AJONJÜ 1:1 - ASII LAKDAP Bible (BSI)

¹ Jerusalem chela ka man na asengi raq ama riito! Mangjong maiqse wiita raq kai ra tsa ikha tsa wanto. Shatmaq ümchaü san mantinyung ikhiishe; Chela rümti aki miikiimbi thun re raq jiip baiqto. Rewe jaqkhon mong na shumwi kong miishe tiija wanto.

Hawa Naga Bible 2001

¹ Mvnnuex laukshiz miq paunghvlc vkvlc vkawc yaungx tueq Yerusalem kuex piq lauk lauk dvyx shex ix! Laukshiz mungkawx kox maq tvtsanc nganc rvhumc yoalx nyuiuz kuex mvntix nyuiuz ikhoc yaungx yaq; ghaqyungx htenc wawc muingc jungc vhttax pinhtumc ghaq yungx kuex dax rullungx nuex httuiuc wvnc tueq.

AJONJÜ 1:1 Referencias Cruzadas

1 HOKHVMX 4:21

Solomon raq mung peng wantaq mungtan ka maiqmung ahin thun pahea tiiham wan damto. Kriithun ka Euphretis rai maq phawan raüta Philistia mung na saüli riito. Kiimaq riita Ejip mung hiqrai kiina saüli riito. Tsangshiq raq apaiq ma phunta kuqto. Raüta apaiq pat thumli apaiq wokhong na wanse ma siwanto.

2 HOKHVMX 23:33

Apaiq hokham jaqsham ka Ejip mung Hokhamwe Neko raq apaiq ka Hamath wang na Ribla chela wa lapho raüta munglu shumwi ma khawantaq kiijaq thumto. Raüta Neko raq Juda mung jaq wa tijong tsiiq kampho 3,400 kilogram, kiimaq chaq ka kilogram roqtsamri blai jaüto.

2 HOKHVMX 23:35

Hokhamwe Jehoakim raq Ejip mung hokhamwe raq tijong tsiiq sea kampho ümchuwa shiitep jaütlaq kra ke miitu mungmaiqse jaq wa khachna ka maiqmiimii loweatek raq tsiiq laptlaq kra tiiphan phan, apati apa, atsapti atsap riichom hito.

2 KAÜWA WERAÜ 9:26

Apaiq ka Euphretis rai maq rai wan raüta Philistain mung na saüli kiimaq Ejip mung hiq rai na saüli ham tlaq maiqmung thun hokhambi kunli thaq ajong pinthum mung pengti riito.

EJRA 4:20

Ajong ala hokhambi pahea raq, ara Euphretis Jürai maq Shenyap Mung nü ara peng wanto. Raüta phunta hisiq wanto.

NEHEMIA 5:4

Kiimaq, maiq wiijamti riika, “Naishiq ha hokhamwe ma wak phunta, kiimaq spiqro phunta thun kewan chang kampho ahü kha maq, kampho nam laita, maiqtijong howan kai. Laita kra kampho maq phunta kuq wan kai.

NEHEMIA 9:37

Naishiq minshiiq hunnii wankai, hokhambi ma tijong hihi kuq wan kai. Arka naishiq ngarai tang wan kha na, ümniiraq naishiq ma, dise kharü li she tiiho kuq laü. Tsangshiq raq naishiq khuthaq na, naishiq nyamse khuthaq na, ji maq nishishi lishe, tiichamchao wanto. Naishiq ka pinthum pitlang pitthea, chamchao kharü mong na, sitiikai!”

Tvtsvmc 122:4

Arjaq maiqphan thun ka watlo, Israilnok maiqphan thun kra watlo, apaiq aming thun kra phan phan, Tati ma kechutumke wa.

ISAIA 14:12

“Bebilon mung hokhamwe, ranap saiqwüpo lei. Ümniika ramungtan wa dea wan laü she! Man na ümniiraq maiq mung thun pahea khat laüta jiiwan laü. Shatmaq ümchaü ümniika hiq niishe tiidea baiqto.

ISAIA 22:2

Chelati mungmaiqse ka arii ariiq, agi asii watrang kiimaq achhang ahang watrangla. Ümsengi ara redong na tsaitaq thun ka rekhat lam maq tsaimak dea.

ISAIA 3:26

Chela kilamchong thun ka maaho manyi she miraq. Kiimaq chela apaiq kra dongdii min, jechak nyung naiqhü ma, hiq na ngaraü ikha miraq.

