JEREMIA 44:4 - ASII LAKDAP Bible (BSI)

⁴ Ngi raq namshiq phana ijaqshisetiim shammibi riilü wantlii ibom tiichongkai tiikikang. Tsangshiq raq namshiq ma ara riiqkhiq ngi raq pinthum saisitiikang kra naq klo rongkiq nguta ümtinkhan wa chongkuqto.

Hawa Naga Bible 2001

⁴ Ngaz rueq shuiuc vshaungx vruex kvhiz juing yauk shuimc htenc kuex shuimx muq tvkoc nuimshiq muex jungphvnc kuy tvkoc ngvy nvrc waz hez shvmmax bix kuex nuimshiq kox nuex ngaz rueq yauk lox yauk lox tvkaz vshaungx.

JEREMIA 44:4 Referencias Cruzadas

2 KAÜWA WERAÜ 36:15

Tatiwe, tsangtitiim Shiikeawe raq shammibi thun tiiki raüta mungmaiqse ma hon atsii ka tiichong kuq ruq chongkuq wanto. Jamkhano ngukla apaiq raq tsangshiq nai Shomjam kra tiiwongke wanro riito.

NEHEMIA 9:30

Li jiimin, ümniiraq tsangshiq ma, rawiitek tsan tiibum laüta, hon kam wan tsii chongkuq laü. Ümniiraq ümshammibi tiiki laüta, tsan achhü maq ümbomtsi, tiichong kuq laü. Shatmaq ümsenginok ka nitangnok. Kriikha niishe ümniiraq tsangshiq ka, maiq mung ahinti ma, tiikhat laüta rewe jaqkhon mong na, kiinong kuq wan laü.

NEHEMIA 9:34

Naititiim nai naihokhambi raq, naimung welabi raq kiimaq ramwebi raq, ümniiraq akuq haü Thungtri, lang mak dea riito. Tsangshiq raq ümnaq aming ka, tai wan mak dea riito, kiimaq ümniiraq honlam tsii, achongkuq haü, lang wan mak riito.

JEREMIA 16:18

Ngi raq tsangshiq ka tsangshiq ngarai ümchuwa klo wantaq kra thaq na thep tliip lata tsangshiq ma mithamkuqha. Tsangshiq raq thep liip raüta imo ka miho. Jamkhano ngukla tsangshiq raq ngi raq akuqha mungtan ka tsitsü ahü sumla phra phong kra noq wan raüta wiita tiisheshi baiq wanto. Kiimaq tsangshiq raq arot akiq phra phong kra hiqma rama phong wan raüta ihiq shong ka tiisheshi wanto.”

JEREMIA 26:5

Kiimaq ijaqshisetiim shammibi raq namshiq ma jamlai bomtsi wa chongkuqtlaq kra tsan na atsidada maq tiitsang tai ronglaq nguta aming kuq kang. Ngi raq i shammibi ka namshiq phana ibom tiichongkai miitut wantlii tiiki kang. Tsangshiq raq jamlai bomtsi wa chongkuqtaq kra namshiq raq lang man riilan.

JEREMIA 29:19

Tsangshiq ma akha chamchao sangrai ka misaüwan, jamkhano ngukla, tsangshiq raq, Ngi raq ishammibi thun tiikilata i tsütsa tiichongki kang thun kra taimak wiita tlea wanto. Tsangshiq raq taimak shipoq wanto.

JEREMIA 32:33

Tsangshiq raq Ngi ma jainong shungkuq wanto. Ngi raq tsangshiq ma ümtinkhan wa shrinkuq wan kang. Shatmaq tsangshiq raq ibom chong ka taimak dongdii tlea wanto. Kiimaq saptsin wan hai jaq ngutiika manhii mak dongdii.

JEREMIA 32:34

Tsangshiq riika Maiqphai asi sumla phra kaü thun ka imang na ahai wan Ngi shomnoq chang Shomjam mong na thü wanto. Raüta tsangshiq raq Shomjam ka tiisheshi baiqto.

JEREMIA 32:35

Tsangshiq raq Hinnom Thung Tan na Baal phra shomnoq chang honglu wacha thun haito. Kriika tsangsetiim maiqwe sere nai jechak sere ka honglu na Molekh phra kaü ma take wan ma haito. Ngi raq tsangshiq ma arthun ara klo wan miitu aming ka kuq mang dea. Tsangshiq raq arthun ara miklo wan raüta, Juda mungti ka ngarai na mitiidea wan ngutiika ikhutsai na akhiismin ahü dongdii riito.”

JEREMIA 35:15

Ngi raq namshiq phana ijaqshisetiim shammibi thun ka tiiki ruqruq tiikikang. Kiimaq tsangshiq raq namshiq ma, namshiq raq abi lam phan thun ka thaq baiqtlo ronglaq, lanta jaqsham ahea awa phan kra sham ronglaq nguta chongkuqto. Tsangshiq raq namshiq ma ahin phra thun ka naq shomnoq rongkiq kiimaq naq shiililii rongkiq nguta hon lam bom chongkuqto. Kriika Ngi raq namshiq ma nai namtitiim akuqha hiqshong rahai thun kiijaq hansang maq shongnga wan miitu honlam tsii chongkuqto. Shatmaq namshiq raq ibom chong ka taiman tlea wan lan. Kiimaq ibomtsi ka namtsan mong na akhiismin rüm wan man riilan.

