JEREMIA 44:3 - ASII LAKDAP Bible (BSI)

³ Jamkhano ngukla kiijaq siti mungmaiqse raq abi kloto. Raüta itsan tiikhiqto. Tsangshiq raq phanhin sumla phrakaü thun ma honglu thun takuqto. Kiimaq phra kaü thun tsangshiq riimin sapmak, namshiq riimin sapman, namtitiim riimin sapmak phra thun ka shomnoq wanto.

Hawa Naga Bible 2001

³ yvmx khoc lac ngoz ruiux lec tsuingshiq miq htenc rueq vbac yauk shuimc shuimx vtueq ngvy thuinz tvkhaq yaq. Tsuingshiq miqmac rueq muinz nuimshiq muex muinz, nuimshiq jix vwaz tamx rueq mkaq muinz nawk palx muq vganc tishox htenc muex shomc nawk juing maq shomc kuq wuez yaq.

JEREMIA 44:3 Referencias Cruzadas

NEHEMIA 9:33

Riita ümniiraq naishiq, tiichamchao tlaü arka riikhaq li dea. Naishiq raq ümtinkhan wa, ngarai klo wan kai li jiimin, ümniiraq naishiq ka tsapkapkap maq, rümkom tlaü.

ISAIA 3:8

Tengto. Jerusalem ka miqto she! Juda mung ka alang pit wan miiqmiiq she! Tsangshiq nübok maq bomtlaq kra nai tsangshiq jaq maq jamlai wa klotlaq kra wiita Tati makki na abi siisaq klotlo. Tsangshiq raq linham linhok raüta Shiikeawe apaiq ka shummiitlo.

JEREMIA 11:17

“Ngi Ajong Pinthum Tatiwe raq, Israilnok nai Juda mungti ka pecham ikha chhijang wan kang. Shatmaq ümchaü sanha Ngi raq tsangshiq ka miqchup mishthen baiqha nguta tiiphiip tiikang. Arka tsangshiq maiqmii riili maiqmii thumphaq chang thiikho thütiije wanto. Jamkhano ngukla tsangshiq raq ashut klo wanto. Tsangshiq raq Baal phra ma honglu take wan kha na itsan tiikhiq wanto.”

JEREMIA 16:10

“Riita ümtiikiiwa ümniiraq tsangshiq ma arthun bomtsi ara michong kuqhaü, tsangshiq raq ümniima riita akha wiqwiq ka Ngi raq tsangshiq ka jam nguta tsat son rea wa nguta bom miwai. Tsangshiq raq tsangshiq Tatiwe Shiikeawe man na jamlai phan no shuttkai kiimaq jamlai ngarai wa tangkai nguta bom miwai.

JEREMIA 22:9

Kiijiishetiq tsangshiq raq arka namshiq raq ngi namshiq Shiikeawe tongshong wokhong mong na siman, juho lanta, laihin phra thun shomnoq wanlan kha na tiithen baiqto nguta mitre.”

JEREMIA 29:19

Tsangshiq ma akha chamchao sangrai ka misaüwan, jamkhano ngukla, tsangshiq raq, Ngi raq ishammibi thun tiikilata i tsütsa tiichongki kang thun kra taimak wiita tlea wanto. Tsangshiq raq taimak shipoq wanto.

JEREMIA 32:30

Man na tsang mung ka dongpha wanji niiphü, Israilnok mungti nai Juda mungtinok raq itsan ka tiibi wanto. Raüta tsangshiq jaqsham ashut aphit klo wantaq kra lümaq itsan ka tiikhiq wanto.

JEREMIA 44:23

Ara ümchaü namshiq khuthaq na akha athen ajen wan akhing saüwataq arka namshiq raq laihin phra thun ma honglu kuq wan lanta Tatiwe makki na ngarai tang wan lanta apaiq aming thun kra tlea wan lan kriikha na then lan.”

JEREMIA 44:8

Namshiq raq ara Ejip mung na silanta sumla phra thun kra shomnoq wan lanta kiimaq laihin phra kong ma honglu takuq wan lanta, itsankhiq ka jamlai nguto shaütlan? Namshiq raq arthun ashut klo wan tlan ara, namshiq maiqmii rilung kra tiithenbaiq wan miitu klo tlan riimak sha? Krai mren mangjong hiq na maiq mung ümchuwa sitlaq kriiraq namshiq ka thophi riiqphi raüta mishummii wan, kiimaq namshiq mang ka chong raüta maiq ma mansonke bomtsi ma mitiija wan riimak sha?