ISAIA 49:21

Kiijiishe ümnaq nai ümniishe mitiingohaü, ‘Ngi ma isetiim achu arka juraq achiikuq wa? Ngi raq isetiim wiita sumkang kiimaq isetiim anye ka humlot mangshe riikang. Ngi ka munglu shumwi ma tiijato raüta pong mung na jobaiqto, riita arthun isetiim arka juro tiichhanchhi kuqta? Ngi ka ngi laqlaqseli she baiqthüto, arthun nosere kong arka ümbawo saü hota?’”

ISAIA 50:5

Tatiwe raq ngi ma taksu tsii kuqto, krai mren ngi raq apaiq kiq khiimang, riimakla awokhong wa ahin na juho mang.

ISAIA 52:2

Jerusalem lei! ümdü wa kharii thun ka pantham panthit panbaiqlaq! Laüta lüwa nyung miishe jalaq. Hiq na botkhulai na ngatlaü kiiwa tiidolaq, laüta ümhokham ngacho kiijaq ngalaq! Ümdü na kharü raütu maq khatlaq thun kra chumbaiqlaq! Jajon chelati dikong lei!

ISAIA 52:7

Pinthum thuktsomhea miraq pumkaü ji maq tsasoqtiwe kairai liisea ka, tsütsa ahea soho raüta, khusang rakhang tsütsa! Apaiq raq rekhat tang wan tsütsa tiitaitlo, raüta Jajon ma ngutlo, “Üm Shiikeawe ka hokham!”

ISAIA 54:4

Ümniika naqhaikiq, ümkhushü ka tiijam nong mak she miraq; ümniika maiq raq jamsha nongmak she miraq. Ümniiraq nose wanyeji na ümwese rai samhea simaü lea wan laü akhing ka alaq she mirbaiq haü, kiimaq manti nyung rilung waqkhü kham nyangli chamchao wan laü kra alaq she mirbaiq haü.

JEREMIA 31:7

Tatiwe raq ngutlo, “Israilnok miitu chojong chise shinge ronglaq, maiq mung ajong pinthumti thun raq. Namshiq raq tiitsam shi ka shi ronglaq, ‘Tatiwe raq atiichong arkiti thun chhiiwanto she; jaina ümchuwa tiichong kitaq thun wiita chhiikuq wanto she.’

JEREMIA 40:9

Gedalia raq tsangshiq ma akha chongkuqto, “Ngi raq namshiq ma kamtu kamtaq maq chongtiikang, namshiq ka Bebilon mungti puk na nyap wan ma jamlai haisong chang ahü. Namshiq ka armung na aheawiq maq shongnga ronglaq. Lanta Bebilon mung hokhamwe kli shiikum pan ronglaq. Kra raüla, namshiq ka hansang rakhang maq misi han.

JEREMIA 42:2

ngi ma chongto, “Mangchan laüta naishiq raq jamlai wa jaütiikai kra shamkuqlaq! Nashiq Tati Shiikeawe jaq wa, naishiq miitu achu jaü laq. Naishiq re jaq song ümchuwa tiichongkaiti thun tlotli miitu achu jaü kuq laq. Man na nashiq ka maiq pahea riikai. Shatmaq ümchaü sanha atsapseli she tiichongkai. Arka ümniiraq ümmak maq achhihaü.

JEREMIA 44:2

Tati Ningkun Ajongwe, Israilnok Shiikeawe raq nguto, “Namshiq maiqmii raq chhilan she, Ngi raq Jerusalem nai Juda mung wa chela ahin thun wiita tiithenbaiq kang kra. Ümchaü niitaq saüli kra chela thun ka ariim arki abun kaiwi sitlo kiimaq maiq ka jumin simak ahü.

JEREMIA 44:6

Kra ningkhan she, Ngi raq itsankhiq walü tu maq Juda mung na chela thun kra kiimaq Jerusalem chela mong na chiiheawea lam thun kra wiita wa maq chaqbaiq kang. Krai mren, kra chela thun ka wakhiim wabun phongli she sitlo. Ümchaü niitaq saüli kriithun ka hiqmiq changkhü miishe jakito. Maiq maklii na phiiptsi jiiptsili she sitlo.

