AJONJÜ 1:1 - Hawa Naga Bible 2001

¹ Mvnnuex laukshiz miq paunghvlc vkvlc vkawc yaungx tueq Yerusalem kuex piq lauk lauk dvyx shex ix! Laukshiz mungkawx kox maq tvtsanc nganc rvhumc yoalx nyuiuz kuex mvntix nyuiuz ikhoc yaungx yaq; ghaqyungx htenc wawc muingc jungc vhttax pinhtumc ghaq yungx kuex dax rullungx nuex httuiuc wvnc tueq.

ASII LAKDAP Bible (BSI)

¹ Jerusalem chela ka man na asengi raq ama riito! Mangjong maiqse wiita raq kai ra tsa ikha tsa wanto. Shatmaq ümchaü san mantinyung ikhiishe; Chela rümti aki miikiimbi thun re raq jiip baiqto. Rewe jaqkhon mong na shumwi kong miishe tiija wanto.

AJONJÜ 1:1 Referencias Cruzadas

1 HOKHVMX 4:21

Solomon mungtan kuex Euphrat Ruilx maq Philistin mungx nuiyc Ejip mungx ghaqruiy nuex httuiuc laz httax yaq miqphvnx lotlaz httax yaq baung htenc lomx tueq. Tsuingshiq kuex piq muex hihic rawc rawc kuq ruiux hokhvmx waz vtvraungx wawwawx piq khung nuex httax wuez tueq.

2 HOKHVMX 23:33

Piq rueq guimz lawc yaq kuex tvsuip gay muex ngoz tueq Ejip Hokhvmx Neko rueq piq kuex lvp vtueq Hamat mungx Ribla ghaq nuex khoktep nuex shauk ruiux, kuimphox kilogram 3,400 nuiyc kuimshawx kilogram 34 kuex hihic kuy tvkoc Yuda miqsaz htenc muex tvhtawc tueq.

2 HOKHVMX 23:35

Hokhvmx Jehoiakim kuex Ejip hokhvmx waz rueq thoz yaq hihic rawc rawc kuex kuy lot tvkoc, mungx miqsaz htenc lomx naungx yaq tsak vnyvmx wawc kuq lot shuex tanc khvnc hic kuq tueq.

2 KAÜWA WERAÜ 9:26

Piq kuex Euphrat Ruilx maq Philistin mungx nuiyc Ejip mungx ghaqruiy nuex httuiuc laz kvruex hvlwvl wawc mungtan htenc guimz lawc yaq hokhvmx bix lotlaz htauk nuex muinz vjoz pinhtumc waz rvtueq.

EJRA 4:20

Luimc vkawc yunghvlc hokhvmx bix rueq guimz lawc vtueq Euphrat maq Shalx nyuip kox mungx hong lotlaz kuex guimz ruiux, hihic rawrawc htenc hic wuez yaq.

NEHEMIA 5:4

Vganc jix rueq hulawx, “Nuiyshiq rueq nax nuiyc svpiq sunc laung hihic kuy muex kuimphox nvmc tiq.

NEHEMIA 9:37

Nuiyshiq kuex mvrax yaq wuez tiq ningkhvnc nuex nuiyshiq muex mnoz rueq tvguimz tvlawc phux hokhvmx bix kvraq dvyx shex lvp luz wuez yaq. Kvruex hez rueq nuiyshiq nuiyc nuiyshiq suiux vmanx htenc kuex tsuingshiq rueq tvmaung shuex kvkhoc nvr wuez yaq, kvkhoc rvtueq nuiyshiq kuex pinhtumc htemrvmz wvnc vtix!”

Tvtsvmc 122:4

Vruex ghaqyungx kuex vpiq nvrc bomc rulc rv-ngvlc Yehowa muex kejux vyungx ngoc kuy tvkoc vphvnx htenc nuiyc Israel phvnx htenc rvtuimx kay juing baung rvtueq.

