DANIEL 9:13 - ASII LAKDAP Bible (BSI)

¹³ Mosheq raq awaiq thü Thungtri lakdap na chongtlaq kra phanphan dea, naishiq ma manson chamchao ka kuqlaü. Shatmaq ümchaü min, O, Tati naishiq Shiikeawe lei, naishiq ka naishiq ngarai lam phan wa ümwokhong na jang wan laita, ümnaq tiichochi wan ka tiima ra mai sitiikai. Kiimaq ümniiraq akuq haü tengteng bomtsi kra phan phan siwan mai riitiikai.

Hawa Naga Bible 2001

¹³ Moshe Tvrac nuex httax yaq murx lotlaz kuex nuiyshiq muex kuq phux. Yuq muinz majuiuc kuex, O Yehowa nuiyshiq Tishox lex, nuiyshiq mvrax htenc wawc kvroz wvnc vtueq mnoz tsuingrux lvmx kuex phvnx vshix ikhoc mnoz muex tvraungc raq vphix rvmuq.

DANIEL 9:13 Referencias Cruzadas

2 HOKHVMX 22:16

Tatiwe tsütsa arthun ara chongwa rongkiq nguta nguto. Tatiwe raq ngutlo: “Ngi raq Jerusalem nai kiijaq siti mungmaiqse tlotli ka kra lakdap na awaiq hokhamwe raq phattaq kra phan phan imo ka mithiihoha.

YOBA 36:13

Juwa ra weahüti ka akhiq ariq li sitlo, tsangshiq ma mo tiiho raü min khrum laq nguta achu jaü mak.

Tvtsvmc 119:18

Imak ara tiipiiq kuqlaq, üm tri raütu mong na, amao chang tengteng bomtsi sitlaq kra chhiwan miitu.

Tvtsvmc 119:27

Ngi raq ümtri raütu sap wan miitu khrumlaq, haüla ümniiraq amao chang shrinkuqtlaü kra ngi raq atsaü maq mishi weaha.

Tvtsvmc 119:73

Ümniiraq ngi phansanglaü, kiimaq hansang maq rümkomtlaü; ngi ma taksu tsii kuqlaq, ümtri raütu kra saptsin wan miitu.

Tvtsvmc 85:4

Manna jamkho arong awin sikai kiikha tiisi wan nonglaq, O Shiikeawe naishiq chhiitiwe lei, laüta naishiq ma ümtsan ka naq tiibikiq she!

ISAIA 31:1

Ejip mung tijong horaüta ümchuwa Ejip mung na laühotiiti thun ka wiita miqto she! Tsangshiq ka Ejip mung phenlabi ningkun ma kam raüta kihoto. Kumrang kong, kumrang leng phong, kiimaq phenlabi riiphongtlaq kiima kamtlo. Shatmaq tsangshiq ka Tatiwe, asii Israilnok Shiikeawe dü na tiinin mak. Kiimaq apaiq jaq wa khrum min jaü mak.

ISAIA 42:9

Ngi raq tiithai wan kang thun ka ümchaü kuwanto she. Ümchaü Ngi raq ümniima phanrap anye thun kra chongpha, kriithun ka mihongtha wan shaq niili chong kuqpha.”

ISAIA 43:22

Tatiwe raq ngutlo, “Shatmaq ümniika iwokhong na si angiishe, Israil lei; ümniiraq Ngi ka shomnoq maü she riilaü.

ISAIA 64:6

Naishiq tarü kunli ka ngarai maiqse siisaq. Naishiq raq athuk atsom pinthum jaqsham wan tiikai nguta tiima wan tiikai kriimin namtoktok ngarai namtsamli. Naishiq ngarai ka atinkhan arkha maq naishiq rilung ka pejaq jung wantlaq ikhli jungkitlo. Raüta rahai raq pan wan saqli she pan wantlo.

ISAIA 64:7

Ümwokhong na nyap wan raüta achu jaü wanti maiqse ka jumin ahü. Ümwokhong na nyap wan raüta ümjaq wa khrum jaüwanti ka jumin ahü. Naishiq makki wa ümniika atiipaü she riiki laü. Laüta naishiq ka no niishe tiishaübaiq laü. Jamkhano ngukla naishiq ka ngarai bukaüli sitiikai.

ISAIA 9:13

Ajong Pinthum Tati raq Israilnok ka tsatto. Shatmaq tsangshiq mra ka tiidiimak dea. Tsangshiq ka apaiq wokhong na jang wan mak dea.

JEREMIA 2:30

Ngi raq ümniima mo tiihokang. Shatmaq kriika ümniima jam achu min ahüli jatlo. Ngi raq ümniika trantsii la nguta tiima phala, ümniiraq ibom tai maü. Hangsi kaü ahok aho giwan tlaq ikha, ümniiraq üm shammibi tsatbaiq laü.

JEREMIA 30:14

Namwesetiim raq namshiq ka miimbaiqto she; tsangshiq raq namshiq ka broriimak she. Ngi raq namshiq ka re ma jalata khat tiikang; namshiq ma mo tiihotaq kriika alaiqwiq riito. Jamkhano ngukla namshiq ngarai ka pahea, kiimaq namshiq raq abi kiimungtlan thun ka pahea.

JEREMIA 31:18

“Ngi raq Israilnok ka tsanbitsi ma akha bomtlo tai tiikang, ‘Tatiwe naishiq ka rum ngamse tiipok hü ikha sitiikai, shatmaq ümniiraq naishiq ma ümnaq aming lang miitu shrinkuq laü. Naishiq ka sheawan nonglaq; naishiq ka ümwokhong na nyap wan miitu khekham sitiikai, Tatiwe, naishiq Shiikeawe.

