta najaqtinok tiichochito.

AJONJÜ 4:6

Shiikeawe raq iphan imaq ka, Sodom chelati tiihanghiiq maq, tiithenbaiqtaq kriithaq na, tri atsin lin maq tsasha wanto. Raüta tiichamchaoto.

EJEKIEL 13:6

Tsangshiq raq riisham makchhi bom chongtlaq thun ka arot. Kiimaq tsangshiq raq shammi bomchong tiithaitlaq kriimin arot siisaq. Tsangshiq riika itsütsa chongkuq tiikai nguta tiitsakisiqtlo. Shatmaq Ngi raq tsangshiq ka tiiki mangdea. Kra taümaq tsangshiq riisham bomchong ka miku wan nguta tiimasiqtlo!

EJEKIEL 5:9

Ngi raq jamlai phan wa abi nguta saisi tiikang thun kra, ümniiraq sham wan tlaü kra ningkhan, Ngi raq Jerusalem ka man na ümtiikiimin tiiho wan mang mo tsihea kra mitiihoha, Kiimaq kriika arjai miimin atinkhan abi pinthum mo ka tiiho wan nong mang she mirha.

DANIEL 12:1

Rase raihi-nairai khea sam raütise raq nguto, “Kra akhing na, namshiqnok kheti rase jonghea, Maikel kriishe misaüho. Kiijiishe, maiq mung thun phawantaq pat maq riita ümchaü pat na saüli, abi pinthum chamchao mungbrak henghea kriishe midong wan. Kra akhing saü wan raüla, namungti Shiikeawe lakdam na tsangshiq mang asiti thun ka mitiichhiikuq wan.

Yoel 2:2

Kra khapho akhing ranaiq ka rathup ranyaq tangtang miraq. Rathaiq ranyaq ranaiq miraq. Ramak min tiichhi mak phum raq mipang ho. Kupchi thawa hiq nyaq tlii maq mipang wan. Raüta raham hiqham miwa wan. Ku akin thaq na phumthup shenyaq raq, pang wan tlaq ikha miraq. Ara thawa akhiika mannii min ahü riito. Jainiimin akhiika chhimai miraq.

AMO LUIK DVP (AMOS) 3:2

Apaiq raq akha ngutlo: “Ara mangjong hiq raikhü na mangjong maiqse ümchuwa sitlaq krii phong wa, namshiq lamlam kli ngi raq isengi ma nguta lungwii tsantsii maq tsea wan kang. Lata tiichhanchhi wan kang. Ngi raq namshiq ka atinkhan tiichhanchhi wan phata khoti, namshiq raq ibom chong tai man maq, ngarai tang wan lan, kriikha na, ümchaü san, ngi raq namshiq kha ka phowan chang dongdii,” nguta Tatiwe raq ngutlo.

JEKERIA 1:6

Ngi raq namtitiim ma, i jaqshisetiim shammibi lümaq aming kuq kang. Kiimaq tiihaichhai lata hon atsii chongkuq wan kang. Shatmaq tsangshiq raq shipot baiqto. Kra ningkhan tsangshiq chamchao riihum raüta biiphaqto. Kra riihum raütiishetiq, tsangshiq raq maiqmii shut mra kra tiidii wanto. Raüta tsangshiq raq ngi Tati Ningkun Ajong Pinthumwe riidea, tsangshiq maiqmii ngarai khankhan, tsatson wankang ngutiishe tsangshiq raq tum wanto.”

JEKERIA 1:8

Ngi raq Tatiwe rase ashi ka kumrang ashiikaü raikhü na chaoraü chhikang. Apaiq ka kinheawea hiq tan na martel pero na chap raü chhikang. Kiimaq apaiq jai nü niika, kumrang kong ahin asi riito. Tsangshiq khum ka ashii, tsamrü tsamra waiq, kiimaq alü riito.

JEKERIA 7:12

Kiimaq tsangshiq tsantsii ka tsindangdang long kaü ikha. Jamkhano ngukla tsangshiq raq ngi raq man na rathup rapha pat na siti shammibi lümaq atlangkuqha ka taimak. Kriikha na ngi ka kai khiq wan kang.

Matthew 24:21

Kra akhing bala maiqse chamchao tlaq kra khan ka rapha hiqwa maq pha raüta ümchaü niitaq saüli akha langlang ka riingaü mak. Kiimaq ara chamchao arkhan ka jai na akhing niimin dong mak she miraq.

Matthew 5:18

Ngi raq chongtiikang arka tengteng. Ra nai hiq ara siruq wiiwii, Thungtri raütu wa ralangse bomno bomni se dongdii min poiki mak phan miraq. Tri raütu wa bomtsi awea ka wiita kunkun miku wan.

Mark 13:19

Kra chamchao akhing saü tlaq kriika, Shiikeawe raq ra nai hiq tiiq wanli maq, ümchaü niitaq ara mangjong hiq na chamchao sitlaq kiima thapthi wan chang siika riimak. Kiimaq rawiichii niimin akha redong ka ahü she miraq.

Luke 21:22

Kra matdong akhing kriika, Asii bomtsi na, ‘Atiichamchao wan Akhing,’ nguta chongtlaq kra bomtsi kra tiiku wan akhing rahiq she dea saü wanto nguta sap chang miraq.

Romans 15:8

Ara jamkhano ngutiikang ngukla, Khristo kitaq kriika, Jehudinok khrumkai nguta kito. Apaiq saükitaq arka, Shiikeawe raq Jehudinok titiim ma, kiqkham raüpot khakuq wantaq kra tiikupikai nguta kito.