JEREMIA 35:17

Riita arningkhan, ümchaü min, Ngi, Tati Ningkun Ajongwe raq, Israilnok Shiikeawe raq, namshiq Juda mungti nai Jerusalemti khuthaq na, Ngi raq mitiithenbaiqha nguta ikiqkham kang thun thenjen wan kriishe mitiisaüha. Ngi raq namshiq khuthaq na arthun tiisaü wan tiikang jamkhano ngukla, ümtiikiiwa Ngi raq namshiq ma ümtin khan wa chongkuq wan kang kra, namshiq raq taiman riilan, kiimaq Ngi raq namshiq heawan phata, namshiq raq ibom tre man riilan.”

JEREMIA 7:13

Ngi raq namshiq ma bliiq kiki chongkuq wankang. Shatmaq namshiq raq arthun ngarai tang wan lan. Namshiq raq ibom taiman, ikiq khiiwan lan. Ngi raq namshiq mangchong lata heawan pha jiila, namshiq raq ibom ka treman.

JEREMIA 7:17

Tsangshiq raq Juda mung na chela thun na nai Jerusalem na chiihea lam thun kiijaq jamlai wa klotlaq kra chhimaü shea?

JEREMIA 7:18

Noserekong riika chin riichom thamtlo. Maiqwere riika wacha kra chaqtlo. Kiimaq jechakre riika winsii ka wa na kotlo, raüta jechak nyung phra kaü tsangshiq raq Ramungtan Hokhamnyung ngutlaq kriima kuqtlo. Kiimaq tsangshiq raq ngi tiichamchao miitu che ka sumla phra ahinti thun miimin tiibok kuqtlo.

JEREMIA 7:25

Namtitiim pat na Ejip mung maq laüwantaq ranaiq maq pha wan raüta, ümchaü ranaiq niitaq saüli, ngi raq ngi ijaqshisetiim shammibi ka namshiq pha na tiiki ruqli tiikitiikang.

EJEKIEL 16:36

Tati Rakaü Hiqwe raq ara ngutlo: “Ümniiraq ümkhea thun kra chhut laüta, mephe nyung ikha, ümkongtiwetiim ma ümkhum ka kuq laü. Kiimaq maiqphai asi sumla phra thun kriima ümkhum ka kuq laü. Kiimaq ümniiraq ümsetiim nosere kong ka sumla phra thun kra shomnoq ma takuq wan laü.

EJEKIEL 16:47

Riita, ümniiriimin tsangshiq jaiphan phan tsangshiq jamkho maiqphai asi shonga wantaq kiikhiisii siwan sha rotlaü? Riimak. Ümnap ümji ajejeti dongdii min, ümniiriika tsangshiq nam ma naolaq, tiibitaq nü maq chonglot mai chang ashut klo wan laü ihata.

EJEKIEL 18:31

Namshiq raq ümchuwa abi klo wan lan thun kra wiita thaqbaiq ronglaq. Lanta namshiq maiqmii miitu khutsai anye kiimaq tsantsii anye she lap ronglaq. Namshiq Israilnok ka jam nguta tsairo wa?

EJEKIEL 8:10

Krai mren, ngi ka wang mong niishe nyap wan kang. Lata liikang. Liikangta kra khechong thun kiijaq awaiq paü sumla phong, kiimaq laihin ashe ashi phan ngamsaü ngiqse sumla phong pahea kiimaq laihin sumla phong Israilnok raq shomnoqtlo chhikang.

DANIEL 9:6

Ümniiraq ümjaqshisetiim shammibi tiiki laüta, naihokhambi ma, nai mungtubi ma, naiti tipaitiim ma, kiimaq naimungti mungmaiqse tlotli ma, ümmang chong raüta tra tiihokuq wan laü. Kra naishiq raq lang wan mai dea riikai.

JEKERIA 7:7

Ara bomtsi arka Tatiwe raq apaiq shammibi lümaq, man na Jerusalem ka chiithe, kiimaq mungmaiqse raq ama siwantlaq, kiimaq kra chela tro na chela thun niimin, kiimaq shemai nü wang nai shenyap nü wang na mungmaiqse ka pahea siwantaq choji na achong.

1 Peter 4:3

Namshiq raq thatsang maiqse rilung ka man na, luhea asi wan kun she. Kra lea wan lan akhing na, ashe ashi rai riinyat shat, kiijoq kiicham, cherop nyiipthop, che raq chok lanta hi awaq kong ikha jechak maiqwe riitsam nyiim lanta, adam na riipo na siwan lan ihata. Kiimaq maiqphai asi chang sumla shomnoq riitsam nyiim lanta siwan lan ihata.