DANIEL 9:13 - Hawa Naga Bible 2001

¹³ Moshe Tvrac nuex httax yaq murx lotlaz kuex nuiyshiq muex kuq phux. Yuq muinz majuiuc kuex, O Yehowa nuiyshiq Tishox lex, nuiyshiq mvrax htenc wawc kvroz wvnc vtueq mnoz tsuingrux lvmx kuex phvnx vshix ikhoc mnoz muex tvraungc raq vphix rvmuq.

ASII LAKDAP Bible (BSI)

¹³ Mosheq raq awaiq thü Thungtri lakdap na chongtlaq kra phanphan dea, naishiq ma manson chamchao ka kuqlaü. Shatmaq ümchaü min, O, Tati naishiq Shiikeawe lei, naishiq ka naishiq ngarai lam phan wa ümwokhong na jang wan laita, ümnaq tiichochi wan ka tiima ra mai sitiikai. Kiimaq ümniiraq akuq haü tengteng bomtsi kra phan phan siwan mai riitiikai.

DANIEL 9:13 Referencias Cruzadas

2 HOKHVMX 22:16

Yehowa bomjungc kuex vkhoc jungx tueq lvmz jungc kay tvkoc tsuinghez muex jungx tueq: “Luik nuex wuiyq shec tueq kuex Hokhvmx waz rueq wvllawc tueq rulc rv-ngvlc Yerusalem ghaq nuiyc kvyuq httax yaq miq lotlaz muex ngaz rueq murx tvgurc shaungx.

YOBA 36:13

Tishox vguez miq kuex vkhaq vraq dvyx raz tueq, tsuingshiq muex murx tvgurc tvhumc ruiux doc muinz, romc kuy tvkoc vjux thoz wuez muq.

Tvtsvmc 119:18

Ngvy muik htenc kuex tvkalc koq, ngoz ruiux mtvrac wawc vwangc juing tsuingrux lvmx htenc kuex ngaz rueq khiz lvp shaungx.

Tvtsvmc 119:27

Mtvrac htenc kuex tuiuz tvkoc ngaz muex romc kuq koq, mnoz rueq vwangc juing tvluing vshuiux htenc kuex tvmaung vshaungx.

Tvtsvmc 119:73

Mnoz rueq ngaz kuex tvdung sung vtueq kvwungx juing nuex tvhttax phux; mtvrac htenc kuex tvluingc lvp muex vtuiuz vtay tharc ngaz muex kuq koq.

Tvtsvmc 85:4

Nuiyshiq palc wvnc jix O Tishox lex, nuiyshiq kuex kungkhux wawc ikhoc tvyez shvlx wvnc koq, nuiyshiq lawc roc muq muex nauk yaungx kaz!

ISAIA 31:1

Ejip mungx nuex romc kuy tvkoc thoz kay jix kuex vphoc rvhumc yaq! Tsuingshiq kuex Ejip mungx nuex paung yaung yaq nolaungx hungc, mvre htenc, nolaungx renc htenc nuiyc nolaungx bix htenc muex tvluimc wuez yaq. Yuq muinz tsuingshiq kuex Yehowa Israel muex vsawc Tishox muex kvmx muq, romc kuy tvkoc muinz vpiq kox wawc thoz muq.

ISAIA 42:9

Ngaz rueq tvluz nuex jungphvnx wvnc tauk htenc kuex majuiuc hungx wvnc yaq shex. Ngaz rueq mnoz muex vkhuec vlvmz vnyalx kuex majuiuc kuq ix, kvruex lvmz htenc max yaungx wvnc nuex nuimshiq muex ngaz rueq tvkhic phaungx.”

ISAIA 43:22

Yehowa rueq, “Yuq muinz Israel lex, mnoz rueq ngaz muex tselc ngalc vphux; mnoz rueq ngaz muex nawk palx vphux rvmuq.

ISAIA 64:6

Nuiyshiq lotlaz mvrax vhttax jvnc rvtiq; nuiyshiq honc vyaungc vhvlx pinhtumc doc muinz miqsuirc vsac dvyx rvtueq. Nuiyshiq kuex miqmac mvrax ningkhvnc nuex raungguil rueq pvnc wvnc yaq namx yauk shanx ikhoc dvyx rvtiq.