JEREMIA 5:19

Ümtiikiiwa tsangshiq raq miwai riita Ngi raq tsangshiq ka akha jam khano tiithenbaiqkang nguta ümniima bom wai raüla, Jeremia lei tsangshiq ma chonglaq, tsangshiq raq ngi miimthü raüta, tsang mung maq pongmungti phra sumla thun shomnoq wantaq kiikha, ümchaü ka tsangshiq raq wanwe wokhong na siraüta tsangshiq jaqshi ma mija wan.”

JEREMIA 5:29

“Shatmaq, Ngi Tatiwe raq, tsangshiq ka arthun ashut klo wan kha na mo mitiihoha. Ngi raq armungti khuthaq na phuk milamha.

JEREMIA 7:19

Shatmaq riikhaqli maq liiwan raüka, tsangshiq raq ngi dea shea tiichamchaotla? Riimak. Tsangshiq raq maiqmii raq khoti mo hotlo. Raüta tsangshiq khuthaq na jeasi ngaü chang lamlu kli tanwantlo.

AJONJÜ 1:8

Apaiq shreng manto thumto she, Apaiq ümchaü naiqhü ma she. Maiq thoda na chetlo. Angam agu amitsi ma hanynyi tlo, Jeasitsi ma atok hiq na kushat. Jerusalem raq akhum ka achong lot mai, ashut ashai ngarai klo raüta sheshi wanto.

AJONJÜ 4:13

Kriika shammibi ngarai nai ramwebi shut kha maq thento. Tsangshiq raq sephii nojii maiqheati, tiijai raübaiqto. Kriikha na thento.

EJEKIEL 9:9

Kiijiishe Shiikeawe raq treto, “Israil mungti nai Juda mungti raq achonglot mai abi pinthum ngarai thun tang raüta shutto. Tsangshiq raq mung hamli na maiq tsatbaiq wanto. Kiimaq Jerusalem ka ajiq ashut kha phong maq tiima wanto. Tsangshiq nga, Ngi, Tatiwe raq, tsang mung ka miimbaiq kang she nguta ngutlo. Kiimaq Ngi raq tsangshiq kiimin chhimang she nguta ngutlo.

DANIEL 9:5

“Naishiq raq ngarai tangkai. Naishiq raq abi kiimung klowan kai. Naishiq raq ashut klowankai. Ümniiraq aming lang ronglaq nguta akuq haü thun lang mai shishe wankai. Laita ümniiraq naishiq ma riikhaqli lam atiichhikuq haü kiiwa lamjiq nü na kihokai.

TRI CHONGKE 13:6

“Ümphu ümno shaq riilo, ümse maiqwe se riilo, riimak la ümse jechak se riilo, riimakla, ümchak ümtsan ümmong po paqchang riilo, riimakla, ümtsanwa we ümluwe shaq riilo, raq ahukse maq ümniima laihin sumla phra thun kra shomnoq i nguta, phra thun ümniiraq kiimaq namtitiim raq ümtiikiimin shomnoq mak thun kra shomnoq i nguta molao moraq miraq.

TRI CHONGKE 29:25

Kiimaq kra bomtre ka akha miraq, ‘Arka Tatiwe senginok raq, tsangtitiim Shiikeawe raq, tsangshiq ka Ejip mung wa shea wantaq akhing na, tsangshiq rai tongshong raüta tri thü wantaq kra jinbaiq wan kha na tiithen baiqto.

TRI CHONGKE 29:26

Tsangshiq raq laihin phra kong man niimin shomnoq mak dongdii thun kra, Tatiwe raq tsangshiq ma naq noq rongkiq nguta atiiwin araq sumla phra thun kra shomnoq wanto.

TRI CHONGKE 32:17

Tsangshiq arot phrakong ma honglu takuqto, tsangtitiim raq sap mak dongdii anye phra kong, Israil raq noq wan mak phra kong noqto.

Hebrews 3:16

Riita ara chongtiikai, Shiikeawe bomchong kra taishatshat taü maq, taimak dea ikha, alam alat ngiim wanti thun ka juwiita? Tsangshiq ka Ejip mung wa Mosheq raq shea wan raüta adam na alaü wan damti siisaq kli ngok ngi raiwito.