LEWI 26:43 - ASII LAKDAP Bible (BSI)

⁴³ Shatmaq, aphana, kra mungwa maiq thun ka kongkhu tiisiirai jobaiq chang. Kra riihaütiq hiqkhu rakhu thun raq niitiitsak rahiq tiinyili mihaisiq. Kiimaq tsangshiq raq Ngi raq akuqha thungtri raütu thun jin wan kha na nai kiimaq Ngi raq akuqha aming thun kra tlea wan kha na thumli tsangshiq kha tham kra kewan ratlo. Raüta chamchao homa kra howan ratlo.

Hawa Naga Bible 2001

⁴³ Vphaungc shauk shauk, kvruex mungtan wawc miqsaz htenc kuex tvsawc gay yix maq jix, kuiyqshuik nyec tvkuiyq lvp shuex nuiyc vkoz vkez lvp wuez shuex, tsuingshiq rueq ngvy tvrac nuiyc ngaz rueq nvr tauk kvjaz htenc kuex khawc lvlc gay ningkhvnc nuex murx mvrc laz tvgurc rvhumc tueq lvmz kuex kvjungc wuez tuex.

LEWI 26:43 Referencias Cruzadas

2 KAÜWA WERAÜ 33:12

Achamchaotsi miishe apaiq tsantsii ka anin she riito. Raüta amiira ka tiiduto kiimaq Tatiwe apaiq Shiikeawe wokhong na nyap nongto. Kiimaq apaiq jaq wa khrum kuqlaq nguta achu jaüto.

2 KAÜWA WERAÜ 36:21

Krai mren she Tatiwe raq shammiwe Jeremia lümaq riisham bomtsi akha tiithaitaq kriishe kupi wanto: “Armung arka rawii roqmiishi hiqmiq changkhü ma mitiija baiq wan, kriika Niitiitsak akhing lang wan mak tlea baiq wantaq kra tiinyi wan miitu miraq.”

YOBA 5:17

Kechu jonghea juwa Shiikeawe raq tran tsii tlaq! Apaiq raq ümniika sontam haüla naqthaikiq.

Tvtsvmc 119:67

Kongkhu niika ümniiraq ngi mitsat sonhaü shaq na, ngi ka lamjiq na kiholili riikang, shatmaq ümchaü sanha ümbomtsi wokhong na sitiikang.

Tvtsvmc 119:71

Ngi raq mohokang ka ngi ma ahea miitu, jamkhano ngukla kra raq itsii tiichhi kha maq ngi raq ümnaq aming thun shrin wan kang.

Tvtsvmc 119:75

Ngi raq asapha ümniiraq kha photlaü ka tingting, Tatiwe lei, kiimaq ümniiraq ngi ma mo tiiholaü ka ngi tsapkap laüta tiiholaü.

Tvtsvmc 50:15

Chamchao ranaiq na ngi healaq; ngi raq ümnaq mitiichhii kang, kiimaq ümniiraq ngi mitiitsam haü.”

Tvtsvmc 50:17

Ngi raq ümniima tsii chongkuq phata akhii riilaü; ümniiraq ngi aming raütu no na tsuq baiqlaü.

ISAIA 26:16

Tatiwe lei, ümniiraq ümsenginok ka sintsang maq tsat laü; kiimaq üm motsi ma tsangshiq raq ümjaq wa achu jaüto.

JEREMIA 31:19

Naishiq ka ümwokhong wa juhokai, shatmaq jaqlo liipan niili ümwokhong na jangwan nong lungwiitiikai. Ümniiraq naishiq ma mo tiiholaü she, naishiq raq naitok ka hiq na kurang hoqsiqkai. Naishiq raq jea ngaükai, kiimaq naishiq khushü tiijamkai, jamkhano ngukla naishiq noseji na ngarai tangkai.’

DANIEL 9:14

O, Tatiwe lei, naishiq Shiikeawe lei, ümniiraq naishiq ka sintsang maq tsat wan miitu khekham khewan laü. Krai mren, naishiq ka tsat wan laü. Jamkhano ngukla ümniiriika tingting tri maq shin laüta, phokuq wan laü. Kiimaq naishiq raq ümbom ka tai wan mai riikai.

LEWI 26:11

Ngi ka namshiq rai Ngi asii tombutiip na misiha. Lata Ngi raq namshiq ka ümtiikiimin baiqthü mang she mirha.

LEWI 26:15

Namshiq raq Ngi raq akuqha thungtri thun nai aming thun kra lang man tlea hanla, kiimaq Ngi raq namshiq rai tongshong wan kang bomkham raütu thun kra jin wan hanla,

LEWI 26:30

Namshiq raq hiq lam thun na shomnoq tlan jam thun kra wiita mitiithen baiqha. Namshiq raq homseng honglu kechang berong-wacha thun ka wiita michaibaiqha. Lata nam maa phong ka namshiq raq shomnoq tlan sumla thun hiq na riiphongtlaq kriithaq na miphong baiqha. Arka itsankhiq tsi ma makshu tsi miishe mikloha.

LEWI 26:41

Tsangshiq raq Ngi ka wesang ralii ma tiija wanto. Kriikha na Ngi raq tsangshiq ka tsang jatinok mung na rewa munglu wanshawe ma tiija baiq wan kang. Atiisup niishe, ümtiikiiwa namsaü namsetiim pat na tsangshiq ka aran miishe jaraüta kiimaq tsangshiq ngarai kha nai tsangshiq raq ikiq khii wantaq kha ka thamkuq lottoshe angu niitiq,

AMO LUIK DVP (AMOS) 5:10

Tsangshiq raq rung na tsii chongketi shutlo, kiimaq alam bomtsi chongti ngengtlo.

JEKERIA 11:8

Shatmaq ngi ka sku rümti maiq wetsam kriirai, kiq ram wan lot mang she riikang. Tsangtsam raq ngi ka kai ngeng seng wanto. Kriikha niishe, jipi lüshi liipan niili, ngi raq tsangtsam ka ajo riibaiq kang.

John 7:7

Phiijawa raq namshiq shulii chang lamlu ka ahü. Shatmaq, ngi ka tsangshiq raq shulii tlo. Arka ngi raq tsangshiq ngarai lamphan ka abi nguta chongkuq tiikang kriikha maq ngeng tlo.

Romans 8:7

Arkha na tiina, juwa maiqmii han-ngam tiima tsantsii jaqkhon mong na sitlaq, kriiti ka Shiikeawe ma wesang. Ara jamkhano chongtiikang ngukla, apaiq ka Shiikeawe thungtri wokhong na silot mak. Kiimaq apaiq riika, ümkhiiriita jiimin, Shiikeawe tri aming ka lang lotmak.

TRI CHONGKE 32:36

Tatiwe raq asenginok mitiichhikuq, ümtiikiiwa tsangshiq ningkun thum ka apaiq raq chhijiiq. Apaiq shomnoqti ka apaiq raq mitiihangkuq, ümtiikiiwa apaiq raq tsangshiq ka tsaija chhunja chhijiiq.