DANIEL 9:11 - ASII LAKDAP Bible (BSI)

¹¹ Israilnok tlotli raq ümniiraq akuq haü aming wiita jinto. Raüta ümniiraq achong kuq haü ümbomtsi ka taimak tlea wanto. Naishiq ka ümman na shut wan kai dea. Kriikha na ümdise Mosheq lümaq akuq haü, tri raütu na waiq laü kra phan phan she dea naishiq khuthaq na ümmanson ka niwanto.

Hawa Naga Bible 2001

¹¹ Israel miqsaz lotlaz rueq mtvrac htenc kuex tvbac gay ruiux, mnoz rueq jungx toq kuex tay muq maq tvdux gay tueq. Nuiyshiq rueq mnoz muex mvrax yaq tiq ningkhvnc nuex, mnvrc waz Moshe Tvrac nuex wuiyq shec tueq mvnhttonc kvjaz htenc nuiyshiq kox nuex lvmz laq ruiux rvtueq.

DANIEL 9:11 Referencias Cruzadas

2 HOKHVMX 18:12

Samaria thentaq kriika Israilnok raq Tatiwe, tsangshiq Shiikeawe bom taimak tlea kha na thento. Kiimaq tsangshiq raq Tatiwe raq tsangshiq rai tongshong raüpot kha wantaq thun kra jin wanto. Kiimaq Tatiwe jaqshise Mosheq raq akuqthü thungtri raütu thun kra wiita tlea wan kha na thento. Tsangshiq raq tri bom chong ka taimak riito. Kiimaq tsangshiq raq aming thun ka lang mak riito.

2 HOKHVMX 22:16

Tatiwe tsütsa arthun ara chongwa rongkiq nguta nguto. Tatiwe raq ngutlo: “Ngi raq Jerusalem nai kiijaq siti mungmaiqse tlotli ka kra lakdap na awaiq hokhamwe raq phattaq kra phan phan imo ka mithiihoha.

ISAIA 1:3

Jam nyamsekong riika atati asap. Kiimaq kumtoq kong riimin atijongwe raq tsangshiq dung changba ka asap. Tsangshiq riika isenginok Israilnok raq Ngi saptlaq kriithaq na achan tsangshiq riimti ka saptlo. Shatmaq Israilnok raq Ngi ka akhiismin sapmak dongdii.”

ISAIA 43:28

Kiimaq ümmung tuwebi riimin, isiqlaitap ka riikhiq pinthum tiishebaiqto. Atinkhan shutkha na Ngi raq Israilnok ka tiithenbaiq kang, Ngi raq isenginok ka maiq ma tiishummii kang.”

JEREMIA 16:11

Raüla, tsangshiq ma Tatiwe raq jamlai wa chongtaq kra chongkuqlaq. ‘Namtitiim pat na tsangshiq ka iwokhong wa donghoto. Raüta phanhin sumla phra thun shomnoq wanto. Raüta tsangshiq raq Ngi ka miimbaiq thüto. Kiimaq tsangshiq raq ibomchong tri raütu ka langmak riito.

JEREMIA 2:29

Ümniiraq bot nyanchang lamlu asi shea? Ümniika iwokhong wa jamlai nguto juho laü?

JEREMIA 30:14

Namwesetiim raq namshiq ka miimbaiqto she; tsangshiq raq namshiq ka broriimak she. Ngi raq namshiq ka re ma jalata khat tiikang; namshiq ma mo tiihotaq kriika alaiqwiq riito. Jamkhano ngukla namshiq ngarai ka pahea, kiimaq namshiq raq abi kiimungtlan thun ka pahea.

JEREMIA 32:23

Shatmaq tsangshiq ka ümtiikiiwa armung na saüwantaq, raüta armung ka jiiwantaq, raüta hiq ka lap wantaq, tsangshiq raq ümniiraq akuq haü aming raütu thun ka lang wan mak riito. Kiimaq ümniiraq ashrinkuq haü, tri raütu kra phanphan siwan mak riito. Ümniiraq ümchuwa aming thun tsangshiq ma kuq laü thun kra akhiismin lang mak riito. Kriikha niishe ümniiraq tsangshiq khuthaq na atin khan thenjen chamchao she tiisaü kuq laü.