ISAIA 64:7

Mnoz kox nuex kvroz yek tvkoc vjux thoz jix vshiz muinz vguez; mnoz rueq romc kuy tvkoc kay jix vshiz muinz vguez. Nuiyshiq mvrax ningkhvnc nuex mnoz rueq htvlx phel wvnc vtueq nuiyshiq kuex tuip gay phux.

ISAIA 9:13

Israel miqsaz rueq tharc humc muq shauk doc; Tvphaungc Tvsuip Yehowa rueq tsuingshiq muex murx tvgurc koq muinz, tsuingshiq kuex vpiq kox nuex yek muq.

JEREMIA 2:30

Ngaz rueq nuimshiq muex murx tvgurc ruiux muinz vbac; nuimshiq muex tvhonc tvtharc kuex nuimshiq rueq roc muit. Pinhtumc khaq yaq hangsic ikhoc nuimshiq rueq nuimshiq shvmmax bix kuex thvt gay wuez tuit.

JEREMIA 30:14

Nuimshiq lungwawc jix lotlaz rueq nuimshiq kuex lauk gay tueq; tsuingshiq rueq nuimshiq kuex mkaq muinz lawc mawc kv-phuinx rvmuq. Nuimshiq mvrax htenc paunghvlc nuiyc nuimshiq honc vbac kuex yunghvlc ningkhvnc nuex ngaz rueq nuimshiq kuex ralx ikhoc khvt gay phaungx; nuimshiq rvhumc vtuinx murx kuex thuiuz hvlc.

JEREMIA 31:18

“Ngaz rueq Israel miqsaz rvjungc yaq yonzyex tvruingc kuex tay tauk, ‘Yehowa lex, nuiyshiq kuex tsvy hvlc ngvmx saz ikhoc yaungx kaz vtix, yuq muinz nuiyshiq rueq phvnc tvkoc mnoz rueq tvluing kuq phux. Nuiyshiq kuex shvlx wvnc yek koq; nuiyshiq kuex Yehowa nuiyshiq Tishox kox nuex yek tvkoc tvyoalc yoalx rvtiq.

JEREMIA 44:23

Nuimshiq kuex vpiq rueq nvr yaq kvjaz kuex phvnx muit maq vganc tishox htenc muex shomc nawk kuy shomc kuq vtueq Yehowa muex khawx lvlx yaq ningkhvnc nuex, vruex hiyaz vshuinx kuilc daz jamjaux kuex nuimshiq htauk nuex httuiuc wvnc tueq,” ngoz tueq jungx tueq.

JEREMIA 44:27

Nuimshiq kuex vrungx vwanx muex rvwvl tuit, yuq muinz tvbac gay rvhumc tuinx. Nuimshiq wawc vshiz muinz kvjungx muq nuex httuiuc laz nuimshiq lotlaz kuex ralx nuex nuiyc vmac vtsac nuex thueyc maq wvnc tuinx.

JEREMIA 5:3

Yehowa rueq vsuing tvmtuing httaz tvkoc lawc yaq. Vpiq rueq nuimshiq muex murx tvgurc tueq, yuq muinz nuimshiq rueq bvlvmx lawx muit; vpiq rueq nuimshiq kuex tvbunx gay tueq, yuq muinz tvhonc tvtharc kuex nuimshiq rueq lvlc gay tuit. Nuimshiq kuex lung htauk nuex muinz khux vtsanz ningkhvnc nuex tharc humc wuez muit.

AJONJÜ 5:21

Yehowa lex, nuiyshiq kuex mnoz kox nuex tvyez shvlx wvnc yek koq! Nuiyshiq kuex tvyez shvlx wvnc yek koq! Mvnnuex wawc nuiyshiq ngauz vngax kuex yez kuq koq.

EJEKIEL 16:43

Mnoz nosaz nuex ngaz rueq mtanc khvnc lac tsvp kvp wvnc phaungx kuex mnoz rueq lauk gay ruiux, mnoz rueq shuimx wvnc toq phvnx ruip saz maq ngvy thuinz tvkhaq phux. Kvruex ningkhvnc nuex ngaz rueq kvruex lotlaz laung mnoz muex tvyez kuq phaungx. Mnoz rueq shuimx wvnc toq vganc miqsuirc vsac lotlaz nuex honc vbac vshuy vshac kuex yvmx ngoz tueq lac yaq wvnc tonx?” Johvlc Yehowa rueq jungx tueq.