JEREMIA 50:23

Bebilon mungti raq mangjong tlot li ka sintu maq abuk ikha wiita tiibun baiqto. Aphan aphu tonglong li she. Shatmaq ümchaü sanha, kra sintu po kaü kriika wiita she bunkito! Mangjong hiqraikhü na siti mangjong maiqse kunli raq Bebilon mungti then wan kra chhi raüta akii anyiili she sitlo.

JEREMIA 9:11

Tatiwe raq ngutlo, “Ngi raq Jerusalem ka bunlak mishthenbaiqha, miikakoi kong haisea chang miishe mija wan; Juda mung wa chela thun ka wiita kumtsaiphii rumnyangkhi miishe mijaki, maiqse sichang riimak she mijaki.”

AJONJÜ 1:19

“Ngi rai reraüshiti mung thun tiihea kang, shatmaq tsangshiq raq ngi laobaiqto. Ramwebi nai shiilangbi, tsang ramtsi ma chela mong na, phaqsea rit lam maq atsitsü thumto.

AJONJÜ 2:1

Tatiwe raq atsankhiqtsi ma Jajon ka, ranyaq maq khup baiqto, apaiq thaq wa ramungtan khushü chhainyii, ashthen riibaiqto. Apaiq tsankhiq ranaiq apaiq raq, Shomjam kiimin tiishaübaiqto.

AJONJÜ 2:10

Jerusalem wa nyungwere kaiqshakshak maq, hiq na ngaraqraq, tsangkhu na botkhulai tiinyat raüta, wunthaü riinaü khea riijob sam raqraq. Junriire ka tsangtok hiq na kuraqraq.

AJONJÜ 4:1

Nashiq chaq achhai anyii thun ka, mutmaqmaq she, Shomjam longpenkaü thun ka, chiiheawea lam na riiphongtlo.

AJONJÜ 5:16

Man niiwa naishiq, liisaü wase rilung khushü thumto she. Naishiq raq ngarai tangkai, kriikha na ümchaü miqkai she.

EJEKIEL 26:16

Khamjong chumkii tro na siti maiq mung thun kiiwa hokhambi ka tsangshiq hokham ngacho thun wa hiq na misatki. Tsangshiq raq awaiq angon miirii samtlaq thun kra michhutbaiq. Raüta hiq na atiikhai rokrok minga. Tsangshiq raq ümnaq thenjen wan kra chhi raüta, tsang haisitsi ma atiikhai watrangli she miraq. Atsaq min tsaq mak mitiikhai.

EJEKIEL 26:2

“Maiqse lei, Tajar chelati raq akha ngu raüta chochi siqtlo. Tsangshiq ka, ‘Jerusalem ka bunto she! Apaiq laopan ja ningkun kiimin thento she! Apaiq ka nashiq rai riilong pailot mak she!’

EJEKIEL 5:5

Tati Rakaü Hiqwe raq nguto, “Liilaq Jerusalem ka. Ngi raq apaiq ka mangjong hiq na maiq mung thun ümchuwa diimtlaq kriima among tingting ba na shongkang.

LEWI 26:31

Ngi raq nam chela thun ka hiqmiq changkhü miishe mitiija baiqha. Namshiq raq sumla noq tlan hiqba thun kra wiita mitiithen baiqha. Kiimaq namshiq raq Ngi ma honglu takuq tlan thun kriika tao mang she mirha.

LEWI 26:33

Ngi raq namshiq khuthaq na chiq are pahea mitiidong wanha. Lata namshiq ka pongmung pahea na wiita anyin mirbaiqha. Nam mung ka shaq miishe miraq. Kiimaq nam chela thun ka wiita botkhulai rai mishot baiq.

JEPHANIA 2:15

Jarap jirap siwanti chela ka, maiqmii ningkun kiidea ajong nguta, shiikong mlong siti ka, kiimaq jamlai riimin chhechha lot mak nguta, tiimaseati ka akha mithenki. Kra chelati raq tsang chela kli, mangjong hiqraikhü na ajong pinthum nguta, tiimasiqtlo. Kriika hiqmiq changkhü miishe mijaki; kiijiika rumnyamsekong li she misi! Maiq loweatek kra lam maq khumti, kra chhi raüta phiip raq mitsai.

Revelation 18:7

Arilung na pilipiilii achhai anyii, chamtraq wok phetaktak tiipongpii wanto. Ümchaü sanha riitsi tsaitsiiq she tiichamchao wan laq. Among jii na tiishomrato, ‘Hokham nyung ka ngi la, manti-nyung ngi riimak la, maaho maajü jümii ngi raq sap mang la.’