ISAIA 14:12

Raungnvp ruiywuic poz, Babelon hokhvmx waz lex, mnoz kuex raungx maq dvy wvnc vtuiux nyix! Kungkhux nuex mnoz rueq miqphvnx ruip rawx khvt taungx wvnc toq, yuq muinz majuiuc kuex ghaq nuex tuip gay shex rvhumc toq.

ISAIA 22:2

Wvghaq pumz nuex miq htenc phoal phak wuez vtueq, guyc sez tvruingc htenc mvrc yaq. Vruex ralx lungc nuex thueyc wvnc tueq mmiq htenc kuex rvyap vtueq thueyc jix hez rvmuq.

ISAIA 3:26

Ghaqyungx kaluix htenc kuex khoarsez wuez vtueq, ghaqyungx kuex sawkumx put gay ruiux ghaq nuex ngaungc yaq yalxjuik nyuiuz shiz ikhoc yaungx wvnc tuex.

ISAIA 49:21

Kvkaq mpumz kv-ngoc tuiux kuex, ‘Ngvy tvkoc nox htenc vruex ukhaq rueq vjawx kuq lac? Ngaz rueq nosaz rulx kuex tvmoz gay tauk, vganc humc lot mauk shex. Ngaz kuex thuq wvnc vtueq yurc gay rvhumc tauk, vruex nox htenc kuex uraq lac dungx ghaq tvnx? Ngaz kuex ngvy lauk lauk dvyx rvtauk, vruex nosaz rulx kuex mruex wawc vhttuiuc kaz lac?’” ngoz tueq ngoz shuiux.

ISAIA 50:5

Yehowa rueq ngaz muex vtuiuz tay juing kuq phuex ningkhvnc nuex, ngaq rueq khawx lvlx mauk vpiq kuex koayc gay ruiux kaz wvnc mauk.

ISAIA 52:2

Yerusalem lex, mshauk pumz nuiuc buil shuiuz! Bokkhuyx kvwawc kvtenc vtueq mhoc daungraungc htauk nuex ngaungc kuiuz! Zion ghaq jix wuinz saz hez lex, mnoz vkhvrc yanx ruiuz htenc kuex dawc gay shuinz!

ISAIA 52:7

Nomic ngoz yaq thuix thaungx vhvlx kuex lvmc lvy jix, kamx waz vshiz kanx laungx yanz wvnc yaq khic kuex mtanc khvnc vwangc juing lac nyix! Taungx wvnc lvmx kuex tvtay vtueq Zion muex ngoc, “M-Tishox kuex hokhvmx!” ngoz tueq.

ISAIA 54:4

Nauk hiz kaz, mnoz kuex lauk shiz m-yvlc sac tuex rvmuq; mnoz kuex vshummarc rvhumc tuiux rvmuq. Mnoz kuex tvmtuing vguez juik nyuiuz nosaz yaungc jauz muinz, mvntix nyuiuz ikhoc thuinbac rvhumc wvnc toq muinz mnoz rueq lauk gay shuiux.

JEREMIA 31:7

Yehowa rueq, “Miq phvnx htenc wawc vyungx vluz pinhtumc, Israel miqsaz tvkoc kokez shix wuez kuinz. ‘Yehowa rueq vpiq miqsaz kuex palc wvnc vtueq, kvjungx yaq htenc kuex daungc wvnc ningkhvnc nuex; vshic vngoyc maq tvtsvmc wuez shuinz.’

JEREMIA 40:9

Gedalia rueq tsuinghez muex, “Babelon miqsaz kox nuex koz vlaq httvr gay ruiux nyuip waungc tvkoc nuimshiq yvmx hiz juing muinz vguez lvmz ngaz rueq nuimhez muex jungx vphaungx. Vruex mungx vyuq httax vtueq Babelon hokhvmx waz muex shuimx kuq wuez shuinz, kvkaq nuimshiq kuex phvnx ruip saz nuex vhvlx yaungx tuinx.