DANIEL 9:11

Israel miqsaz lotlaz rueq mtvrac htenc kuex tvbac gay ruiux, mnoz rueq jungx toq kuex tay muq maq tvdux gay tueq. Nuiyshiq rueq mnoz muex mvrax yaq tiq ningkhvnc nuex, mnvrc waz Moshe Tvrac nuex wuiyq shec tueq mvnhttonc kvjaz htenc nuiyshiq kox nuex lvmz laq ruiux rvtueq.

Hosea 7:10

Israel miqsaz ngamc vngax kuex tsuingshiq tvkoc muingc bac rvhumc juing dvyx rvtueq. Phvnx ruip saz yaungx wvnc koq muinz tsuingshiq kuex ngaz, Yehowa tsuingshiq Tishox kox nuex yek wuez muq.

Hosea 7:14

Tsuingshiq rueq ngvy kox wawc thuinz vrux maq vjux thoz muq, yuq muinz kvkhoc ruec tvraung, tsuingshiq pumz kuex ghaq nuex bumx vtueq kvmluimx muq jix rueq ikhoc khoarsez yaq. Tsuingshiq rueq tuiz vtsvmz nuiyc svpiq tix thoz shuex nuex, tsuingshiq pumz kuex kvmluimx muq miqsaz ikhoc tvmac gvnz yaq. Tsuingshiq rueq yvmx lac khawx lvlx yaq nguinx!

Hosea 7:7

“Tsuingshiq thuinkhvy kuex kalc hvlc raz tueq tsuingshiq guimz lawc jix htenc kuex thvt gay tueq. Tsuingshiq hokhvmx bix vshiz maq vshiz kuex khuyx vtueq thvt gay tueq, yuq muinz romc kuy tvkoc vshiz raung rueq muinz ngaz kox wawc vjux thoz wuez muq.”

Luke 24:45

Kvruex yimaq Rumvrc luik htenc tuiuz wvnc tvkoc vpiq rueq tsuingshiq thuinz kuex tvsvmz kuq tueq.

John 10:35

Tishox rueq vpiq bomjungc kuq shec tueq miqsaz htenc ngoc tishox htenc ngoz tueq muingc tueq ningkhvnc nuex, Rumvrc luik nuex jungx shec tueq kvjaz htenc kuex mkaq muinz rvkhauk laz rvtueq naungshiq rueq tuiuz wuez vshix.

John 6:45

Shvmmax bix luik htenc nuex, ‘Miq ruip rawx kuex Tishox rueq tvluingc kuy lvp wvnc wuez shuex,’ ngoz tueq wuiyq shec tueq. Kvkhoc rvtueq Iwaz rueq vjungx kvjaz kuex tay vtueq, vpiq kox wawc tvluingc lvy rvhumc jix htenc kuex ngvy kox nuex kaz wuez yaq.

John 8:32

nuimshiq rueq tsuingrux lvmx kuex tuiuz vshuinx, tsuingrux lvmx kvraq nuimshiq kuex palc tvdung wvnc kv-phuinx,” ngoz tueq.

Ephesians 4:21

Vpiq lvmz kuex nuimshiq rueq vsuing tay wvnc tuit shex, vpiq yix phvnc jix hez rvtuit ningkhvnc nuex Yesu nuex httax yaq tsuingrux lvmx kuex nuimshiq rueq tvluing wvnc tuit.

TRI CHONGKE 29:4

Yuq muinz majuiuc raungnuiyq nuex httuiuc laz nuimshiq rueq khiz wvnc tuit htenc kuex tuiuz lot juing tharc nuimshiq muex kuq muq doc.

James 1:5

Yuq muinz nuimshiq wawc washiz shiz taksux tharc rax kaz ruiux yuq piq rueq Tishox kox wawc mthoz shueq, Tishox rueq piq muex kuq shuex; yvmx khoc lac ngoz ruiux lec vpiq rueq lotlaz laz muex vphungc vphawx kejux maq kuy jix waz rvtueq.