JEREMIA 40:3

Riita ümchaü min apaiq raq jamlai wa mirha nguta chongtaq kriishe kloto. Arthun thenjen wantaq arka nammungti raq Tatiwe man na ngarai tang kha na kiimaq apaiq kiq khii wan kha maq saü wato.

JEREMIA 44:22

Ümchaü ranaiq na saüli, nam mung ka hiqmiq changkhü miishe jakito. Maiq ka kiijaq jumin simak she. Nammung ka maiqphiip maiqjiip changli she sitlo. Nam hiqshong namrahai mang kra chong raüta maiqse raq manson shiiton ke bomtsi miili she tiijatlo. Jamkhano ngukla Tatiwe raq namshiq raq abi kiimung tlan homa thun ka ninlot mak she riito.

JEREMIA 44:23

Ara ümchaü namshiq khuthaq na akha athen ajen wan akhing saüwataq arka namshiq raq laihin phra thun ma honglu kuq wan lanta Tatiwe makki na ngarai tang wan lanta apaiq aming thun kra tlea wan lan kriikha na then lan.”

JEREMIA 6:19

Tailaq, hiq lei! Tsangshiq raq ümchuwa ajiq kiimung wantaq kriikha na, Ngi raq tsangshiq ka miqchup mitiithen baiqha. Jamkhano ngukla tsangshiq raq, Ngi raq ashrinkuqha tri ka no na tsuqbaiqto kiimaq ibomchong lang wan mak riito.

DANIEL 9:13

Mosheq raq awaiq thü Thungtri lakdap na chongtlaq kra phanphan dea, naishiq ma manson chamchao ka kuqlaü. Shatmaq ümchaü min, O, Tati naishiq Shiikeawe lei, naishiq ka naishiq ngarai lam phan wa ümwokhong na jang wan laita, ümnaq tiichochi wan ka tiima ra mai sitiikai. Kiimaq ümniiraq akuq haü tengteng bomtsi kra phan phan siwan mai riitiikai.

DANIEL 9:5

“Naishiq raq ngarai tangkai. Naishiq raq abi kiimung klowan kai. Naishiq raq ashut klowankai. Ümniiraq aming lang ronglaq nguta akuq haü thun lang mai shishe wankai. Laita ümniiraq naishiq ma riikhaqli lam atiichhikuq haü kiiwa lamjiq nü na kihokai.

JEKERIA 1:6

Ngi raq namtitiim ma, i jaqshisetiim shammibi lümaq aming kuq kang. Kiimaq tiihaichhai lata hon atsii chongkuq wan kang. Shatmaq tsangshiq raq shipot baiqto. Kra ningkhan tsangshiq chamchao riihum raüta biiphaqto. Kra riihum raütiishetiq, tsangshiq raq maiqmii shut mra kra tiidii wanto. Raüta tsangshiq raq ngi Tati Ningkun Ajong Pinthumwe riidea, tsangshiq maiqmii ngarai khankhan, tsatson wankang ngutiishe tsangshiq raq tum wanto.”

JEKERIA 7:12

Kiimaq tsangshiq tsantsii ka tsindangdang long kaü ikha. Jamkhano ngukla tsangshiq raq ngi raq man na rathup rapha pat na siti shammibi lümaq atlangkuqha ka taimak. Kriikha na ngi ka kai khiq wan kang.

JEKERIA 8:13

Juda nai Israil mungti lei! Man na richü pat na, maiq pongmungti nai pongmungti liipan na, atiitum ta raüjaq, ‘Ei, Juda nai Israil mungti ma jamkho chamchao riihumtaq, kiikhiisii ümnaq miimin misaü laq,’ nguta riisontlo. Shatmaq ngi raq namshiq kra mitiichhii kuq kang. Kiimaq kra pongmungti thun liipan na akha mirbom, ‘Ei, namshiq riimin la, ümchaü san Juda mungti nai Israil mungti raq jamkho achu shiiman lap wantlaq, kiikhiisii achu shiiman she lap wan han jaq ahea!’ nguta ramram bomtsi mirbom.”

TRI CHONGKE 8:20

Namshiq ka Tatiwe wokhong na siman riihan jiila, ümchaü namshiq raq maiq mung thun jiiwan tlan krai mren, apaiq raq miqchup tiithenbaiq wantlo, kiikhiisii hali namshiq kiimin miqchup mitiithen baiq.