JEREMIA 44:23

Ara ümchaü namshiq khuthaq na akha athen ajen wan akhing saüwataq arka namshiq raq laihin phra thun ma honglu kuq wan lanta Tatiwe makki na ngarai tang wan lanta apaiq aming thun kra tlea wan lan kriikha na then lan.”

JEREMIA 44:27

Ngi raq namshiq ka shiiman kuq mang she. Namshiq ka rongboq ma tiija mang she. Shatmaq namshiq ka athen she mir wan han. Namshiq tarü kunli mijiim han. Redong na mijiim han. Riimakla thadong na mijiim han. Namshiq ka thumpak mijiim han shaq wiiwii, jiim wan ruq mirhan. Weshi min tiichong man maq mijiim han.

JEREMIA 5:3

Tengteng, Tatiwe riika tsapkapkap maq noqti rittlo. Apaiq raq namshiq ka sintsang maq bukto, shatmaq namshiq raq tsantsii kuq man dea. Apaiq raq namshiq tiibunlak bukto, shatmaq namshiq raq shrin mandea. Namshiq ka wanshakshak nilannok; kiimaq nam ngarai lam phan ka thaqbaiq man dea.

AJONJÜ 5:21

O, Tatiwe lei, naishiq ümwokhong na, jangshi ri shea wan nong laq! Richüpat wa lüwa khushü ka, naishiq ma jangkuq nong laq.

EJEKIEL 16:43

Man na ümniika jetu ji na Ngi raq ümniika jamkho shiikum pan wan kang kriika ümniiraq alaq she riibaiqlaü. Kiimaq ümniiraq abi ati ümchuwa sham wan laü kriimaq itsan ka tiikhiq laü. Kra ningkhan tiina, Ngi raq ümshut ümphit kha ma thun kra thamsong wan miitu thiitham kra kuq wan kang. Ümniiraq maiqphai asi ashut ümchuwa klo wan laü kriithaq na sethoq jaqsham maq jam nguto tiitsuq wan laü?” Arka Tati Rakaü Hiqwe raq toqtantlo.

DANIEL 9:11

Israilnok tlotli raq ümniiraq akuq haü aming wiita jinto. Raüta ümniiraq achong kuq haü ümbomtsi ka taimak tlea wanto. Naishiq ka ümman na shut wan kai dea. Kriikha na ümdise Mosheq lümaq akuq haü, tri raütu na waiq laü kra phan phan she dea naishiq khuthaq na ümmanson ka niwanto.

Hosea 7:10

Israilnok maiqmii shiikong ka tsangshiq tiideabaiqti, ümtinkhan wa sintsang tiisaüto, shatmaq tsangshiq ka, Tatiwe jaqkhong na jang wan mak sitlo.

Hosea 7:14

Tsangshiq achu jaü ka tsan mong maq riimak, thatsang maiqse achu jaü ikha jaütlo. Akap atsea hiq na bumraüta hoqsiitlo. Tü nai tsam kiimaq spiqtai miitu achu jaü raüla, Thatsang maiqse raq jaütlaq ikha, jasai maq tsangdü na tiihan raüta, ami atsi tamli phetrang tlo. Tsangshiq ka ngi ma wesang kong!

Hosea 7:7

Raüta tsanghokham ka tsatbaiqtlo. Tsang hokham thun weshi shi maq tsatbaiq wanto. Shatmaq jurmin ijaq wa achu wan mak riitlo,” nguta Tatiwe raq ngutlo.

Luke 24:45

Kra tru chongkuq raütiishe, Asii Bomtsi kra takwan miitu, apaiq raq tsangshiq khutsai kra tiikhang kuqto.

John 10:35

Nashiq raq asap i, Asii bomtsi na jamlai wa chong tlaq kriika, tengteng. Kra bomtsi ka ümtiikiimin klaiki mak phan. Kiimaq Shiikeawe raq apaiq asii bomtsi ka ümriiti mo chongkuqtaq, kriiti thun ka Shiikeawe shamsham ikha miraq nguta chong tlo.

John 6:45

Shammibi phong wa weshi raq, ‘Kiimaq tsangshiq tarü ma Shiikeawe riishe mishrin kuq wan’ nguta waiqthüto. Krai mren, jurwa Awe bom ka ni tiitsii raüta tai tlaq, kriiti kli i puk na minyap.

John 8:32

Krai mren, namshiq raq Shiikeawe ka juwa kra riikhaqli misap han. Kiimaq kra tengteng bomtsi sap tlan kriiraq, namshiq ka wasetiim miishe mitiija wan.”

Ephesians 4:21

Namshiq raq apaiq rilung ka jamkhiiwa, kriika achhi tai wishe. Namshiq ka apaiq sengi ningkhan, apaiq raq tiichhikuq tlaq, apaiq rilung na tengteng rilung rüm tlaq kra shrinkuq tlo.

TRI CHONGKE 29:4

Shatmaq ümchaü ranaiq na saüli, namshiq raq jamlai wa lea wan lan thun kra apaiq raq namshiq ma tiitak kuq wan mak dea.

James 1:5

Shatmiitiina, namshiq liipan na, ara chongtiikai minhap maiqse rilung ara siwan miitu, taksu tsii ka lap mak shaqli, weshi ra asi jiila, apaiq raq Shiikeawe ma achu mijaü laq. Raüla, Shiikeawe raq apaiq ma mikuq. Jamkhano ngukla, taksu tsii jaüti, wiita ma, Shiikeawe raq jaq tiichhii raüta, khoqriiq shishiiq maq, raükhokkhok kuq tlo.