JEREMIA 42:2

ngaz kox nuex kaz vtueq, “Nuiyhez rueq thoz vphix kuex kejux maq shuimx kuq koq! Nuiyshiq tvkoc Yehowa nuiyshiq Tishox kox wawc vjux thoz kuq koq. Nuiyshiq nuex kvjungx yaq miq htenc tvkoc vjux thoz kuq koq. Nuiyshiq kuex kungkhux nuex paunghvlc rvtiq; yuq muinz majuiuc kuex mnoz rueq khiz vshuiux rulc rv-ngvlc raungluingx dvyx shex kvjungx vtix.

JEREMIA 44:2

Tvphaungc Tvsuip Yehowa Israel Tishox rueq, “Yerusalem nuiyc Yuda mungx wawc vganc ghaqyungx htenc lotlaz htauk nuex ngaz rueq tvhttuiuc kuq tauk tvbac gay kuex nuimshiq rueq khiz tuit shex. Majuiuc doc muinz kvruex htenc kuex bac ruq dvyx, ukhaq muinz kvyuq httax yaq rvmuq,

JEREMIA 44:6

Kvkhoc rvtueq ngaz rueq Yuda ghaq htenc nuex nuiyc Yerusalem ghaq lvmx htenc htauk nuex ngvy thuinkhvy kuex ruiuc gay vtueq, kvruex htenc kuex wvr maq jauk gay tauk. Kvruex baung htenc kuex kvhttak bac wvnc vtueq majuiuc raungnuiyq khiz vshuinx rulc rv-ngvlc ghaqkuiyq ghaqkhvmx miqhiz vsac baung yaungx yaq.

JEREMIA 50:23

Babelon rueq mungkawx lotlaz kuex wungc rawc maq tvbunx jek gay tueq, majuiuc kvruex wungc rawc kuex bunx kaz shex! Miq phvnx lotlaz kuex kvruex mungtan nuex yaungx wvnc tueq kvmac kvkhuirc wuez yaq.

JEREMIA 9:11

Yehowa rueq, “Ngaz rueq Yerusalem kuex tvthuip tvkhvt tvbac gay ruiux, yaruix guyhex httaz juing muex tvyaungc shaungx; Yuda ghaqyungx htenc kuex kuiyqshuik kuiyq shix yaungx wvnc vtueq ukhaq muinz httax muq baung muex yaungx wvnc tuex,” ngoz tueq jungx tueq.

AJONJÜ 1:19

“Ngaz rueq ngvy nomic jix htenc kuex gvl tauk, yuq muinz ngaz muex romc kuq muq tvlvlc gay phuex. Shomc waz bix nuiyc vyungx vlaungx bix kuex miqmac shauk pumz tvraungx httaz tvkoc, phuiuz svy thuiyx yaq, yuq muinz ghaqyungx lvmx nuex thueyc kaz tsic tueq.

AJONJÜ 2:1

Taungjix rueq vpiq thuinkhaq vtueq Zion kuex raungx nyauk maq puingc gay tueq. Vpiq rueq raungmungx raungc hvlc ngauz vngax kuex tvbac gay tueq. Vpiq thuinkhaq yaq raungnuiyq vpiq Shomc Yuimx doc muinz tuip gay shec tueq.

AJONJÜ 2:10

Yerusalem wawc rullungx nyuiuz waz bix kuex ghaq nuex suinglix lix ngaungc vtueq, Tsuingshiq khux htenc htauk nuex bokkhuyx kop ruiux, tsuingshiq gvnz nuex ruiyhec khvy htumc htenc khelc svmx wuez yaq. Yalx tux nyuiuz rulx muinz tsuingshiq khux kuex ghaq nuex bumx wuez yaq.

AJONJÜ 4:1

Naungshiq kuimshawx phesuimz rawx nyaz kuex mut shut shut shex; Shomc Yuimx wawc lung htenc kuex lvmx laungx htenc nuex rv-nyanc yaq.

AJONJÜ 5:16

Nuiyshiq kvsomc parc juing yvmx muinz vguez shex. Nuiyshiq rueq mvrax yaq ning- khvnc nuex, majuiuc vkhoc rvhumc vtix.

EJEKIEL 26:16

Svmuktvrax yuix htauk nuex khuemx yaq miqphvnx htenc hokhvmx lotlaz kuex tsuingshiq hoc daungraungc wawc svt wvnc wuez tuex. Tsuinghez kuex hungluz khvy nuiyc vwuiyq vbaungx vruez khvy htenc kuex put gay ruiux kv-khuirc vtueq ghaq nuex ngaungc wuez tuex. Mnoz rvhumc vtuiux mkvmc kuex khiz ruiux yuq tsuinghez kuex kawc yawc vtueq kv-khuirc ruq kv-khuirc tuex.

EJEKIEL 26:2

Vpiq rueq, “Vthueyc rvyaq miq lex, vruex kuex Tire ghaqyungx wuinz kokez tvruingc rvtueq. Tsuingshiq rueq, ‘Yerusalem kuex kvhttak bac kaz shex! Kvruex ghaq wawc tsak nyvmx luimc kawc muinz htumx kaz shex! Kvruex ghaq kuex naungshiq rulc rvlongx lot phuex rvmuq shex!’ ngoz tueq guyc jungx tueq.

EJEKIEL 5:5

Johvlc Yehowa rueq, “Yerusalem kuex lawc shuiuz. Ngaz rueq kvruex ghaq kuex mungkawx vmungx baung nuex taq vtueq vganc mungtan htenc lotlaz maq tvkomc taq tauk.

LEWI 26:31

nuimshiq httaz tuinx ghaqyungx htenc kuex httak tvbac gay ruiux, nuimshiq rueq nawk palx shuinx htenc kuex tvbac gay shaungx, nuimshiq rueq shomc nawk kuq shuinx kuex ngaz rueq tvdux gay shaungx.

LEWI 26:33

Ngaz rueq nuimshiq kuex thuimkux ralx murx tvgurc ruiux, mungx ganc nuex tv-phvlc nyanc tvhttax gay phaungx, nuimshiq mungtan kuex miq yomx wvnc vtueq nuimshiq ghaqyungx htenc kvmuinz batac wvnc tuex.

JEPHANIA 2:15

Kvruex ghaqyungx kuex piq luimc vkawc muex ngamc ngax vtueq, kvguing kvwungx yaq ghaq ngoz tueq thuinz nuex tvmaung tvy ningkhvnc nuex, yaungx wvnc tuex lvmz rvtueq. Kvyuq httaz jix miq htenc rueq tsuingshiq ghaqyungx kuex mungkawx nuex vyungx pinhtumc ngoz tueq tvmaung wuez yaq. Kvruex ghaqyungx kuex ghaqkuiyq ghaq khvmx yaungx wvnc vtueq svl vwvl ngvmx saz htenc bumc belc guilc juing baung yaungx wvnc vtuex nyix! Kvruex maq lvy jix htenc kuex vkawc yawc raz tueq yix nuex yek wuez tuex.

Revelation 18:7

Piq kuex miqmac muingc jungc kvtenc pix vtueq, sahtok sapawx tsak vnyvmx lvp yaq rulc rv-ngvlc piq muex kuilc daz nuiyc yonzyec kuex tvyez kuq shuinz. Yvmx khoc lac ngoz ruiux lec piq pumz maq kv-ngoc yaq kuex: ‘Ngaz kuex hokhvmx nyuiuz rvtauk! Ngaz kuex mvntix nyuiuz rvmauk, ngaz kuex mkaq muinz yonzyex rvhumc taungx rvmuq!’ ngoz tueq.